Morgunblaðið - 07.07.1993, Blaðsíða 18

18
MORGUNBLAÐIÐ MIÐVIKUDAGUR 7. JÚLÍ 1993
Bergþór Erlingsson umdæmisstjóri Flugleiða
Þjónusta við Akureyr-
inga verður óbreytt
BERGÞÓR Erlingsson hefur
verið ráðinn nýr umdæmisstjóri
Flugleiða á Akureyri, en svæðið
sem hann hefur umsjón með
nær frá Blönduósi í vestri að
Vopnafirði í austri. Hann tekur
við starfinu af Gísla Jónssyni.
„Það leggst vel í mig að koma
aftur til starfa á heimaslóðum,"
sagði Bergþór, en hann er Akur-
eyringur og hefur starfað hjá
Flugleiðum frá árinu 1978. Fyrst
sem afgreiðslumaður og af-
greiðslustjóri á Akureyrarflug-
Ljósmyndir
í Súlnabergi
LJÓSMYNDASÝNINGIN
Lífið í landinu hefur verið
sett upp í veitingasalnum
Súlnabergi á Hótel KEA
á Akureyri. Sýningin
verður þar fram eftir
næstu viku.
Lífið í landinu er sýning á
ljósmyndum sem hlutu verð-
laun og viðurkenningar í ljós-
myndasamkeppni Okkar
manna, félags fréttaritara
Morgunblaðsins á landsbyggð-
inni. Á henni eru 28 myndir
og myndraðir frá árunum 1991
og 1992.
Myndirnar eru fjölbreyttar
og sýnir fólk í leik og starfi,
þær sýna lífið í landinu í hnot-
skurn, segir í fréttatilkynr.ingu
um sýninguna.
víkur, líkt og gert hefði verið milli
Reykjavíkur og Egilsstaða annars
vegar og Vestmannaeyja hins vegar.
Það yrði félaginu mjög til bóta ef
það kæmist inn á þá leið. Þá er að
sögn Friðriks afar mikið að gera í
leiguflugi hvers konar.
Gengur vel á Grænlandi
Friðrik Adolfsson sagði að mjög
mikið væri að gera í flugi félagsins
á Grænlandi en þar eru tvær flug-
vélar í miklum verkefnum fram
undir ágústlok. Hins vegar væri
flugvélaeign félagsins óþarflega
mikil ef miðað væri við vetrarum-
ferðina eina. Því hefði verið afráðið
að setja elstu Twin-Otter vél FN á
söluskrá í haust þar sem það virtist
hagkvæmara að leigja vélar til að
taka af kúfinn á álagstíma um
hásumarið. Ef úr rættist og félag-
inu bættust verkefni vonuðust
menn þó til að ekki þyrfti að koma
til uppsagna og jafnvel ekki sölu
flugvéla.
velli, en síðustu
tvö ár hefur
hann starfað
sem umdæmis-
stjóri Flugleiða
á Austurlandi.
Bergþór hefur
búið á Egils-
stöðum og sagð-
ist hann koma
norður til starfa
um helgina, en
flytja sig alfarið síðar í sumar.
Bergþór
Þjónusta ekki minnkuð
Samdráttur á áætlunarleið-
um Flugfélags Norðurlands
Fimm starfsmönnum hefur verið sagt upp vegna óvissu um verkefni
NOKKUR samdráttur hefur orðið í farþegafjölda á áætlunarleiðum
Flugfélags Norðurlands að undanförnu. Af þeim sökum, svo og vegna
óvissu um verkefni þegar haustar, hefur Flugfélagið sagt upp 5 starfs-
mönnum. Flugfélagsmenn segja það varúðarráðstöfun eingöngu. Mjög
mikið er að gera í Grænlandsflugi félagsins í sumar og einnig á suður-
leiðum félagsins svo og í leiguflugi.
Nú um mánaðamótin tóku gildi
uppsagnir fimm starfsmanna Flug-
félags Norðurlands. Að sögn Frið-
riks Adolfssonar hjá FN er þar um
að ræða einn flugmann, tvo flug-
virkja, hlaðmann og aðstoðarmann
á verkstæði. Hann sagði að upp-
sagnirnar væru hreinar varúðarráð-
stafanir félagsins. Vegna óvissu í
þjóðfélaginu væri talsverður sam-
dráttur í farþegafjölda á styttri
áætlunarleiðum og ef ekki rættist
úr væri fyrirsjáanlegt að draga yrði
seglin eitthvað saman með hausti.
Hins vegar kvað hann vonir standa
til að úr rættist og ekki þyrfti að
koma til uppsagnanna, en uppsagn-
arfrestur er úti um mánaðamót
september-október.
Gengur vel á lengri leiðum
Að sögn Friðriks er mjög mikið
að gera hjá FN á leiðinni Akureyri-
Húsavík-Reykjavík í sumar. Flugfé-
lag Norðurlands hefðu þar 20% af
sætaframboði en í raun annaðist
félagið flutning um helmings far-
þega á leiðinni Húsavík-Reykjavík
þar sem Flugleiðir drægju mjög úr
sætaframboði yfir hásumarið. Á leið-
inni Akureyri-Keflavík sagði Friðrik
að gengi afar vel í sumar. Á báðum
þessum leiðum væri hins vegar
reksturinn afar erfiður yfir vetrar-
mánuðina. Hann sagði að FN biði
eftir því að samgönguráðuneytið
auglýsti til umsóknar hluta af sæta-
framboði milli Akureyrar og Reykja-
Bergþór sagði engar stökkbreyt-
ingar í vændum í rekstrinum, en
vissulega myndi samdráttur í
rekstri fyrirtækisins kalla á ein-
hveijar breytingar. „Við munum
fylgja eftir stefnu fyrirtækisins í
aðhaldsmálum, en það eru ekki
uppi neinar hugmyndir um að
minnka þjónustu við Akureyringa
hvað flugið varðar,“ sagði Bergþór.
Bergþór Erlingsson er fertugur,
kvæntur Heiðdísi Þorvaldsdóttur og
eiga þau fjögur börn.
Morgunblaðið/Rúnar Þór
Þriggja vikna rigningarferð um Island
ÞJÓÐVERJARNIR Ulrike Kriiger og Rainer Kuhlmann
voru að hlýja sér á tesopa á tjaldstæðinu á Akureyri á
mánudagsmorgun. Þau sögðust hafa verið á ferð vítt
og breitt um landið í þrjár vikur og ekki hefði sólskinið
elt þau. Lengst af hefðu þau verið í rigningu og sudda
og ekki laust við að þeim hefði á tíðum orðið hálfkalt.
Þau létu þó ekki illa af ferð sinni, hún hefði verið ævin-
týraleg og fegurðin væri ekki fólgin í sólskininu einu.
Rigningin kallaði fram sérstaka fegurð og hrikaleika
landsins.
Morgunblaðið/Rúnar Þór
Fyrsta skip leggstað Tangabryggju
ÞÝSKA rannsóknaskipið Walther Herwig varð fyrsta skipið til að leggjast
að hinni nýju Tangabryggju á Akureyri síðastliðinn sunnudag. Bryggjan er
sérstaklega gerð til að taka við stórum vöruflutningaskipum, 70 m langur
viðlegukantur með minnst 8 m dýpi. Að sögn Gunnars Arasonar hafnarvarð-
ar er bryggjusmíðinni ekki lokið. Eftir er að setja á bryggjuna þekju og
ganga frá ýmsum lögnum, m.a. vatni og rafmagni. Stefnt er að því að
Tangabryggja verði fullgerð fyrir haustið.
Fallið frá kæru á Þorvald Baldvinsson, kaupmann í Sælandi, vegna sölu á hvalkjöti
Ekki lengur talinn glæpamaður
ÞORVALDUR Baldvinsson, kaupmaður í
Sælandi á Akureyri, sem kærður var í
júníbyijun fyrir að veiða og selja hrefnur
og höfrunga, hefur fengið lausn sinna
mála og fallið hefur verið frá kæru á
hendur honum. Þorvaldur segir að hann
muni áfram selja kjöt af þessum skepnum
ef það berist sér með leyfilegum hætti.
Hins vegar telur hann Iög og reglur um
veiðar þessara sjávardýra líkari vitlaflsum
trúarbrögðum en skynsamlegu viti og
jafnvel geti af þeim leitt stórhættu fyrir
lífkeðju hafsins.
Ríkissaksóknari hefur fallið frá kæru á
hendur Þorvaldi Baldvinssyni fyrir meint
hrefnudráp og sölu á hrefnukjöti, sem sagt
var frá í júníbyijun. Ekki þótti sannað að
hann hefði brotið lög eða reglugerð um hval-
veiðar. Þorvaldur sagðist ósköp glaður yfir
úrslitum mála. „Málinu var vísað frá og þeir
eru búnir að skila kjötinu. Eg er auðvitað
glaðastur yfir því að vera ekki talinn glæpa-
maður lengur. Ég skil málið þannig að mér
sé í það minnsta heimilt að selja kjötið, það
sé aðallega kveðið á um að megi ekki drepa
dýrin með ákveðnu móti. En það er nú ein-
faldlega svo að þetta kemur í net og önnur
veiðarfæri hjá sjómönnum. Nú, ef þeir myndu
einfaldlega henda þessu þegar það kemur
að borði, væru þeir þá ekki að þverbijóta
rtfengunarlögin? Það virðist stangast allt hvað
á annað í þessum reglugerðum," sagði Þor-
valdur.
Sel áfram það sem mér berst
Þorvaldur sagði að mest væri um að hrefna
og höfrungur slæddist í veiðarfæri á vorin
en þó mætti alltaf búast við að eitthvað af
þessum dýrum, sérstaklega þeim smærri,
þvældist í net eða slíkt. „Ég get nánast ekk-
ert sagt um það hvað ég fæ af þessu en ég
þekki marga menn sem eru í þessu og þeir
hafa samband við mig ef þeir rekast á eitt-
hvað ög færa mér það. Eftirspurn eftir þessu
er þónokkuð mikil. Það sem mig langaði til
að gera ef maður fengi eitthvað að ráði af
þessu kjöti eða ef leyft yrði að veiða þetta
eins og hjá siðmenntuðu fólki væri að fá
hingað matreiðslumann og halda kynningu
á þessu.
Herramannsmatur og röskun
lífkeðjunnar
Þetta er- herramannsmatur, og ekki bara
það, þetta er það sem íslendingar eru búnir
að lifa á í gegnum tíðina, þetta var eina
nýmetið sem maður fékk á vorin þegar mað-
ur var að alast upp og mér finnst að það
ætti að vera hefð fyrir karla eins og mig og
fleiri sem erum vanir þessu að mega drepa
þetta okkur til matar. Og þó að ég sé enginn
vísindamaður finnst mér augljóst að það er
orðið alltof mikið af hval í sjónum við land-
ið. Þessi hvalavernd er trúarbrögð en trúar-
brögðin eru komin út í öfgar þegar þau valda
skaða. Of mikill hvalafjöldi er ein af orsökum
þess að bolfíski fækkar við landið. Ég tel
að þessi hvalavernd og hvalafjölgun geti ef
þetta heldur svona áfram raskað lífkeðjunni
í sjónum við lándið og hvar erum við stödd
þá?“ sagði Þorvaldur að lokum.