Morgunblaðið - 10.05.1989, Qupperneq 20

20
MORGUNBLAÐIÐ MIÐVIKUDAGUR 10. MAÍ 1989
Skólastjórar framhaldsskólanna;
Allir kostir slæmir
I athugun að útskrifa Verzlunarskólastúdenta án prófa
Skólastjórar framhaldsskólanna, sem Morgunblaðið ræddi við eftir
fund þeirra með menntamálaráðherra í gær, voru mjög áhyggjufullir
yfir áframhaldandi verkfalli framhaldsskólakennara. Flestum kom
saman um að það kæmi nánast ekki til greina að útskrifa stúdenta
án þess að þeir tækju tilskilin próf, en það væri jaftivondur kostur að
láta þá sitja i prófiim í sumar. í Verzlunarskólanum er hins vegar í
athugun að útskrifa stúdenta á tilsettum tíma, án prófa.
Morgunblaðið/Emilía
Guðni Guðmundsson, rektor MR, Hörður Lárusson, deildarstjóri
menntamálaráðuneytinu, og Aðalsteinn Eiríksson, rektor Kvenna-
skólans, ræðast við fyrir fúnd skólastjóra með ráðherra í Gömlu
Rúgbrauðsgerðinni í gær.
„Nemendur mínir hafa gert þá
kröfu til mín að ég útskrifi stúdenta
á réttum tíma, 26. maí,“ sagði Þor-
varður Elíasson, skólastjóri Verzlun-
arskóla íslands, í samtali við Morg-
unblaðið. „Ég hef spurt ráðherra
hver hans viðbrögð verði ef skóla-
stjóri Verzlunarskólans verði við
þessari kröfu. Hann hefur lofað mér
svari innan fárra daga.“
Þorvarður sagðist ekki hafa tekið
afstöðu í þessu máli sjálfur, en það
yrði væntanlega tekið til afgreiðslu
í skólanefnd Verzlunarskólans eftir
helgina. Einnig þyrfti að athuga það
betur lagalega. „Þeir menn, sem ég
hef spurt, segjast ekki geta séð ann-
að en að skólastjóri og skólastjórn
Verzlunarskólans ákveði með hvaða
hætti útskrift fer fram. Ég lít engu
að síður svo á að við útskrifum ekki
ef ráðherra bannar það. Mér er hins
vegar ekki ljóst, hvemig hann ætti
að banna það, og reyndar ekki held-
ur hvemig hann ætti að leyfa það,“
sagði Þorvarður. Hann sagðist ekki
fá séð, að það væri verkfallsbrot að
skólastjórar útskrifuðu stúdenta,
hvorki í Verzlunarskólanum né öðr-
um skólum, þótt kennarar væru í
verkfalli.
„Þetta yrði auðvitað slæmur kost-
ur, vegna þess að við þurfum ekki
aðeins að leysa þessa deilu, það þarf
að leysa hana þannig að skólastarf
geti hafizt í haust,“ sagði Þorvarður.
„Það kann að torvelda mjög að skóla-
starf geti hafizt með eðlilegum hætti
ef þetta verður gert, þar sem kennar-
ar gætu orðið því mjög andvígir. Á
hinn bóginn verðum við líka að líta
á það, að ef Háskóli íslands ætlar
að taka nemendur inn án útskriftar,
til hvers væri þá látið ógert að út-
skrifa þá? Það væri aðeins í einum
tilgangi; að svipta nemendur ánægju
útskriftardagsins, sem er einhver
stærsta stundin í lífi margra manna,“
sagði Þorvarður. „Það er búið að
kenna þeim allt, sem á að kenna
þeim og þeir fá ekki að taka próf
af ástæðum sem þeir ráða ekki við.
Þeir hafa mikið til síns máls, þegar
þeir segja að það eigi að útskrifa þá
á réttum tíma.“
Ætla ekki að útskrifa 2.
flokks stúdenta
Guðni Guðmundsson, rektor
Menntaskólans í Reykjavík, sagði að
það væri afar hæpið að útskrifa nem-
endur fyrir maílok úr þessu, og í
bili stefndi hann á 8. júní sem skóla-
slitadag ef hægt yrði að hefja próf
að bragði. „Vandinn er hins vegar
að nemendur eru orðnir þungir í
taumi að sitja svo lengi í prófum,"
sagði Guðni.
Aðspurður hvort hann teldi koma
til greina að útskrifa nemendur án
þess að þeir tækju próf, sagði Guðni
að það kæmi ekki til greina af sinni
hálfu nema hann fengi um það harð-
ar fyrirskipanir. „Ég hef sagt það
við krakkana að ég ætli ekki að fara
að útskrifa neina annars flokks stúd-
enta,“ sagði Guðni. „Þau eru ekkert
betur sett méð það en að draga próf-
in fram í júní. Það verður ekki spurt
um það í framtíðinni við hvaða að-
stæður menn hafi útskrifast. Menn
muna það í haust, og hugsanlega
næsta haust, en svo er það horfið
úr minningunni hvað olli því að þetta
fólk fékk ekki próf eins og allir aðr-
ir. Ég er voðalega hræddur við að
það fari síðan til útlanda á slóðir
annarra stúdenta og með skírteini,
þar sem eru allt aðrar forsendur en
hjá öllum öðrum.“
Eins og hverjar aðrar
náttúruhamfarir
Jón Hjartarson, skólameistari
Fjölbrautaskólans á Sauðárkróki,
sagði að ekkert lægi enn fyrir um
það, hvernig nemendur yrðu útskrif-
aðir. „Það er rætt um að hafa skóla
fram í júní, en skólar eru misvel í
stakk búnir til slíks. Á Sauðárkróki
er skólinn til að mynda hótel á sumr-
in. Ef það verður ofan á að kennsla
dragist á langinn, verður að taka því
sem hverjum öðrum náttúruham-
förum og réttur hótelanna verður að
víkja fyrir rétti skólanna.“
Allir kostir slæmir
„Mér lízt ekki vel á neitt af þeim
leiðum, sem koma til greina, og það
er í raun engin eðlileg lausn til,“
sagði Örnólfur Thorlacius, rektor
Menntaskólans í Hamrahlíð. „Það
verður mjög erfitt að fá nemendur
til þess að mæta í próf eins seint og
rætt er um, en ef einhveijir fást til
þess er sjálfsagt að gefa þeim kost
á því ef um sernst." Örnólfur sagði
að það væri ljóst að margir nemend-
ur væru búnir að ráðstafa tlma
sínum, jafnvel erlendis, og því yrði
að sýna skilning. Ömólfur sagði að
skólastjórar gætu ekki sjálfir tekið
ákvörðun um að fella próf niður og
gefa nemendum námseinkunn. „Það
hlýtur að vera í höndum yfirvalda
að gera slíkt, við vinnum eftir reglu-
gerðum í því efni.“
Höldum ekki nemendum
umfram ákveðinn tíma
„Það verður að ljúka skólaárinu,
það er ljóst að við getum ekki haldið
nemendum fram yfir það, sem talað
var um í upphafi," sagði Jóhann Sig-
uijónsson, skólameistari Mennta-
skólans á Akureyri. MA útskrifar
reyndar stúdenta síðar en flestir aðr-
ir skólar, eða 17. júní. Jóhann sagði
að það hefði aðeins einu sinni gerzt
í sögu skólans að nemendur væru
útskrifaðir án prófa; það hefði verið
árið 1902 er skólahúsið á Möðruvöll-
um brann um vorið. „Það er hvorki
í samræmi við hefðir þessa skóla né
annarra að senda nemendur frá sér
nema þeir geti sannað það að þeir
standist kröfur skólans."
Jóhann sagði að á næsta vetri
stefndi í einhver mestu þrengsli, sem
verið hefðu í framhaldsskólum. Bæði
hefðu inntökuskilyrði í framhalds-
skóla breytzt, frekar stór árgangur
væri á leiðinni inn í skólana og loks
væri atvinnuástand slakt, sem gæti
þýtt að fleiri settust á skólabekk.
„Við svona aðstæður þýðir ekki að
sitja uppi með stúdentsefnin frá í
vor. Það verður að útskrifa þetta
fólk með einhveijum hætti,“ sagði
Jóhann.
Veitingahús
dagsins
Nýr
og ferskur
staður
Skiptinemasamtök,
máíaskólar, au-pair
ISLENSKAR
FJ ALL AFERÐIR
SINFONIUHLJOMSVEIT
ÍSLANDS
Njótiö okkar rómuðuQ
veitinga og þjónustu í
notalegu umhverfi.
RESTAURANT
Fretta-
oeFrædsIu
pjonustan
FJÖLMIOLUN
ÚTGÁFA
AUGLÝSINGAR
#peinn*;ílafeari
Opið alia daga.

Ull og gjafavörur
Minjavernd
gjggl s m y f
! - j ; [ O ’-U-Liurnmz-jiTr; n jujxlllíIii V 1

wm a™|
m ■ 1!