Morgunblaðið - 17.11.1989, Blaðsíða 16

16
MORGUNBLAÐIÐ FÖSTUDAGUR 17. NÓVEMBER 1989
arstað. Frábært tækifæri fyrir alla
þá sem vilja stytta skammdegið
og hvfla sig á hryssingslegri vetr-
artíð, skemmta sér og snæða fjöl-
breyttan mat, lita hörundið, spila
golf og eiga góða daga á
„Hamingjueyjunni1*.
íslenskir fararstjórar á Kanaríeyj-
um eru Auður og Rebekka
Beint dagflug:
18/12 8/1 29/1 19/2 12/3 2/4 16/4
Ferðoskrifstofurnar og
FLUGLEIÐIR
Sími 690100
Jósep Guðjónsson
Pálshúsum - Minning
Fæddur 16. júní 1899
Dáinn 10. nóvember 1989
í dag fer fram frá Garðakirkju
útför Jóseps Guðjónssonar, bónda
í Pálshúsum í Garðahverfi, en hann
lést á St. Jósefsspítala í Hafnarfirði
hinn 10. þ.m. eftir skamma legu
þar. Með Jósep er fallinn frá einn
síðasti fulltrúi aldamótakynslóðar
þessa byggðarlags, kynslóðar sem
ólst upp í anda rómantískrar hug-
sjónastefnu með óbilandi bjartsýni
á framtíð lands og þjóðar.
Jósep fæddist á Aðalbóli í Mið-
firði í Vestur-Húnavatnssýslu 16.
júní 1899. Foreldrar hans voru
hjónin Guðjón Sigurðsson hrepp-
stjóri frá Björk í Grímsnesi og Jós-
efína Jósefsdóttir frá Litla-Bakka í
Vestur-Húnavatnssýslu, en þau
hófu fyrst búskap á Aðalbóli, en
fluttu aldamótaárið suður og sett-
ust að á Óttarsstöðum í Garða-
hreppi og bjuggu þar til ársins
1918. Þá fluttust þau í Krýsuvík,
en bjuggu þar aðeins eitt ár, en
eftir það lá leiðin að Pálshúsum í
Garðahverfi þar sem þau bjuggu
til dauðadags.
Jósep fylgdi foreldrunum og vann
að búskapnum með þeim þegar
honum uxu kraftar. Árið 1931 gekk
Jósep að eiga Ingibjörgu Guð-
mundsdóttur frá Stóra-Nýjabæ í
Leiðrétting
Við vinnslu minningargreinar um
Guðna Sævald Jónsson, Hafnar-
firði, sem birtist hér í blaðinu í
fyrradag, urðu þau mistök, að hluti
setningar féll niður. Þar sem getið
var barna þeirra Guðna Sævalds
og eftirlifandi konu hans, Þóru
Eyjólfsdóttur, féll niður nafn yngsta
barnsins Kristins Jóns, f. 1969, sem
er enn í föðurhúsum. Morgunblaðið
biður alla viðkomandi velvirðingar
á þessum mistökum.
Krýsuvík og hófu þau búskap í
Pálshúsum í sambýli við Guðjón og
Jósefínu foreldra Jóseps ásamt
Guðmundi yngri bróður Jóseps, en
hann lést árið 1987 en konu sína
missti Jósep 19. apríl 1985.
Á yngri árum stundaði Jósep
vinnu utan heimilis eins og títt var
um unga menn á þessum tíma.
Hann stundaði m.a. sjósókn á skút-
um og alls konar smíðavinnu.
Smíðavinnan var honum mjög hug-
leikin og sinnti hann henni nokkuð
alla ævi. Hann var mjög handlaginn
maður og vandvirkur með afbrigð-
um og gerði ætíð miklar kröfur til
sín á því sviði. Jósep hafði sérstakt
yndi af fallegum og vel gerðum
hlutum. Hann strauk gjarnan fingr-
um um þá og dáðist að þeim ef
þeir voru vel smíðaðir og á vissan
hátt var hann fagurkeri og naut
þess að vera í návist fagurra muna.
Það lætur að líkum að jafn hand-
laginn maður og Jósep var lagði
grönnum sínum lið við smíðavinnu
og það var sem hann hefði næma
tilfinningu fyrir því hvar rétta
mætti hjálparhönd.
Þau Jósep og Ingibjörg eignuðust
tvö börn, Guðjón, sem_ fæddur er
9. september 1932 og Ástu, fædda
7. nóvember 1933. Þá gekk Jósep
Ester Helgadóttur í föðurstað, dótt-
ur Ingibjargar, sem hún hafði eign-
ast áður en þau gengu í hjónaband.
Ester er gift Davíð Davíðssyni,
prófessor við Háskóla íslands og
eiga þau 6 börn.
Þegar börn Jóseps uxu úr grasi
fóru þau að vinna í heimilinu og
smám saman tóku þau við búinu
og önnuðust Jósep af stakri alúð
síðustu æviár hans, en hann naut
þess að fá að dvelja heima í Páls-
húsum fram undir hið síðasta.
Við sem þetta ritum áttum þyí
láni að fagna að alast upp í ná-
grenni við Pálshúsaheimilið nálega
öll okkar æskuár og er það því
okkur mjög kært og nákomið. Þeg-
ar faðir okkar, sem bjó í Kjarn-
holtum í Biskupstungum ásamt
móður okkar, missti heilsuna sum-
arið 1933 og við fjögur systkinin
öll þá kornung, töldu foreldrar okk-
ar að auðveldara yrði að sjá heimil-
inu farborða með því að flytja frá
Kjarnholtum og setjast að í Króki
í Garðahverfi sem þá var laus til
ábúðar, því að ljóst var að erfitt
yrði fyrir hana að búa áfram á jafn
stórri og vinnufrekri jörð og Kjarn-
holt er. Það sem hefur án efa ráðið
miklu um þá ákvörðun að flytjast
að Króki var að þar var hún í ná-
býli við frændur sína í Pálshúsum,
en þau voru uppeldissystkini.
Þeir bræður gerðu móður okkar
kleift að flytjast að Króki með því
að endurbyggja íbúðar- og útihús
á jörðinni, en þau voru orðin afar
léleg. Eftir að faðir okkar komst
til nokkurrar heilsu, eftir tveggja
ára sjúkrahúslegu og þá verulega
fatlaður maður til vinnu, reyndust
þeir bræður og Pálshúsaheimiið
okkur ómetanleg hjálparhella sem
aldrei verður fullþakkað, en minn-
ingin um Jósep, þennan hávaxna,
góðlega mann, sem hafði sérstaka
hæfileika til að laða að sér börn,
mun lifa í minningu okkar og við
vottum öllum aðstandendum samúð
okkar.
Systkinin írá Króki
ú
FRAMKVÆMDASJÓÐUR ÍSLANDS
auglýsir til sölu húseignina
TRYGGVAGÖTU 20, REYKJAVÍK,
með tilheyrandi eignarlóð, sameiginlegri með Vesturgötu 2.
Húsið er á tveimur hæðum, alls um 520 fm, nýbyggt og tilbúið til notkunar.
Frekari upplýsingar eru veittar hjá Framkvæmdasjóði íslands,
Rauðarárstíg 25, Reykjavík, sími 624070.