Morgunblaðið - 17.06.1989, Blaðsíða 34

m
MORGUNBLAPIÐ LAUGARÐAGUR 17. JÚNÍ 1989
Morgunblaðið/Rúnar Þór
Fyrstu stúdentarnir voru brautskráðir frá Háskólanum á Akureyri við hátíðlega athöfn í gær, en við það tækifæri var bókasafii skólans
einnig opnað formlega. AJIs voru útskrifaðir tíu iðnrekstrarfræðingar við fyrstu brautskráninguna.
Tíu iðnrekstrarfræðingar fengu afhent prófskírteini:
Fyrsta brautskráning
Háskólans á Akureyri
FYRSTU iðnrekstrarfræðingamir voru brautskráðir frá Háskólanum
á Akureyri við hátíðlega athöfn í gær, en jafnframt var bókasafn
skólans formlega opnað. Athöfnin fór fram í húsi Háskólans við Þórunn-
arstræti að viðstöddum Qölmörgum gestum. Haraldur Bessason rektor
Háskólans setti athöfiiina, flutt var tónlist, stúdentar brautskráðir og
ávörp voru flutt.
Menntaskólinn á Akureyri:
Stúdentar
brautskráðir
Jóhanna Bogadótt-
ir sýnir í Möðru-
vallakjallara
UM 120 stúdentar verða braut-
skráðir frá Menntaskólanum á
' Akureyri í íþróttahöllinni á morg-
un, laugardag, og hefst athöfiiin
kl. 10.00. Við útskriftina mun
kvartett skipaður stúdentum sem
eru að útskrifast af tónlistarbraut
skólans flytja nokkur lög.
Að venju koma margir gamlir
stúdentar til bæjarins, en fulltrúar
afmælisárganga munu flytja ávörp
við athöfnina.
Gestur Ólafsson flytur ávarp fyrir
hönd 60 ára stúdenta, Bergur Sigur-
bjömsson fyrir hönd 50 ára stúdenta
og Steinunn Bjarmann fyrir þá sem
halda upp á 40 ára stúdentsafmæli
sitt.
Fyrir hönd 25 ára stúdenta talar
Þráinn Þorvaldsson og Kara Guðrún
Melstað fyrir 10 ára stúdenta.
Á milli kl. 14 og 16 verður opið
hús í gamla skólanum þar sem gaml-
ir nemendur og nýir geta hist og
spjallað saman, drukkið kaffi og
nartað í smákökur. í Möðruvallakjall-
ara hófst myndlistarsýning Jóhönnu
Bogadóttur, en hún heldur nú upp á
25 ára stúdentsafmæli sitt.
Þetta er fimmta sýning Jóhönnu
á Akureyri og verður hún opin frá
kl. 12-22 fram til 18. júní.
-r Á sýningunni, sem haldin er í
tengslum við hátíðarhöldin, em 30
verk, málverk, teikningar og grafík.
Aðgangur er ókeypis og em allir
velkomnir.
Landssamband eldri
borgara stofiiað
Stofnfundur Landssambands
eldri borgara verður haldinn á
Akureyri á mánudag, 19. júní.
Fundurinn hefst kl. 12.30 á Hótel
KEA og á hann koma fulltrúar frá
flestum starfandi félögum aldraðra
á landinu.
Aðalsteinn Óskarsson formaður
Félags aldraðra á Akureyri sagði að
um 14 þúsund manns væm starfandi
í félögum aldraðra víðs vegar um
landið og mönnum hefði þótt mikil-
vægt að stofna með sér landssamtök.
Bifreiðastjórar:
Hafið bílbænina í bílnum
og orð hennar hugföst
þegar þið akið.
Fæst í Kirkjuhúsinu,
Klapparstíg 27, í verslun-
inni Jötu, Hátúni 2,
Reykjavík og í Hljómveri,
Akureyri.
Alls vom tíu iðnrekstrarfræðingar
brautskráðir frá skólanum, fjórir af
markaðssviði og sex af framleiðslu-
sviði. Hæstu meðaleinkunn hlaut
Sigmundur Ófeigsson nemandi á
framleiðslusviði, 8,82. Stefán Jóns-
son forstöðumaður rekstrardeildar
sagði í ávarpi sínu að upphaf há-
skólakennslu á Akureyri hefði borið
brátt að og ekki hefðu verið ráðnir
fastir kennarar að skólanum strax
og því þurft að leita til fjölmargra
um kennslu oft með litlum fyrirvara.
Þrjátíu og tveir kennarar önnuðust
mestalla kennslu þeirra iðnrekstrar-
fræðinga sem brautskráðust frá skól-
anum í gær, en auk þess fluttu um
tíu í viðbót einstaka fyrirlestra, þann-
ig að yfir fjömtíu manns hafa komið
nærri kennslu stúdentanna. Heima-
menn bám hitann og þungann af
kennslunni, en einnig var leitað til
fyrirlesara að sunnan í nokkmm til-
vikum. Allmörg fyrirtæki á Akureyri
aðstoðuðu í sambandi við lokaverk-
efni og vinnustaðaheimsóknir, en
einnig var farið í fyrirtæki á Dalvík,
Grenivík, Sauðárkróki, í Mývatns-
sveit og í Reykjavík.
Stefán gerði grein fyrir uppbygg-
ingu námsins og því sem á döfinni
er, en í ljósi fenginnar reynslu hefur
ýmislegt í náminu verið endurskoð-
að. Sett hefur verið upp ný braut,
rekstrarbraut, en um 70% kennsl-
unnar em sameiginleg iðnrekstrar-
brautinni. Námið hefur verið lengt í
70 einingar og fer kennsla nú fram
á tveimur ámm og er það í samræmi
við þá breytingu sem Tækniskólinn
hefur gert á námsefni sínu.
„Það er von mín að nú á næst-
unni verði undirbúin áframhaldandi
menntun fyrir þá sem ljúka tveggja
ára námi í rekstrardeild eða samsvar-
andi námi og er þá helst litið til þess
að sumir áfangar í sjávarútvegsfræði
geti nýst að hluta eða í heild í því
framhaldi," sagði Stefán, og síðar
sagði hann að á tveimur ámm næði
skólinn ekki að marka djúp spor í
umhverfi sitt, en hann væri þess
fullviss að háskólinn yrði stór þáttur
í bæjarlífinu og myndi leggja sitt af
mörkum til að snúa við óheillaþróun
sem nú væri í byggðamálum þjóðar-
innar.
Haraldur Bessason rektor lagði á
það áherslu í ræðu sinni að styrkja
beri þær deildir sem þegar em komn-
ar við Háskólann á Akureyri, fremur
en §ölga deildum skólans. Hann
sagði einnig mikilvægt strax í upp-
hafí að stefna að því að í framtíðinni
verði hægt að ljúka framhaldsnámi
við skólann og nefndi masterspróf
og síðar doktorspróf í því sambandi.
Við það sagði hann að samstarf við
aðrar stofnanir yrði virkara.
ÞORSTEINN Pálsson formaður
Sjálfstæðisflokksins verður á
ferðinni um Norðurlandi eftir
helgina.
A Akureyri verður haldinn
fundur í Kaupangi við Mýrarveg
kl. 20.30 á mánudagskvöld, en
ásamt Þorsteini verður Halldór
Blöndal alþingismaður með í för.
Á þriðjudagskvöld verður fundur
í fjarvem Svavars Gestssonar
menntamálaráðherra talaði Árni
Gunnarsson skrifstofustjóri sem
sagði m.a. að tímamót væm í stuttri
sögu skólans, starf hans hefði þegar
skilað árangri og þakkaði hann það
ötulu og markvissu starfi starfs-
manna hans.
í Þórsveri á Þórshöfn og hefst
hann kl. 20.30 og á sama tíma á
miðvikudagskvöld verður fundað í
Hnitbjörgum á Raufarhöfn. Tómas
Ingi Olrich mætir á fundina á
Þórshöfn og Raufarhöfn.
Á fundunum verður rætt um
viðhorfið í þjóðmálum og stöðu
landsbyggðar.
Verð kr. 100,-
Orð dagsins, Akureyri.
Hentugt hústil sölu
Vel staðsett 550 fm iðnaðar- eða verslunarhús á Fjöln-
isgötu 1a, Akureyri.
Upplýsingar gefa Víkingur Antonsson í síma 91-
656703, Guðm. ÓskarGuðmundsson ísíma 96-21441.
Bókasafii Háskólans á Akureyri:
FJöImargar gjafír hafa borist
BÓKASAFN Háskólans á Akureyri var formlega opnað við braut-
skráningu stúdenta i gær. Sigrún Magnúsdóttir bókavörður sagði
í ávarpi sínu við opnunina að safhið væri ungt að árum, en mark-
viss uppbygging þess hófst haustið 1988. Áætluð bókaeign safiis-
ins er á Qórða þúsund bindi bóka, einkum bækur í þeim greinum
sem kenndar eru við skólann, en auk þess bókagjafir sem safiiinu
hafa borist.
Bókasafnið hefur einnig tengst
gagnabrunni, Dialog, sem er eitt
stærsta kerfi gagnagrunna í
heiminum með 150 milljónir
færslna úr 300 gagnabrunnum á
öllum efnissviðum, auk alls texta
úr 450 tímaritum og dagblöðum.
Sigrún gerði grein fyrir þeim
bókagjöfum sem skólanum hafa
borist að undanförnu. Hjónin
Kristín Bjamadóttir og Rögn-
valdur Möller kennari frá Ólafs-
firði gáfu skólanum bókasafn sitt,
en þar er m.a. að finna Sjómanna-
blaðið Víking frá upphafi. Ekkja
Geirs Jónassonar bókavarðar á
Landsbókasafni, Kristín Jónas-
dóttir, gaf safn þeirra hjóna og
dr. Einar Siggeirsson hefur gefið
skólanum bókasafn sitt. Fanney
Guðmundsdóttir og Friðrik Magn-
ússon hæstaréttarlögmaður gáfu
safninu Stjórnartíðindi allt frá
árinu 1878 til 1988. Valgarður
Baldvinsson bæjarritari gaf safn-
inu Fjármálatíðindi frá upphafi,
en sú gjöf hefur þegar komið stúd-
entum að góðum notum.
Bókaforlag Odds Björnssonar
færði skólanum veglega bókagjöf
í fyrradag og sagði Sigrún gjafir
væntanlegar frá fleiri bókaforlög-
um. Auk bókagjafa hafa skólan-
um borist peningagjafir, m.a. frá
Akureyrarbæ, Kaupfélagi Eyfirð-
inga, Útgerðarfélagi Akur-
eyringa, Sparisjóði Akureyrar og
Amarneshrepps og frá Lands-
banka Islands.
Þorsteinn Pálsson á
ferð um Norðurland