Morgunblaðið - 06.12.1989, Blaðsíða 48

Reykjavík:
Utsvarið
verði 6,7%
BORGARRÁÐ hefur samþykkt
að leggja til við borgarstjórn að
útsvarsprósenta fyrir árið 1990
verði óbreytt eða 6,7% í
Reykjavík.
Meðalútsvar yfir allt landið er
6,94%, sem er það hlutfall sem inn-
heimt er við staðgreiðslu skatta, eða
0,24% hærra útsvar en Reykvíking-
um ber að greiða. Að sögn Skúla
Eggerts Þórðarsonar hjá ríkisskatt-
stjóra, verður mismunurinn fyrir
árið sem er að líða endurgreiddur
um mitt næsta ár eða allt að einu
og hálfu ári eftir að greiðsla hefur
, -j^farið fram.
Demants-
síldin farin
að veiðast
Óslóartréð reist á Austurvelli
Morgunblaðið/Júlíus
Jólasvipur er kominn á borgina. Jólaljós hafa verið sett upp víða og nú er verið að reisa jólatré í borginni. í þokunni í gær varÓslóaijólatréð reist
á Austurvelli og á sunnudaginn verða ljósin tendruð þar við hátíðlega athöfn.
Bygging nýs álvers á íslandi:
Bandarískt álfyrirtæki hef-
ur sýnt áhuga á þátttöku
Bandaríska sendiráðið býður aðstoð við viðræður
^ SÍLDARSÖLTUN miðar vel og í
vikunni hefúr fengizt nokkuð af
demantssíld inni á Fáskrúðsfirði,
Berufirði og Stöðvarfirði. Togar-
inn Siglfirðingur liggur inni á
Fáskrúðsfirði og frystir mikið,
en báturinn Hafsteinn sér um
veiðar fyrir hann. Stjörnutindur
frá Djúpavogi fékk 160 tonna
kast á mánudag og fór drekk-
hlaðinn inn á Djúpavog með tölu-
vert í nótinni að auki.
Áætlað var að söltun næði um
200.000 tunnum í gærkvöldi. Mest
hafði verið saltað í Grindavík á
sunnudagskvöld, 28.900 tunnur,
Eskfirðingar höfðu þá saltað í
*p25.000 tunnur, Homfirðingar í
23.000 og Fáskrúðsfirðingar í
17.800. Bátarnir voru að fá 80 til
160 tonn af gullfallegri demantssíld
inni á Berufirði, Fáskrúðsfirði og
Stöðvarfirði og reyndu nokkrir bát-
ar fyrir sér þar í ljósaskiptunum.
Mest hefur veiðin verið á Hálsunum
út af Hornafirði, en sú síld hefur
verið mjög blönduð og töluvert úr-
kast úr henni. Stóra sildin fer ýmist
í söltun fyrir Svíþjóð og Danmörku
eða í frystingu á Japansmarkað, en
frysting fyrir Japani hefur til þessa
verið mjög lítil.
BANDARÍSKA álfyrirtækið
Alumax hefúr sýnt áhuga á að
taka þátt í viðræðum um bygg-
ingu nýs álvers á Islandi. Rætt
hefúr verið óformlega við fleiri
bandarísk álfyrirtæki. Jón Sig-
urðsson iðnaðarráðherra segir
þessar viðræður á frumstigi
en vonast til að hitta fúlltrúa
frá Alumax að máli í byrjun
næsta árs. Bandaríska séndi-
ráðið á íslandi hefúr boðið
aðstoð sína við mögulegar við-
ræður milli bandarískra og
íslenskra aðila um álfram-
leiðslu.
Á fundi Atlantalhópsins í Sviss
á mánudag ákvað Álusuisse að
draga sig út úr hópnum. Hin tvö
fyrirtækin í hópnum, Hoogovens
og Gránges, ákváðu að halda
áfram skoðun á byggingu nýs ál-
vers á íslandi og leita eftir við-
bótaraðila að verkefninu.
Jón Sigurðsson iðnaðarráðherra
sagði við Morgunbl^ðið að rætt
hefði verið óformlega við bandarísk
álfyrirtæki í þessu sambandi,
aðallega Alumax sem hefur
bækistöðvar í Atlanta í Banda-
ríkjunum. Jón sagði þetta vera
mjög traust fyrirtæki sem stæði
vel. Jón sagði einnig að norska
fyrirtækið Elkem Aluminium hefði
sýnt þessu máli áhuga. Þá sagði
hann aðspurður að Norsk Hydro
hefði lengi átt viðræður við íslend-
inga um orkufrekan iðnað, þó ekki
upp á síðkastið. Jón vildi ekki nefna
fleiri fyrirtæki en sagðist myndu
ræða þetta mál fljótlega við full-
trúa Hoogovens og Gránges.
Hans Peter Held upplýsingafull-
trúi Alusuisse sagði í samtali við
Morgunblaðið, að fyrirtækið hefði
tilkynnt í maí sl. að það myndi
ekki taka þátt í að byggja nýtt
185-200 þúsund tonna álver á ís-
landi. Athuganir á hagkvæmni
þess að stækka álverið í
Straumsvík hefðu svo ekki leitt í
ljós þá auknu • hagkvæmi sem
vænst var, svo hvorugur kosturinn
sem Atlantalhópurinn hefði rætt
hefði verið fýsilegur fyrir Alu-
suisse.
Held sagði að Alusuisse vildi
fara sér hægt í auknum umsvifum
en leggja frekar áherslu á _upp-
byggingu verksmiðja sinna. í því
sambandi benti hann á, að í undir-
búningi væri að endurnýja verk-
smiðjuna í Straumsvik. Því gerði
fyrirtækið meiri kröfur til arðsemi
af nýjum verkefnum en ella.
DAGAR
TIL JÓLA
Minna jólaannríki í
flutningum út á land
MINNA er að gera hjá þeim sem flytja vörur út á land en venju-
lega á þessum árstíma. Alfreð Þórsson framkvæmdastjóri Vöru-
flutningamiðstöðvarinnar hf. segir að enn sé ekki komið það
annríki i flutningum á hefðbundnum jólavarningi sem venjulega
sé á þessum tíma. Sagði hann að menn byggjust við að hefð-
bundin jólavertíð hæfist hvað úr hveiju, en hún léti á sér standa.
Alfreð sagði að sendingafjöldi
hefði verið svipaður það sem af
er vetri og áður, en sendingarnar
væru áberandi minni. Kristinn
Arason framkvæmdastjóri Vöru-
leiða segir að flutningarnir séu
mun minni nú. Áætlaði hann að
þar munaði 30%. Þórir Sveinsson,
framkvæmdastjóri markaðs- og
flutningasviðs Ríkisskips, hafði
sömu sögu að segja. Sagði greini-
legt að minna væri nú flutt af
dæmigerðum jólavarníngi út á
land. Svo virtist sem kúfurinn sem
venjulega myndast á þessum tíma
hefði jafnast út.
Árni Reynisson, framkvæmda-
stjóri Félags íslenskra stórkaup-
manna, sagði ekki ólíklegt að
þessi samdráttur í flutningum
endurspeglaði almennan samdrátt
í þjóðfélaginu. Sagði hann að þeg-
ar fólk hefði minni peninga handa
á milli ráðstafaði það þeim öðru-
vísi. Það gæti komið fram í sam-
drætti á til dæmis ýmsum stærri
hlutum til heimilisins, en á móti
gæti komið aukning á öðrum og
ódýrari varningi.