Morgunblaðið - 17.11.1989, Blaðsíða 7
, ■ , MORtH.NBUXDIlJ ffQSTUDffiyR jUfyJNÓVEMBEB* 198r
7
Fundur SVS og Varðberg:
Astand og horfiir
fyrir austan tjald
Dr. Michael S. Voslensky, prófessor og forstöðumaður Sovétrann-
sóknastofnunarinnar í Miinchen, verður ræðumaður á fundi samtaka
um vestræna samvinnu (SVS) og Varðbergs, laugardaginn 18. nóvem-
ber 1989. Umræðuefni hans verður Ástand og horfur í Sovétríkjunum
og Austur-Evrópu. Hann flytur erindi sitt á ensku og svarar fyrirspurn-
um á eftir.
Dr. Voslénsky er einn virtasti og
þekktasti sérfræðingur um sovésk
málefni, sem nú er uppi, og birtast
greinar hans í blöðum og tímaritum
um allan heim. Frægastur varð hann
fyrir bók sína um sovézku herrastétt-
ina, Nómenklatúra, sem hann taldist
sjálfur til fram til ársins 1972, þegar
hann settist að á Vesturlöndum.
Hann hafði áður m.a. verið deildar-
stjóri í sovézka utanríkisráðuneytinu,
upplýsingastjóri Ráðherraráðs Sov-
étríkjanna, starfsmaður Heimsfriðar-
ráðsins í Prag og Vín, starfsmaður
Sovézku vísinda-akademíunnar,
prófessor við Lúmúmbaháskólann í
Moskvu, ráðgjafi Æðsta ráðsins,
starfsmaður Miðstjórnar sovézka
kommúnistaflokksins og fram-
kvæmdastjóri aðalnefndar Sovétríkj-
anna um afvopnunarmál. Núna er
að koma út eftir hann ný bók í Þýzk-
Dr. Michael S. Voslensky
alandi og Frakklandi (síðar í Banda-
ríkjunum, Bretlandi og víðar), sem
nefnist á þýzku „Sterbliche Götter.
Die Lehrmeister der Nomenklatura“
(þ.e. „Dauðlegir guðir. Kennifeður
nómeklatúrunnar").
Leiðrétting:
Ágreiningnr um veið-
arfæri sem fylgifé
I Morgunblaðinu í fyrradag, birtist frétt um eftirmál vegna uppboðs á
togaranum Sigurey frá Patreksfirði. Frétt þessi var í veigamikhim
atriðum röng. Stefán Skarphéðinsson, sýslumaður Barðstrendinga ósk-
aði eftir að víkja sætr í máli, sem reis vegna ágreinings um kröfu um
að veiðarfæri teldust fylgifé, en ekki vegna ágreinings um upphæð
uppboðskostnaðar,- eins og sagði í fréttinni.
Þá sagði í fréttinni, að eigendum
hefði verið gert að greiða rúmlega
5 milljónir í sölulaun til ríkisins.
Þetta er einnig rangt. Eigendum
var gert að greiða þessa upphæð í
uppboðskostnað í heild. Af þeirri
upphæð er ágreiningur um 1% af
uppboðsandvirði eða rúmlega 2,5
milljónii' króna. Uppboðskostnaður
í heild skiptist hins. vegar í marga
liði, þ.á.m. sölulaun og innheimtu-
laun.
Loks segir í fréttinni, að í verð-
bréfum sé gert ráð fyrir, að veiðar-
færi fylgi skipinu. Hið rétta er, að
það er gert ráð fyrir því í sumum
verðbréfanna en ekki öllum. Þetta
leiðréttist hér með um leið og beðið
er velvirðingar á þessum mistökum.
Ráðhúsið við Tjörnina:
Belgískt sement í útveggi
STEYPUVINNU við skrifstofubyggingu ráðhússins við Tjörnina er
að mestu lokið, að sögn Þórðar Þ. Þorbjarnarsonar borgarverk-
fræðings og formanns verkefhisstjórnar. Sérstakt sement var flutt
til landsins frá Belgíu fyrir ráðhúsið og er hægharðnandi lághitase-
ment í botnplötu og kjallara hússins, en hvítt sement í útveggjum
og súlum. Islenskt sement er notað í aðra hluta hússins. Að sögn
Ríkharðs Krisljánssonar verkfræðings, var hvíta sementið valið til
að ná fram ljósri áferð á útveggi.
Sex súlur standa sunnan undir
þakkanti ráðhússins og eru þær
steyptar í sérstökum stálmótum og
sagði Þórður að náðst hefði einstak-
lega góð áferð enda væri um að
ræða sjónsteypu, sem ekki þyrfti
að pússa.
Að sögn Ríkharðs voru gerðar
tilraunir með steypublöndur til að
ná fram ljósgrárri áferð á húsið
áður en ákveðið var að nota hvíta
sementið. Var það gert að ósk arki-
tektanna og á ljósa áferðin að hald-
ast þó svo húsið veðrist.
Belgíska hægharðnandi lághita-
sementið, var valið til að halda niðri
hitamyndun í þykkum veggjum og
gólfplötum í kjallara ráðhússins.
„Þegar steypa á eitthvað, sem á
að verða vatnsþétt eru sprungur
helsta vandamálið, en þær koma
vegna þess að steypan hitnar mjög
fyrstu dagana á meðan hún er að
harðna,“ sagði Ríkharður. „Hitastig
í þykkri botnplötu getur farið upp
í suðumark vatns en þegar steypan
kólnar dregst hún saman og þá
geta myndast sprungur. Til þess
að halda þessu niðri er reynt að
halda allri hitamyndun í lágmarki
og þess vegna var þetta belgíska
sement valið.“
Að sögn Lofts Árnasonar verk-
fræðings hjá ístaki, en fyrirtækið
er verktaki að húsinu, er ekki um-
talsverður verðmunur á íslenska og
belgíska sementinu.
Morgunblaðið/Sverrir
Við suðurhlið ráðhússins eru sex súlur, steyptar í sérstökum stálmót-
um úr hvítu sementi til að ná fram ljósri áferð. Er notast við sama
sement í alla útveggi hússins og á áferðin að haldast þrátt fyrir veðrun.
KAUPÞING HF
Kringlumn 5, 103 Reykjtwtk
Sími 91-689080
Kaupþing hf býður upp á Hraðþjónustu við
kaup og söiu Eininga- og Skammtímabréfa.
í Hraðþjónustunni á jarðhæð Kringlunnar
5, er hægt að ganga beint til verks við kaup
og innlausn verðbréfa. Þú færð afgreiðslu
strax og þarft ekkert að bíða.
Hraðþjónusta Kaupþings er opin alla
virka daga frá klukkan 9:00 lil 17:00.
iVvjung Irá Kaupþingi hf.:
Hraðþjónusta í Kaupþingi — við kaup og söli
Einingabréfa og Skammtímabréfa