Morgunblaðið - 24.01.1991, Blaðsíða 2

2
MORGtfNÉLAÐIÐ' FIMMTUDAGUR' 24. JANÚAR 1991
*
Islenska óperan:
Sólrún tekur við
hlutverki Gildu
SÓLRÚN Bragadóttir syngur
hlutverk Gildu í viðbötarsýning-
um íslensku óperunnar á Rigo-
lettó í mars. Sólrún leysir Sig-
rúnu Hjálmtýsdóttur af hólmi
þar sem Sigrún er á förum til
Noregs þar sem hún syngur í
Brúðkaupi Fígarós, sem Sveinn
Einarsson Ieikstýrir.
„Þetta er í fyrsta sinn sem ég
er beðin um að syngja hjá ísiensku
óperunni og ég er mjög spennt. Ég
hef sungið hlutverkið áður, í Kais-
erslautern, annars gæti maður ekki
stokkið svona inn í það. Ég kem
heim í mars og stoppa sennilega
aðeins í eina viku þannig að þetta
verða trúlega bara tvær sýningar,“
sagði Sólrún í samtali við Morgun-
blaðið í gærkvöldi. Hún hefur að
undanförnu sungið í Hannover.
Að sögn Harðar Erlingssonar,
framkvæmdastjóra óperunnar, hef-
ur verið uppselt á allar sýningar á
Rigolettó og því hefur verið ákveðið
að hafa tvær viðbótarsýningar á
þriðjudag og miðvikudag í tiæstu
viku. Hann sagði spennandi að sjá
hvernig það kæmi út að hafa óperu-
sýningar í miðri viku.
Á sýningunum í næstu viku fer
Tékkinn Ivan Kusnjer með hlutverk
Rigolettó.
Sigrún Hjálmtýsdóttir syngur
hlutverk Súsönnu í Brúðkaupi Fíg-
arós en með önnur stór hlutverk
fara ýmsir söngvarar frá Norður-
löndum. Sveinn Einarsson setti upp
sýningu við óperuna í Þrándheimi
í fyrra og var beðinn um að setja.
upp Brúðkaup Fígarós í framhaldi
af því. Frumsýningin verður 1.
mars.
Flug í Þýskalandi:
Bannað að hafa
myndavélar
í farteskinu
FLUGVALLARYFIRVÖLD á
alþjóðaflugvellinum í Frank-
furt í Þýskalandi hafa bann-
að farþegum sem um völlinn
fara að hafa með sér raf-
magnstæki. Á þetta við tæki
eins og myndavélar, rakvélar
og segulbönd.
Þessar ráðstafanir, sem
verða væntanlega teknar upp á
flestum alþjóðavöllum í Evrópu,
eru gerðar af ótta við hryðju-
verk í tengslum við stríðið við
Persaflóa. Áður hafði farþegum
verið bannað að hafa raftæki í
ferðatöskum, en nú er einnig
bannað að hafa slíkt f handfar-
angri.
Einar Sigurðsson, blaðafull-
trúi Flugleiða, sagðist hafa
fengið skeyti um þetta síðdegis
í 'gær og hann hefði óskað nán-
ari skýrínga. Hann sagði að nú
væru mjög hertar öryggisráð-
stafanir á flugvöllum í Evrópu.
Skákmótið
í Wijk aan Zee:
Helgi Ólafs-
son í 9.-12. sæti
HELGI Ólafsson er í 9.-12. sæti
á Hoogovens-skákmótinu í Wijk
aan Zee í Hollandi með 2 vinn-
inga eftir 5 umferðir. Danski
stórmeistarinn Curt Hansen leið-
ir mótið með 3,5 vinninga.
Mótið er í 14. styrkleikaflokki
og eru keppendurnir einnig 14. í
fyrstu umferð vann Helgi franska
skákmannínn Lautier og gerði jafn-
tefli í næstu tveimur umferðum við
sovésku stórmeistarana Sókolov og
Tsjernin. í fjórðu umferð tapaði
Helgi fyrir Seirawan frá Banda-
ríkjunum og í 5. umferð fyrir Hans-
en.
Sex skákmenn eru jafnir í 2.-7,
sæti með 3 vinninga, þeir Adams,
Tsjernin, Nunn, Piket, Seirawan og
Sókolov. í 8. sæti er Salov með 2,5
vinninga en jafnir Helga að vinning-
um, í 9.-12. sæti, eru Khalifman,
Lautier og van der Wiel.
Morgunblaðið/Bjöm Sveinsson
Starfsmenn Klæðningar hf. hreinsa jarðveg frá berginu og undirbúa gerð 28 km jarðganga sem
opnast inni á Eyjabökkum.
Framkvæmdir hafnar
við Fljótsdalsvirkjun
Egilsstaðir.
VINNA er hafin við jarðgangagerð í sambandi við FJjótsdalsvirkj-
un. I hönnunarforsendum fyrir virkjunina er gert ráð fyrir að
vatn verði leitt eftir jarðgöngum frá miðlunarlónum um 28 kUó-
metra Ieið að aflvélum virkjunarinnar og nýtt verði um 600 metra
fallhæð vatnsins af hálendinu og niður í Fljótsdal, þar sem stöðv-
arhúsið verður sprengt inn í fjallið. Þessi jarðgöng verða 6 metr-
ar á breidd og um 6,10 metrar á hæð. Verða þetta lengstu jarð-
göng sem gerð hafa verið hér á landi.
í haust var boðinn út fyrsti
hluti þessarar gangagerðar. Sam-
ið var við Klæðningu hf. í Kópa-
vogi um verkið og vinna þeir í
samvinnu við Ármannsfell hf. og
danska aðila. Þessi fyrsti hluti
gangagerðarinnar felur í sér að
hreinsa jarðveg frá gangamunn-
anum og sprengja 100 metra göng
inn í ijallið. í verksamningnum
er gert ráð fyrir heimild til að
semja um framhald verksins
þannig að göngin nái einn kíló-
metra inn í fjallið.
Með því að leiða vatnið í jarð-
göngum í stað aðrennslisskurða,
eins og hingað til hefur verið gert
í virkjunum hér á landi, sparast
talsvert í byggingarkostnaði og'
rekstraröryggi margfaldast. Með
þessari aðferð verður komið í veg
fyrir rennslistruflanir sökum
ísmyndunar í opnum aðrennslis-
skurðum.
Starfsmenn Klæðningar hf.,
sem fréttaritari Morgunblaðsins
ræddi við, sögðu að verkinu mið-
aði vel áfram og allt gengi sam-
kvæmt áætlun. Það eina sem hefði
komið á óvart við verkið væri að
bergið yst í fjallinu væri mun
lausara í sér en gert hefði verið
ráð fyrir. Þetta veldur vissum erf-
iðleikum við sprengingar en að
öðru leyti gengi allt vel og tíðar-
farið léki við þá. — Björn
Hugsanlegt að bolfískkvótínn
verði aukinn um 23 þús. tonn
HUGSANLEGT er að bolfisk-
aflakvótinn verði aukinn um tæp
23 þúsund tonn, eða 5,2%, á þessu
kvótatímabili, það er að segja
fyrstu 8 mánuðina í ár. Miðað
hefur verið við að bolfiskaflinn
verði svipaður fyrstu 8 mánuði
þessa árs og á sama tíma í fyrra
og þegar veiðiheimildum var út-
hlutað nú eftir áramótin var
byggt á bráðabirgðatölum Fiski-
félags íslands yfir afla fyrstu 8
mánuðina í fyrra. Þessar tölur
voru hins vegar of lágar.
Þorskaflinn fyrstu 8 mánuðina í
fyrra var 9.600 tonnum (3,9%)
meiri en tölur fiskifélagsins gáfu
til kynna, ýsuaflinn var 8.590 tonn-
um (21,5%) meiri, ufsaaflinn 150
tonnum meiri, karfaaflinn 500
tonnum (1%) meiri og grálúðuaflinn
3.800 tonnum (13%) meiri.
Kristján Skarphéðinsson hjá
sjávarútvegsráðuneytinu segir að
ekki sé búið að ákveða hvort bol-
fiskkvótinn verði aukinn á þessu
Bráðabirgðalögin afgreidd frá Alþingi:
Þrír þingmenn sjálfstæðis-
manna sátu hjá í efri deild
ÞRÍR þingmenn Sjálfstæðisflokksins sátu hjá í atkvæðagreiðslu í
efri deild í gær, um staðfestingarfrumvarp bráðabirgðalaga ríkis-
stjórnarinnar vegna kjarasamninga BHMR. Frumvarpið var sam-
þykkt með 10 atkvæðum gegn 4, en 3 sátu hjá og fjórir voru fjarver-
andi.
Þingmennirnir sem sátu hjá voru
Eyjólfur Konráð Jónsson, Guð-
mundur H. Garðarsson og Þorvald-
ur Garðar Kristjánsson. Sjálfstæð-
isþingmennimir Halldór Blöndal og
Salome Þorkelsdóttir greiddu at-
kvæði gegn frumvarpinu, sem og
þingmenn Kvennalistans, Danfríður
Skarphéðinsdóttir og Guðrún Hall-
dórsdóttir. Egill Jónsson þingmaður
Sjálfstæðisflokks var fjarverandi.
Allir viðstaddir þingmenn Alþýðu-
flokks, Alþýðubandalags, Borgara-
flokks og Framsóknarflokks
greiddu atkvæði með frumvarpinu,
en fjarverandi voru Júlíus Sólnes
Borgaraflokki, Svavar Gestsson
Alþýðubandalagi og Valgerður
Sverrisdóttir Framsóknarflokki.
Þingmenn Sjálfstæðisflokksins í
fjárhags- og viðskiptanefnd deildar-
innar skiluðu hvor sínu nefndarálit-
inu um frumvarpið. í áliti -Halldórs
Blöndals sagði, að af siðferðilegum
og pólitískum ástæðum væri sjálf-
gert að greiða atkvæði gegn frum-
varpinu. Eyjólfur Konráð Jónsson
sagði hins vegar í sínu áliti, að
eðlilegt væri að ríkisstjómin ein
bæri ábyrgð á gjörðum sínum varð-
andi bráðabirgðalögin á samninga
BHMR. Þorvaldur Garðar Krist-
jánsson tók í sama streng og Eyjólf-
ur Konráð, þegar hann gerði grein
fyrir atkvæði sínu. ,
Staðfestingarfmmvarpið var í
gær afgreitt frá efri deild en var
afgreitt frá neðri deild í desember.
Áður en til atkvæðagreiðslu kom
þar, samþykkti þingflokkur Sjálf-
stæðisflokksins að greiða atkvæði
gegn frumvarpinu og var þá talin
hætta á að frumvarpið félli vegna
yfirlýstrar andstöðu þriggja stjórn-
arþingmanna við bráðabirgðalögin.
Þegar að atkvæðagreiðslunni kom,
sátu fjórir þingmerin Sjálfstæðis-
flokksins hjá, auk tveggja stjómar-
þingmanna.
Sjá ennfremur bls. 26.
kvótatímabili vegna þessarar
skekkju en Landsamband íslenskra
útvegsmanna vill að einungis loðnu-
skipin fái að veiða þau 9.600 tonn,
sem bætt yrði við þorskkvótann.
Kristján segir að þegar þorskkvót-
inn á fyrstu 8 mánuðunum í ár
hafí verið ákveðinn hafi verið við
það miðað að þorskur frá Græn-
landi kæmi hingað til hrygningar í
vor og það kæmi í ljós í febrúar
eða mars hvort svo yrði.
Hann segir að ef þorskkvótinn
verði aukinn um 9.600 tonn sé sjáv-
arútvegsráðherra heimilt að úthluta
aukningunni eingöngu til loðnu-
skipa á grundvelli 9. greinar laga
um stjórn fiskveiða. Sú grein heim-
ilar ráðherra að auka botnfiskkvóta
sérveiðiskipa, í þessu tilfelli loðnu-
skipa, á kostnað annarra skipa sé
fyrirsjánlegt að verulegar breyting-
ar verði á aflatekjum af sérveiðum.
Sjávarútvegsráðherra vill hins
vegar reyna að komast hjá því að
beita 9. greininni, að sögn Kristjáns
Skarphéðinssonar. Hann segir að
einnig sé hægt að úthluta kvóta-
aukningunni til togara og báta í
réttu hlutfalli við þann kvóta, sem
þeim hefði verið úthlutaður fyrir
þetta kvótatímabil, svo og smábáta,
það er að segja báta undir 10 tonn-
um, í samræmi við endanlega út-
hlutun til þeirra.
Kristján segist búast við að meiri-
hluti smábátaeigenda geti um
næstu mánaðamót fengið að vita
um endanlega úthlutun á aflakvóta
til þeirra fyrir þetta kvótatímabii.
Ekki sé hægt að segja til um hversu
mikið útgerðir báta og togara hafi
keypt af smábátakvóta undanfarið
fyrr en endanlegri úthlutun á afla-
kvóta smábáta verði lokið. Hins
vegar sé ekki hægt að fullyrða það
nú hvenær það verði vegna fjölda
vafaatriða.
Ákveðið hafði verið að þorskkvót-
inn á þessu kvótatímabili yrði 245
þúsund tonn, ýsuaflinn 40 þúsund
tonn, ufsaaflinn 65 þúsund tonn,
karfaaflinn 55 þúsund tonn og grá-
lúðuaflinn 30 þúsund tonn. Smábát-
ar mega veiða rúm 14% af heildar-
þorskkvótanum, um 7% af ýsukvót-
anum og tæp 3% af ufsakvótanum.
Einar S. Sigurðsson
Lést í vinnuslysi
Maðurinn sem
um borð í báti
á mánudag hét
son til heimilis
í Grindavík.
Einar var 41
lætur eftir sig
börn.
lést af slysförum
í Njarðvíkurhöfn
Einar S. Sigurðs-
á Leynisbraut 12
árs að aldri. Hann
eiginkonu og þijú