Morgunblaðið - 08.08.1993, Side 38

38
MORGUNBLAÐIÐ IÞROTTIR SUNNUDAGUR 8. ÁGÚST 1993
KNATTSPYRINJA / ÞYSKALAND
EyjóKur og félagar í
Stuttgart byrja gegn
meisturum Bremen
Endurkoma leikmanna frá Ítalíu eykur breiddina
og fleiri lið blanda sér í baráttuna um meistaratitilinn
KEPPNI íþýsku úrvalsdeildinni íknattspyrnu hófst á ný í fyrra-
dag, en meistaraslagurinn verður ídag, sunnudag, þegar hand-
hafar titilsins i Bremen taka á móti sigurvegurunum ífyrra, Eyjólfi
Sverrissyni og samherjum í Stuttgart. „Það er alltaf mikil spenna
í fyrsta leik,“ sagði miðherji íslenska landsliðsins við Morgun-
blaðið, aðspurður um komandi leik, en hann verður í byrjunarlið-
inu, leikur sem varnartengiliður eins og í undanförnum æfinga-
leikjum. „Þó lið komi vel undirbúin til leiks vita þau ekki almenni-
lega hvar þau standa og því skiptir engu hver mótherjinn er.
Þetta verður erfitt, en við byrjum á tveimur útileikjum og við
ætlum að ná stigum úr þeim.“
Þýska deildin hefur styrkst, mikið
síðustu mánuði og munar þar
mest um endurkomu margra af
Ibestu leikmönnum
Eftir Þýskalands frá ítal-
Steinþór íu og víðar. Stuðn-
Guðbjartsson ingsmenn liðanna
fagna þessari breyt-
ingu, en undanfarin ár hafa þeir
mátt sjá á eftir þeim bestu suður
á bóginn, þar sem mun meiri pen-
ingar eru í spilinu. En þar sem íjöldi
erlendra leikmanna í hveiju liði er
takmarkaður í hveijum leik hafa
margar stjörnurnar verið í hlutverki
áhorfenda hvað eftir annað. Þýsku
leikmennimir hafa fengið að finna
fyrir þessu eins og aðrir, en landsl-
iðsmenn verða að leika reglulega
til að halda landsliðssæti og því
völdu margir þann kostinn að fara
aftur heim — allir vilja taka þátt í
að veija heimsmeistaratitilinn í
Bandaríkjunum að ári.
Miklar breytingar hjá Stuttgart
Stuttgart fagnaði meistaratitlin-
um í fyrravor, en varð í sjöunda
sæti á liðnu tímabiii. Eyjólfur sagði
að miklar kröfur væru ávallt gerðar
til liðsins og miklar breytingar
Hefðu átt sér stað en þeirra vegna
væru væntingarnar enn meiri en
áður.
Stuttgart hefur fengið varnar-
mennina Thomas Berthold frá Bay-
ern Miinchen og Torsten Kracht frá
Leipzig, brasilíska miðjumanninn
Carlos Dunga frá Pescara og mið-
heijann Axel Kruse frá Eintracht
Frankfurt. Erlendu leikmennirnir
eru fjórir, en aðeins þrír mega leika
hveiju sinni. Eyjólfur sagði að sam-
keppnin um stöður væri mikil og
ekkert mætti útaf bregða. „Við er-
um með 20 menn, sem gætu verið
í hvaða byijunarliði deildarinnar
sem er.“
Hugarfarið rétt hjá Eyjólfi
Sæti í byijunarliðinu er ekki
sjálfgefið og Eyjólfur hefur kynnst
því vel, en tekið hverri ákvörðun
varðandi sig með stóískri ró; yfir-
vegun, sem eftir hefur verið tekið
og þykir til fyrirmyndar. „Þetta er
spurnig um hugarfarið," er haft
eftir Atla Eðvaldssyni um baráttuna
í atvinnumennskunni í Arsriti KR.
„Eyjólfur Sverrisson er gott dæmi.
Strákur úr neðri deildar liði, sem
hefur lagt ótrúlega mikið á sig og
kvartar aldrei. Ef hann einhverra
hluta vegna er ekkl inni segir hann:
Ég verð að standa mig betur." Ás-
geir Sigurvinsson tekur í sama
streng í viðtali við Morgunblaðið
s.l. miðvikudag. Menn, sem reyni
fyrir sér í atvinnumennsku verði
að vera tilbúnir að leggja mikið á
sig og hlusta; taka við góðum ráð-
um. Ekki telja sig kunna allt og
vita allt. Eyjólfur sé gott dæmi.
Hann hafi lagt sig fram, hlustað á
ráðleggingar og beðið eftir tæki-
færinu. Þegar það kom hefði hann
verið tilbúinn.
Þetta viðhorf skiptir miklu,“
sagði Eyjólfur. „Aðalatriðið er að
vera þolinmóður og standa sig, þeg-
ar tækifæri gefst. Allir hafa fengið
tækifæri í undirbúningsleikjunum,
en sama liði hefur verið stillt upp
í síðustu fimm leikjum. Margir beij-
ast um framlínustöðumar og til
dæmis er Fritz Walter á bekknum.
Guido Buchwald leikur sem aftasti
varnarmaður, en ef hann getur ekki
leikið kemur Júgóslavinn inn og þá
er einum útlendingi ofaukið. Þetta
er því fljótt að breytast og ekkert
er sjálfgefið."
Landsliðsfyrirliðinn gaf tóninn
Lothar Mattháus, fyrirliði þýska
landsliðsins, ákvað að fara til Bay-
ern Munchen frá Inter Milan á Ital-
íu á síðasta tímabili og aðrir landar
hans fylgdu í fótsporið. Dortmund
fékk varnarmanninn Stefan Reuter
og miðjumanninn Matthias Sammer
aftur frá Ítalíu og krækti í miðheij-
AFREKSIÞROTTIR
ann Karlheinz Riedle fyrir nokkrum
mánuðum. Bayer Leverkusen fékk
Bemd Schuster frá Spáni, þar sem
hann hafði leikið í nær 13 ár og
Andreas Brehme gekk til liðs við
Kaiserslautern eftir fimm ára feril
á Italíu og Spáni. Breytingamar
styrkja liðin og deildina, fleiri lið
beijast um titilinn en áður. Bayern
Miinchen var sigursælast þýskra
liða síðasta áratug, en undanfarin
tímabil hefur ekkert lið varið titil-
inn. I ár er helst talið að sex lið
beijist um fyrsta sætið — Werder
Bremen, Bayern Munchen,
Eintracht Frankfurt, Dortmund,
Stuttgart og Leverkusen.
Stuttgart ósigrað
Bremen stillir upp nær óbreyttum
leikmannahópi frá síðasta tímabili,
en mikið kemur til með að mæða
á leikstjórnandanum Andreas
Herzog og miðheijanum Bernd
Hobsch. Eyjólfur og félagar eiga
erfitt verkefni fyrir höndum, en ís-
lenski landsliðsmaðurinn sagði að
undirbúningurin hefði gengið vel.
Liðið hefði sigrað á tveimur æfinga-
mótum og reyndar ekki tapað leik
á undirbúningstímabilinu, sem
hófst í lok júní.
„Þetta lítur vel út. Ég leik nú sem
vamartengiliður og hef verið með
í flestum leikum, en þó við höfum
styrkst er sömu sögu að segja af
öðmm liðum. Liðin em jafnari og
það er langt og spennandi tímabil
framundan."
Eyjólfur Sverrlsson í landsleiknum gegn Rússum í byijun júní. Hann er
miðheiji íslenska landsliðsins, en leikur nú sem vamartengiliður með Stuttgart
í Þýskalandi.
Rússar sjá á eftir landslids-
þjálfurum í ýmsum greinum
Reynt að halda í þá bestu með greiðslum, sem minna á skiptimynt annarsstaðar
NIKOLAJ Lopukhov sagðifyrir
skömmu stöðu sinni lausri sem
aðalþjálfari karlaliðs Rússa í
skíðagöngu og tók boði um að
þjálfa í Suður-Kóreu. Forráða-
menn skíðamála voru allt ann-
að en ánægðir, skiljanlega í
Ijósi þess að Vetrarólympíu-
leikarnir verða í Lillehammer í
Noregi eftir hálft ár, en samt
kom það þeim ekki á óvart að
maður með um 1.440 kr. í mán-
aðarlaun i Rússlandi gæti ekki
hafnað tilboði erlendis frá.
Margir þjálfarar hafa yfirgefið
föðurlandið að undanförnu og
í kjölfar ákvörðunar Lopukhovs
hafa margir áhyggjur af f ram-
gangi mála og benda á að upp-
bygging íþrótta í Rússlandi
hafi tekið langan tíma og því
sé hætta á ferðum.
Nikolaj Rusak, flokksstjóri liðs
Samveldis sjálfstæðra ríkja
(áður Sovétríkjanna) á Ólympíuleik-
unum í Barcelona fyrir ári, sagðist
þá vera orðinn leiður á þessum flótta
og væri jafnvel til í að mæla með
góðum þjálfurum við erlenda aðila.
„Brottför þessara þjálfara hræðir
okkur ekki vegna þess að aðrir góð-
ir eru tilbúnir að taka við,“ sagði
hann. Reyndin virðist samt önnur.
Vladimir Vatutin, íþróttafréttamað-
ur, sagði að upplýsingar um þjálfun
og skipulag steymdu óhindrað úr
landi, aðferðir, sem hefði tekið ára-
tugi að þróa. „Bestu þjálfararnir
hverfa fyrir augunum á okkur,“
skrifaði hann í blaðið Trud..
íþróttastjömur frá fyrrum Sovét-
ríkjunum hafa freistað gæfunnar
erlendis undanfarin ár og þar hafa
íshokkímaðurinn Alexander Mogilny
og Sergej Bubka, stangarstökkvari,
risið hæst. Þjálfarar hafa einnig náð
eftirtektarverðum árangri erlendis
samanber \alery Nepomnyashchy,
sem stýrði landsliði Kamerún í átta
liða úrslit á HM í knattspyrnu 1990,
en straumurinn úr landi byijaði fyrst
af alvöru eftir Ólympíuleikana í
Barcelona.
Yevgeny Gomelsky, aðalþjálfari
kvennaliðsins í körfuknattleik, sem
sigraði á ÓL í Barcelona, er farinn
til Israel, þar sem hann þjálfar
landsliðið og félagslið. Vadim Kapr-
anov, aðstoðarþjálfari hans í Barc-
elona, þjálfar nú í Frakklandi, en
rússneska kvennaliðinu í körfubolta
hefur ekki vegnað vel síðan þeir
hurfu á braut og varð m.a. í sjöunda
sæti á nýafstöðnu Evrópumóti.
Gennady Turetsky, þjálfari Alex-
anders Popovs, sem sigraði í tveimur
sundgreinum á ÓL, tók upp ámóta
störf í Ástralíu eftir leikana og Vyac-
heslav Platonov, aðalþjálfari blak-
landsliðsins, er' einnig farinn úr
landi.
Pyotr Vorobyov, aðalþjálfari ís-
hokkíliðs Dynamos Moskvu, tók ný-
lega tilboði um að starfa í Þýska-
landi og aðstoðarmaður hans, Zinet-
ula Bilyaletdinov, hefur hafið störf
hjá Winnipeg Jets í Kanada.
Svo má lengi telja, en forráða-
menn íþróttamála halda ró sinni.
„Okkur hefur tekist að halda í þjálf-
ara okkar í helstu íþróttagreinunum,
en þeir eru á meðal þeirra bestu á
sínu sviði í heiminum," sagði Alex-
ander Kozlovsky, varaformaður
Ólympíunefndar Rússlands. „Hér
áður fyrr voru 99% þjálfara Sovét-
ríkjanna frá Rússlandi og flestir
þeirra eru hjá okkur,“ bætti hann
við og benti á fimleikaþjálfarann
Leonid Arkayev máli sínu til stað-
festingar, en Arkayev er einn af
reyndust fimleikaþjálfurum og þjálf-
aði m.a. sexfaldan ólympíumeistara,
Vitaly Shcherbo frá Hvíta^Rúss-
landi. Arkayev sagðist fara úr landi
eftir Barcelona, en hafnaði síðan
girnilegum tilboðum frá Bandaríkj-
unum og Japan — vildi frekar byggja
upp nýtt rússneskt lið eftir viðræður
við rússneska íþróttaleiðtoga. Sömu
sögu er að segja af helsta sundþjálf-
aranum, Viktor Avdiyenko, sem
hafnaði mörgum tilboðum erlendis
frá.
Kozlovsky sagði að íþróttaforyst-
an hefði haldið fund með helstu þjálf-
urum og tekið á málinu. „Við rædd-
um vandamál þeirra og þeir vita af
erfiðleikunum, sem bíða þeirra, en
jafnframt er þeim ljóst að þeim verð-
ur hjálpað." Varðandipeninga sagði
hann að fyrirtækið Reebok, helsti
stuðningsaðili rússnesku ólympíu-
nefndarinnar, hefði samþykkt að
styrkja suma aðalþjálfara landsins
með peningagreiðslum til að þeir
færu hvergi. I blöðum kom fram að
um væri að ræða sjö til 36 þúsund
krónur á mánuði. „Fólk erlendis hlær
að þessum tölum, en í þessu landi
[Rússlandi] er einn dollari peningur,
en í Bandaríkjunum er dollari aðeins
skiptimynt," sagði Kozlovsky.