Morgunblaðið - 21.09.1991, Blaðsíða 23

22
MORGUNBLAÐIÐ LAUGARDAGUR 21. SEPTEMBER 1991
MORGUNBLAÐIÐ LAUGARDAGUR 21. SEPTEMBER 1991
2S
JMtogtmttbifefí
Útgefandi
Framkvæmdastjóri
Ritstjórar
Fulltrúar ritstjóra
Fréttastjórar
Ritstjórnarfulltrúi
Árvakur h.f., Reykjavík
Flaraldur Sveinsson.
Matthías Johannessen,
Styrmir Gunnarsson.
Þorbjörn Guðmundsson,
Björn Jóhannsson,
Árni Jörgensen.
Freysteinn Jóhannsson,
Magnús Finnsson,
Sigtryggur Sigtryggsson,
Ágúst Ingi Jónsson.
Björn Vignir Sigurpálsson.
Ritstjórn og skrifstofur: Aðalstræti 6, sími 691100. Auglýsingar: Aðal-
stræti 6, sími 691111. Afgreiðsla: Kringlan 1, sími 691122. Áskriftar-
gjald 1100 kr. á mánuði innanlands. i lausasölu 100 kr. eintakið.
Kjarasamningar,
verðlagsþróun og
kaupmáttur
011 viðreisnarárin, 1959-
1971, mældist verðbólga
hér á landi með éins stafs tölu.
Hún var sum árin vel innan við
10%. Engu að síður var hún að
jafnaði nokkru hærri en í
grannríkjum. Það var ekki fyrr
en við upphaf áttunda áratugar-
ins sem óðaverðbólgan hóf inn-
reið sína í samfélagið með
hörmulegum afleiðingum fyrir
þorra þjóðarinnar.
Óðaverðbólgan, sem hér reið
húsum í nær tvo áratugi, rekur
meðal annars rætur til ógæti-
legrar stjórnar í ríkisfjármálum
og peningamálum sem og til
óraunhæfra kjarasamninga,
sem ekki tóku mið af efnahags-
legum veruleika í þjóðarbú-
skapnum. Launahækkanir um-
fram vöxt framleiðni, umfram
það sem verðmætasköpunin í
þjóðarbúskapnum og/eða við-
skiptakjör út á við stóðu undir,
komu einfaldlega fram í sam-
svarandi verðbólgu, m.a. með
gengissigi og auknu peninga-
magni í umferð.
„Þannig má glöggt sjá,“ seg-
ir Baldur Pétursson viðskipta-
fræðingur í grein hér í Morgun-
blaðinu á dögunum, „að hækk-
un atvinnutekna 1971-1974
leiðir til samsvarandi verðbólgu
u.þ.b. ári síðar.“ Lærdómsríkt
er að virða fyrir sér staðhæfíngu
í greininni, sem fylgir í kjölfarið:
„Þessi verðbólga hefur senni-
lega valdið meiri skaða fyrir
flesta launþega og hagkerfið í
heild en nokkurn órar fyrir.
Færa má gild rök fyrir því að
kaupmáttur væri að öllum
líkindum 20% hærri í dag, en
raun ber vitni, ef þessi verð-
bólga og skaðsemi hennar hefði
ekki ríkt þennan tíma. Þetta
sést vel ef skoðaður er hinn
margvíslegi skaði sem verðbólg-
an hefur valdið einstaklingum
sem fyrirtækjum, í fjárfesting-
um, framleiðslu og sparnaði."
Bitur reynsla síðustu tveggja
áratuga í framvindu kaupmátt-
ar og verðlags - og nokkur
varnarsigur 1990-1991 - færa
heim sanninn um, að við stigum
mikilvægt skref til réttrar áttar
með þjóðarsáttarsamningum í
upphafí næstliðins árs. Það
skiptir meginmáli nú að treysta
þann árangur í sessi sem þá
náðist. Þetta gildir bæði um
stöðugleika í verðlagi og at-
vinnulífí. Það er í raun forsenda
þess, að okkur takist að vinna
okkur út úr ríkjandi efnahags-
lægð, treysta stöðu atvinnulífs-
ins á ný og stuðla að aukinni
framleiðni, þ.e. aukinni verð-
mætasköpun, sem er eini gildi
aðgöngumiðinn að varanlegum
kjarabata, með og ásamt hag-
stæðum viðskiptakjörum við
umheiminn.
Verði komandi kjarasamn-
ingar á hinn bóginn innistæðu-
laus ávísun á „verðmæti“, sem
ekki eru til í þjóðarbúskapnum,
eins og gerðist t.d. við upphaf
áttunda áratugarins, leiða þeir
óhjákvæmilega til samsvarandi
verðbólgu, verði þeim enn sem
fyrrum mætt með gengissigi og
auknu peningamagni í umferð.
Verði hugsanlegum launahækk-
unum umfram framleiðnivöxt
ekki mætt með þessum hætti,
getur niðurstaðan á hinn bóginn
orðið aukið atvinnuleysi.
Verðbólga myndi, sem fyrr,
bitna harðast á láglaunafólki.
Hún veikir í senn samkeppnis-
stöðu atvinnuveganna og at-
vinnuöryggi almennings. Hún
myndi og stórauka fjármagns-
kostnað skuldsettra launþega,
t.d. vegna húsnæðis. Að því leyti
hefði hún hliðstæð áhrif og
hallarekstur og lánsfjárhungur
ríkisins, sem halda uppi háu
vaxtastigi.
Forsendur aukins kaupmátt-
ar eru meiri framleiðni, aukin
verðmætasköpun og/eða við-
skiptakjarabati, það er, stærri
skiptahlutur á þjóðarskútunni.
Hrikalegur ríkissjóðshalli auð-
veldar ekki vegferðina að því
marki - né fyrirséður afla-
samdráttur gjöfulasta nytja-
fisksins, þorsksins. En þeim
mun mikilvægara er að fara
með löndum í stjórn ríkisfjár-
mála, í stjóm peningamála og
við gerð kjarasamninga: í þess-
um efnum verða heildarhags-
munir að ráða ferð, ef við ætlum
að treysta atvinnuöryggi, kaup-
mátt og velferð til frambúðar.
Það eru ótvíræðir heildar-
hagsmunir að íslenzkum at-
vinnuvegum verði búin hliðstæð
rekstrar- og samkeppnisskilyrði
og fyrir hendi eru í grannríkjum.
Það eru óumdeilanlegir al-
mannahagsmunir að ná hag-
stæðum viðskiptakjörum við
umheiminn. Það eru ekki sízt
hagsmunir heildarinnar að
fylgja fram meginmarkmiðum
þjóðarsáttarinnar um stöðug-
leika, bæði í verðlagi og at-
vinnulifi. Við megum undir eng-
um kringumstæðum hverfa á
nýjan leik að verðbólgusamn-
ingum. Reynslan frá árum óða-
verðbólgunnar þarf að vera okk-
ur víti til varnaðar.
Opnun Austurstrætis fyrir bílaumferð:
Framkvæmdir taka um þijár vikur
Hitalögn er óvissuþáttur í kostnaðaráætlun. Búast má við mótmælaaðgerðum gegn framkvæmdum
Svona gæti Austurstræti
litið út eftir að umferð
ökutækja hefur aftur ver-
ið leyfð þar sem nú er
göngugata. Stuðst er við
hugmyndir Borgarskipu-
lags.
FRAMKVÆMDIR við breytingar á austurhluta Austurstrætis fyrir
opnun á bílaumferð munu standa í um þrjár vikur. Menn frá gatnamál-
asljóra eru byrjaðir að undirbúa framkvæmdirnar en ákvörðun um
upphaf þeirra mun liggja fyrir á allra næstu dögum. Kostnaður við
framkvæmdirnar er á bilinu 5-6 milljónir króna. Helsti óvissuþáttur
er hitalögn sú sem nú er undir götunni og hvort skipta þarf um hana
að hluta eða öllu leyti. Vitað er að lögnin er orðin léleg. Hópur sá sem
stóð að undirskriftasöfnun gegn opnun götunnar fyrir bílaumferð
hefur ekki sagt sitt síðasta orð í málinu og fyrirhugar mótmælaaðgerð-
ir gegn framkvæmdunum.
Morgunblaðið/Andrés Magnússon
Sjálfstæðismenn ekki sammála um opnun Austurstrætis:
Legg áherslu á að þetta hafí ekki
áhrif á áframhaldandi samstarf
-segir Magnús L. Sveinsson, forseti borgarstjórnar
AFSTAÐA meirihluta Sjálfstæðismanna í borgarstjórn skiptist í tvö horn
við atkvæðagreiðslu um opnun Austurstrætis fyrir bílaumferð á fundi
borgarstjórnar í fyrrakvöld. Tillagan var samþykkt með níu atkvæðum
gegn sex og þar af voru sex borgarfulltrúar Sjálfstæðisflokks heimi fylgj-
andi en fjórir mótfallnir. Magnús L. Sveinsson, forseti borgarstjórnar,
lýsti á fundinum yfir áhyggjum sínum yfir þvt að í ljósi samstöðu hluta
fulltrúa Sjálfstæðisflokks og nokkurra fulltrúa minnihlutans væri mynd-
aður nýr meirihluti í borgarstjórn.
Sigurður Skarphéðinsson aðstoð-
argatnamálastjóri segir að opnun
Austurstrætis til reynslu í sex mán-
uði sé ódýrasti valkosturinn sem fyr-
ir lá og muni embættið vinna úr hon-
um á eins hagkvæman hátt og unnt
er. „Við vitum að hitalögn sú sem
er undir götunni er orðin léleg og
því spurning að hve miklu leyti þarf
að endurnýja hana,“ segir Sigurður.
„Þetta er helsti óvissuþátturinn í
kostnaðaráætluninni svo og hvert
ástandið er á yfirborðslagi því sem
núverandl hellulögn hvílir á.“ í máli
Sigurðar kemur einnig fram að menn
frá Gatnamálastjóra munu strax í
dag í kanna ástand götunnar og
undirbúa framkvæmdir. Hvort mikið
rask verði af framkvæmdum þessum
eða ekki segir Sigurður að fari eftir
ástandi yfirborðslagsins en kappkost-
að verði við að hafa allt rask í lág-
marki.
Sú þriggja vikna framkvæmda-
áætlun sem unnið verður eftir mun
nokkuð ráðast af því hve vel gengur
að sérpanta efnivið þann sem notaður
verður eins og stálpolla og ljósa-
staura þá sem setja á upp í götunni.
Sigurður segir að þetta geti ráðið
nokkru lokapunkti framkvæmda þar
sem þessir hlutir séu ekki til á lager.
í þeim tillögum að opnun götunnar
sem nú liggja fyrir er gert ráð fyrir
einni akgrein eftir Austurstræti
miðju og á henni fímm bílastæðum
við veitingastaðinn Hressó. Eftir ak-
greininni báðum megin verði komið
fyrir stálpollum eins og nú eru neðst
á Laugarveginum, ljósastaurum og
við upphaf götunnar verði komið fyr-
ir 4 metra háu hliði. Samhliða þessu
hefur verið ákveðið að gera Vallar-
stræti að göngugötu.
Rök með og á móti
Eins og kunnugt er af fréttum
urðu heitar umræður um málið á
fundi borgarstjórnar í vikunni er
framkvæmdimar voru samþykktar
með 9 atkvæðum gegn 6. Á fundinum
voru afhentir undirskriftarlistar með
1.300 nöfnum þar sem opnun götunn-
ar fyrir bílaumferð var mótmælt. Þau
sem stóðu að undirskriftasöfnuninni
er hópur fólks sem kemur aðallega
úr Grænu framboði sem bauð fram
til alþingiskosninga í fyrsta sinn í
ár. Sá hópur hyggur á frekari aðgerð-
ir gegn framkvæmdunum. Kjartan
Jónsson, einn af forsvarsmönnum
hópsins, segir að hann muni fylgjast
grannt með framvindu málsins og
jafnvel gera eitthvað áður en málið
verið tekið til endurskoðunar að sex
mánuðum liðnum.
Þeir sem einkum hafa knúið á um
að fá Austurstræti opnað fyrir bí-
laumferð eru aðilar sem standa að
Þróunarfélagi Reykjavíkur. í greinar-
gerð frá félaginu um mál þetta kem-
ur fram að aðrir sem eru málinu
hlynntir eru m.a. Miðbæjarfélagið,
Laugavegssamtökin, sjö fasteigna-
eigendur og forráðamenn fyrirtækja
við Aðalstræti, verslunareigendur við
Austurstræti, Kaupmannasamtökin,
Skrifstofa viðskiptalífsins og Sam-
starfsráð verslunar. Rök þau sem
lögð hafa verið til grundvallar eru
einkum síminnkandi verslun í miðbæ
Reykjavíkur og sú skoðun að opnun
Austurstrætis fyrir bílaumferð myndi
glæða þá verslun. í greinargerðinni
segir m.a. að upphafleg ákvörðun um
að gera Austurstræti að göngugötu
byggði á þeirri skoðun að það hefði
ekki neikvæð áhrif á verslun í göt-
unni. Viðskipti við götuna hafi hins-
vegar farið minnkandi ár frá ári og
verslunum fækkað þótt umdeilanlegt
sé af hvaða orsökum það er. Síðan
segir: „Þeir aðilar sem óska eftir
opnun Austurstrætis telja að forsend-
ur hafi breyst og ekki lengur sama
þörf á að takmarka umferð um mið-
borgina með þessum hætti. Lokun
Austurstrætis hafí neikvæð áhrif á
viðskipti í miðborginni sérstaklega
Austurstræti og Aðalstræti."
Kjartan Jónsson einn af forsvars-
mönnum þeirra sem mótmæla opn-
unni segir að það fái ekki staðist að
minnkandi verslun í miðborginni sé
göngugötunni að kenna. Nærtækari
skýring Iiggi í þeim stórmörkuðum
sem byggðir hafa verið eins og
Kringlunni og Mjóddinni. „Eins og
við lítum á málið eru engin rök af
viti sem mæla með opnun Austur-
strætis fyrir bílaumferð," segir Kjart-
an. „Og tillaga Nýs vettvangs sem
samþykkt var um að gera Vallar-
stræti í staðinn að göngugötu er
hlægileg. Þar er yfírhöfuð engin
umferð af neinu tagi enda gatan
notuð sem bílastæði hingað til.“
Göngugata í 18 ár
Austurstræti hefur verið göngu-
gata í 18 ár eða frá því borgarstjóm
samþykkti í nóvember 1973 að stefna
að því að gera götuna að göngugötu
til frambúðar. Áður, eða dagana 12.
ágúst til 15. nóvember, hafði götunni
allri verið lokað fyrir bílaumferð í
tilraunaskyni. Á þeim árum sem liðin
eru hafa verið gerðar tilraunir með
að koma tijám, blómum, borðum,
bekkjum og listaverkum fyrir í göt-
unni en slíkt hefur ekki gefist vel
vegna slæmrar umgengni og
skemmdarverka.
Þrátt fyrir áhuga sinn á því að
opna Austurstræti fyrir bílaumferð
telur Þróunarfélag Reykjavíkur fulla
þörf fyrir göngugötu í miðborginni
og vill að staðfest skipulag af Vallar-
stræti sem göngngötu komi sem fyrst
til framkvæmda. Raunar vill félagið
að Austurstræti verið lokað fyrir bí-
laumferð á góðvirðisdögum og þegar
aðrar ástæður þykja til eins og
skemmtanir og útisamkomur. Þegar
hefur verið opnuð gönguleið um Vall-
arstræti milli Hallærisplans og Thor-
valdsenstrætis. Fyrirhugað sé opnun
gönguleiðar frá Hallærisplani bakvið
Aðalstræti 9 og úr Áusturstræti
(Hressingarskálanum) í gegnum bafe-
garð Lækjargötu að Tjöminni.
Magnús L. Sveinsson sagði í sam-
tali við Morgunblaðið að það væri
umhugsunarefni fyrir Sjálfstæðis-
menn þegar sex borgarfulltrúar af tíu
kysu að taka upp samstarf við hluta
af minnihlutaflokkunum og mynda
þannig meirihluta í borgarstjóm til
að knýja ákveðið mál í gegn. „Það
hefur verið lögð áhersla á það fram
að þessu af hálfu Sjálfstæðismanna
að ef þeir hafa ekki meirihluta fyrir
málum í borgarstjórn þá láti þeir það
vera að flytja slík mál og knýja þau
í gegn með atbeina minnihlutans,“
sagði Magnús.
Hann sagðist vonast til þess að
þetta atvik ætti ekki eftir að hafa
áhrif á áframhaldandi samstarf borg-
arfulltrúa Sjálfstæðisflokks og leggja
áherslu á að svo yrði ekki þar sem
styrkur sjálfstæðismanna í borgar-
stjórn hefði verið samheldni og sam-
staða.
Katrín Fjeldsted, borgarfulltrúi
Sjálfstæðisflokks, lagðist einnig gegn
tillögunni um opnun Austurstrætis
fyrir bílaumferð. í bókum sem hún
lagði fram á fundinum eftir að at-
kvæðagreiðsla hafði farið fram sagð-
ist hún harma þá niðurstöðu sem
lægi fyrir. „Sex félagar mínir úr Sjálf-
stæðisflokknum hafa látið undan há-
værum þrýstihópi örfárra manna og
gengið þar með gegn hagsmunum
Reykvíkinga almennt og annarra sem
halda vilja í einu göngugötuna í mið-
bænum,“ segir í bókún Katrínar.
Markús Orn Antonsson, borgar-
stjóri, lagði áherslu á það í ræðu sinni
á fundinum að opnun Austurstrætis
væri þverpólitískt mál þar sem allir
borgarfuljtrúar hefðu skoðanir óháð
flokkslínum.
Borgarendurskoðun faíið að kanna
fjárhag Hitaveitu Reykjavíkur
TILLÖGU Nýs vettvangs um skipun rannsóknarnefndar til að kanna
kostnað vegna Perlunnar á Öslguhlíð var vísað frá á fundi borgarstjórnar
í fyrrinótt með tíu atkvæðum borgarstjórnarfulltrúa Sjálfstæðisflokks
gegn fimm atkvæðum fulltrúa minnihlutaflokkanna. TiIIögunni var vísað
frá á þeim grundvelli að borgarsljóri hefði þegar falið borgarendurskoð-
un að hafa forgöngu um að fram fari úttekt á stjórnsýslu og fjárhag
Hitaveitu Reykjavíkurborgar, þar sem m.a. verði kannaðar verklagsregl-
ur sem viðhafðar séu við úrvinnslu einstakra verkefna hjá Hitaveitunni
og fjármálalegt eftirlit innan hcnnar.
Tillaga borgarfulltrúa Nýs vett-
vangs sem vísað var frá á fundinum
fól í sér að skipuð yrði fimm manna
rannsóknarnefnd til að kanna og veita
borgarstjórn svör við því hvemig stað-
ið var að ákvörðunum og fjárstreymi
til einstakra verkþátta Perlunnar frá
upphafi.
Ólína Þorvarðardóttir, borgarfull-
trúi Nýs vettvangs, sagði m.a. að
borgarstjórn gæti ekki látið hjá líða
að rannsaka hvernig fjárstreyminu
hefði verið háttað og hvernig staðið
hefði verið að ákvarðanatöku við
byggingu útsýnishússins þar sem
kostnaður við það hefði farið ríflega
100% fram úr upphaflegum áætlun-
um. Hún sagði að nauðsynlegt væri
að upplýsa svo óyggjandi væri hvort
tilteknir aðilar hefðu farið út fyrir
valdsvið sitt og hvar ábyrgðin lægi.
Markús Öm Antonsson, borgar-
stjóri, tók undir það að breytingar á
kostnaðaráætlunum við gerð Perlunn-
ar kölluðu á viðbrögð og sagðist þeg-
ar hafa gert ráðstafanir þess efnis.
Hann benti auk þess á að um leið og
fréttist af því í sumar að áætlanir
stæðust ekki hefðu framkvæmdir ver-
ið stöðvaðar og skýringa krafíst.
Markús Örn sagðist hins vegar ekki
telja það rétt að pólitísk rannsóknar-
nefnd, sem haga myndi störfum sínum
eftir pólitískri forsögn og nokkram
leiðandi spumingum tillögumanna,
yrði skipuð til að fara yfír ákvarðana-
ferli og fjánnálalegar skuldbindingar
vegna Perlunnar. I frávísunartillögu
hans sem samþykkt var á fundinum
sagði að eðlilegur úttektaraðili í tilviki
sem þessu væri borgarendurskoðun,
sem starfaði í umboði borgarstjórnar
með aðild kjörinna fulltrúa meirihluta
og allra fyrirtækja og stofnana hans,
þannig að þess væri gætt sérstaklega,
að fylgt væri samþykktum fjárhagsá-
ætlunum borgarstjómar og borgar-
ráðs og að sparnaðar og hagsýni hefði
verið gætt við ráðstöfun fjármagns.
Með hliðsjón af þessum og öðram
atriðum í samþykkt um hlutverk borg-
arendurskoðunar hefði borgarstjóri
þegar falið borgarendurskoðun að
hafa forgöngu um að fram fari úttekt
á stjórnsýslu og fjárhag Hitaveitu
Reykjavíkur. í úttektinni muni m.a.
felast athugun á stjórnskipulagi fyrir-
tækisins, aðild hinnar kjömu stjórnar
veitustofnana að ákvörðunum um
stefnumörkun og rekstrarmálefni vei-
I
Vallarstræti verour gert að
göngugötu út a& Hallærisplani.
Framtíoarskipulag gerir rá& fyrir
að seinna verði Veltusund opnað
fyrir gangandi vegfarendur út að
Kirkjustræti og síðan áfram í
gegn um bílastæðin á Alþingis-
reit út að Vonarstræti.
Austurstræti verður opnað á milli
Lækjargötu og Pósthússtrætis, en
aðeins verður ein akrein líkt og
gerist á Laugaveáinum neðan-
verðum. Fimm bílastæði verða á
nýja kaflanum fyrir framan Ey-
mundsson og Hressingarskálann
—m—
tunnar, svo og samskipti við yfirstjórn
borgarinnar. Ennfremur verði skoðað-
ar verklagsreglur, sem viðhafðar séu
við úrvinnslu einstakra verkefna hjá
Hitaveitunni og fjármálalegt eftiríit
innan hennar.
Niðurfærsla fullvirðisréttar:
Flatri skerðingn
verður beitt á 13
búmarkssvæðum
Reykjavíkurkvartettinn.
\
Litháen: þ
SAMKVÆMT bráðabirgðauppgjöri vegna fyrri niðurfærslu á fullvirð-
isrétti í sauðfjárframleiðslu verður að beita flötum niðurskurði á 13
af alls 23 búmarkssvæðum. Samtals verður skorið niður um 6.665
ærgildi, en mest verður skorið niður á N-Vesturlandi og á Ströndum.
Frjáls sala fullvirðisréttar var mest á suðvesturhorni landsins, eð».
um 24%, en það er um helmingi meira en selja þurfti til að forðast
flatan niðurskurð.
Samkvæmt nýja búvörusamn-
ingnum var að því stefnt að minnka
fullvirðisrétt sauðfíárbænda um
60.800 ærgildi, eða tæp 11% af virk-
um fullvirðisrétti á lögbýlum. Ann-
ars vegar er þetta gert með fijálsum
uppkaupum ríkissjóðs og hins vegar
flötum niðurskurði, en honum verð-
ur að beita þar sem settu marki
verður ekki náð með fijálsum upp-
kaupum innan hvers búmarkssvæð-
is. Hveiju búmarkssvæði vart gert
að minnka fullvirðisrétt innan þess
um 12%, en á hreinum sauðfjár-
ræktarsvæðum var þó veitt undan-
þága, þannig að þar varð að minnka
fullvirðisréttinn um 7,2% eða 9,6%
eftir aðstæðum. Að meðaltali var
niðurskurður fullvirðisréttarins 11%
yfír allt landið.
Sala á fullvirðisrétti var afar mi-
sjöfn eftir búmarkssvæðum, en alls
hafa selst um 60.600 ærgildi. Þrátt
fyrir það verður að beita flötum
niðurskurði innan einstakra svæða
og skera niður um 6.665 ærgildi til
viðbótar. Ástæða þess er sú að á
10 búmarkssvæðum hefur verið selt
umfram það sem þurfti í haust til
þess að komast hjá flötum niður-
skurði, en á 13 búmarkssvæðum
hefur salan verið undir settu marki,
og á þeim verður fullvirðisréttur
sauðfjárbænda skertur um þau
6.665 ærgildi sem á vantar. Skerð-
ingin verður misjöfn eftir búmarks-
svæðum og fer eftir því hve mikið
hefur verið selt af fullvirðisrétti inn-
an hvers svæðis.
Sendiherra
Islands í Lit-
háen afhendir
trúnaðarbréf
INGVI S. Ingvarsson, sendi-
herra íslands í Danmörku,
afhenti P. Kuzmickas, vara-
forseta Litháen, trúnaðar-
bréf sitt sem sendiherra Is-
lands í Litháen þann 18.
september sl.
Ingvi er fyrsti sendiherra
íslands í Eystrasaltsríkjunum
sem afhendir trúnaðarbréf sitt.
Sigríður Snævarr, sendi-
herra íslands í Stokkhólmi,
verður sendihen-a íslands í
Eistlandi og Lettlandi og mun
hún afhenda trúnaðarbréf sín
innan skamms.
Reykjavíkurkvartett-
inn fékk góðar viðtökur
Reykjavíkurkvartettinn er nýkominn heim frá Litháen þar sem
hann tók þátt í hátíð strengjakvartetta. Kvartettinn lék meðal
annars við opnun hátíðarinnar 14. september. Tónleikarnir voru
teknir upp af litháíska sjónvarpinu og útvarpinu. Viðstaddir
opnunina voru menntamálaráðherrar íslands og Litháens.
Aðrir tónleikar kvartettsins voru
í borginni Marijampolé á sunnudags-
kvöldið, í Birzai-höll í samnefndri
borg á mánudagskvöldið og borginni
Siaululiai á þriðjudagskvöldið. Rut
Ingólfsdóttir, fíðluleikari, sagði að
tónlistarfólkið hefði fengið frábærar
mótttökur þar sem það kom. Sagði
hún að þar hefði sín áhrif að tónlist-
arfólk hefði verið með fyrstu lista-
T
mönnum sem sóttu Litháa heirn eftir
sjálfstæðið. Einnig hefði aðstoð ís-
lendinga við Litháa haft sín áhrif.
Kvartettarnir á hátíðinni léku allir
í Vihníus en var síðan skipt niður á
hinar ýmsu borgir í Litháen. Reykja-
víkurkvartettinn skipa auk Rutar,
Zbigniew Dubik, fiðla, Guðmundur
Kristmundsson, lágfiðla, og Inga Rós
Ingólfsdóttir, selló.
/