Morgunblaðið - 26.04.1989, Qupperneq 7

MÓRGUNBIÍAÓIÐ:MIÐVIKÚlk&UR 26. APRÍL 1989
Bílverð hefur hækkað langt umfram
laun og annað verðlag;
Range Rover 112%
dýrari nú en 1987
VERÐ Á bílum hefur hækkað mikið að undanförnu og síðan í jan-
úar 1987 hefúr það hækkað um 66% til 112%. Á sama tíma hefúr
framfærsluvísitalan hækkað um 55% og laun sérhæfðs verkafólks í
fiskvinnslu um 38%. Hækkaðar álögur hins opinbera eru meginskýr-
ing verðhækkunarinnar og, að sögn Jónasar Þórs Steinarssonar
framkvæmdastjóra Bílgreinasambandsins, meginskýring þess hruns
sem orðið hefur í bílasölu á síðustu mánuðum.
Innflutningsgjöld af bifreiðum
hafa hækkað verulega síðan í mars
1986, þegar þau lækkuðu í kjölfar
kjarasamninga. Þá var bílum skipt
í sjö flokka eftir stærð og bifreiða-
gjaldið var frá 0% í minnsta flokkn-
um upp í 32% í þeim stærsta. Nú
er gjaldið frá 16% upp í 66%.
Jónas Þór segir þessa skattlagn-
ingu skýra hrun í sölu nýrra bíla á
liðnum mánuðum, enda um hreina
ofsköttun að ræða. Meðal afleiðinga
ofsköttunarinnar sé að ríkissjóður
tapar um tveggja milljarða króna
tekjum, sem gert hafði verið ráð
fyrir í forsendum fjárlaga. „Það
vill gleymast að þótt þarna sé notað-
ur gjaldeyrir, þá skapar þessi notk-
un hans vinnu, auk beinna tekna
til ríkissjóðs. Ef 250 þúsund krónur
í gjaldeyri fara í að kaupa bíl, þá
fær ríkið annað eins, en ef þú ferð
til útlanda fyrir sömu upphæð, hvar
er þá tekjumyndunin?“
Morgunblaðið kannaði hve mikið
bilar af nokkrum algengum gerðum
hafa hækkað í verði frá janúar
1987 til mars 1989, eða á rúmum
tveimur árum. Til samanburðar eru
höfð laun sérhæfðs verkafólks í
fiskvinnslu, eftir fimm ára starf,
einnig framfærsluvísitala. Lada
Lux sker sig úr, hefur hækkað um
66,5% á þessum tíma, milliflokkarn-
ir hafa hækkað nálægt 95% og
Range Rover um 112,4%. Á sama
tíma hafa launin hækkað um 38,2%
og framfærsluvísitalan um 55,1%.
(160,39 kr. á tfmann)
■JfWJI1138,2
Etifiid (221,65 kr.)
100,0
(296.000 kr.)
Daihatsu Charade
Subaru 1800
(560.000 kr.)
Volvo 740 GL
Range Rover Vogue
l 112,4%| (3.590.000 kr.)
Já, bílarnir hafa hækkað!
Samanburður á launum f fiskvinnslu, framfærslu-
visitölu og verði nokkurra bílategunda [
i januar 1987 og í mars 1989 v__
L.aun i fiskvinnslu
Framfærsluvfsitala
Skattamál Þýzk-íslenzka:
Lögtakskrafa tekin fyrir 18. maí
„Urskurður ríkisskattaneftidar áfellisdómur yfir
ríkisskattstj óra, “ segir Jón Steinar Gunnlaugsson
LÖGTAKSKRAFA Gjaldheimtunnar í Reykjavík vegna skattskulda
Þýzk-íslenzka verður tekin fyrir i fógetarétti 18. maí næstkom-
andi, að sögn Guðmundar Vignis Jósepssonar, gjaldheimtustjóra,
nema Gjaldheimtunni berist fyrirmæli um annað frá ríkisskatt-
sfjóra. Fjárhæð kröfúnnar var upphaflega um 45 milljónir króna
en gjaldheimtusljóri áætlar að með áföllnum vöxtum sé hún nú
komin í á sjöunda tug milljóna. Lögtakskrafan var þingfest í febrú-
ar á fyrra ári. Framhald málsins liefúr beðið úrskurðar ríkis-
skattanefiidar, sem fékk málið til meðferðar frá nóvember 1987,
er fyrirtækið kærði endurálagningu ríkiskattsljóra, og hefúr
nefndin nú vísað ft-á kröfúm beggja aðila, fyrirtækisins og ríkis-
skattstjóra, vegna vanreifúnar.
Jón Steinar Gunnlaugsson, lög-
maður Þýzk-íslenzka, segir að í
úrskurði ríkisskattanefndar felist
áfellisdómur yfir vinnubrögðum
ríkisskattstjóra í málinu og verði
leitað lögtaks muni lögmæti álagn-
ingarinnar véfengt fyrir dómstól-
um.
í niðurstöðum ríkisskattanefnd-
ar segir meðal annars að viður-
kennt sé af hálfu kærandans,
Þýzk-íslenzka , að framtöl ársins
1985 og eldri ára hefðu verið ófull-
nægjandi með þeim hætti að árs-
reikningar sem fylgdu hafi ekki
stuðst við fullnægjandi bókhald.
Álagning opinberra gjalda þeirra
ára, sem leiðréttingar sé krafist
á, hafi því ekki stuðst við við-
hlítandi framtalsgögn. Af hálfu
kæranda hafi ekki verið bætt úr
ágöllum með þeim hætti að unnt
sé að taka kröfur hans til efnislegr-
ar umfjöllunar.
Þá segir að ríkisskattstjóri hafi
við endurákvörðun opinberra
gjalda fyrirtækisins eingöngu
stuðst við nýtt skattframtal kær-
anda fyrir 1985 en, áður en gjöld-
in væru endurákvörðuð, hefði hon-
um, með tilvísun til ákvæða laga
um tekju- og eignaskatt, verið rétt
að fara fram á rannsókn skatt-
rannsóknarstjóra á framtalinu eða
krefja skattrannsóknarstjóra um
skýrslu um athugun sem farið
hafði fram á bókhaldi og skattskil-
um Þýzk-íslenzka vegna rekstrar-
ársins 1984. Hafi það verið sér-
staklega brýnt með tilliti til þess
að bókhald fyrirtækisins fyrir 1984
hafi ekki verið endurskoðað af
löggiltum endurskoðanda og því
hafi verið lýst yfir í bréfi stjórnar
kæranda að ágallar væru á bók-
haldinu bæði fyrir 1984 og fyrri
ár. Framtal og ársreikningar hafi
og bersýnilega ekki verið byggt á
viðhlítandi grundvelli.
Jón Steinar Gunnlaugsson sagði
mál þetta þannig vaxið að for-
svarsmenn Þýzk-íslenzka hefðu frá
upphafi leitað eftir samvinnu við
yfirvöld um löglega og réttláta nið-
urstöðu um hvaða gjöld því bæri
að greiða og hafi forsvarsmenn
þess vænst lögmætrar og réttlátrar
málsmeðferðar. Af hálfu ríkis-
skattstjóra hefði þeim hins vegar
verið meinað að njóta þess hagræð-
is sem lög heimili og með úrskurði
ríkisskattanefndar liggi fyrir að
endurálagning ríkisskattstjóra hafi
ekki verið byggð á löglegum
grunni. Ljóst sé að leiti innheimtu-
maður ríkissjóðs eftir lögtaki
vegna þessarar kröfu verði lög-
mæti álagningarinnar borið undir
dómstóla. Jón Steinar sagðist telja
að úrskurður ríkisskattanefndar
væri áfellisdómur yfir vinnubrögð-
um ríkisskattstjóra í þessu máli.
Eins og fram kom í blaðinu í
gær lítur Garðar Valdimarsson
ríkisskattstjóri þannig á að með
úrskurði ríkisskattanefnda sé mál-
inu lokið af hálfu skattayfirvalda,
krafan á heldur Þýzk-íslenzka
standi óhögguð og bíði aðgerða
innheimtumanns ríkissjóðs.
Hjá ríkissaksóknara hefur af-
greiðsla opinberrar rannsóknar á
fjárreiðum Þýzk-íslenzka einnig
beðið niðurstöðu ríkisskattanefnd-
ar. Hallvarður Einvarðsson ríkis-
saksóknari sagði í samtali við
Morgunblaðið að hann hefði ekki
fengið í hendur margnefndan úr-
skurð og vildi hann ekkert segja
um hvert yrði næsta skref ákæru-
valdsins í málinu.
Ungmennafélögin með landhreinsun
Átta þúsund manns hreinsa meðfram þjóðvegum
Ungmennafélögin í landinu munu í sumar gangast fyrir einu
umfangsmesta hreinsunarátaki til þessa. Helgina 10.-11. júní
verður rusl hreinsað meðfrain 5.000 km af þjóðvegum landsins
og munu þá um 8.000 félagar úr 233 ungmennafélögum taka
höndum saman um hreinsunarátakið. Gert er ráð fyrir að safii-
að verði saman um eitt hundrað tonnum af rusli.
kvæmdastjóra landhreinsunar-
innar.
Ungmennafélögin hafa, eins
og kunnugt er, lengi haft um-
hverfisvernd á stefnuskrá sinni
og hafa mörg þeirra haft á ári
hveiju ákveðinn hreinsunardag í
sínu byggðarlagi. Reynslan af
slíku framtaki hefur leitt til stór-
bættrar umgengni, að sögn Jó-
hönnu Leópoldsdóttur, fram-
Jóhanna sagði að allir væru
velkomnir til þátttöku í land-
hreinsuninni, ekki aðeins ung-
mennafélagar, heldur allir aðrir
sem áhuga hefðu. Eingöngu
verður unnið í sjálfboðavinnu og
í samvinnu við sveitarfélögin
verður lögð áhersla á að ganga
frá sorpi á sómasamlegan hátt.
Jóhanna sagði að einnota um-
búðir flæddu nú yfir landið og
hefði mörgum félögum þótt heill-
aráð að nýta hið mikla og
víðtæka afl, sem ungmennafé-
lögin byggju yfir, til að lyfta
grettistaki í umhverfismálum.
Því hefði verið ákveðið að taka
myndarlega til hendinni um land
allt og gangast síðan fyrir þjóð-
arátaki um bætta umgengni um
landið.
Framkvæmd landhreinsunar-
innar verður þannig að hvert
ungmennafélag sér um að heinsa
15-20 km svæði á heimaslóðum.
Félög í þéttbýli, svo sem Breiða-
blik, Stjaman, Grótta, Fjölnir og
Víkveiji, munu hinsvegar ein-
beita sér að hreinsun fjallvega.
„Þetta átak er ekki aðeins hugs-
að sem hreinsunarátak heldur
líka til að vekja fólk til um-
hugsunar um bætta umgengni
við landið okkar,“ sagði Jóhanna.
Þeir, sem áhuga hafa á þátt-
töku í landhreinsuninni, eru
beðnir um að hafa samband við
viðkomandi ungmennafélög eða
þjónustumiðstöð UMFI í
Reykjavík.
Fólk er í
hættu vegna
skotmanna
Vogum.
„Fólk er í verulegr: hættu,“
sagði Björgvin Lúthersson,
hreppsnefúdarmaður i Höftium,
i samtali við fréttaritara Morg-
unblaðsins vegna skotmanna,
sem gert hafa vart við sig í sand-
græðslunni í Höfnum að undan-
förnu.
„Það er skotið á allt sem hreyfist
í þeirri trú að á ferðinni séu fugl-
ar. Það eru margir, sem hafa af
þessu þungar áhyggjur enda mikið
um ferðir fólks á þessu svæði og
lögregla hefur haft afskipti af
nokkrum skotmönnum að undan-
förnu,“ sagði Björgvin.
- EG
Blönduós:
Fjórir tekn-
ir vegna ölv-
unaraksturs
Blönduósi.
ÓVENJU mikið var um ölvunar-
akstur í A-Húnavatnssýslu um
síðustu helgi, að sögn lögregl-
unnar á Blönduósi. í einu tilvik-
inu endaði ökuferð utan vegar
án verulegra slysa á fólki, en
bifireið ónýt talin. I öðru tilfelli
þurfti lögreglan að elta Bakkus
undir stýri frá Blönduósi fram í
Blöndudal um 40 kílómetra leið.
Eins og áður er getið var óvenju
mikið um ölvunarakstur um sl.
helgi, en alls voru 4 ökumenn tekn-
ir grunaðir um ölvun við akstur.
Að sögn lögreglunnar byijaði þessi
ógæfuhrina aðfaranótt laugardags-
ins og síðasta tilfellið var rétt eftir
hádegi á mánudag. Á sunnudag
þurfti lögreglan að hafa afskipti af
ökumanni vegna gruns um ölvunar-
akstur en sá sinnti ekki stöðvunar-
merki lögreglunnar. Eftir töluverð-
an eltingaleik tókst að stöðva öku-
manninn fram í Blöndudal. Smá-
vægilegar skemmdir urðu á báðum
bílunum vegna eftirfararinnar. Auk
þessa sem að framan greinir varð
árekstur tveggja bifreiða á Hrúta-
fjarðarhálsi um miðjan dag á mánu-
dag. Töluverðar skemmdir urðu á
bílunum en ekki er vitað til að um
slys á fólki hafi verið að ræða.
Jón Sig.
Btombera
eldavélar - úrvals
vestur-þýskt merki.
5 gerðir — 5 litir.
Hagstætt verð.
Góð greiðslukjör.
____________ÍiÉiíi___
Einar Farestveit&Co.hff.
BORQARTÚIMI28, SÍM116996.
L«IA 4 stoppar vlð dymar