Morgunblaðið - 08.02.1992, Page 23

MORGUNBLAÐIÐ LAUGARDAGUR 8. FEBRÚAR 1992
23
Herflugvél flaug á hótel
Sextán létust er herflutningavél af gerðinni c-130 í venjulegu æfingaflugi brotlenti á hóteli og veitingastað
í borginni Evansville í Indianafylki í Bandaríkjunum á fimmtudag. Ellefu til viðbótar særðust, þar af þrír
alvarlega. Vélin var að æfa lendingar á flugvelli í grenndinni og hafði þrisvar sinnum „lent“ á flugbrautinni
og síðan tekið af stað aftur án þess að nema staðar er hún fékk fyrirskipun um að snúa aftur til heimaflug-
i vallar síns í Louisville í Kentuckyfylki. Ekki er vitað hvað olli slysinu sem átti sér stað er vélin var á leið heim.
Evrópubandalagið:
Ráðherrar undir-
rita Maastricht-
samkomulagið
Maastricht. Reuter.
RÁÐHERRAR í ríkisstjórnum aðildarríkja Evrópubandalagsins
(EB) komu saman á ný í hollensku borginni Maastricht í gær til
að undirrita sanminginn um sameiningu Evrópu sem samkomulag
náðist um á ríkisstjórnarfundi EB þar í borg í desember í fyrra.
Talið er að þetta sé mikilvægasta samkomulag sem gert hafi ver-
ið innan bandalagsins síðan árið 1957 en þá var stofnskrá þess,
Rómarsáttmálinn undirrituð.
Samningurinn spannar mjög
vitt svið og er í honum meðal ann-
ars að finna ákvæði um eitt sam-
eiginlegt markaðssvæði, sameig-
inlegan gjaldmiðil og sameiginlega
utanríkisstefnu bandalagsins. Alls
er samningurinn 189 blaðsíður að
lengd og hefur her lögfræðinga
og skjalaþýðanda unnið að því að
undirbúa hann til undirskriftar frá
því í desember.
Við undirritun samkomulagsins
voru flutt ávörp af Jacques Del-
ors, forseta framkvæmdastjórnar
bandalagsins, Ruud Lubbers, for-
sætisráðherra Hollands og Cavaco
Silva, forsætisráðherra Portúgals,
en Portúgalar fara 'nú með foryst-
una innan EB. „Þetta er söguleg
stund fyrir hina rúmlega þijú
hundruð milljón íbúa Evrópuband-
alagsins, stund sejn einkennist af
ánægju og von. Ánægju yfir því
sem náðst hefur og von gagnvart
því sem framtíðin ber í skauti sér,“
sagði Lubbers m.a. í ávarpi sínu.
Áður en samningurinn tekur
endanlega gildi verða öll þjóðþing
aðildarríkjanna að staðfesta hann
og er stefnt að því að því ferli
verði lokið fyrir áramót.
Króatía:
Vilja þjóðar-
atkvæði um
friðargæslu-
sveitir SÞ
Zagreb, Belgrad, Titograd. Reuter.
LEIÐTOGAR Serba í héraðinu
Krajina í Króatiu vilja halda at-
kvæðagreiðslu meðal íbúa um
hvort samþykkja eigi komu frið-
argæslusveita Sameinuðu þjóð-
anna (SÞ) til héraðsins. Verður
tillaga um að halda slíka at-
I kvæðagreiðslu rædd á þingi
Krajina á mánudag og verður
atkvæðagreiðslan sjálf líklega
haldin innan mánaðar. „Eg mun
fara að vilja þjóðar minnar,“
sagði Milan Babic, forseti Kraj-
ina, á blaðamannafundi í gær.
Franjo Tudman, forseti Króatíu,
hefur ritað Cyrus Vance, sérlegum
fulltrúa Sameinuðu þjóðanna í fyrr-
um Júgóslavíu, bréf þar sem hann
greinir frá því að Króatar fallast
skilyrðislaust á friðaráætlun Sam-
einuðu þjóðanna. Leiðtogar Serba
í Króatíu hafa hins vegar fram til
þessa neitað að samþykkja áætlun
SÞ en Vance segir stuðning þeirra
vera skilyrði fyrir því að hafist verði
handa við framkvæmd hennar.
Serbar eru í meirihluta í Krajina-
héraði og hafa sveitir þeirra með
stuðningi sambandshersins náð því
á sitt vald. Forsætisráði Júgóslavíu,
| sem nú eiga einungis í sæti fulltrú-
ar Serbíu og Svartfjallalands, hefur
þrátt fyrir ítrekaðar tilraunir ekki
tekist að fá Babic til að skipta um
skoðun og hefur hvatt til að áætlun-
inni verði hrint í framkvæmd með
eða án samþykki hans.
Milan Ivanic, náinn aðstoðarmað-
ur Babics, sagði í gær að ráðamenn
í Krajina væru ekki í grundvallar-
atriðum á móti áætlun Vance en
krefðust breytinga áður en þeir
samþykktu hana. Þingið í Krajina
tekur málið til umræðu á mánudag,
eins og áður sagði, og stuðnings-
menn Babics ætla á næstu dögum
að fara vítt og breitt um héraðið
og útskýra afstöðu forsetans fyrir
almenningi.
Fulltrúar Serba og Króata náðu
samkomulagi um vopnahlé fyrir
mánuði og hefur það haldið þrátt
fyrir að til einstakra skæra hafi
komið. Áður höfðu sex þúsund
manns fallið í borgarastyrjöldinni
sem hófst eftir að Króatía og Slóv-
enía lýstu yfir sjálfstæði í júní í
fyrra.
Fólksbíll með jeppaeiginleika
7 manna langbakur með sítengt aldrif
Aflmikill hreyfill með fjölinnsprautun
Mikil veghæð
FÆSTMEÐ SJÁLFSKIPTINGU
Verð frá kr. 1.698.240
HEKLA
LAUGAVEG1174
SÍMI695500
MITSUBISHI
MOTORS
HVARFAKUTUR
MINNI MENGUN