Morgunblaðið - 26.02.1991, Blaðsíða 21

MOÍttíÚtíB'LAÐie ÖRÍÐJÚÐAGÚR 26. FEBRÚÁR 'Í991
21
Reuter
Stuðningsmenn Borís Jeltsíns, forseta Rússlands, hrópa nafn hans á
mótmælafundi í Moskvu á sunnudag. Miklu fleiri sóttu fundinn en
fund stuðningsmanna harðlínukommúnista og harðlínumanna í
Rauða hernum daginn áður.
Búlgaría:
Todor Zhívkov sóttur
til saka fyrir fjárdrátt
Sofíu. Reuter.
TODOR Zhívkov, fyrrum forseti Búlgaríu, var dreginn fyrir rétt í
Sofíu, höfuðborg landsins, í gær, sakaður um fjárdrátt. Hann er
fyrsti fyrrum leiðtogi Austur-Evrópuríkis sem er sóttur til saka fyr-
ir misferli á valdatíma sinum. Ráðherrar í ríkissljórn Zhívkovs veltu
honum úr sessi í nóvember 1989. Hann hafði þá verið við völd í
Búlgariu í 35 ár og var sá leiðtogi í Austur-Evrópu sem lengst hafði
setið á valdastóli. Zhívkov er sakaður um að hafa dregið sér 26
milljónir Leva úr opinberum sjóðum, eða sem samsvarar um 220
milljónum íslenskra króna, til að standa straum af kostnaði við lúxus-
lifnað sinn.
Zhívkov, sem var mikill veiðimað-
ur, er sagður hafa safnað veiðihús-
um. Auk þess átti hann lysti-
snekkju og einkalest. Voru allar
þessar eignir gerðar upptækar er
honum var steypt af stóli. Þá á
hann að hafa dregið sér fé til að
kaupa glæsilegar íbúðir og vestræn-
ar bifreiðar handa sér, vinum og
vandamönnum.
Zhívkov er 79 ára gamall og
neitar öllum ásökunum um fjár-
drátt. Verði hann sakfelldur á hann
yfir höfði sér allt að 20 ára fangels-
isdóm.
Taldar eru líkur á að réttarhöldin
geti tafist eitthvað vegna fonnsat-
riða. Segist veijandi Zhívkovs ætla
að fara fram á að þeim verði frest-
að þar til frekari sönnunargögn
liggi fyrir. Réttarhöldum í máli fyrr-
um ráðherra í ríkisstjórn Búlgaríu
var frestað í síðustu viku þar sem
margir þeirra er bera áttu vitnis-
burð í málinu fundust ekki.
Reuter.
Todor Zhívkov, fyrrum forseti Búlgaríu, brosir við upphafi réttar-
haldanna gegn honum í gær meðan lögmenn hans bera saman bæk-
ur sínar.
Grænland:
Ofbeldi eykst enn
Kaupmannahöfn. Frá Nils Jörgen Bruun,
OFBELDI fer vaxandi í Græn-
landi og verður stöðugt grófara,
að því er fram kemur í skýrslu
Jens Wacher lögreglustjóra um
afbrot þar í landi í fyrra.
Wacher lauk skýrslu sinni árið
áður með sömu niðurlagsorðum og
nú en árið 1989 hafði ofbeldiverkum
einnig ijölgað. Það ár voru framin
13 morð í Grænlandi en 23 í fyrra,
eða fleiri en nokkur dæmi eru um.
Andstæðar íylkingar efna til útifunda í Moskvu:
Fjölmennur fundur til
stuðnings Borís Jeltsín
Mun færri á fundi harðlínukommúnista
Moskvu. Reuter.
TUGÞÚSUNDIR fylgismanna Borís Jeltsíns, forseta Rússlands, söfn-
uðust saman við múra Kremlar á sunnudag og hrópuðu vígorð til
stuðnings honum. Voru fundarmenn mikið fleiri en á fundi harðlínu-
kommúnista daginn áður en þar mættu 40.000 eða fimmfalt færri
en búist hafði verið við. Hafði verið rekinn gegndarlaus áróður fyr-
ir því að menn mættu til fundar harðlínumanna.
Á fundi harðlínumanna veifaði
mannfjöldinn rauðum fánum og
myndum af Lenín. Nokkur hundruð
stuðningsmenn Borís Jeltsíns efndu
til mótmæla í nágrenni fundarstað-
ar harðlínumanna og á einu skilta
þeirra stóð að Sovétríkjunum staf-
aði meiri hætta af Kommúnista-
flokknum en alnæmi. Á fundi stuðn-
ingsmanna Jeltsíns á sunnudag
tóku nokkrir umbótasinnaðir þing-
menn til máls og gagnrýndu Míkhaíl
Gorbatsjov sovétforseta harðlega.
Var hann sakaður um að hafa vald-
ið glundroða og sagður ófær um
að ráða fram úr efnahagsörðugleik-
um Sovétríkjanna.
Sovéska þingið fyrirskipaði lýð-
veldunum í gær að efna til þjóðarat-
kvæðagreiðslu um framtíð sovéska
ríkjasambandsins 17. mars næst-
komandi, en sjö af lýðveldunum 15,
þar með talin Eystrasaltsríkin þijú,
höfðu ákveðið að efna ekki til at-
kvæðagreiðslunnar.
Gorbatsjov hugðist fá stuðning
sovésku þjóðarinnar við hugmyndir
sínar um framtíð ríkjasambandsins
í atkvæðagreiðslum 17. mars.
Eystrasaltsríkin telja sig hins vegar
ekki þurfa að efna til þess þar sem
þau hafi verið ólöglega innlimuð
árið 1940. Ákváðu þau að efna til
eigin atkvæðagreiðslu um sjálf-
stæði ríkjanna. Hefur hún farið
fram í Litháen en er ráðgerð í Lett-
landi og Eistlandi næstkomandi
laugardág en í samþykkt sovéska
þingsins voru kosningar þessar lýst-
ar ólögmætar.
Þingmenn samþykktu með -yfir-
gnæfandi meirihluta að skylda lýð-
veldin til að halda þjóðaratkvæða-
greiðsluna en Gorbatsjov hafði áður
lýst yfir því að þeim væri það í
sjálfsvald sett hvort þau efndu til
hennar. „Að svipta þjóðina réttinum
á því að taka afstöðu til ríkjasam-
bandsins er brot á sovéskum borg-
ararétti,“ sagði Vladímír Orlov,
Borís Jeltsín
formaður kjörstjórnar. Þingið sam-
þykkti að verksmiðjur og héraðs-
stjórnir hefðu fullan rétt til að efna
sjálfar til atkvæðagreiðslu innan
sinna vébanda, væntanlega af ótta
við að stjórnir lýðveldanna myndu
enn reyna að standa á móti henni.
Jafnframt að fjölskyldur verk-
smiðjufólks gætu kosið í verksmiðj-
unum.
VIRÐISAUKASKATTUR
Gjalddagi
virðisaukaskatts í
landbúnaði er 1. mars
Skýrslum til greiðslu, þ.e. þegar útskattur er
hærri en innskattur, og núllskýrslum má skila
til banka, sparisjóða og pósthúsa. Einnig má
gera skil hjá innheimtumönnum ríkissjóðs en
þeir eru tollstjórinn í Reykjavík, bæjarfógetar
og sýslumenn úti á landi og lögreglustjórinn
á Keflavíkurflugvelli.
Athygli skal vakin á því að bankar, sparisjóðir
og pósthús taka aðeins við skýrslum sem eru
fyrirfram áritaðar af skattyfirvöldum. Ef aðili
áritar skýrsluna sjálfur eða breytir áritun
verður að gera skil hjá innheimtumanni ríkis-
sjóðs.
Inneignarskýrslum, þ.e. þegar innskattur er
hærri en útskattur, skal skilað til viðkomandi
skattstjóra.
Til að komast hjá álagi þarf greiðsla að hafa
borist á gjalddaga. Bent skal á að ekki er
nægilegt að póstleggja greiðslu á gjalddaga.
fréttaritara Morgunblaðsins.
Þar á meðal eru sjö manns sem
myrtir voru á nýjársnótt í bænum
Narsaq.
í fyrra voru gerðar 36 tilraunir
til manndráps miðað við 27 árið
1989. Alls voru kærur vegna ofbeld-
isverknaðar 415 talsins í fyrra, þar
af 162 nauðganir eða nauðgunartil-
raunir. Sifjaspellum og skirlífsbrot-
um fjölgaði úr 112 í 138. Voru brot
af því tagi, sem kærð hafa verið,
tvöfalt fleiri en fyrir fimm árum.
RSK
RÍKISSKATTSTJÓRI