Morgunblaðið - 09.09.1990, Blaðsíða 21

MORGUNBLAÐIÐ
FJÖLMIÐLAR ÍSON’NUÖAÖlÍR
9. SEPTEMBER 1990
C 21
Markmiðið er betra blað
- segir Kristján Þorvaldsson, annar nýráðinna ritstjóra Pressunnar
Morgunblaðið/Sverrir
„Við teljum að ýmsu megi breyta á Pressunni,11 segir
Krislján Þorvaldsson, annar nýráðinna ritstjóra blaðsins.
„VIÐ reynum að gefa út spenn-
andi blað, allt í senn; hart, mjúkt
og upplýsandi. En auðvitað kem-
ur þetta allt í ljós og best að láta
verkin tala. Markmiðið hlýtur
alltaf að vera betra blað,“ segir
Kristján Þorvaldsson, en hann
og Gunnar Smári Egilsson eru
nýráðnir ritsljórar Pressunnar.
Öllum starfsmönnum blaðsins
var sagt upp fyrir rúmri viku og
hefur styrr staðið um ráðningu
nýju ritstjóranna. Segja fyrrum
starfsmenn blaðsins hana
pólitíska og að gera eigi blaðið
að málgagni Alþýðuflokksins í
alþingiskosningum næsta vor.
Kristján segir þessar ásakanir
út í hött, ætluniii sé að breyta
blaðinu til að auka sölu þess, og
að Pressan verði ekki handbendi
eins né neins.
„Pressan verður fyrir lesendur.
Sameiginlegt markmið eigenda og
ritstjórnar er að gefa út betra blað,
sem þýðir vonandi og aukna sölu,“
segir Kristján.
Teljið þið eitthvað athugavert við
efnisval og efnistök Pressunnar
hingað til?
„Það er ljóst að við teljum að
ýmsu megi breyta.“
Aðspurður segist Kristján ekki
hafa átt von á svo hörðum viðbrögð-
um við ráðningu sinni. Segir hann
að þrátt fyrir að hann skilji að vissu
leyti sárindi fráfarandi starfsmanna
Pressunnar, telji hann það ekki rétt-
læta órökstuddar dylgjur í sinn
garð. „Auðvitað hafa viðbrögð
þeirra gert okkur Gunnari Smára
erfiðara fyrir en ef okkur tekst að
gefa út breytt og bætt blað, þá
mun það vonandi' kæfa allar efa-
semdaraddir.“
Kristján og Gunnar Smári taka
til starfa 1. október og er gert ráð
fyrir að þegar 4. október kveði við
nýjan tón í innihaldi og útliti blaðs-
ins. Ekki hefur enn verið gefið upp
hveijir muni starfa við Pressuna,
hvorki blaðamenn eða fastir dálka-
höfundar.
EDDA
FOLK
i fjölmiðlum
■ Edda Andrésdóttir hefur sagt
fastri fréttamannsstöðu sinni á
Sjónvarpinu lausri og les hún frétt
ir í síðasta
skipti í kvöld.
Edda hefur
verið með ann-
an fótinn á
Sjónvarpinu í
15 ár. Frá
1985 hefur
starfað sem
fréttamaður
þar og síðustu 2-3 árin sem frétta-
þulur og við dagskrárgerð. Um
miðjan september mun Edda hefja
störf við dagskrárgerð hjá Stöð
2. Mun hún sjá um fastan þátt sem
verður á laugardagskvöldum. Sagði
Edda of snemmt að segja til um
efnihans. •
■ Helgi Már Arthúrsson frétta-
maður á Stöð
2 mun heíja
störf á frétta-
stofu Sjón-
varps um
næstu mánað-
armót. Er
Helgi Már
fyrsti frétta-
maðurinn sem.
fer frá Stöð 2 yfir á Sjónvarpið
Helgi
Maríanna
■ Maríanna Friðjónsdóttir,
dagskrárgerðarmaður, tók í júlí
síðastliðnum við starfi yfirmanns
dagskrárgerðar hjá dönsku sjón-
varpsstöðinni Kanal 2. Stjórnar
Maríanna m.a. útsendingu á frétta-
þætti stöðvarinnar sem er svipaður
að uppbygg-
ingu og 19:19
á Stöð 2 þar
sem Maríanna
starfaði. Nú
standayfir
miklar breyt-
ingar á Kanal
2 og var fljót-
lega stungið
upp á Maríönnu til að stjórna dag-
skrárgerð. Náðist í hana í byijun
júlí þar sem hún var í fríí á Mall-
orca og hóf hún störf seinna í sama
mánuði. Mun hún starfa hjá Kanal
2 í minnst eitt ár.
■ Páll Ketilsson, ritstjóri
Víkurfrétta, þykir líklegastur sem
sigurvegari í Meistaramóti fjöl-
miðla í golfi sem fram fer í Hólms-
velli í Leiru á föstudaginn. Hann á
þó örugglega eftir að fá harða
keppni enda margir sterkir kylfing-
ar á íslenskum fjölmiðlum og búist
við góðri þátttöku í mótinu. Leikið
verður í karla- og kvennaflokki,
með og án forgjafar, og fjórir bestu
frá hveijum miðli gilda í sveita-
keppni. Þetta er í fyrsta sinn sem
fjölmiðlamót er haldið í golfi en
eftir þijár vikur verður haldið í
annað sinn meistaramót í knatt-
spyrnu á gervigrasinu í Laugardal
en þar á Morgunblaðið titil að
veija.