Morgunblaðið - 21.08.1992, Blaðsíða 16

16
MORGUNBLAÐIÐ FÖSTUDAGUR 21. ÁGÚST 1992
íslenskar sjávarafurðir hf.
Alþjóðabrúðuleikhúshátíðin
Leikbrúðuland tvö-
faldur verðlaunahafi
Morgunblaðið/KGA
Hópurinn sem fór á hátíðina. Efri röð: Helga Arnalds, Erna Guðmarsdóttir og Hallveig Thorlacius.
Neðri röð: Bryndís Gunnarsdóttir, Þórhallur Sigurðsson og Bára L. Magnúsdóttir. Á myndina vantar
Sigurð Guðmundsson ljósamann.
LEIKBRÚÐULAND fékk tvenn verðlaun, Grand Prix og Barnaverð-
laun, á brúðuleikhúshátíð Alþjóðabrúðuleikhússamtakanna í Ljublj-
ana í Slóveniu og Zagreb í Króatíu í sumar. Hópur gagnrýnenda
frá ýmsum löndum stendur að útnefningu annarra verðlaunanna
en börn og unglingar velja hinn verðlaunahafann. Sýning Leikbrúðu-
lands heitir Bannað að hlæja og er Hallveig Thorlacius höfundur
verksins, Þórhallur Sigurðsson leikstýrir, Eyþór Arnalds samdi tón-
listina og Sigurður Guðmundsson sér um ljósin. Leikendur eru
Bára L. Magnúsdóttir, Bryndís Gunnarsdóttir, Erna Guðmarsdóttir,
Hallveig Thorlacius og Helga Amalds. íslensku brúðuleikhúsi hefur
ekki áður verið boðið að taka þátt í þessari hátíð, sem haldin er
fjórða hvert ár.
Hátíðin var að sögn aðstandenda
Leikbrúðulands tvíþætt, í Slóveníu
og Króatíu. í Slóveníu fóru fram
tvö þing, þ.e.a.s. þing alþjóða-
brúðuleikhússamtakanna (UN-
IMA) og uppeldisstétta um brúðu-
leikhús. Á síðamefndu ráðstefn-
unni var meðal annars rætt um
tilraun með sérstakt brúðusafn
með brúður, brúðuleikhússýningar,
myndbönd tengd brúðuleikhúsi o.fl.
Fékk sú hugmynd afar góðar við-
tökur.
í Slóveníu voru sýnd 46 brúðu-
leikhúsverk en 22 kepptu til verð-
launa í Króatíu. Aðeins var dvalið
í einn dag í Zagreb og Hallveig
segir að andrúmsloftið hafí verið
þrungið spennu. „Engin átök voru
í borginni en það var eins og fólk
stæði á hengiflugi. Reyndi að lifa
eðlilegu lífí en biði eftir að eitthvað
gerðist," segir hún og Bryndís
bætir við að þau hafí hitt fólk sem
komið hafi af vígvellinum í um 50
km fjarlægð og sagt að meira að
segja þar reyndi fólk að lifa eðli-
legu lífí þó það þyrfti að hlaupa inn
þegar skotárásirnar hæfust.
Islenski hópurinn reyndi að sjá
eins margar brúðuleikhússýningar
og kostur var og flestir voru sam-
mála um að tvær sýningar, japönsk
og tékknesk, hefðu borið af. Hvað
nýjungar varðar kom fram að
meira væri orðið um brúðuleikhús-
sýningar fyrir fullorðna en áður
og erótísk atriði væru meira áber-
andi. Eins hefði mátt greina að
svokallað „object-“ eða hluta-leik-
hús, sem hefði að undanförnu ver-
ið í tísku í Evrópu, væri á undan-
haldi. Þannig væri leikarinn ekki
eins áberandi og áður, sem oft
hefði verið á kostnað brúðunnar,
sem leikið hefði verið á eins og
dauðan hlut. Nú væri meiri áhersla
lögð á að lífga brúðuna við.
Bæði verðlaunin í Króatíu komu
í hlut Leikbrúðulands fyrir sýning-
una Bannað að hlæja. Bára segir
að verkið byggi á Völuspá, fjalli
um upphaf heimsins en tengist
veruleika okkar í dag. „Loki Lauf-
eyjarson er aðalpersónan, en hann
galdrar óvart hund sem ekki er
allur þar sem hann er séður og á
eftir að valda miklum usla. Búi,
Askur og Embla, foreldrar hans,
og Bægsli, vinur Búa, koma einnig
við sögu. Svo eru það Urður, Verð-
andi og Skuld sem segja söguna,“
segir Bára en hún í hlutverki Verð-
andi er eini leikarinni sem hefur
Frá setningarhátíðinni í Slóven-
íu. Á miðri myndinni sést merki
hátíðarinnar þar sem útlínur
Slóveníu mynda fugl.
beint samband við áhorfendur í
sýningunni.
Sýningin fékk mikið lof gagn-
rýnenda og í kjölfár hátíðarinnar
var hópnum boðið að sýna hana í
nokkrum löndum, m.a. í Japan, en
ekki hefur verið tekin ákvörðun um
tilboðin. Hins vegar er ákveðið að
hefja sýningar á Bannað að hlæja
að nýju á Fríkirkjuvegi 11 í októ-
ber. Þá verða væntanlega skóia-
sýningar og sýningar fyrir eldri
borgara fyrir utan almennar sýn-
ingar.
Stuðningnr við úthlutun veiði-
heimilda úr Hagræðingarsjóði
STJÓRN íslenskra sjávarafurða hf. hefur samþykkt ályktun þar sem
lýst er yfir fullum stuðningi við hugmyndir sjávarútvegsráðherra um
úthlutun veiðiheimilda Hagræðingarsjóðs til þeirra útgerða og byggð-
arlaga sem verða fyrir skerðingu aflaheimilda á næsta fiskveiðiári
vegna samdráttar í þorskveiðum og væntir þess að þær verði teknar
til greina.
í ályktuninni segir ennfremur:
„Jafnframt lýsir stjórnin undrun
sinni yfir því sjónarspili sem sett
hefur verið á svið síðustu vikurnar,
þar sem leikið er með lífshagsmuni
íslensks sjávarútvegs af fullkomnu
ábyrgðarleysi.
Stjórnin leggur til að nú þegar
verði í fullri alvöru hafist handa við
að leysa hin knýjandi vandamál sjáv-
arútvegsins á raunhæfan hátt í sam-
ráði og samstarfi við hagsmunaaðila,
í samræmi við þær tillögur sem þeg-
ar hafa verið settar fram.“
Þá hefur stjórn íslenskra sjávaraf-
urða hf. mótmælt harðlega þeim
hugmyndum sem fram hafa komið
um „að gera upptækan hluta af eig-
in fé Fiskveiðasjóðs íslands og nota
til óskyldra verkefna.
í ályktun stjórnar segir: „Fisk-
veiðasjóður þarf á öllu sínu að halda
til þess að aðstoða sjávarútveginn í
þeim þrengingum sem hann á nú í.
Hann þarf að lengja lán og lækka
vexti eins og frekast er kostur.
Möguleikar Fiskveiðasjóðs til þess
að Iækka vexti hafa verið skertir
harkalega með lögum frá síðasta
alþingi. Þau lög kunna jafnframt að
valda því að lánstraust sjóðsins rýrni
og hann verði að sæta óhagstæðari
kjörum í framtíðinni.
Ljóst er að verði eigið fé sjóðsins
skert á þann hátt sem nú virðist
fyrirhugað verður hann rúinn því
trausti, sem nauðsynlegt er að slíkur
sjóður hafi.“
Heimsklúbburínn á tónleikum í Verona
Frábær frammi-
staða Kristjáns
Frá Ingólfl Guðbrandssyni.
Nærri 40 íslendingar á ferð um HHKi
Italíu með Heimsklúbbi Ingólfs
urðu að kvöldi 18. ágúst vitni að
ógleymanlegum listviðburði í Ar-
enunni í Verona, þar sem óperan
Aida eftir Verdi var flutt á stærsta
óperusviði heimsins að viðstöddum
25 þúsund áheyrendum, og var
hvert sæti fullskipað í hinu nærri
2000 ára gamla hringleikahúsi.
Einvalalið söngvara flutti þetta
íburðarmesta sviðsverk óperunn-
ar. í aðalhlutverkum voru Kristján
Jóhannsson sem Radames, Maria
Chiara sem Aida, og Dolora Zajick
í hlutverki Amneris. Flutningurinn
var tekinn upp fyrir sjónvarp og
myndband fyrir heimsmarkað.
Strax í upphafi var auðheyrt
að Kristján fór létt með þetta
kröfuharða hlutverk. Hann söng
Celeste Aida með bravúr og glæsi-
brag, og hlaut langt lófaklapp fyr-
ir. Þannig var söngur hans allt
kvöldið og bravóhrópunum ætlaði
aldrei að linna eftir dúettana með
Doloru Zajick í þriðja þætti og
Mariu Chiara í lokaþættinum, þar
sem Kristján sýndi fínni blæbrigði
og jafnari hljóm en menn telja sig
hafa heyrt í söng hans áður.
Hafi einhver verið í vafa um
stöðu Kristjáns meðal söngvara
heimsins fram til þessa, tekur
þessi sýning af öll tvímæli um það
að Kristján hefur skipað sér í sveit
allra fremstu söngvara heimsins í
dag. Heimsklúbbur Ingólfs var
Kristján Jóhannsson óperu-
söngvari.
gagntekinn af hrifningu og stolti
af þjóðerni sínu það kvöld. Að
sýningunni lokinni heimsóttu
Kristján og Siguijóna kona hans
okkur á besta hótel borgarinnar,
Leon d’oro eða Gullljónið, þar sem
margir listamannanna búa, og
urðu þar miklir fagnaðarfundir.
Ástæða er til að óska íslensku
þjóðinni til hamingju með að eiga
slíkan afreksmann fyrir son, sem
ber hróður íslands víða um heim-
inn.
Heimsklúbburinn sendir bestu
kveðjur úr landi sólar og söngs.
Stjóm Félags um nýja siávarútvegsstefnu
Uthlutun styrkja
leysir engan vanda
í ÁLYKTUN stjórnar Félags um nýja sjávarútvegsstefnu er lýst
þungum áhyggjum af þeirri háskalegu stöðu sem sjávarútvegurinn
er nú kominn í og dökkum horfum framundan.
Ennfremur segir: „Röng fiskvéiði-
stjóm sem vinnur gegn settum mark-
miðum á stærstan hlut í því hvemig
komið er, ásamt efnahagsstjórn sem
fært hefur mikla fjármuni frá sjávar-
útveginum í eyðslu.
Ljóst er að fyrirhugaður samdrátt-
ur í þorskveiðum mun bitna á öllum
starfandi fyrirtækjum í sjávarútvegi
og hafa víðtæk samdráttaráhrif á
allt atvinnulíf.
Fyrstu viðbrögð stjórnvalda með
fyrirhugaðri útdeilingu styrkja sem
einskorðast við fyrirtæki með veiði-
réttindi leysa engan vanda, en fela
hinsvegar í sér óviðunandi mismunun
gagnvart þeim fyrirtækjum sem ekki
hafa hlotið slíka aðgöngumiða að
fískimiðunum.
Fyrrnefnd viðbrögð sýna ljóslega
þvílíkar blindgötur núverandi kvóta-
kerfi hefur leitt þjóðina í. Því áréttar
stjórn Félags um nýja sjávarútvegs-
stefnu nauðsyn þess að núverandi
kvótakerfi fiskveiða verði aflagt og
mótuð ný heilsteypt sjávarútvegs-
stefna á þeim grunni sem félagið
hefur lagt til.
Nú þegar verði gripið til eftirtál-
inna ráðstafana:
1. Hertar verði allar kröfur um með-
ferð afla við veiðar og í vinnslu
í því skyni að ná sem mestum
verðmætum úr þeim afla sem á
Iand berst.
2. Starfsemi íslenskra fískmarkaða
verði efld og starfsgrundvöllur
þeirra treystur með nýrri löggjöf.
Enginn óunninn fiskur fari frá
landinu án þess að hafa verið
seldur á innlendum fiskmarkaði.
3. í því skyni að afstýra fjöldagjald-
þrotum, verði gripið til róttækra
fjárhagslegra aðgerða sem m.a.
fælust í lengingu lána, lækkun
vaxta, ásamt ýmsum kostnaðar-
lækkunum. Stjórn gjaldeyris- og
peningamála sé hagað með þeim
hætti að tryggt sé jafnvægi í við-
skiptum við útlönd.“
------»-♦ ♦-----
ísland og EES:
Islenskar
stúlkur sækja
helst í háskóla
ÍSLENSKAR stúlkur sækja meira
í háskólanám en kynsystur þeirra
í öðrum ríkjum Evrópska efna-
hagssvæðisins, samkvæmt upplýs-
ingum úr bæklingnum EES í
tölum, sem gefinn er út af hag-
stofu EB. Þó eru íslenskar stúlkur
hlutfallslega færri en piltar í
framhaldsskólunum og aðeins
Grikkir senda lægra hlutfall
stúlkna þá leið.
íslenskar stúlkur í háskólanámi
eru 28% fleiri en piltar, en Norðmenn
koma okkur næstir með 14% fleiri
stúlkur en pilta meðan meðaltal EES
er 11% færri stúlkur en piltar. Sviss-
neskar stúlkur sækja langminnst
allra EES-þjóðanna í háskóla, eða
um 45% færri en þarlendir piltar.
Stúlkur í framhaldsskólanámi hér á
landi eru 9% færri en piltar.
Alls voru 70% íslendinga á aldrin-
um 5-24 ára í námi á tímabilinu,
að forskólabörnum undanskildum.
Það hlutfall er einungis hærra í Finn-
landi og á Spáni, eða 71% og 73,6%.