Morgunblaðið - 30.08.1991, Síða 3
MORGUNBLAÐIÐ FÖSTUDAGUR 30. ÁGÚST 1991
3
Cazal á Kjar-
valsstöðum
Á morgun verður opnuð í vestursal
Kjarvalsstaða sýning á verkum
franska listamannsins Philippe Caz-
al, sem ber nafnið „Annars vegar
- Hins vegar“. Að sögn Gunnars
Kvaran, forstöðumanns Kjarvals-
staða, er Cazal talinn meðal þriggja
skærustu stjarnanna í franskri
myndlist um þessar mundir. Hann
sé jafnframt í fararbroddi þeirra
myndlistarmanna í Evrópu, sem
byggi á myndmáli auglýsinga. Þessi
sýning sé unnin í samvinnu Kjarv-
alsstaða og fjögurra listasafna í
Frakklandi og þegar henni ljúki
verði hún sett upp í Finnlandi og
jafnvel í Tallinn í Eistlandi. Sýning-
in stendur til 6. október og er opin
daglega frá klukkan 10 til 18.
Morgunblaðið/Ámi Sæberg
Uppsagnirnar hjá Aðalverktökum:
RC-Cola upp úr...
Helmingi starfsmanna
véladeildar sagt upp
UPPSAGNIR allt að 40 starfs-
manna í véladeild Islenskra aðal-
verktaka verða birtar þeim í
dag. Margir þeirra voru ráðnir
tímabundið en í hópnum eru
menn sem starfað hafa hjá fyrir-
tækinu um árabil.
Jón Rúnar Halldórsson, trúnað-
armaður starfsmanna véladeildar-
innar segir að sér virðist að í vetur
verði helmingi færri starfsmenn í
deildinni en verið hafa í sumar.
Jón Rúnar segir að engin við-
brögð við uppsögnunum hafi verið
ákveðin af hálfu starfsmanna. Erf-
itt sé um vik því að ástæðan fyrir
uppsögnunum nú sé mikill sam-
dráttur í framkvæmdum, einkum
jarðvinnu. Að sögn Jóns Rúnars er
þungt hljóð í mönnum vegna upp-
sagnanna, enda sé nú mjög erfitt
að fá vinnu á Suðurnesjum. Það sé
þó svolítil huggun að Aðalverktakar
muni líklega bjóða þeim almenna
verkamannavinnu.
Samkvæmt upplýsingum Verka-
lýðs- og sjómannafélags Keflavíkur
og nágrennis þýðir það launalækk-
un sem nemur 3 til 5 þúsund krón-
um á viku.
'
.00 er líka langódýrast!
ROYAL CROWN COLA
1 Meðalverð í tíu verslunum á höfuðborgarsvæðinu 10.08.91.
RC og Coke eru í margnota umbúðum með 10 kr. skilagjaldi
en Pepsi í einnota umbúðum með 6 kr. skilagjaldi.
fyrír bragðið og verðið.