Morgunblaðið - 07.07.1993, Síða 7
MORGUNBLAÐIÐ MIÐVIKUDAGUR 7. JÚLÍ 1993
7
Kátir veiðimenn með laxa úr Ytri-Rangá.
Morgunblaðið/RAX
Veiðifréttirnar sem hellast
inn þessa daganna eru yfirleitt
hinar ánægjulegustu. Hvergi
eru menn þó glaðklakkalegri
en austur í Vopnafirði þar sem
byrjunin hefur verið með slík-
um eindæmum að ekkert annað
en stórveiðisumar virðist fram-
undan. Garðar H. Svavarsson
á Vakursstöðum 1 í Vopnafirði
sagði í samtali við Morgunblað-
ið í gær að byrjunin jafnaðist
á við sumarið 1987 sem var
mjög gott. Horfur væru hins
vegar nú til muna betri og sér-
staklega ánægjulegt væri að
sjá hvað laxinn kæmi vænn og
fallegur úr hafi. Tveggja ára
laxinn 12 til 16 pund og spik-
feitur og sá smálax sem sést
hefur 6 til 8 pund. Sjálfur var
Garðar að koma úr Hofsá,
hafði verið hálfan dag og dreg-
ið þijá laxa, 12,14 og 17 punda.
Miklar göngur...
„Það eru miklar göngur og
mikil ferð á laxinum. Þá er mikið
vatn í ánum og eykur það á
spennuna, því laxinn er oft að
finna á óvenjulegum stöðum,
stöðum sem eru jafnvel ekkert
nema grynningarnar í venjulegu
sumarvatni. Þetta er mjög
skemmtilegt og raunar var ég
búinn að spá því að þetta yrði
algert metsumar í Vopnafirðin-
um. Ég hef spáð Hofsánni í 3.000
laxa og stend við það þar til ann-
að kemur í ljós,“ sagði Garðar,
sem er með meiri veiðiklóm lands-
ins. Er rætt var við Garðar voru
komnir 130 laxar úr Hofsá og
um 60 úr Selá. Seláin er brattari
og úfnari og því erfiðari viðfangs
er vatnsmagn er með mesta móti
eins og verið hefur. Þá hefur
Selá verið lituð síðustu daga. Þar
er þó einnig mikill fiskur.
Frábær byijun í Vesturdalsá
Veiði hófst í Vesturdalsá í
Vopnafírði á hádegi mánudags
og fengust sjö laxar fyrstu vakt-
ina. Aðeins er veitt á tvær stang-
ir og voru veiðimenn ekki í ánni
nema part af vaktinni. Allt var
þetta vænn fiskur, frá 9 pundum
og upp í 14 pund. „Það sást mik-
ið af laxi og greinilegt að það
hafa verið bullandi göngur að
undanförnu," sagði Garðar H.
Svavarsson.
Sama júníveiði í Elliðaánum
Jón Gunnar hjá SVFR sagði í
gær að hann hefði tekið saman
nokkrar tölur um Elliðaárnar um
mánaðamótin og í ljós hefði kom-
ið, að þrátt fyrir slaka bytjun
fyrstu dagana, þá hefði veiðin
tekið svo vel við sér áður en júní
lauk, að sama júníveiði hefði
náðst og í fyrra og var þó byijað
fimm dögum seinna í sumar. Um
er að ræða 94 laxa. Mikið hefur
verið af laxi í neðri hluta Elliða-
ánna síðustu sólarhringa, en að
undanförnu hefur laxinn hert
gönguna. í fyrrinótt fóru til dæm-
is 100 laxar í gegnum teljarann.
Þá hefur vakið athygli hversu
mikill munur hefur verið á árdeg-
is- og síðdegisveiði í Elliðaánum.
Löngum hefur morgunvaktin þótt
álitlegri, en nú virðist keyra um
þverbak. Á sunnudaginn veiddust
til dæmis 17 laxar í ánni, þar af
15 á morgunvaktinni. Nokkrum
dögum fyrr veiddust 13 laxar einn
daginn, þar af 12 á morgunvakt-
inni. Kunnugir telja að svona lag-
að eigi einkum við á meðan lax-
inn er bunkaður neðst í ánni, því
hann verður fyrir svo mikilli
styggð er á daginn líður að ekki
sé við öðru að búast en hann
hætti að taka. Þegar laxinn fari
að ganga fram ána og dreifa sér
fari minna fyrir öfgum af þessu
tagi og síðdegisvaktarveiðimenn
geti glaðst. Þetta er laxinn ein-
mitt að gera þessa daganna.
Norðurá á fimmta hundraðið
Norðurá í Borgarfirði er enn
forystuáin og hún er nú komin á
fimmta hundrað laxa. Góðar
göngur hafa verið í ána síðustu
misseri, en rysjótt veðurfar hefur
verið til trafala. Þegar veiðin hef-
ur virst á bullandi uppleið, hefur
gjarnan gengið yfir slagveðurs-
lægð og hleypt flóði í ána. Ekk-
ert holl hefur þó enn verið svo
ólánsamt að allur tíminn hefur
farið í flóð og leiðindi, en mörg
þau síðustu hafa misst úr dag og
dag.
Nágrannaáin Þverá er skammt
undan, var með milli 360 og 370
laxa mjög nýlega. Veiði í báðum
ánum byrjaði 1. júní og því er
ekki víst að þær haldi forystunni
út sumarið þó ljóst sé að þær
verða báðar meðal efstu áa nema
eitthvað mjög óvænt komi upp á.
ASÍ kemur á fót öflugu verðlagseftirlití
Abendingar um
óeðlilega verð-
hækkun skoðaðar
FJOGURRA manna hópi hefur verið komið á fót hjá Alþýðusambandi
Islands til að aðstoða starfsfólk ASÍ við að fylgjast með verðhækkun-
um vegna nýlegrar gengisfellingar. Hervar Gunnarsson, sem er í for-
sæti hópsins, sagði að ASI hefðu borist margar ábendingar um óeðli-
lega miklar hækkanir. Eftirlitshópurinn mun beina sjónum að innflutn-
ingsversluninni og meðal annars athuga hvort ábendingarnar eigi við
rök að styðjast og ef svo er verður reynt að fá fram breytingar, að
sögn Hervars.
„Ætlunin er að skoða á hvern
hátt innflutningsverslunin, og þá í
prósentum, hefur brugðist við geng-
isfellingunni. Það er ekki hægt að
neita því að það er í tengslum við
það að við höfum fengið ábendingar
um að sum innflutningsfyrirtæki
hafi notað tækifærið og hækkað
vöruverð meira heldur en gengisfell-
ingin gefur tilefni til,“ sagði Hervar.
Fleiri ábendingar en áður
Hervar sagði að enn væri ókannað
hvaða ábendingar ættu við rök að
styðjast og um það yrði ekki dæmt
fyrr en sannana hefði verið leitað,
sem væri einmitt starfsvið hópsins.
Hann sagði að í mörgum tilfelium
yrði auðvelt að sjá hvort óeðlileg
hækkun hefði átt sér stað. Fleiri
ábendingar um hækkanir hafa ekki
borist til ASÍ síðan 1990 að sögn
Hervars. Hann sagði að einstök félög
innan ASI hefðu verið með verðiag-
seftirlit frá 1990 og taldi að ekki
síst þess vegna hefði verðlag verið
nokkuð stöðugt undanfarin ár.
Telja sig eiga inni
Hervar sagði að ástæður þess að
gengisfellingin hafi ekki komið af
krafti út í verðlagið mætti bæði rekja
til verðlagseftirlits verkalýðsfélaga
og samkeppni. „Nú virðast ábend-
ingarnar hniga í þá átt að menn séu
að lauma inn í hækkun vegna geng-
isfellingarinnar einhveiju, sem þeir
telja sig eiga inni.“
Hervar sagði að ef upp kæmi að
einhver hefði hækkað vöruverð óeðli-
lega mikið þá myndi fýrst vera reynt
að tala við viðkomandi, hvort sem
um væri að ræða verslun, heildsala
eða innflytjanda en ef það gengi
ekki myndi líklega verða gripið til
þess ráðs að auglýsa hækkunina.
Hann sagði að ekki þyrfti að vera
að verslunin sem slík bæri ábyrgð á
þessum miklu hækkunum heldur
mætti eflaust í mörgum tilfellum
rekja þær til heildsala og innflytj-
enda. Hervar sagði að eftirlitið yrði
komið til fullra starfa undir lok vik-
unnar.
Sala á áfengi o g
tóbakí minnkar
SALA á áfengi og tóbaki fyrstu sex mánuði þessa árs hefur dregist
saman miðað við sama tímabil í fyrra. Samkvæmt tölum frá Áfengis-
og tóbaksverslun rikisins dróst sala á áfengi saman um tæp 3% mælt
í lítrum og tæp 7% mælt í alkóhóllítrum. Sala á tóbaki dróst saman
um 2,3% til 7,3% eftir tegundum.
Tölur ÁTVR sýna að heildarsala
á áfengi, bjór meðtalinn, nam 3,6
milljónum lítra á fyrrgreindu tíma-
biii í ár miðað við 3,7 milljónir lítra
í fyrra. Mælt í alkóhóllítrum var
magnið 398.875 lítrar í ár miðað við
428.551 í fyrra.
Minnkandi sala reyktóbaks
I sölu á tóbaki var samdráttijrinn
mestur í reyktókbakinu, eða 7,3%,
fór úr 7.297 kg niður í 6.762 kg í
ár. Sala á munn- og neftóbaki
minnkaði minnst, eða um 2,3%, sala
á vindlingum dróst saman um 5,6%
og sala á vindlum um 4,7%.
Tekið skal fram að inni í þessum
tölum er ekki að finna innflutning á
áfengi og tóbaki hjá áhöfnum skipa
og flugvéla né það magn sem
ferðamenn frá útlöndum taka með
sér.
UTSALA ÚTSALA ÚTSALAN byrjar í dag 1
ÚTSALA 2/; \ 'T/l />Z 1
ÚTSALA ÚTSALA / (Jvo 1
ÚTSALA ÚTSALA ÚTSALA stattur
ÚTSALA ÚTSALA ÚTSALA ÚTSALA a fataverslun % v/Nesveg, Seltjarnarnesi. W SÆ Wm WB J OPið da9lega frá kl. 9-18, / WwB wB HF laugardaga frá kl. 10-14.