Morgunblaðið - 24.10.1990, Side 21

MORGUNBLAÐIÐ MIÐVIKUDAGUR 24. OKTÓBER 1990
21
Valgerður Sverrisdóttir;
Landsbyggðin þarf
1.400 ný störf á ári
UNGT fólk á landsbyggðinn þarf 1.400 ný störf á hverju ári, ef spyrna
á við fótum gegn þeirri þróun, að öll ný störf í landinu verði til á
höfuðborgarsvæðinu. Þetta kom fram i ræðu Valgerðar Sverrisdóttur,
þingmanns Framsóknarflokks í Norðurlandskjördæmi eystra, í umræð-
um um stefnuræðu forsætisráðherra á Alþingi á mánudagskvöld.
Valgerður sagði sömu þróun hafa
orðið hér á landi undanfarin ár og
hjá öðrum Norðurlandaþjóðum og
öðrum þjóðum með svipuð lífskjör,
en þróunin hefði komið fram seinna
hér á landi. Störfum fækki í fram-
leiðslugreinum en aukningin sé í
opinberri starfsemi og þjónustu. Hér
á landi hafi orðið til 15 þúsund ný
störf á síðustu átta árum. „Segja
má að þessi störf séu nánast öll í
opinberri starfsemi og þjónustu,"
sagði Valgerður.
Hún sagði að af þessum 15 þús-
und störfum hafi 12.500 fallið til á
höfuðborgarsvæðinu, 2.500 á lands-
byggðinni. „Allt bendir til að þessi
þróun verði óbreytt á næstu áratug-
um ef ekkert verður að gert,“ sagði
hún.
„Það er því ijóst að hér verður að
taka á málum. Við getum ekki horft
aðgerðarlaus á að öll ný störf verði
til á höfuðborgarsvæðinu, það er
hvorki höfuðborg né dreifbýli í hag.
Á landsbyggðinni þarf hvorki meira
né minna en 1.400 ný störf fyrir
ungt fólk á hveiju ári,“ sagði Val-
gerður Sverrisdóttir.
Halldór Blöndal:
Skattar hækkuðu um
120 þúsund milli ára
HALLDÓR Blöndal, þingmaður Sjálfstæðisflokks í Norðurlandskjör-
dæmi eystra, sagði í umræðum um stefnuræðu forsætisráðherra á
Alþingi á mánudagskvöld að lífskjör hér á landi hefðu versnað um 15%
í tíð ríkisstjórnar Steingríms Hermannssonar og að skattar fjögurra
manna fjölskyldu hefðu hækkað um 120 þúsund krónur milli áranna
1988 og 1989.
Halldór sagði sérhvern ræðumann
ríkisstjórnarflokkanna vilja þakka
sér þjóðarsáttina. „Ef ég lofa mig
ekki sjálfur, sagði karlinn, gerir eng-
inn það. Hvemig var nú ástandið
þegar þjóðarsáttin var gerð?“, sagði
Halldór.
Hann sagði að síðastliðin þrjú ár
hefði landsframleiðsla okkar íslend-
inga dregist saman um 8%, á sama
tíma hefði landsframleiðsla í löndum
OPEC hækkað um 9%. Síðan ríkis-
stjórn Þorsteins Pálssonar fór frá
völdum hafi lífskjör á íslandi versnað
um 15%. „Og hvemig er ástandið í
skattamálum? Einungis á milli ár-
anna 1988 og 1989 voru skattar
hækkaðir sem svarar 120 þúsund
krónum á fjögurra manna fjöl-
skyldu," sagði hann.
„Formaður Alþýðuflokksins var
að hrósa sér af því að hann hefði
sett lög um staðgreiðslukerfi skatta.
Auðvitað skjátlaðist honum þar. Þau
lög vom sett meðan Þorsteinn Páls-
son var fjármálaráðherra. Þá settum
við okkur það mark að skattleysis-
mörk skyldu vera við 42 þúsund
krónur sem er sama og 63.836 krón-
ur nú hjá einstaklingi. En í ríkis-
stjórn Steingríms Hermannssonar
eru það 55.576 krónur. Þar skakkar
8 þúsund hjá einstaklingum, 16 þús-
und hjá hjónum og núna er skattpró-
sentan 39,79% en var 35,2% í tíð
Þorsteins Pálssonar," sagði Halldór
Blöndal.
Grænfriðungar gegn kjarnorkumengnn:
Oskað eftir samvinnu
við íslensk stjómvöld
FLAGGSKIP Greenpeace samtakanna á Atlantshafi, MV Greenpeace,
er statt við Sundahöfn í Reykjavík. Tilgangur heimsóknarinnar er að
kynna baráttu samtakanna fyrir kjarnorkulausum höfum og banni
gegn kjarnorkuknúnum skipum. Forsvarsmejin áhafnarinnar boðuðu
fréttamenn til fundar í _gær. „Þetta er fyrsta vináttuheimsókn skips á
vegum Greenpeace til Islands. Við viljum vekja athygli á þeirri bar-
áttu _sem samtökin standa fyrir í umhverfisvernd og benda á þá ógn
sem íslendingum stafar af kjarnorkuknúnum skipum og kafbátum sem
hlað’nir eru kjarnorkuvopnum á Norður Atlantshafi," sögðu talsmenn
hópsins. í dag hyggjast þeir ganga á fund forsætisráðherra og um-
hverfisráðherra og kváðust vonast til að eiga fund með utanríkisráð-
herra á morgun. Þá er almenningi boðið um borð í skipið á milli kl. 13
og 18 í dag.
Skipið kemur til Reykjavíkur að
nýafstaðinni mótmælasiglingu til
Novaja Zemlja 1 Barentshafi sem
beindist gegn fyrirhuguðum kjarn-
orkuvopnatilraunum Sovétmanna.
Ulrich Juergens, skipstjóri MV Gre-
enpeace, sagði að tekist hefði að
koma fjórum úr áhöfn skipsins á land
á Novaja Zemlja þar sem þau mældu
mikla geislavirkni á gömlu tilrauna-
svæði. Skipið lenti í útistöðum við
sovétmenn sem fylgdust grannt með
ferð Greenpeace og reyndu að hefta
för þess.
Skipið var síðan tekið með vopna-
valdi og dregið til Murmansk. Þau
fjögur sem komust í land voru einn-
ig handtekin og var skipinu vísað
út úr sovéskri landhelgi.
John Large, kjarnorkuverkfræð-
ingur frá Bretlandi, rakti þá hættu
sem stafaði af siglingu kjarnorku-
knúinna skipa og kafbáta við ísland
og sagði að líkumar á alvarlegum
kjarnorkuslysum gætu verið miklar.
Hann sagði að ef eitthvert stórveld-
anna missti kjarnorkukafbát á haf-
svæðinu á milli íslands og Færeyja
og geislavirk efni bærust í hafið
mætti búast við mikilli geislavirkri
mengun sem hefði afdrifaríkar af-
leiðingar fyrir vistkerfí sjávar og
fiskistofna og gæti þess orðið vart
innan örfárra ára eftir slysið. Benti
hann á að viðbúnaður gegn kjarn-
orkuslysum væri miklum takmörkun-
um háður og auk þess væri eftirlit
með þessum málum væri lítið og
farið væri leynt með þau óhöpp sem
orðið hafa.
„ísland er umkringt kjarnorku-
kafbátum og við vonumst til að geta
átt samvinnu við íslensk stjórnvöld
í baráttu okkar fyrir kjarnorkulaus-
um höfum, enda eiga íslendingar
beinna hagsmuna að gæta í þessu
stórmáli," sögðu talsmenn samtak-
anna.