Morgunblaðið - 01.05.1991, Blaðsíða 29

29
illi prýði. Þannig er því varið með
Benedikt Blöndal, hæstaréttardóm-
ara, sem lést í síðustu viku aðeins
56 ára að aldri.
Kynni okkar Benedikts urðu þeg-
ar systir mín Margrét giftist föður
hans, sem hafði misst fyrri konu
sína, móður Benedikts, frá fimm
börnum og var Benedikt þeirra elst-
ur. Yngri börnin voru á viðkvæmum
aldri þegar þessi snöggu umskipti
urðu í lífi þeirra og þeir, sem hafa
reynt slíkt þekkja vel hversu erfitt
það getur verið á báða bóga. Bene-
dikt reyndist mér hinn trausti
drengur og var mér kunnugt um
hversu stjúpmóðir hans mat mikils
þann stuðning, senj hann veitti
henni í vandasömu starfi, sem gaf
henni vissulega mikla lífsfyllingu. Á
þessu tímaskeiði hittumst við oft
með fjölskyldum okkar og voru
þeir samfundir ávallt ánægjulegir.
Átti hann sinn góða þátt í því. Fyr-
ir þetta og einlæga vináttu hans
er ljúft að þakka að skilnaði, sem
hefur borið svo óvænt að. Innilegar
samúðarkveðjur eru sendar Guð-
rúnu og börnunum og Lárusi, föður
Benedikts, og systkinunum.
Davíð Olafsson
Benedikt Blöndal, hæstaréttar-
dómari, lést í Landspítalanum að
kvöldi mánudagsins 22. apríl sl,
langt um aldur fram og öllum harm-
dauði. Hann verður til moldar bor-
inn á morgun, 2. maí.
Margar minningar, og allar góð-
ar, koma upp í hugann við fráfall
þessa góða vinar og félaga um ára-
bil.
Kynni okkar Benedikts hófust
skömmu eftir að hann lauk prófi í
lögum 1960, og áttum við ýmislegt
saman að sælda á þeim árum. Mér
varð fljótlega ljóst að þar fór af-
bragðsmaður og snjall lögfræðingur
og þegar minn gamli vinur og fé-
lagi Benedikt Siguijónsson hætti
störfum á lögmannsskrifstofu okk-
ar í árslok 1965, er hann var skipað-
ur dómari í Hæstarétti, var ég ekki
í vafa um það hvert leita skyldi um
nýjan félaga. Var það mikið happ
fyrir skrifstofuna að Benedikt
Blöndal féllst á að ganga í félags-
skapinn, en síðar bættist Hákon
Árnason í hópinn, sá ágæti maður.
Það er skemmst frá því að segja
að á skömmum tíma var Benedikt
kominn í fremstu röð lögmanna.
Hann lauk prófraun hæstaréttar-
lögmanna þegar árið 1966, og flutti
síðan ijölda mála fyrir Hæstarétti,
auk mála í héraði, meðan hann
stundaði lögmannsstörf.
Benedikt hafði það sem kallað
er „eyra réttarins“, og var jafnan
hlustað á hann með athygli, enda
naut hann mikils álits dómenda
Hæstaréttar, sem snjall og skarpur
lögfræðingur og framúrskarandi
málflytjandi.
En lögmannsstörf eru ekki ein-
ungis fólgin í málflutningi fyrir
dómi. Meginþáttur þeirra er lög-
fræðileg ráðgjöf og allskonar aðstoð
við skjólstæðinga, utan réttar, setja
niður deilur manna og fyrirbyggja
kostnaðarsöm og oft tvísýn mála-
ferli o.fl. o.fl. Á þessu sviði var
Benedikt einnig framúrskarandi
hæfur maður, enda naut hann mik-
ils álits sem lögfræðilegur ráðu-
nautur, því hann var ekki einungis
frábær og ráðsnjall lögfræðingur,
heldur var hann einnig hamhleypa
til vinnu og mjög sýnt um skipuleg
og hagkvæm vinnubrögð.
Benedikt gerðist snemma ráðu-
nautur margra íslenskra og er-
lendra fyrirtækja, oft við vanda-
samar samningsgerðir. Kom sér þá
vel ágæt málakunnátta, en hann
skrifaði og talaði reiprennandi
Norðurlandamálin, svo og ensku,
hafði starfað um skeið á þekktri
lögmannsskrifstofu í Lundúnum.
Enda þótt öll lögmannsstörf hafi
leikið í höndum Benedikts og hon-
um hafi fallið þau störf ágætlega,
held ég að hugur hans hafi snemma
staðið til þess að ijúka starfsævi
sinni sem dómari í Hæstarétti, enda
hafði hann alla burði til þess. Því
var það, að þegar hann átti þess
kost í ársbyijun 1988, að verða
skipaður hæstaréttardómari, tók
hann því fegins hendi, enda orðinn
nokkuð þreyttur á erilsömu lög-
mannsstarfi um áratugi.
MPBGUNBLAÐJÐ MIÐVIKUDAGUR 1. ,MÁÍ, 1991,
Þetta var á margan hátt léttir
fyrir Benedikt, því enda þótt dóm-
arastarfið í Hæstarétti sé ábyrgðar-
mikið og kreijandi, er það ekki eins
lýjandi og hin erilsömu lögmanns-
störf.
Það er skemmst frá því að segja
að Benedikt féllu dómstörfin ákaf-
lega vel, og er það mál manna að
það hafi verið mikill fengur fyrir
Hæstarétt að fá jafn reyndan og
snjallan lögfræðing til starfa í dóm-
inum, enda kunnu dómendur vel
að meta störf hans, þann alltof
stutta tíma, sem Benedikt starfaði
sem dómari.
Á lögmannsárum sínum gegndi
Benedikt miklum fjölda trúnaðar-
starfa, sem ég mun ekki telja hér
upp, en öll þessi störf rækti hann
með sömu ágætum og annað það,
er hann tók að sér.
Með fráfalli Benedikts er mikið
skarð fyrir skildi í íslenskri lögfræð-
ingastétt og sakna nú margir vinar
í stað, þvi Benedikt var ekki einung-
is frábær lögfræðingur og fjölhæfur
maður á flestum sviðum, heldur var
hann einnig vandaður maður og
hjálpfús, mikill Ijölskyldufaðir og
vinur vina sinna. Minningin um
þennan mikilhæfa og góða dreng
mun lengi lifa.
Guðrúnu, börnunum og öldruðum
föður, svo og systkinum hans og
öðrum vandamönnum, færi ég inni-
legustu samúðarkveðjur.
Ágúst Fjeldsted
Kveðja frá Rotaryklúbbi
Seltjarnarness
Við Rotaryfélagar á Seltjarnar-
nesi eigum nú á bak að sjá forseta
klúbbs okkar, Benedikts Blöndal.
Sá er þetta skrifar kynntist Bene-
dikt fyrir um það bil 30 árum, en
best kynntist hann honum eftir að
Benedikt gerðist Rotaryfélagi á
Seltjarnarnesi árið 1977.
Benedikt átti til góðra að telja
bæði í móður- og föðurætt og hann
átti rætur bæði á Norður- og Suð-
urlandi. Benedikt var myndarlegur
að vallarsýn, traustur í fasi, ljúfur
í skapi en skapmaður mikill og
kunni að beita skapi sínu rétt. Hann
var námsmaður góður og greindur.
Benedikt var mikill starfsmaður og
félagsmaður og ávann sér traust
samtíðarmanna sinna enda hlóðust
á hann hin ýmsu ábyrgðarstörf í
þjóðfélaginu.
Benedikt var mjög virkur í störf-
um Rotaryklúbbs Seltjarnarness.
Tók hann mikinn þátt í ferðalögum
á vegum klúbbsins og gjarnan fór
hann út í Gróttu og tók þar til
hendi, en klúbbur okkar hefur haft
umsjón eyjarinnar á hendi um langt
árabil.
Við eigum margar og góðar
minningar um tækifærisræður, sem
hann flutti á fundum okkar svo og
hnyttin tilsvör hans. Þess má og
geta að Benedikt var skeleggur
áhugamaður um það að konur
fengju inngöngu í Rotaryhreyfing-
una.
Benedikt var ritari klúbbs okkar
1983-1984 og árið 1990 var hann
skipaður forseti fyrir starfsárið
1990-1991.
Við Rotaryfélagar á Seltjarnar-
nesi vottum eiginkonu Benedikts
og börnum dýpstu samúð.
Jón Jónsson
Mágur minn, Benedikt Blöndal,
er látinn langt um aldur fram eftir
stutta en erfiða sjúkdómslegu, sem
hann mætti af æðruleysi og kjarki.
Eg var ungur að aldri er ég kynnt-
ist Benedikt. Guðrún systir mín og
hann gengu í hjónaband í febrúar-
mánuði 1960, en töluvert áður
höfðu þau fellt hugi saman og hann
tekið að venja komur sínar á heim-
ili okkar. Á milli okkar voru fimmt-
án ár í aldri, sem ekki er langur
tími þótt talinn væri mannsaldur
fyrr á tímum. Aldursmunurinn var
þó nógu mikill til þess, að ég átti
hann að stóran hluta af mínum
uppvaxtar- og þroskaárum, svo
ekíd sé minnst á fullorðinsárin.
Benedikt og Guðrún hófu sinn bú-
skap á heimili foreldra minna og
fluttu skömmu síðar í íbúð í ná-
grenni okkar, og varð heimili þeirra
SJÁ SÍÐU 52
TIIDORi
Ho/ivyöutyi
TUDOR
TUDOR
TTOOR
- mnm "
Bíldshöfða 12 - sími 680010
Shell-bensínstöðvarnar
Bílaþvottastöðin Laugaveg 180
og umboðsmenn um land allt.
TUDORog SUJmfaK
rafgeymar,
2ja ára verðlækkun, sömu
verð og 1. maí 1989 þrátt fyrir
26% hækkun lánskjaravísitölu.
Einnig veruleg verðlækkun á
sólarrafhlöðum.