Morgunblaðið - 08.08.1993, Qupperneq 5
MORGUNBLAÐIÐ SUNNUDAGUR 8. ÁGÚST 1993
mr i París
W&4
100
sœti
16. - 23. september
Skoðunarferð um borgina gla&væru
vi2> Signu. Litið vib ó listasöfnum.
Tískusýning, gönguferðir um Paris,
vinsmökkun, fariö ó útimarkaði,
tónleikaferðir, sigling á Signu og
frábær veitingahús heimsótt. Hagstæð
afsláttartilboð í DISNEY WORLD.
Dvalið á hinu frábæra
íbúðahóteli HOME PLAZZA.
Verð aðeins
€Mí ,11 ■
I/ kr.
10 mánaða ra&greiðslur!
Innifalið: Morgunverður, flugvallaskattar,
skoðunarferð, flutningur til og frá flugvelli
og íslensk fararstjórn.
E.s. Ekki gleyma öllu hinu: Signubökkum,
Eiffelturninum og heimsins bestu verslunum,
listamönnum götunnar, kaffihúsunum og heillandi
mannlífinu, ásamt næturlífinu og rómantikinni.
Sala farmiða:
Söluskrifstofa Hótel Esju, sími: 690100 - fax: 686905
Upplýsingar og bókun í síma: 690300
(svarað alla 7 daga vikunnar frá kl. 8 - 18)
FLUGLEIDIR
Traustur íslenskur ferðafélagi
Fararstjórn: Sigmar B. Hauksson
Nánari upplýsingar:
FARKLÚBBUR VISA
UPPLÝSINGA- OG ÞJÓNUSTUMIÐSTÖÐ
Höfðabakka 9, 1 1 2 Reykjavík
Sími: 91-671700, fax: 91-673462
Katrín Gunnarsdóttir sem afgreiddi strokufangana tvo á Reykjavíkurfiugvelli
Feeney með úttroðið veski af dollurum
Sög-ðust þurfa að ná skipi í Færeyjum
„ÞEIR komu hingað inn rétt fyrir klukkan átta og sögðust hafa misst
af Flugleiðavélinni til Færeyja. Þeir sögðust vera að missa af skipi sem
þeir þyrftu að ná í Færeyjum og leigðu vél frá okkur og borgðuðu í
reiðufé," sagði Katrín Gunnarsdóttir starfsmaður íslandsflugs á Reykja-
víkurflugvelli í samtali við Morgunblaðið í gærmorgun um tildrög þess
að strokufangarnir Donald M. Feeney og Jón Gestur Olafsson leigðu
vél frá fyrirtækinu til að fljúga með sig til Færeyja.
I afgreiðslu íslandsflugs voru þá
um 100 erlendir ferðamenn á leið
með 5 flugvélum í skoðunarferðir til
Eyja og því miklar annir á staðnum.
Katrín sagði að starfsfólk í flugaf-
greiðslunni hefðu ekki áttað sig á
því að um Feeney væri að ræða fyrr
en skömmu eftir að vélin fór á loft
og lögreglumenn mættu á staðinn
með myndir af strokuföngunum.
Greiddi í reiðufé
Að sögn Katrínar tafðist brottför
vélarinnar um 10 mínútur vegna
þess að ganga þurfti frá því að Feen-
ey og Jón Gestur Ólafsson fengu
aðra vélina á leigu eftir að til Vest-
mannaeyja væri komið til að fljúga
með sig til Færeyja. Katrín sagði að
Feeney hefði greitt fyrir leigu flug-
vélarinnar í reiðufé með dollurum.
Síðan fiugu þeir í hópi fólks til Eyja
þaðan sem halda átti áfram til Fær-
eyja. Vegna þoku tafðist það hins
vegar að farið væri aftur á loft til
Færeyja.
Kostar 200-220 þúsund krónur
Katrín sagði að lögreglan hefði
beðið um að ekki yrði gefið upp hve
mikið fé hefði verið greitt fyrir leigu-
vélina en aðspurð sagði hún að mað-
ur sem gengi inn af götunni og leigði
flugvél til Færeyja þyrfti að greiða
fyrir 200-220 þúsund krónur.
„Það var mikið að gera hjá okkur
og við þekktum ekki Feeney fyrr en
lögregla kom til okkar fljótlega eftir
að flugvélin fór í loftið, og sýndi
okkur myndir af strokuföngunum.
Þá áttuðum við okkur á því hver
hann væri,“ sagði Katrín.
Hvað segirðu, strauk hann?
„Hvað segirðu, strauk hann úr
fangelsinu?“ sagði Judy Feeney eig-
inkona Donalds M. Feeneys og fram-
kvæmdastjóri fyrirtækis þeirra CTU,
þegar Morgunblaðið hringdi heim til
hennar í Fayetteville í N-Karolínu í
Bandaríkjunum í gærmorgun, bæn-
um sem kallaður hefur verið Rambo-
ville vegna þess hve margir fyrrver-
andi hermenn, sérsveitarmenn, lög-
reglumenn og lífverðir búa þar.
Aðspurð kvaðst Judy ekkert hafa
vitað um áform eiginmanns síns og
var greinilega mjög brugðið þegar
blaðamaður tjáði henni að maður
hennar hefði strokið og verið hand-
tekinn í Vestmannaeyjum.
Hún kvaðst vilja beina þeim til-
mælum til íslenskra stjórnvalda að
maður hennar yrði látinn laus og
honum leyft að fara heim. „Þetta er
góður maður sem hefur, engin lög
brotið og hann þarf að fá að fara
heim til fjölskyldu sinnar,“ sagði
hún. „Ég bið þess að Guð opni augu
Islendinga í þessu máli.“
„Þeir komu í sjoppuna til mín og
Feeney keypti sér einnota myndavél.
Hann var með úttroðið veski af doll-
urum. Hinn fékk sér kaffi,“ sagði
Inga Bernódusdóttir, starfsmaður á
flugstöðinni í Vestmannaeyjum, um
samskipti sín við strokufangana
meðan þeir stöldruðu við í Eyjum.
Hún sagði að þeir tveir hefðu kom-
ið inn í flugstöðina í stórum hópi
ferðafólks en þegar aðrir hefðu veirð
famir í skoðunarferðir hefðu þeir tveir
orðið eftir og verið að bíða eftir brott-
för leiguvélarinnar. Hún sagði að
þeir hefðu verið rólegir og setið sam-
an við borð í salnum þegar lögreglan
kom inn og þá gefist upp án mótþróa.
,Eg áttaði mig ekki á því hver
Feeney væri fyrr en lögreglan var
búin að handtaka þá og setja þá í
handjárn," sagði Inga sem aðspurð
kvaðst þá hafa þekkt manninn af
fréttafiutningi af „barnsránsmálinu“
svokallaða frá því í vetur. Þess má
geta að Feeney hefur rakað af sér
skeggið sem hann var með þegar
mál hans voru mest til umijöllunar
í vetur.
Strokufangarnir tveir fóru í flug-
vél frá íslandsflugi, sem Halldór
Árnason flugmaður stjórnaði, frá
Reykjavík til Eyja og frágengið var
að hann héldi áfram með þá til Fær-
eyja eftir millilendingu í Vestmanna-
eyjum, þar sem setja skyldi út þá
ferðamenn sem voru að fara í skoð-
unarferðir um Eyjarnar.
Halldór og starfsfólk íslandsflugs
fengu vísbendingar um að hugsan-
lega væru strokufangar á ferð um
það leyti sem vélin lenti í Vestmanna-
eyjum og kvaðst Halldór hafa verið
beðinn um að tefja ferðina þangað
til búið væri að kanna málið. Það
var auðvelt, þar sem ekki voru komn-
ar upplýsingar um flugveður þegar
lögreglan var komin á flugstöðina
og búin að handtaka fangana.
Halldór kvaðst þó ekki hafa veitt
mönnunum athygli og aðspurður
taldi hann að þeir hefðu komið með
tveimur vélum frá Reykjavík til Eyja
en vísaði á íslandsflug í Reykjavík
um nánari upplýsingar um ferðatil-
högunina. Samkvæmt upplýsingum
Islandsflugs voru mennirnir báðir í
hópi ferðafólksins um borð í Beec-
hcraft-vél Halldórs á leið til Eyja.
Sprengdu lás á útgöngndyiTini
DONALD Feeney og Jón Gestur Ólafsson sem struku í fyrrinótt
úr fangelsinu á Litla Hrauni voru hafðir í haldi á sama gangi
byggingarinnar. Gústaf Lilliendahl, forstöðumaður fangelsisins,
telur líklegra en ekki að mennirnir hafi sammælst um strokið.
Mennirnir sprengdu upp lás á útidyrum fangelsisins.
Gústaf sagði að öryggismál í
fangelsinu væru afar ófullnægjandi
og ótalmargir þættir mættu betur
fara, bæði hvað varðaði bygging-
una sjálfa og skipulagningu vinnu
starfsmanna.
Klefar fanganna voru ekki hlið
við hlið en Gústaf sagði að ekki
hefði verið langt á milli þeirra.
„Þeir hafa sprengt upp lás og kom-
ist út um rimla á útgöngudyrum.
Það er ekki hægt að tímasetja ná-
kvæmlega hvenær þeir hafa brotist
út. Þeir voru báðir til staðar þegar
fangar voru lokaðir inni í gær-
kvöldi [fyrrakvöld] og síðan vantar
þá þegar klefar voru opnaðir í
morgun. Við höfum ekki haft
spurnir af mannaferðum fyrir utan
fangelsið á þessu tímabili ennþá,“
sagði Gústaf.
Ýmsir leiðir til að fela
peninga
Hann kvaðst ekki geta svarað
því hvernig á því hefði staðið að
annar fanganna hefði verið með
fullar hendur fjár þegar hann var
handtekinn. Fangar hefðu ýmsa
möguleika á því að fela peninga
innan fangelsisins.
Gústaf sagði að mennirnir hefðu
verið það sem kallast góðir fangar
og fór ekki mikið fyrir þeim í fang-
elsinu. „Eftir fund sem haldinn var
sl. miðvikudag var ákveðið að taka
á mörgum ákveðnum þáttum í
starfsemi fangelsisins en það er
greinilegt að það er mun fleira en
þar komst til tals sem þarf að gera.
Það er spurning hvort ekki þurfi
aukna gæslu og fleiri starfsmenn
en umfram allt betra skipulag á
vinnu þeirra starfsmanna sem nú
þegar eru á vöktum,“ sagði Gústaf.
Litla Hraun getur rúmað 52
fanga og er það að jafnaði full-
nýtt. Að næturlagi vinna þar fjórir
fangaverðir og að degi til vinna sex
manns inni í húsinu og sami fjöldi
utan hússins.
ÓRKIN 5007-277-21