Morgunblaðið - 01.11.1990, Side 21

MORGUNBLAÐIÐ FIMMTUDAGUR 1. NÓVEMBER 1990
21
Guðjón Þorkelsson framleiðslustjóri við gaspökkunarvél.
Borgarnes:
Ófrosið kjöt til áramóta
Borgarnesi.
NYVERIÐ kynnti afurðadeild
Kaupfélags Borgfirðinga í Borg-
arnesi gaspökkun á dilkakjöti
sem eykur geymsluþol kjöts við
0 gráður og kjötið meyrnar við
þessa geymsluaðferð og verður
því mýkra undir tönn. Með þess-
ari aðferð er hægt að geyma
kjötið í 6-8 vikur. Alls var pakk-
að um 10 tonnum með þessari
aðferð í nýafstaðinni sláturtíð í
Borgarnesi.
Undanfarin þijú ár hefur staðið
yfir þróunarverkefni hjá afurðadeild
KBB og fæðudeildar rannsóknar-
stofnunar landbúnaðarins, RALA,
um að þróa aðferð við pökkun á
ófrosnu dilkakjöti. Að sögn Guðjóns
Þorkelssonar framleiðslustjóra er
þessi pökkun viðleitni til að mark-
aðssetja dilkakjöt á nýjan hátt sem
ferska og meyra gæðavöru. Aðferð-
in felst í því að setja dilkakjötið í
loftblöndu með kolsýru eftir að kjöt-
inu hefur verið pakkað í loftdregnar
umbúðir. Eftir pökkun er kjötið
geymt við 0 gráður í hálfan mánuð
og látið meyrna áður en það er
selt. Að sögn Guðjóns er þessi pökk-
unaraðferð mjög vandasöm og ger-
ir því miklar kröfur til starfsfólksins
sem að henni vinnur.
, TKÞ
Umhverfis-
mál á aðal-
fundi NVSV
AÐALFUNDUR NVSV 1990
verður haldinn í Náttúrufræði-
stofu Kópavogs, Digranesvegi 12
(kjallara), í kvöld fimmtudaginn
i. nóv. kl. 20.00.
Auk venjulegra aðalfundarstarfa
verða flutt stutt erindi og Sigur-
björg Gísladóttir efnafræðingur
fjallar um fullkomnar mengunar-
varnir álvers og Hjalti Hugason
aðstoðarrektor og guðfræðingur
ræðir umhverfismál og siðfræði.
Morgunblaðið/Emilía
Sigríður Kjaran við nokkur verka sinna á sýningunni í Þjóðmiiya-
safni Islands.
Þj óðminjasafnið:
Sýning á þjóðlífsmynd-
um Sigríðar Kjaran
NÆSTKOMANDI sunnudag verður opnuð sýning í Þjóðminjasafni
íslands á leirbrúðum, sem Sigríður Kjaran hefur gert. Sýningin
nefnist íslenskar þjóðlífsmyndir, en brúðurnar eru kiæddar þjóðbún-
ingum og sýna fólk við margvísleg störf, til dæmis heyannir og fisk-
vinnu.
Sigríður Kjaran er fædd í
Reykjavík 9. febrúar 1919. Hún
hefur stundað nám í skúlptúrdeild
Myndlistaskólans í Reykjavík og
auk þess í listaskólum í Noregi og
á Spáni. Öll verkin á sýningunni
eru unnin á síðastliðnum fimm
árum, að undanskildu einu sem er
nokkrum árum eldra.
Þóra Kristjánsdóttir, listfræðing-
ur, stjórnaði uppsetningu sýningar-
innar. Dóra Jónsdóttir, gullsmiður,
smíðaði kvensilfrið á búningana á
sýningunni, en Andrés B. Helgason,
bóndi og smiður, smíðaði innan-
stokksmuni og amboð, að undan-
teknum hrífum, sem gerðar voru
af Kristjáni Sigurðssyni, módel-
smið.
Sýningin verður opnuð almenn-
ingi næstkomandi sunnudag, og
verður hún opin á opnunartíma
Þjóðminjasafnsins fram yfir næstu
áramót.
Bókaútgáfan:
Almenna bókafélagið
gefur út sextán bækur
RAUÐIR dagar, ný skáldsaga
eftir Einar Má Guðmundsson, er
meðal þeirra bóka, sem væntan-
legar eru á markaðinn frá Al-
menna bókafélaginu fyrir jólin.
Af bókum, sem eru komnar út
eða væntanlegar eftir íslenska
höfunda má nefna „Vökunætur
fuglsins", þar sem Tómas Guð-
mundsson og Jóhannes Kjarval
segja Matthíasi Jóhannessen hug
sinn, Kvæði 90 er ljóðabók eftir
Krislján Karlsson og Spegillinn
hefur ekkert ímyndunarafl, eftir
Kristján Kristjánsson.
Þá má nefna Sérstæð sakamál,
íslensk og norræn, sem Jóhanna
S. Sigþórsdóttir skráði og þýddi.
íslenska kynlífsbók, eftir Ottar
Guðmundsson lækni og íslenska
hermenn en þar ræðir Sæmundur
Guðvinsson við íslendinga, hérlend-
is og erlendis, sem hafa gegnt her-
þjónustu.
Meira skólaskop, Guðjón Ingi
Eiríksson og Jón Siguijónsson segja
gamangögur úr skólastofunni og
loks Einfarar í íslenskri myndlist
eftir Aðalstein Ingólfsson.
Meðal þýddra verka er Líkams-
tjáning, Að lesa hug manns af lát-
bragði hans, eftir Allan Pease,
Björn Jónsson þýddi, Galina, Rúss-
ensk saga, endurminningar söng-
konunnar Galina Vishnevskaja, í
þýðingu Guðrúnar Egilsson, ljóðin
þýddi Geir Kristjánsson.
Blóðugur blekkingaleikur, en þar
afhjúpar rúmenskur öryggisvörður
spillinguna í tíð Ceausescus. Ólafur
B. Guðnason þýddi. Njósnarinn sem
kom inn úr kuldanum, eftir John
le Carré, Páll Skúlson þýddi.
Spilakaplar AB, eftir Þórarinn
Guðmundsson og Skuggarnir í fjall-
inu eftir Iðunni Steinsdóttur og loks
Á baðkari til Betlehem, barnasaga
eftir Sigurð G. Valgeirsson og
Sveinbjöm I. Baldvinsson.
Þá má nefna Leikskólalögin,
hljómplata með lögum úr leik-
skólanum í útsetningu Stefáns S.
Stefánssonar og tvær hljóðsnældur,
sögur og kvæði Edgar Allan Poe.
Viðar Eggertsson les og Aðalsteinn
Ásberg Sigurðsson flytur inngang
og annaðist jafnframt útgáfu. Loks
má nefna endurútgáfu af Njálu.
Einar Ól. Sveinsson les.
FYRIR KARLMENNI
ACTIVE BODIES
ACTIVE BODIES ER NÝ HERRALÍNA FYRIR t>Á ATHAFNASÖMU.
FÁANgEST SEM EAU DE TOILETTE. AFTER SHAVE, DEO STICK.
SHOWERGEL, OG COOLING BODY LOTION. ACTIVE B0DIE5.
REYKNESINGAR!
Tr-yggjum Þresti Lýðssyni glœsilega kosningu
í 6. sætið í prófkjöri Sjálfstœðisflokksins.
Þröstur er vanur að vinna, vanur að stjórna
og óhræddur að takast á við ný verkefni.
Þröstur er okkar maður!
STUÐNINGSMENN