Morgunblaðið - 03.06.1993, Blaðsíða 34

34
MORGUNBLAÐIÐ FIMMTUDAGUR 3. JÚNÍ 1993
Hvalavinafélag íslands kærir kaupmann á Akureyri fyrir að veiða og selja hrefnu
Fer frekar í fangelsi en
gefa upp hvaðan kjötið kom
- segir Þorvaldur Baldvinsson í Sælandi sem seldi hrefnukjöt en segist ekkert hafa veitt sjálfur
HVALAVINAFÉLAG Islands lagði í gær fram kæru til Sýslumanns-
ins á Akureyri, á hendur Þorvaldi Baldvinssyni, kaupmanni í verslun-
inni Sælandi við Móasíðu. Ástæður kærunnar eru, í fyrsta lagi,
ummæli Þorvaldar þess efnis að hann hafi drepið hrefnur hér við
land nýlega og í öðru lagi fyrir að hafa selt hrefnukjöt í verslun
sinni. I bréfinu er því lýst yfir að hvalavinir hafi ákveðið að reka
sjálfir erindi til sýslumanna og Iögreglustjóra „hvers staðar fyrir
sig sem láta þessi lögbrot óátalin." Kaupmaðurinn sagðist í samtali
við Morgunblaðið í gær hafa selt hrefnukjöt en ekkert veitt í ár,
og ekki vita hvað hvalavinir telji sig vinna með þessari kæru. Hann
segir þá vera að eltast við rangan aðila.
í bréfi Hvalavinafélagsins til
Sýslumannsins á Akureyri er vitnað
í viðtal við kaupmanninn, sem birt-
ist í ríkissjónvarpinu 28. maí sl. Þar
hafi hann sagst hafa drepið hrefnur
sjálfur. Einnig er bent á viðtal við
kaupmanninn í DV 27. maí þar sem
hann var „að basla við að draga
önnur og fyrri ummæli sín til baka,
þ.e. að hann hafi selt hrefnukjöt
eins og hann játti m.a. við frétta-
mann Sjónvarpsins og aðra við-
skiptavini sína á Akureyri. Er það
afar ósannfærandi yfirklór sem
auðvelt er að sjá í gegnum."
Kæruefni sínu til sönnunar vísar
Hvalavinafélagið í umrædda frétt
Sjónvarpsins „þar sem fram kom
að fréttamaðurinn hafi haft tal af
a.m.k. tveimur eða fleirum við-
skiptavinum verslunarinnar Sæ-
lands h/f á Akureyri sem staðfestu
að hrefnukjöt hafi verið þar í boði.“
Bréfinu, sem undirritað er af Magn-
úsi Skarphéðinssyni, talsmanni fé-
lagsins, lýkur með þessum orðum:
„Að lokum þykir okkur rétt að geta
þess að við höfum fengið fram á
þennan dag yfir tug fyrirspurna
erlendis frá um sannleiksgildi þess-
ara frétta og orðróms víða að um
landið, sem allur er í svipaða átt,
og hvað lögleg yfirvöld hafa hugsað
sér að gera í málinu. Þess vegna
væntum við svars embættis yðar
sem fyrst.“
Eltast við rangan aðila
Þorvaldur kaupmaður staðfesti í
samtali við Morgunblaðið í gær að
hann hefði selt hrefnukjöt, en „mér
finnst þeir vera að eltast við rangan
aðila.“ Spurningu fréttamanns þess
efnis hvort hann hefði veitt umrædd
dýr hefði hann svarað játandi til
að hlífa öðrum. Hann hefði hins
vegar ekki veitt neina hrefnu í ár.
„Ég er að selja hérna hnýsukjöt og
höfrungakjöt líka, sem menn færa
mér frekar en að henda því. Og ég
er hræddur um, þó ég sé skotspónn
þeirra nú, að það sé dálítið meira
af þessu (hrefnukjöti) í umferð en
menn gera sér grein fyrir.“ Þorvald-
ur sagðist þó ekki geta staðfest
neitt slíkt, en hann hefði heyrt tals-
vert um það. Og það kjöt sem hann
hefði selt hefði honum verið „fært
hér inn um dyrnar,“ eins og hann
orðaði það.
Ekki skotin
„Það sem þeir vilja fá fram er
hvort hún hafi verið skotin,“ en
hann sagðist sannfærður um að sú
hrefna sem hann seldi hefði ekki
verið skotin. „Það sem menn athuga
ekki er að hrefna er alltaf að koma
í veiðarfæri þó svo menn hafi ekki
hátt um það. Það eru ekki nema
tvö eða þrjú ár síðan maður hér
út með firði fékk tvær hrefnur með
stuttu millibili, og þær flæktust á
línu hjá honum.“
Þetta sem þú varst að selja nú,
veiddist það svoleiðis?
„Mér er nær að halda það,“ sagði
Þorvaldur og bætti við að hann
myndi aldrei gefa upp hvaðan
hrefnukjötið hefði komið. „Mér
dettur það ekki í hug. Þeir mega
koma hér; ég fer ekki að láta kæra
einn eða neinn mín vegna. Ég fer
þá bara í fangelsi."
Málið er í höndum Rannsóknar-
lögreglunnar á Akureyri.
Félagasamtök - fyrirtæki - einstaklingar
SUMARLEIGA akureyri
Höfum til leigu nokkur herbergi og örfáar paríbúðir í
stúdentagarðinum Útsteini, Skarðshlíð 46, Akureyri.
• Leigutímabil er til 20. ágúst.
• íbúðirnar er hægt að leigja með innanstokksmunum
og eldhúsáhöldum.
□ Herbergin eru mjög rúmgóð eða 22 m2 og eru með
rúmi, stól og borði.
□ Hver tvö herbergi eru með sameiginlegri snyrtingu
(íbúðarígildi).
□ Sameiginlegt eldhús og setustofa er fyrir hver
7 herbergi.
• Hægt er að leigja aukarúm, aukadýnu og sængurföt.
• Nánari upplýsingar gefur Jóhanna í síma 96-11780
fyrir hádegi.
FESTA Félagsstofnun stúdenta á Akureyri
X ...
.......!..
í 1
w f '
W& y '

Vill flytja inn
hrefnukjöt
ÞORVALDUR kaupmaður í
Sælandi hyggst sækja um inn-
flutning á hrefnukjöti til ráðu-
neytis, enda sé eftirspurn eft-
ir kjötinu mikil í verslun hans.
„Það verður að fara að gera
eitthvað í þessu svo fólk fái
hrefnukjöt. Það er alltaf verið
að spyrja um þetta,“ sagði Þor-
valdur í gær. „Ég ætla því að
gera tilraun til þess að fá hrefnu-
kjöt frá Noregi eða Grænlandi.“
Hann sagðist eiga höfrunga-
kjöt eins og er og á þessum árs-
tíma í fyrra hefði mikið framboð
verið á því; hann hefði varla
haft við að taka höfrungakjöti
þá, þannig að það yrði eflaust
til á næstunni.
„Ég og fleiri vorum aldir upp á
þessu á sínum tíma og hvort sem
það er Magnús Skarphéðinsson
eða einhver annar sem er að
belgja sig út af því þá höldum
við áfram að éta þetta ef við
fáum þetta,“ sagði Þorvaldur.
Morgunblaðið/Rúnar Þór
Kærður af hvalavinum
ÞORVALDUR Baldvinsson, kaupmaður, með pakka af höfrungakjöti
í verslun sinni í gær.
Sönghópur-
inn Sólar-
megin með
tónleika
SÖNGHÓPURINN Sólarmegin frá
Akranesi heldur tónleika í sal
Gagnfræðaskóla Akureyrar föstu-
daginn 4. júní k. 20.30 og á Breiðu-
mýri í Reykjadal langardaginn 5.
júní kl 14.
■ Sönghópurinn var stofnaður í jan-
úar 1990. Stjórnandi hópsins er
Rágnheiður Ólafsdóttir en aðrir fé-
lagar eru Ragna Kristmundsdóttir,
Gyða Bentsdóttir, Jensína Valdimars-
dóttir, Halldór Hallgrímsson, Sigur-
steinn Hákonarson, Guðmundur Jó-
hannsson, Kristján Elís Jónasson og
Lars H. Andersen.
Efnisskrá tónleikanna er mjög fjöl-
breytt, spannar yfír u.þ.b. 400 ára
tímabil. Þess má og geta að sönghóp-
urinn fékk Sigurð Halldórsson selló-
leikara til að útsetja tónverkið Bo-
hemian Rhapsody eftir Freddy Merc-
ury, söngvara hljómsveitarinnar Que-
en.
Öll lögin eru flutt án undirleiks.
Slippstöðin Oddi hf. gerir samning við Sealord Products
Búnaður í togara til Nýja
Sjálands fyrir 21 milljón
FYRIRTÆKIÐ Slippstöðin Oddi hf. á Akureyri hefur gert samn-
ing við Sealord Products Ltd. á Nýja Sjálandi, sem skv. upplýsing-
um fyrirtækisins er hið stærsta í sjávarútvegi þar í landi, um sölu
á frystibúnaði, ísframleiðslubúnaði og ísflutningskerfi í togara
sem Nýsjálendingarnir eru að kaupa frá Grænlandi. Samningsupp-
hæðin er 21 milljón króna.
„Þetta er rosalega gott mál
fyrir iðnaðinn og skapar okkur
óhemju vinnu; bæði tæknivinnu
og smíðar," sagði Jón Agúst Þor-
steinsson, tæknifræðingur hjá
Slippstöðinni Odda hf., við Morg-
unblaðið í gær. „Við erum eina
íslenska fyrirtækið, sem er með
iðnaðarkælikerfi og skipakæli-
kerfi og afhendir sínar eigin
lausnir. Fyrirtæki hér á landi hafa
verið með umboð fyrir erlend
kælikerfi, en við erum að selja
lausnina héðan og smíðum allt
nema pressur og loka.“
Það var fyrirtækið Skipatækni
hf. sem var ráðgefandi aðili fyrir
nýsjálensku útgerðina í þessu
verkefni. Fyrir milligöngu Skipa-
tækni var íslenskum fyrirtækjum
gefinn kostur á að bjóða í fram-
leiðslu búnaðarins svo og í breyt-
ingar á skipinu og niðursetningu
búnaðar. Slippstöðin fékk smíðina
og eru tækin smíðuð á Akureyri
en síðan send utan og sett þar
um borð. Öll hönnun er íslensk,
unnin af starfsmönnum Skipa-
tækni hf. og Slippstöðvarinnar
Odda hf. Að sögn Jóns Ágústs
buðu einnig norsk stórfyrirtæki í
verkið. Tilboð Slipppstöðvarinnar
Odda var ekki lægst, „en við feng-
um verkið út á útfærslu okkar“.
í frétt frá Slippstöðinni Odda
segir að samningurinn sé „af-
rakstur af uppbyggingarstarfi
sem Vélsmiðjan Oddi hf. hefur
stundað á sviði kælitækni, en á
sl. ári var stigið veigamikið skref
í þá átt að fyrirtækið seldi sína
eigin hönnun og lausnir í stærri
og flóknari frystikerfum. Þá var
ráðinn til fyrirtækisins Jón Ágúst
Þorsteinsson tæknifræðingur,
sem áður starfaði hjá Sabroe AS
í Danmörku. Á sama tíma opnaði
fyrirtækið sölu- og tækniskrif-
stofu í Kópavogi í tengslum við
kæliverkstæði sem fyrirtækið rek-
ur þar. Fyrirtækið, sem um síð-
ustu áramót var sameinað Slipp-
stöðinni hf. undir nafninu Slipp-
töðin Oddi hf., hefur byggt upp
tækniþekkingu sína sem gerir því
kleift að selja flókin kerfi eins og
um ræðir í þessu dæmi.“