Morgunblaðið - 11.05.1989, Blaðsíða 25

MORGUNBLAÐIÐ FIMMTUDAGUR 11. MAI 1989
25
Morgunblaðið/Þorkell
Gamla bakaríið og Kornhlaðan eftir uppbyggingnna á Bemhöftstorfu,
Endurbyggingu Bem-
höftstoríunnar lokið
Morgunblaðið/Bjami
Forráðamenn fyrirtækja og félagasamtaka, sem flutt hafa starfsemi
sína í Torfuna ásamt stjórnarmönnum Minjaverndar.
TÍU ár em liðin síðan Torfusam-
tökin hófu endurbyggingu hús-
anna á Bernhöftstorfú og er nú
verið að taka síðustu húsin í notk-
un. Fram til ársins 1985 sáu sam-
tökin um framkvæmdir og rekst-
ur húsanna en þá yfirtók sjálfs-
eignarstofnunin Minjaverad upp-
bygginguna. Ellefú fyrirtæki og
félög hafa þegar komið sér fyrir
í húsunum og stendur til að þau
verði þrettán þegar allt húsnæði
hefúr verið leigt út. Leiga fyrir
hvern fermetra er á bilinu kr.
260 til kr. 1.600 að sögn Þor-
steins Bergssonar framkvæmda-
sfjóra Minjaverndar.
„Torfan sjálf er merkur hluti af
sögu borgarinnar og er elsta húsið
byggt árið 1834 af Bernhöft bak-
ara,“ sagði Þorsteinn þegar fyrir-
tæki og félög, sem þar eru til húsa
kynntu starfsemi sjna. Þorsteinn
rakti sögu Torfusamtakanna er
stofnuð voru árið 1972 um varð-
veilsu húsanna. Fyrsta húsið sem
ráðist var í að endurgera er Ant-
mansstígur 1, „Landlæknishúsið",
þar sem Galleri Langbrók var og
veitingahúsið Torfan til skamms
tíma. Þar hefur nú verið opnaður
nýr veitingastaður, Punktur og
pasta, auk þess sem Frétta- og
fræðsluþjónustan, Baldur - kvik-
myndagerð og skrifstofa Minja-
vendar eru þar til húsa. I Gimli eru
skrifstofur Sinfóníuhljómsveitar ís-
lands og Listahátíðar í Reykjavík.
Viðgerð á „Bernhöftshúsi", hófst
árið 1981 og seinna sama ár opn-
aði þar veitingastaðurinn Lækjar-
brekka. Skömmu síðar var hafist
handa við endurbyggingu á Gamla
bakaríinu að hluta en það hús ásamt
Kornhlöðunni við Skólastræti
branna árið 1977. í þeim hluta
bakarísins, sem var endurbyggður
er Sveinn bakari til húsa og nú
hefur síðasti áfanginn verið tekinn
í notkun þegar lokið er viðgerð og
endurbyggingu á Gamla bakaríinu
og Kornhlöðunni við Skólastræti.
Hefur húsið verið leigt út að mestu
og eru þar nú ferðaskrifstofurnar
Land og saga og íslenskar fjalla-
ferðir, skiptinemasamtökin ASSE
og verslunin Ull og gjafavörur.
Minjavernd sem yfirtók rekstur
Torfusamtakanna, var stofnuð árið
1985 af fjármálaráðuneytinu, Þjóð-
minjasafni íslands og Torfusamtök-
unum.
Mezzoforte minnir á si g
á meginlandi E vrópu
Líflegir tónleikar í Ztirich
Ziirich. Frá Önnu Bjarnadóttur, fréttaritara Morgunblaðsins.
FYRSTA lagið í óskastund á vinsælustu útvarpsstöðinni í Ziirich á mánu-
dágsmorgun var hvorki „Rock me“ með Riva né „Það sem enginn sér“
með Daníel Á. Haraldssyni. Hlustandi vildi heldur heyra „Icebreaker"
með Mezzoforte. Islenska hljómsveitin var með tónleika í borginni
kvöldið áður og fékk ekki að hætta fyrr en eftir þrjú aukalög. „Móttök-
umar hafa verið álíka góðar og þetta alla hljómleikaferðina," sagði
Jóhann Ásmundsson eftir tónleikana.
Ferðin hófst í Noregi um miðjan
apríl. Nýja platan „Playing for Time“
var þá rétt komin út og fór beint í
10. sæti á norska listanum yfir best.
seldu plöturnar. „Við fengum ein-
staklega góðar móttökur þar,“ sagði
Eyþór Gunnarsson, „eiginlega eins
og poppstjörnur, okkur sjálfum til
ánægju og undrunar." Þaðan var
ferðinni haldið áfram til Danmerkur,
þriggja borga í Vestur-Þýskalandi
og fjögurra í Sviss.
Hljómleikarnir voru illa auglýstir
í Sviss en þó ágætlega sóttir. Um
800 manns mættu í Volkshaus í
Ziirich til að'hlýða á ný og gömul
lög. Það fækkaði aðeins í salnum á
meðan á sólósyrpu tónlistarmann-
anna stóð en slíkt stuð komst í liðið
þegar þeir tóku „Garden Party“ und-
ir lokin að það var engin hætta á
öðru en að þeir yrðu kallaðir að
minnsta kosti einu sinni fram aftur.
Þeir léku „Spring Fever" sem auka-
lag og endurtóku „Expressway" og
„Hitehhiker“ af nýju plötunni. Þeir
gáfu ekkert eftir í „Expressway" og
viðtökurnar voru eftir því.
Mezzoforte sá Söngvakeppni evr-
ópskra sjónvarpsstöðva í næturút-
sendingu ítalska sjónvarpsins á laug-
ardagsnótt. „Lögin sem okkur fannst
eitthvað varið í lentu öll neðarlega,"
sagði Eyþór. „Okkur fannst íslend-
ingarnir standa sig mjög vel miðað
við hversu illa íslenska sjónvarpið
stóð að keppninni og aðstæðunum
sem þeir urðu að vinna við,“ sagði
Jóhann. „Þeir eru ekki öfundsverðir
af að hafa þurft að taka þátt í keppn-
inni fyrir íslensku þjóðina. Ætli hún
taki ekki álíka vel á móti þeim og
íslenska handboltalandsliðinu eftir
Ólympíuleikana í Seoul í haust,"
bætti Eyþór við.
Mezzoforte hélt aftur til Vestur-
Þýskalands frá Sviss. hljómsveitin
kemur yfirleitt fram i þúsundmanna-
sölum og aðsóknin er góð. Nýja plat-
an er varla komin í búðir og þijú
ár síðan síðasta kom út. Hljómsveitin
er því eiginlega að hasla sér völl á
meginlandi Evrópu upp á nýtt en
allt bendir til að það gangi ágætlega.
Vélhjól í viðkvæmu gróðurlendi:
„Tekur vaiia að hressa
þennan gróður við“
Vélhjólafólk fjölmennti í land Hrauns í Ölfúsi 1. maí síðastliðinn og
ók þar um í leyfisleysi í fjörunni og yfir viðkvæmt gróðurlendi sem
enn ber þess merki. Miklum fjármunum hefúr verið varið til upp-
græðslu á þessu svæði og hafa landeigendur ákveðið að banna umferð
vélknúinna ökutækja utan vega á svæðinu og ætla að ganga á eftir því
af hörku að því verði hlýtt.
„Vélhjólafólkið skipti tugum, enda
búið að auglýsa þetta svæði í ungl-
ingaþætti í Sjónvarpinu sem paradís
fyrir vélhjól," sagði Hrafnkell Karls-
son einn landeigenda á Hrauni í sam-
tali við Morgunblaðið. „Þar var að
vísu bara sýnt þegar ekið var eftir
fjörunni. Fólkið sem kom hingað 1.
maí ók hins vegar eftir mjög við-
kvæmu gróðurlendi og sjást þess enn
rnerki."
Hann sagði að alltaf hefði verið
mjög gott eftirlit með ferðum fólks
um fjöruna þegar aðeins var hægt
að komast þangað í gegnum hlaðið
á Hrauni. En eftir að brúin yfir Ölf-
usárósa var byggð liggur vegurinn í
gegnum land Hrauns og því greið
leið niður í fjöruna.
„Við höfðum óttast að það yrði
ófriður út af þessu. Miklir fjármunir
hafa verið lagðir í uppgræðslu á
þessu svæði og í hrauninu fyrir ofan.
Mikil hætta er á sandfoki þarna og
urðu nokkrar skemmdir á bílum sem
leið áttu yfir brúna í vetur af þeim
sökum. Landgræðslan hefur séð um
að dreifa fræi og áburði og munum
við óska eftir samvinnu hennar við
að merkja svæðið og banna umferð
utan vega. Það verður gengið hart
á eftir því og haft eftirlit með svæð-
inu.“
Hrafnkell fór og ræddi við vél-
hjólafólkið, en þrátt fyrir það fór það
ekki af staðnum. Hann kallaði á lög-
reglu sem tók skýrslu af forsprökk-
unum. Þegar Hrafnkell benti þeim á
viðkvæman gróðurinn sagði einn
þeirra að gróðurinn væri svo aumin-
gjalegur að það tæki því varla að
hressa hann við. „Eg óttast að þetta
sé viðhorfið hjá mörgum þeirra,"
sagði Hrafnkell.
Jóhannes Jóhann-
esson sýnir í
Gallerí Borg
JOHANNES Jóhannesson sýnir
olíumálverk í Gallerí Borg og
hefst sýningin í dag klukkan
17.00.
Háskólafyrir-
lestur Hermanns
Pálssonar í dag
PRÓFESSOR Hermann Pálsson
flytur opinberan fyrirlestur í boði
Heimspekideildar Háskóla íslands
í dag, fimmtudaginn 11. maí,
klukkan 17.15 í stofú 101 í Lög-
bergL
Fyrirlesturinn nefnist „Handan við
Hávamál". Öllum er heimill aðgang-
ur.
Jóhannes er fæddur í Reykjavík
1921, hann hefur haldið fleiri einka-
sýningar hér heima, segir í frétt frá
Gallerí Borg, og 1981 var haldin
yfirlitssýning á verkum hans í Lista-
safni íslands. Hann hefur tekið þátt
í fjölda samsýninga á Norðurlöndum,
Italíu, Sovétríkjunum, Póllandi og
Bandaríkjunum. Á sýningunni eru
ný olíumálverk sem öll eru til sölu.
Sýningin stendur til 23 maí næst-
komandi og er opin klukkan 10.00
til 18.00 virka daga og klukkan
14.00 til 18.00 um helgar. Sýningin
er að Pósthússtræti 9 í Reykjavík.
Við rýmum til
fyrir nýjum vörum
og bjóðum góðan afslátt
af góðu verði.
Ath: Stendur aðeins til 13. maí.
Verið velkomin.
Vió erum 1
„Nútíð“
Faxafeni 14,
sími 680755
HUSGOGN