Morgunblaðið - 08.07.1992, Blaðsíða 22

22
MORGUNBLAÐIÐ MIÐVIKUDAGUR 8. JÚLÍ 1992
MORGUNBLAÐIÐ MIÐVIKUDAGUR 8. JÚLÍ 1992
23
JllnripmM&Mí
Útgefandi
Framkvæmdastjóri
Ritstjórar
Fulltrúar ritstjóra
Fréttastjórar
Ritstjórnarfulltrúi
Árvakur h.f., Reykjavík
Haraldur Sveinsson.
Matthías Johannessen,
Styrmir Gunnarsson.
Þorbjörn Guðmundsson,
Björn Jóhannsson,
Árni Jörgensen.
Freysteinn Jóhannsson,
Magnús Finnsson,
Sigtryggur Sigtryggsson,
Ágúst Ingi Jónsson.
Björn Vignir Sigurpálsson.
Ritstjórn og skrifstofur: Aðalstræti 6, sími 691100. Auglýsingar: Aðal-
stræti 6, sími 691111. Afgreiðsla: Kringlan 1, sími 691122. Áskriftar-
gjald 1200 kr. á mánuði innanlands. í lausasölu 110 kr. eintakið.
Eftirlitsmenn
um borð
Allt frá því kvótakerfið var
tekið upp við fískveiðar
hefur því verið haldið fram,
að smáfiski sé fleygt í sjóinn,
en þó fyrst og fremst umfram-
afla af þeim tegundum, sem
kvótinn nær yfir. Viðurlög eru
ströng við því að veiða umfram
heimildir, en auk sekta er kvóti
viðkomandi skips skorinn nið-
ur.
Fullyrðingar þessa efnis
hafa orðið æ háværari síðustu
árin eftir því sem aflaheimildir
hafa minnkað og meðal þeirra,
sem hafa haldið þessu fram,
eru sjómenn, sem gerzt eiga
að vita um málið. Þó hefur
fyrst kastað tólfunum eftir til-
komu frystitogaranna. Hávær-
ar raddir hafa verið um það
innan sjávarútvegsins að frá
þeim sé óhemju magni hent í
sjóinn. Aldrei hefur þó tekizt
að fá formlega staðfestingu á
þessum áburði, enda eru menn
tregir til að koma fram undir
eigin nafni til að bera vitni um
það. Þar kemur margt til, m.a.
að sjómenn óttast að missa
skipsrúm lýsi þeir því sem þeir
segjast hafa séð með eigin
augum eða tekið þátt í sjálfir.
Þess vegna eru staðhæfing-
arnar almenns eðlis.
Stjórnvöld hafa ítrekað
reynt að sannreyna þennan
orðróm, en það hefur engan
árangur borið. Veiðieftirlits-
menn hafa m.a. verið um borð
í frystitogurunum tímabundið
en þeir hafa ekki orðið varir
við að óeðlilega miklu sé hent.
Kannaðar hafa verið uppgefn-
ar aflatölur frystitogara og
þær bornar saman við sölutöl-
ur erlendis án þess að nokkuð
athugavert hafi komið í ljós.
Miklar deilur hafa staðið um
útgerð frystitogaranna undan-
farin misseri og kröfur hafa
komið fram um, að þeim verði
fækkað eða að þeim fjölgi ekki,
að þeim verði beint á fjarlæg
mið og að þeir þoli meiri afla-
skerðingu en aðrir við núver-
andi aðstæður. Frystitogar-
arnir eru sérstakur þyrnir í
augum ýmissa verkalýðsfor-
ingja innan Verkamannasam-
bandsins, sem halda því fram,
að útgerð þeirra taki vinnu frá
fólki í fiskvinnslustöðvum.
Sem kunnugt er þá er afli
frystitogaranna unninn um
borð og jafnvel seldur beint til
kaupenda erlendis án milli-
göngu sölusamtakanna.
Útgerðarmenn frystitogar-
anna vísa þessu öllu á bug,
ekki sízt fullyrðingum um, að
fiski sé hent í stórum stíl fyrir
borð. Þeir benda m.a. á, að oft
séu það útgerðarmenn og sjó-
menn minni fiskiskipa, sem að
þessum fullyrðingum standi
vegna þess að þeir telji hags-
munum sínum ógnað, að þeir
fái minna í sinn hlut. Útgerð-
armenn frystitogaranna telja
fráleitt að hefta þá útgerð, sem
skilar langmestum arði, sé
langhagkvæmust.
Augljóst er, að það er erfitt
fyrir frystitogaraútgerðina að
sitja undir sífelldum ásökunum
um að henda afla fyrir borð,
ekki sízt vegna þess mikla af-
laniðurskurðar sem framund-
an er. Kominn er tími til að
hið sanna komi í ljós og því
hljóta útgerðarmenn frystitog-
aranna að fagna þeirri yfírlýs-
ingu Þorsteins Pálssonar, sjáv-
arútvegsráðherra, að hann
muni beita heimildarákvæðum
laga frá sl. vori um eflingu
veiðieftirlits og setja eftirlits-
menn um borð í alla frystitog-
ara. Ráðherrann mun setja
reglugerð um þetta síðar í
þessum mánuði.
Þorsteinn Pálsson sagði í
fréttaviðtali í Morgunblaðinu í
gær m.a.:
„Frumvarpið, sem varð að
lögum í vor, fól það í sér að
meiri kröfur eru nú gerðar um
nýtingu á hráefni um borð í
fiskiskipum, jafnframt því sem
gerðar eru auknar kröfur um
aðbúnað og vinnslurými um
borð. Reglugerðinni, sem sjáv-
arútvegsráðuneytið gefur síð-
an út síðar í þessum mánuði,
er ætlað að taka til allra þess-
ara þátta.“
Þótt setning veiðieftirlits-
manna um borð muni kannski
ekki færa sönnur á það liðna
mun vera þeirra um borð taka
af öll tvímæli um að fiski verði
ekki hent.
Það er ekki endalaust hægt
að horfa fram hjá þessum há-
væru fullyrðingum án þess að
til aðgerða sé gripið og því ber
að fagna að sjávarútvegsráð-
herra lætur nú málið til sín
taka. Eins og komið er efna-
hag þjóðarinnar, og sjávarút-
vegsins sérstaklega, er brýn
nauðsyn á því, að allur afli sé
nýttur og meðferð hans sé eins
góð og bezt verður á kosið.
Það færir aukna björg í þjóðar-
búið.
Sérfræðinganefnd um EES og stjórnarskrána skilar áliti
Morgunblaðið/Árni Sæberg
Lögfræðingarnir kynna niðurstöðu sína á blaðamannafundi. Frá vinstri: Ólafur Walther Stefánsson, skrifstofustjóri í dómsmálaráðuneytinu,
lagaprófessorarnir Stefán Már Stefánsson og Gunnar G. Schram, Þór Vilhjálmsson hæstaréttardómari og Jón Sigurðsson, starfandi utan-
ríkisráðherra.
Enginn vafi á að samning-
urinn stenzt stjóraarskrá
- segir Gunnar G. Schram, einn nefndarmanna
NEFND fjögurra lögfræðinga, sem utanríkisráðherra skipaði í apríl,
skilaði í gær áliti sínu um það hvort samningurinn um Evrópskt efna-
hagssvæði (EES) bijóti í bága við stjórnarskrá lýðveldisins eður ei.
Svar nefndarinnar er afdráttarlaust. Á blaðamannafundi, þar sem
niðurstöður hennar voru kynntar í gær, kom fram að lögfræðingarn-
ir fjórir telja að engin ákvæði EES-samningsins brjóti íslenzku
stjórnarskrána, hvorki ein sér né saman. Nefndin telur engan vafa
leika á sljórnarskrárhæfi samningsins og sé því engin þörf á að breyta
sljórnarskránni þótt EES-samningurinn verði lögfestur.
Þór Vilhjálmsson, hæstaréttar- hægt að afgreiða mjög fljótlega. Það
dómari og formaður nefndarinnar, varðar reglurnar um opinbera styrki
kynnti niðurstöður hennar á blaða- og opinber innkaup, sem við teljum
mannafundinum, sem boðaður var að séu ekki þess eðlis að þurfi að
af hálfu utanríkisráðuneytisins. Þór
sagði að fjórmenningarnir hefðu síð-
an um miðjan apríl skoðað málið og
velt fyrir sér hvort sjö ákvæði stjórn-
arskrárinnar gætu hugsanlega skipt
máli varðandi EES-samninginn.
Niðurstaða þeirra hefði orðið sú að
aðeins 2. grein stjórnarskrárinnar
skipti máli. Greinin er svohljóðandi:
„Alþingi og forseti íslands fara sam-
an með löggjafarvaldið. Forseti og
önnur stjómarvöld samkvæmt
stjórnarskrá þessari og öðrum lands-
lögum fara með framkvæmdavaldið.
Dómendur fara með dómsvaldið."
Margar undantekningar frá 2.
grein
Þór sagði að grein þessi væri
meginregla, sem margar undantekn-
ingar væru frá í íslenzkum rétti.
Vel þekkt og mikilvæg undantekn-
ing væri að löggjafarvald væri ekki
eingöngu í höndum forseta og Al-
þingis, heldur einnig í höndum
stjórnvalda, sem fengju með lögum
heimild til að setja reglugerðir.
Þór sagði að varðandi löggjafar-
valdið væri málið tiltölulega einfalt.
„Það er ákvæði í samningunum,
svokallaðri bókun 35, sem segir
skýrum orðum að löggjafarvaldið sé
ekki í höndum þeirra stofnana, sem
á að setja á fót samkvæmt samn-
ingnum," sagði hann. „Með öðrum
orðum er ekki um neitt framsal lög-
gjafarvalds að ræða. Þetta teljum
við skýrt og ótvírætt."
Einkum samkeppnisreglur sem
koma til skoðunar
Varðandi framkvæmdavaldið
sagði Þór að þrjú atriði kæmu eink-
um til skoðunar. „Tvö þeirra er
ræða það mikið nánar. Þær varða
ekki okkar viðfangsefni og geta
ekki verið í andstöðu við stjórnar-
skrána," sagði hann. Þór sagði að
eftir stæði hins vegar þriðja atriðið,
sem væru samkeppnisreglur EES-
samningsins. í þeim er til dæmis
kveðið á um að eftirlitsstofnun Frí-
verzlunarsamtaka Evrópu (EFTA),
sem fyrirhugað er að koma á sam-
kvæmt EES-samningnum, hafi vald
til að sekta fyrirtæki, sem btjóta
reglurnar, og að þær sektir séu aðf-
ararhæfar í heimalandi fyrirtækis-
ins. Ákvarðanir eftirlitsstofnunar-
innar fyrir fyrirtæki eru bindandi,
samkvæmt samningnum. „Við bend-
um á að það er viðurkennt í íslenzk-
um rétti að þegar um samningagerð
um viðskipti við önnur lönd er að
ræða sé ekki hægt að láta svo sem
íslenzk lög eigi að gilda um það allt.
Viðskiptin við önnur lönd eru þess
eðlis að við hljótum að viðurkenna
að stundum þarf að beita erlendum
réttarreglum,“ sagði Þór og bætti
við að samkvæmt lagaskiiarétti eða
reglum um alþjóðlegan einkamála-
rétt ætti stundum að beita útlendum
lagareglum í viðskiptum. Hann sagði
að dæmi væru þess einnig að ákvarð-
anir erlendra stjórnvalda giltu hér á
landi og væru aðfararhæfar. Einnig
væru dæmi þess að erlendir dómar
væru undirstaða aðfarar á íslandi.
„Allt þetta er til í gildandi íslenzkum
lögum, aðallega í sambandi við nor-
ræna samvinnu. Við teljum þetta
líka skipta máli, þetta sýnir að 2.
grein stjórnarskrárinnar er því ekki
til fyrirstöðu að á takmörkuðum
sviðum sé lagt til grundvallar það
sem ákveðið er af erlendum stjórn-
völdum eða erlendum dómstólum,"
sagði Þór.
Hann sagði að nefndin teldi að
það svið, þar sem slíkar reglur ættu
að gilda, yrði að vera vel afmarkað,
takmarkað og það mætti ekki fela
í sér verulega íþyngjandi reglur fyr-
ir íslenzka aðila. „Við veltum því
fyrir okkur hvort þetta gildi um
samningana sem við höfum fyrir
framan okkur og erum að fjalla um.
Við komumst að þeirri niðurstöðu
að þetta gildi um þá, þannig að það
verði ekki sagt að þessir samningar
og reglur þeirra um eftirlitsstofnun
EFTA og aðrar stofnanir og vald
þessara stofnana til að mæla fyrir
um samkeppni á íslandi brjóti í bága
við stjórnarskrána,“ sagði hann. Þór
lagði áherzlu á að þetta atriði væri
það, sem mestu máli skipti í áliti
nefndarinnar.
Hvað dómsvald varðar sagði Þór
að margt það sama gilti og um fram-
kvæmdavaldsþáttinn. „Eftirlits-
stofnun EFTA og dómstóll EFTA
eru stofnanir, sem munu geta mælt
fyrir um samkeppni, og það er ekki
andstætt stjórnarskránni að okkar
áliti,“ sagði Þór. Hann sagði að öll
önnur atriði, sem komið hefðu til
skoðunar varðandi dómsvaldið, væru
samrýmanleg stjórnarskránni.
Stjórnarskrárbreytingar ekki
þörf nú
Þór sagði að nefndin benti stutt-
lega á það í áliti sínu að kæmi síðar
í ljós að samningurinn reyndist
þannig í framkvæmd að forsendur
nefndarinnar stæðust ekki, mætti
breyta stjórnarskránni eða segja
samningnum upp. „En heildarniður-
staðan er sú að þessi samningsgerð
fær samrýmzt íslenzku stjórnar-
skránni,“ sagði Þór. Hann sagði að
mat lögfræðinganna væri byggt á
góðri trú um að stjórnarskrárbreyt-
ingar væri ekki þörf vegna EES-
samningsins. „Megineinkenni á
þessum samningum, sem hér liggja
fyrir, er að þeir gera ráð fyrir að
það verði þróun í átt til þess mark-
miðs um fjórfrelsið og önnur atriði,
sem sett eru fram í samningnum.
Þegar hafa verið settar margs konar
reglur á þessu sviði og þær verða
lögfestar eftir því sem tilefni er til
á næstu mánuðum. Þar með er ekki
búið að koma hlutunum í það horf,
sem þeir verða í um langa framtíð,
heldur koma nýjar reglur með nýjum
viðhorfum. Ef það sýnir sig að í
þeim séu atriði, sem kalla á breyting-
ar, jafnvel á stjórnarskránni, þá
verður að sjálfsögðu að gera þær
þegar þar að kemur. Meginniður-
staða okkar er sú að það sé ekki
tilefni til slíks nú,“ sagði Þór.
Engar ólöglegar takmarkanir
fullveldis
Spurt var á fundinum hvort niður-
staða lögfræðinganna fæli jafnframt
í sér að ekki væri um neitt afsal
fullveldis að ræða. Gunnar G.
Schram, prófessor í stjórnlagarétti
og einn nefndarmanna, svaraði því
til að álitið í heild væri raunar svar
við þessari spurningu. „Niðurstaða
okkar er sú að engir þættir samn-
ingsins á sviði löggjafarvalds, dóms-
valds eða framkvæmdavalds bijóti í
bága við stjórnarskrána. I því felst
raunar að ekki er um að ræða nein-
ar óheimilar eða ólöglegar takmark-
anir á fullveldi landsins," sagði
Gunnar.
Hann sagði að í umræðum um
málið í fjölmiðlum undanfarnar vik-
ur hefðu sumir látið í ljós þá skoðun
að ef menn væru í vafa um það
hvort EES-samningurinn rækist á
ákvæði stjórnarskrár, ætti að taka
mark á þeim efa og breyta stjórnar-
skrá. „Niðurstaða þessa nefndarálits
er mjög á einn veg og eindregið sú
að það sé enginn vafi í þessu máli
miðað við núverandi forsendur og
samninginn eins og hann er í dag.
Þar af leiðandi teljum við að eins
og nú horfir sé engin ástæða og
ekkert tilefni til að fara út í stjórnar-
skrárbreytingu," sagði Gunnar.
Þór Vilhjálmsson sagði í lok fund-
arins að hann efaðist ekki eitt
augnablik um að reynt yrði að gera
störf nefndarinnar tortryggileg.
„Það er engin ástæða til þess, að
því er ég tel, að vefengja störf
manna, sem vinna sem sérfræðingar
að svona máli, frekar en að tor-
tryggja störf manna, sem hafa
ákveðnar pólitískar skoðanir og
vinna margs konar ópólitísk störf
engu að síður á sínu sviði, sem kenn-
arar í Háskólanum eða hvað sem
er,“ sagði Þór.
Stjórnarandstaðan dregur lögfræðingaálitið í efa:
Vafinn það mikill að breyta
verður stjómarskránni
- segir Ólafur Ragnar Grímsson, formaður Alþýðubandalagsins
ÓLAFUR Ragnar Grímsson, formaður Alþýðubandalagsins, segir
að þótt þeir fjórir lögfræðingar, sem yfirfóra EES-samninginn að
ósk utanríkisráðherra, hafi komist að sinni niðurstöðu séu aðrir
lögfræðingar með aðra skoðun á málinu. „Vafinn á hvort EES-sam-
komulagið brýtur í bága við stjórnarskrána er það mikill að breyta
verður s1jórnarskránni,“ segir Ólafur Ragnar. Ingibjörg Sólrún
Gísladóttir, fulltrúi Kvennalista í utanríkismálanefnd Alþings, segir
að sá vafi sem er á því hvort EES-samkomulagið bijóti í bága við
stjórnarskrána þýði að Alþingi verði að skera úr um hvort breyta
þurfi stjórnarskránni. „Þessir fjórir lögfræðingar eru enginn hæsti-
réttur í málinu,“ segir Ingibjörg Sólrún. Steingrímur Hermannsson,
formaður Framsóknarflokksins, segir að hann telji mörg atriði í
þessu máli orka tvímælis og að hann eigi eftir að kynna sér þetta
mál mun betur.
Ólafur Ragnar Grímsson segir
að hann telji það hafa verið afar
óheppilega ákvörðun af hálfu utan-
ríkisráðherra að fallast ekki á til-
lögu Alþýðubandalagsins að skipa
menn frá Dómarafélaginu, laga-
deild Háskólans og Lögfræðinga-
félaginu til að fjalla um þetta mál.
„Þess í stað skipaði hann sjálfur
fjóra lögfræðinga og þar af tvo sem
áttu hlut að máli við að semja frum-
varpið vegna EES. Slíkt getur vart
talist skynsamlegt,“ segir Ólafur
Ragnar. „Þessir menn eru að vísu
ágætir lögfræðingar en á fund ut-
anríkismálanefndar mættu þeir dr.
Guðmundur Alfreðsson og Ragnar
Aðalsteinsson hrl. sem eru ósam-
mála niðurstöðu fjórmenninganna.
Staðreyndin er því sú að sumir
segja að þetta sé í lagi en aðrir
segja að breyta verði stjórn-
arskránni og sá vafi sem þarna er
á ferðinni gerir það að verkum að
Alþingi verður að taka á málinu
og breyta stjórnarskránni til að
eyða vafanum."
í máli Ólafs Ragnar kemur fram
að hann telji forsendur lögfræði-
nefndarinnar afar hæpnar þar sem
nefndin byggir álit sitt á túlkun á
bókun 35 en ekki samkomulaginu
í heild sinni. „Þeir treysta sér ekki
til að kveða afdráttarlaust upp úr
í málinu og leita skjóls í bókun 35.
Þá bókun telur dr. Guðmundur
Alfreðsson hins vegar ekki mark-
tæka,“ segir Ólafur Ragnar.
Ingibjörg Sólrún Gísladóttir, full-
trúi Kvennalistans í utanríkismála-
nefnd, segir að niðurstaða nefndar-
innar hafi ekki komið henni á óvart.
„Lögfræðin er ekki raunvísindi og
því opin fyrir túlkunum," segir
Ingibjörg Sólrún. „í þessu máli
greinir lögfræðinga á um túlkun
og þetta álit fjórmenninganna er
enginn hæstiréttur í málinu. Sökum
þess vafa sem þarna er á ferðinni
verður Alþingi að taka á því máli
hvort breyta þurfi stjórnarskránni
vegna EES-samkomulagsins.
Vandinn er eftir sem áður hjá
stjórnmálamönnunum.“
Ingibjörg Sólrún segir að það
megi ekki gerast að síðar komi í
ljós að breytinga hafi verið þörf á
stjórnarskránni. Það sé því örygg-
isatriði að Alþingi fjalli ítarlega um
„Ég hef lengi bent á að önnur
grein stjórnarskrárinnar geri það
að verkum að skoða verði mjög
rækilega hvort um stjómarskrár-
brot sé að ræða, ef svo fer að við
höldum þessari göngu áfram í sam-
skiptum við Evrópubandalagið,“
sagði Eyjólfur Konráð í samtali við
Morgunblaðið. „Það hefur enginn
sannfært mig um að það yrði ekki
stjórnarskrárbrot ef reynt yrði að
gera EES-samning á þann veg sem
nú er gert ráð fyrir, en auðvitað
met ég störf þessara manna, sem
utanríkisráðherra skipaði með mínu
vitorði og mun grandskoða álits-
gerð þeirra, sem er mjög flókin eins
og málið allt“, sagði Eyjólfur.
Hann sagði að Islendingar hefðu
hvort stjórnarskrárbreytingar sé
þörf.
Steingrímur Hermannsson segir
að mismunandi skoðanir séu meðal
lögfræðinga um mál þetta og að
utanríkismálanefnd hafi óskað þess
við dr. Guðmund Alfreðsson að
hann gefi nefndinni sitt álit á niður-
stöðum nefndar utanríkisráðherra.
„Persónulega tel ég að mörg atriði
í þessu EES-samkomulagi orki
mjög tvímælis," segir Steingrímur
Hermannsson. „Sem dæmi má þar
nefna að Norðmenn telja mikið
valdaafsal fólgið í samkomulaginu
og þeir hafa sett inn það ákvæði í
sín lög að 'ii hluta atkvæða á þingi
þurfí til að samþykkja slíkt afsal.
Hér er hins vegar spurningin hvort
einfaldur meirihluti atkvæða nægi
á Alþingi. Ef svo er tel ég að
stjómarskráin sé gölluð að þessu
leyti. Við erum á mjög gráu svæði
héma og ég á eftir að kynna mér
málið nánar.“
aldrei tafið neitt í samskiptum við
Evrópubandalagið, en EB hefði hins
vegar sífellt verið að breyta sam-
skiptareglum og tefja niðurstöðu
EES-samninganna. Bandalagið
hefði sífellt reynt að auka völd sín
og áhrif.
Eyjólfur sagði að hann yrði að
ræða betur við lögfræðingana, sem
skiluðu áliti í gær, og einnig aðra
fróða menn. „Síðan á þetta að
ganga til Alþingis og það er Al-
þingi sem tekur ákvörðun en ekki
neinir af þessum mönnum," sagði
hann. „Málið er ekki nándar nærri
nógu vel skoðað til þess að hægt
sé að fullyrða að þarna sé ekki um
stjórnarskrárbrot að ræða. Þar að
auki liggur okkur ekkert á.“
Eyjólfur Konráð Jónsson, formaður
utanríkismálanefndar:
Ekki sannfærður en mun
grandskoða álitsgerðina
EYJÓLFUR Konráð Jónsson, formaður utanríkismálanefndar Al-
þingis, segist ekki hafa sannfærzt af áliti lögfræðinganefndar utan-
ríkisráðherra um að samningurinn um evrópskt efnahagssvæði sé í
samræmi við stjórnarskrá íslands en að hann muni grandskoða það.
Nefndarmenn kynntu álit sitt fyrir utanríkismálanefnd í gær.
Jón Sigurðsson, starfandi utanríkisráðherra:
Spurningin um stj órnar-
skrárhæfi afgreitt mál
JÓN Sigurðsson, starfandi utanríkisráðherra, segir að með áliti
sérfræðinganefndar utanríkisráðherra sé fengið skýrt svar viðþeirri
spurningu hvort EES samrýmist stjórnarskránni eður ei. „Eg tel
að við þeirri spurningu liafi nú fengizt það svar, sem þurfti til þess
að formsatriðið um stjórnarskrárhæfi samningsins sé nú afgreitt
mál,“ sagði Jón á blaðamannafundi í gær, þar sem niðurstöður
nefndarinnar voru kynntar.
Ráðherra sagði að nú væri hægt
að snúa sér af fullum krafti að lög-
festingu ákvæða EES-samningsins
og afgreiðslu ýmissa reglna, sem
fullnægðu því, sem ísland hefði að
þjóðarétti tekið á sig með samn-
ingnum. Hann sagðist líta á niður-
stöðu lögfræðinganna sem full-
nægjandi svar við þeirri spurningu,
sem fram hefði verið borin.
Ráðherra sagði að þótt í áliti
lögfræðinganna segði að ef for-
sendur breyttust, mætti breyta
stjórnarskránni, teldi hann ekki vel
ráðið að breyta stjórnlögum vegna
óorðinna hluta. „Mér hefur skilizt
á ýmsum þeim, sem fjallað hafa
um íslenzku stjórnarskrána og end-
urskoðun hennar, að það kunni að
vera ýmislegt í orðnum hlutum,
sem gefi tilefni til að breyta henni
og ætti þá að vera á undan í röð-
inni,“ sagði hann.
Jón sagði að í nefndinni sætu
þeir menn, sem kunnugastir væru
íslenzkum stjórnskipunarlögum og
einnig Evrópu- og alþjóðarétti. „I
nefndina voru valdir þeir menn,
sem við töldum að væru bezt til
starfans fallnir meðal íslenzkra lög-
fræðinga,“ sagði hann.
Heimsmeistara-
mót í skák:
Islendingar
í efri hluta
Duisburg. Frá Andra Áss Grétarssyni
fréttaritara Morgunblaðsins.
HELGI Áss Grétarsson er með 5
vinninga eftir 7 umferðir á heims-
meistaramóti barna og unglinga í
skák, sem nú fer fram í Duisburg
í Þýskalandi. Sex íslenskir skák-
menn taka þátt í mótinu.
Helgi Áss keppir í flokki 16 ára
og yngri. I þeim flokki keppir einnig
Magnús Örn Úlfarsson en hann hefur
3'A vinning. í flokki 18 ára og yngri
hefur Sigurbjörn Björnsson 3‘/2 vinn-
ing. í flokki 14 ára og yngri hefur
Arnar Gunnarsson 4 vinninga, Bragi
Þorfínnsson hefur 4 vinninga í flokki
12 ára og yngri og Davíð Kjartansson
hefur 4 vinninga í flokki 10 ára og
yngri.
Keppendur á heimsmeistaramótinu,
sem eru um 500 frá 81 landi, hafa
lagt mismikið á sig til að komast á
mótið. Þeir sem hafa þó án nokkurs
vafa lagt mest á sig eru keppendurn-
ir frá Mongólíu sem ferðuðust í 10
daga með lest gegnum fyrrum lýð-
veldi Sovétríkjanna. Það hefur greini-
lega haft góð áhrif því Mongólar hafa
aldrei staðið sig betur á þessu móti.
—.....♦.♦----
Krafa íslendinga í
viðræðum við EB:
KvótiEB
skerðist,
veiðist ekki
30.0001.
af loðnu
ÍSLENDINGAR hafa, í samninga-
viðræðum við Evrópubandalagið
um sjávarútvegssamning, sett fram
kröfur um að sú gagnkvæmni sem
gert er ráð fyrir í skiptum á veiði-
heimildum verði tryggð á þann
hátt að ef Islendingar nái ekki að
veiða 30.000 tonn af loðnu innan
lögsögu EB muni 3.000 tonna karf-
akvóti EB innan íslenskrar lögsögu
skerðast að sama skapi. Að sögn
Þorsteins Pálssonar, sjávarútvegs-
ráðherra, er afstaða Evrópubanda-
lagsins mjög neikvæð gagnvart
þessu.
„Við höfum lagt á það áherslu að
við útfærslu á samningnum um evr-
ópsk efnahagssvæði, þar sem kveðið
verði á um hvernig samanburði verði
komið við, verði tryggt að sú gagn-
kvæmni sem samningurinn byggi á
verði raunveruleg. Við höfum viljað
halda okkur fast við það grundvallar-
atriði að í framkvæmdinni verði gagn-
kvæmnin tryggð þannig að ef íslend-
ingar nái ekki að veiða 30.000 tonn
af loðnu innan lögsögu EB skerðist
3.000 tonna karfakvóti EB innan ís-
lenskrar lögsögu að sama skapi,“ seg-
ir liann, sagði Þorsteinn.
Hann sagði afstöðu Evrópubanda-
lagsins hafa verið mjög neikvæða
gagnvart þessu. „Gengið hefur mjög
vel að semja um alla aðra fram-
kvæmdaþætti en hvað þennan þátt
varðar hefur afstaða EB verið nei-
kvæð.“