Morgunblaðið - 23.01.1993, Page 2

2
MORGUNBLAÐIÐ LAUGARDAGUR 28. JANÚAR 1993
Fjárlagahalli
hins opinbera
í nokkrum löndum, sem %
af landsframleiðslu 1992
14 12 10 8 6 4 2 0
ISLAND
írland
Danmörk
Frakkland
Þýskaland
Holland
Spánn
Portúgal
Belgía
Bretland
Ítalía
Gríkkland
Svíþjóð
Heimild: The Economist, Þjóðhagsstolnun
*
Islaiid með
mínnsta
hallann á
síðasta ári
AÆTLAÐUR rekstrarhalli hins
opinbera, ríkissjóðs og sveitar-
félaga, á árinu 1992 svarar til
2,2% af landsframleiðslu sam-
kvæmt upplýsingum Þjóðhags-
stofnunar. Þetta er minnsti halli
sem hlutfall af landsframleiðslu
ef borið er saman við fjárlaga-
halla i tólf öðrum Evrópulönd-
um.
í síðasta tölublaði tímaritsins
The Economist er birt tafla yfír
fjárlagahalla hins opinbera í tólf
Evrópulöndum sem hlutfall af
landsframleiðslu á árinu 1992 og
eru upplýsingarnar byggðar á
tölum frá OECD. Þar kemur fram
að halli ríkis og sveitarfélaga er
mestur í Svíþjóð eða 13,8% af
landsframleiðslu en þar lýkur fjár-
lagaárinu 30. júní. Á Ítalíu er
hallinn 10%, í Bretlandi 8%, Hol-
landi 4%, Danmörku um 3% en
hallinn er minnstur á írlandi eða
um 2,5% af landsframleiðslu. ís-
land er ekki með í samanburði
blaðsins en samkvæmt útreikning-
um Þjóðhagsstofnunar má áætla
að samanlagður halli ríkis og sveit-
arfélaga hér á landi svari til 2,2%
af landsframleiðslu.
Halli ríkissjóðs hér á landi á
síðasta ári var 7,2 milljarðar eða
sem nemur 1,9% af landsfram-
leiðslu en nauðsynlegt er að bæta
rekstrarhalla sveitarfélaga við ef
gera á samanburð við önnur Evr-
ópulönd þar sem sveitarfélög eru
stærri en hér og fara með ýmis
verkefni og útgjöld sem ríkið sér
um hér á landi, samkvæmt upplýs-
ingum Þórðar Friðjónssonar, for-
stjóra Þjóðhagsstofnunar. í Sví-
þjóð eru t.d. sveitarfélög með um
helming opinberra útgjalda en hér
á landi er hlutfallið á bilinu
15-20%.
í dag
20 ár liðin frá gosi___________
/ d'dg eru 20 ár liðin frá því að
eldgos hófst í Heimaey 14-16
Dýr hiti a Hellu_______________
Hitaveita Rangæinga er dýrasta
hitaveita landsins og er tvöfalt
dýrara að hita 400 fermetra hús
þar en i Reykjavík 22
Hagnaóur qf sparisjóðum
Flestir sparisjóðimir högnuðust á
síðasta ári og Sparisjóður vélstjóra
skilaði 100 milljóna hagnaði 22
Leiðari
Breyting til batnaðar 26
Sjávarútvegsfyrirtæki í V estmannaeyjum skrifa hagsmunaaðilum bréf
Vilja að Útfhitningsráð
Islands verði lagt niður
ÍSFÉLAG Vestmannaeyja og
Vinnslustöðin í Vestmannaeyj-
um hafa ritað hagsmunaaðilum
í sjávarútvegi bréf, þar sem
þess er farið á leit, að skylduað-
ild sjávarútvegsfyrirtækja að
Útflutningsráði Islands verði
afnumin. Sigurður Einarsson
forstjóri ísfélagsins og Sighvat-
ur Bjarnason forsljóri Vinnslu-
stöðvarinnar sögðu við Morgun-
blaðið að þessi tillaga væri sett
fram I sparnaðarskyni. Fyrir-
tækin teldu að greiðslur sem
þau þurfa að inna af hendi til
Útflutningsráðs skili sér ekki,
enda fari sama sölu- og kynn-
ingarstarf á íslenskum sjávaraf-
urðum fram á vegum sölusam-
taka sjávarútvegsins.
Sighvatur Bjamason og Sigurð-
ur Einarsson lýstu þessari afstöðu
fyrirtækja sinna á þann veg í sam-
tali við Morgunblaðið að þeir teldu
þær greiðslur sem fyrirtækjum
væri gert að greiða til Útflutnings-
ráðs væru ákveðin sóun fjármuna.
„Þessar greiðslur skila ekki þeim
árangri að hann réttlæti kostnað-
inn sem við höfum af þessari
skylduþátttöku. Hluti af okkar
sölusamtökum eru að gera sömu
hluti og Útflutningsráð hvort sem
er og við viljum ekki greiða tvö-
faldan kostnað af sama starfinu,“
sagði Sigurður Einarsson.
3-4 milljónir á ári
Hann sagði að fyrirtækin hefðu
sent samhljóða bréf með sínum
hugmyndum til Landssambands
íslenskra útvegsmanna, Sölumið-
stöðvar hraðfrystihúsanna, Sam-
taka fiskvinnslunnar og Samtaka
atvinnurekenda í sjávarútvegi.
Sigurður sagði að þessi tvö fyrir-
tæki greiddu um tvær milljónir
króna á ári til Útflutningsráðs og
áætla mætti að sjávarútvegsfyrir-
tæki í Vestmannaeyjum borguðu
3-4 milljónir króna á ári til Út-
flutningsráðsins.
Sighvatur Bjarnason í Vinnslu-
stöðinni tók í sama streng og Sig-
urður og sagði: „Við höfum mikinn
áhuga á því að láta leggja niður
Útflutningsráð íslands. Ef við
losnum við skylduaðild okkar að
því, þá sparar Vinnslustöðin rúm-
lega 1200 þúsund krónur á ári.
Við stefnum að hagræðingu á öll-
um sviðum og margt smátt gerir
eitt stórt.“
Morgunblaðið/Þorkell
Kvíðnir Blóð-
bræður í Borg-
arleikhúsi
„JÚ, ÉG er vel stressaður. Það
er einn af þessum fylgifiskum
frumsýninga. Annars höfum
við leikið fyrir áhorfendur á
nokkrum forsýningum," sagði
Magnús Jónsson, annar Blóð-
bræðranna, í samnefndum
söngleik Willy Russells, fyrir
frumsýningu í Borgarleikhús-
inu í gærkvöldi. Felix Bergs-
son, tvíburabróðir Magnúsar
í verkinu, tekur undir orð hans
og segir að dregið hafi úr
kviðanum á forsýningunum.
Magnús og Felix þekktust
aðeins lauslega áður en æfing-
ar á Blóðbræðrum hófust en
Magnús sagði að þegar sam-
starf gengi jafn vel og það
hefði gengið myndaðist sjálf-
krafa náin vinátta. Annar taki
upp takta hins og svo fram-
vegis. „Svona samstarf er
skóli fyrir alla í vinnubrögð-
um,“ bætti Felix við. Þess má
geta að Blóðbræður fjallar um
tvíbura sem skildir eru að í
æsku en dragast engu að síð-
ur hvor að öðrum. Halldór E.
Laxness leikstýrir verkinu.
Sverrir Hermannsson bankastjóri Landsbankans um samning Royal Arctic og Eimskips
Verður sótt fast að ekki
verði valtað yfír bankann
SVERRIR Hermannsson bankastjóri Landsbanka íslands segir að hann
hafi verið upplýstur um það, að kominn væri á samningur á milli Sam-
skips og Lauritzens, jafnframt því sem menn frá Lauritzen hafi verið
í sambandi við hann frá því í haust. „Ég vil ekkert vera að dæma um
þetta úr þetta mikilli fjarlægð, en þessir atburðir koma manni þó óneit-
anlega spánskt fyrir sjónir. Eimskip er gamalgróinn viðskiptavinur
Landsbankans," sagði Sverrir þegar Morgunblaðið náði sambandi við
hann í gærkveldi, þar sem hann er nú staddur í Tælandi í leyfi.
Sverrir var spurður hvort hann áhrif á áframhald viðskipta Eimskips
teldi að það kæmi til með að hafa og Landsbankans, að Eimskip hefiir
Lesbók
► Minningar Valtýs Stcfánsson-
ar um Ólaf Davíðsson - Ráðhúsíð
á forsíðu - The Architectural
Review - Smásaga: Erfðaskrá
bóndans - í Keldudal.
Menning/Listir
► Ópera um Kalla og sælgætis-
gerðina - Ibsen kemur viða við -
Tvöfaldur skoti - Matisse í New
York - Finnskur hönnuður í Nor-
ræna húsinu - Robert Burns.
nú samið við Royal Arctic Line og
Samskip, sem er í eigu Hamla, eign-
arhaldsfélags Landsbankans hefur
misst samning sinn: „Ég vonast nú
til að það verði ekki, en menn verða
á hinn bóginn alveg að gera sér
grein fyrir því að Landsbankinn
ætlar ekkert að missa niður þessa
eign sína sem er í Samskipum. Það
verður sótt mjög fast að ekki verði
valtað yfir Landsbankann á þeim
vettvangi," sagði Sverrir.
„Síðasta daginn sem ég var heima
hélt ég fundi með fulltrúum innflytj-
enda og fleirum sem hafa mjög mik-
inn áhuga á þessu efni. Ég er sann-
færður um að við náum góðri tá-
festu. En það er ennfremur alveg
ráðið mál að Landsbankinn mun eins
fljótt og kostur er koma sér út úr
rekstri skipafélagsins. Það er að
koma á daginn það sem ég sagði frá
upphafi, að það væri afar óþægilegt
fyrir banka að komast í þá aðstöðu
sem við komumst í þegar Lands-
bankinn eignaðist Samskip, með til-
liti til þess að Eimskip væri einn af
stærri og eldri viðskiptavinum okk-
ar. Þau óþægindi sem geta fylgt
þessu, eru nú að koma á daginn, en
Landsbankinn átti engra kosta völ
gagnvart SÍS. En það verð ég að
segja að ég öfunda ekki blessaða
Danina af þætti þeirra í þessu rnáli,"
sagði Sverrir Hermannsson að lok-
um.
Morgnn-
blaðið í
51.300
eintökum
SALA Morgunblaðsins var
að meðaltali 51.300 eintök
á dag mánuðina septem-
ber, október og nóvember
1992, samkvæmt tölum frá
upplagseftirliti dagblaða.
í frétt frá Verslunarráði
Islands segir að í samræmi við
reglur upplagseftirlits dag-
blaða hafi trúnaðarmaður
ráðsins sannreynt sölu Morg-
unblaðsins áðurgreinda mán-
uði. Þá segir einnig að meðal-
talssala Morgunblaðsins á sex
mánaða tímabilinu frá og með
júní og til og með nóvember
1992 hafí verið 51.235 eintök
á dag.
I
I.
I
I
I
I
t
t
t
i
\
\
I
I
i