Morgunblaðið - 26.01.1991, Side 17

MORGUNBLAÐIÐ LAUGARDAGUR 26. JANUAR 1991
17
Sigríður Ella Magnús-
dóttir syngur á ljóða-
tónleikum Gerðubergs
FJÓRÐU tónleikarnir í ljóða-
tónleikaröð Gerðubergs verða
haldnir sunnudaginn 27. jan-
úar kl. 16.00. Sigríður Ella
Magnúsdóttir mezzósópran
mun syngja lög eftir Brahms,
Wagner og Þórarin Guð-
mundsson. Jónas Ingimundar-
son mun annast undirleikinn.
Sigríður Ella hóf ung tónlist-
arnám og voru söngkennarar
hennar hér á landi Sigurður De-
metz, María Markan og Einar
Kristjánsson. Sigríður dvaldi
mörg ár við framhaldsnám í
Vínarborg og naut þar leiðsagnar
færustu kennara. Hún hefur
starfað erlendis síðastliðin ár en
hefur auk þess tekið virkan þátt
í íslensku tónlistarlífi sem ljóða-
söngvari og á tónleikum með
kórum svo og Sinfóníuhljómsveit
íslands en ekki síst sem óperu-
söngvari. Sigríður Ella hefur
sungið í flestum Evrópulöndum
og Ameríku, en einnig í Japan
og Kóreu, þar sem hún ferðaðist
um með Covent Garden óperunni
Sigríður Ella Magnúsdóttir
og hefur hún hlotið einróma lof
fyrir söng sinn.
Tónleikar Signýjar Sæmunds-
dóttur sem vera áttu 14. febrúar
falla niður um óákveðinn tíma.
Askrifendum er bent á að áskrift-
in fyrir febrúar gildir á þessa
tónleika.
(Fréttatilkynning)
Orgeltónleikar í Bústaðakirkju:
Verk Cesars Franks
á þremur tónleikum
Á NÆSTU mánuðum verða
haldnir orgeltónleikar í Bú-
staðakirkju. Tilefnið er Orgelár
Bústaðakirkju, sem er söfnunar-
ár kirkjunnar vegna kaupa á
orgeli, sem nýlega hefur verið
tekið í notkun.
Þessi tónleikaröð hefst sunnu-
daginn 27. janúar kl. 17 með fyrstu
tónleikum af þremur, sem helgaðir
verða Cesari Frank. Ætlunin er
að 10 organistar leiki öll verk Ces-
ars Franks á þessum þremur tón-
leikum. Á þessum fyrstu hljómleik-
um leika eftirtaldir orgelleikarar.
Guðmundur Guðjónsson, orgelleik-
ari Vestmannaeyjakirkju, Glúmur
Gylfason orgelleikari Selfoss-
kirkju, Reynir Jónasson orgelleik-
ari Neskirkju og Friðrik Stefáns-
son orgelleikari Grundarfjarðar-
kirkju.
Aðrir Cesar Frank tónleikar
verða haldnir 10. mars og 12. maí.
Alls verða haldnir 9 hljómleikar
á þessum vetri. Sunnudaginn 10.
febrúar verða haldni blandaðir tón-
leikar fluttir af kennurum Tónlist-
arskóla Hafnaríjarðar ásamt org-
anista Bústaðakirkju, Guðna Þ.
Guðmundssyni. Sunnudaginn 3.
mars flytur Ragnar Björnsson org-
elhljómleika. Mozart tónleikar
Bústaðakirkja
verða haldnir 28. mars með fjölda
einsöngvara og hljóðfæraleikara.
Sunnudaginn 14. apríl verða jazz
og blús tónleikar með hljómsveit
Magnúsar Kjartanssonar og söng-
konunum Ingveldi Ólafsdóttur,
Sigrúnu Hjálmtýsdóttur og Stef-
aníu Valgeirsdóttur. Sunnudaginn
28. apríl flytur Marteinn H. Frið-
riksson orgelhljómleika. Tónleika-
röðinni lýkur svo 26. maí með létt-
um sumartónleikum. Allir tónleik-
arnir hefjast kl. 17.00.
Cesar Frank tónleikarnir eru
skipulagðir af söngmálastjóra
þjóðkirkjunnar, Hauki Guðlaugs-
syni, en aðrir tónleikar af organ-
ista Bústaðakirkju, Guðna Þ. Guð-
mundssyni.
Píanó-
tónleik-
ar EPTA
SÍÐARI píanótónleikar Hall-
dórs Haraldssonar á vegum
Evrópubandalags píanókennara
verða haldnir í Kirkjuhvoli,
Garðabæ, mánudaginn 28. jan-
úar kl. 20.30.
Á efnisskrá hans er Pathétique-
sónatan og 32 tilbrigði í c-moll eft-
ir Beethoven, 3 þjóðlög frá Csik-
héraði eftir Bartók, Oiseaux tristes
eftir Ravel, Pour le Piano eftir
Debussy og noktúrna í cís-moll og
pólonesa í As-dúr eftir Chopin.
Aðgöngumiðar við innganginn.
Halldór Haraldsson
Sýnið ýtrustu varkárni.
yfir hvað sem fyrir er.
Hitaveita Reykjavíkur brýnir fyrir ökumönnum jeppa
og vélsleða að sýna ýtrustu gætni í vetrarumferð
nálægt Nesjavallaæð, lögn Hitaveitur Reykjavíkur á
Mosfellsheiði.
Á þeim köflum þar sem snjór hylur æðina geta
myndast stór holrúm undir sjónum umhverfis hana,
varhugaverð allri umferð.
Forðist því hugsanleg óhöpp á fólki, skemmdir á
farartækjum eða hitaveitulögn.
Akið aðeins yfir Nesjavallaæða á sérstökum, vel
merktum yfirkeyrslum, sem víða hafa verið byggðar
yfir æðina. Yfirkeyrslur bera ökutæki með allt að 10
tonna öxulþunga.
Hitaveita Reykjavíkur hefur gefið út bækling sem
sýnir legu Nesjavallaæðar og allra yfirkeyrslna.
Ennfremur fylgir Loran C staðsetningartafla fyrir
yfirkeyrslur.
Merkingar við
Nesjavallaæð
Yfirkeyrsla er bak við
þetta merki
yr\
xl
Yfirkeyrsla er milli
þessara merkja
Bæklingurirm liggur frammi
hjá Hitaveitu Reykjavíkur
Grensásvegi 1,128 Reykjavík,
sími 600100 og verður hann
sendur þeim sem þess óska.
Ennfremur hefur honum
verið dreift til björgunar-
sveita, ýmissa klúbba,
fyrirtækja og félagasamtaka
sem tengjast ferðalögum og
útivist.
Þá liggur bæklingurinn
frammi á nokkrum bensín-
stöðvum, sem næst liggja
Mosfellsheiði.
Góða ferð -
góða heimkomu.
HITAVEITA
RBYKJAVfKUR