Morgunblaðið - 01.11.1990, Side 17

MORGUNBLAÐIÐ FIMMTUDAGUR 1. NOVEMBER 1990
17
Veljum þá hæf-
ustu til forystu
eftir Sigurð
Björnsson
Laugardaginn 10. nóvember nk.
ganga sjálfstæðismenn í Reykja-
neskjördæmi að kjörborðinu og velja
frambjóðendur flokksins í næstu
þingkosningum í sínu kjördæmi.
Orlagaríkir tímar eru framundan
og því veltur á að hæfustu menn
veljist til forustu, menn með þekk-
ingu og reynslu í þjóðmálum, menn
sem hafa þor til að takast á við hin
erfiðustu verkefni.
Sjálfstæðisflokkurinn hefur verið
leiðandi afl í íslenskum stjórnmálum
síðustu áratugina, en því miður ekki
alltaf haft tilskilinn stuðning á þingi
til þess að koma fram þeim málum
sem 'hann hefur barist fyrir. Þó hef-
ur ýmislegt áunnist, en betur má ef
duga skal og víða þarf að taka til
hendinni. Menningar- og mennta-
mál, húsnæðis- og skattamál, heil-
brigðismál og mál aldraðra svo og
lífeyrissjóðakerfið svo eitthvað sé
nefnt eru mál sem taka þarf föstum
tökum, og ég treysti sjálfstæðis-
mönnum til þess að gera það svo
vel sé.
Fimmtán menn og konur gefa nú
kost á sér til framboðs í áðurnefndu
prófkjöri. Reynt hefur verið af and-
stæðingum okkar að læða því inn
hjá fólki að listinn sé slakur og lítils
að vænta af því fólki sem nú býður
sig fram. Þessum aðdróttunum mót-
mælum við harðlega og göngum
ótrauðir að kjörborðinu 10. nóvem-
ber nk. og svo aftur í vor.
Einn þeirra fimmtán er Olafur
G. Einarsson. Hann hefur setið á
þingi í nítján ár og verið formaður
þingflokksins í tíu ár. Hann hefur
verið kjölfestan í þingflokknum og
Sigurður Björnsson
verið flutningsmaður fjölda mála er
varða heill þjóðarinnar og framtíð.
Á sínum langa starfsferli hefur hann
ekkert látið afskiptalaust sem betur
má fara, og ávallt staðið vörð um
frelsi einstaklingsins til athafna.
Það er margt sem prýðir Olaf G.
Einarsson og of langt mál að tíunda
það í stuttri grein. Þó eitt að lokum
— hann hefur í starfi sínu verið
óþreytandi að kveða niður vinstri
drauginn sem nú hvílir á þjóðinni
eins og mara. Við íslendingar þurf-
um á mönnum að halda eins og
Olafi G. Einarssyni og það er skylda
okkar sjálfstæðismanna í Reykjanes-
kjördæmi að sjá til þess að hann
sitji á þingi, og það gerum við best
með því að kjósa hann í 1. sæti á
listanum okkar í prófkjörinu 10.
nóvember nk.
Höfundur er óperusöngvari og
framkvæmdastjóri
Sinfóníubljómsvcitar íslands.
=SCRVIS=
ENSK ÞVOTTAVEL
600—1300 snúninga
vinduhraði
Barnaöryggr ó
stjórnhnöppum
Innbyggður
bilanagreinir
Fróbær íslenskur
leiðarvísir
í Örtölvustýrð
► Ryðfrír belgur
& 30 mín. hraðþvottur
Þ Heitt og kalt vatn
Verð 69.200afb.
Einnig fáanleg með þurrkara - verð 89.200
Heimasmiðjan
Kringlunni, sími 685440
Húsasmiðjan
Skútuvogi s. 687700
HAGKAUP
TILB0Ð VIKUNNAR