Morgunblaðið - 08.08.1993, Blaðsíða 20

20
MORGUNBLAÐIÐ SUNNUDAGUR 8. ÁGÚST 1993
KVIKMYNDIR/HÁSKÓLABÍÓ frumsýnir á næstunni kvikmyndina Fire in the
Sky, en hún er byggð á lífsreynslu skógarhöggsmanns í Arizona sem hugsan-
lega var numinn á brott af geimverum í augsýn félaga sinna árið 1975
Brottnám
eða
blekking?
AÐ KVÖLDI 5. nóvember árið 1975 þegar flokkur
skógarhöggsmanna var á ferð í pallbíl á fáförnum fjall-
vegi í skóglendi Norðaustur-Arizona sáu þeir skyndi-
lega óvenjulega skært ljós á himninum. Þrátt fyrir
aðvaranir vinnufélaga sinna rak forvitnin einn úr hópn-
um, Travis Walton (D.B. Sweeney), til þess að yfirgefa
bOinn í þeim tilgangi að kanna nánar hvað þarna var
á seyði. Þegar hann var kominn út úr bílnum var hon-
um skyndilega skellt til jarðar af einhveijum dularfull-
um krafti, og félagar hans sem urðu skelfingu lostnir
lögðu þegar á flótta. Síðar lýstu þeir öllum aðstæðum
sem voru þegar Travis Walton hvarf, og greindu þeir
skilmerkilega frá þessum óvæntu samskiptum sínum
við geimverur; atburði sem þeir hefðu með öllu talið
óhugsandi ef þeir hefðu ekki upplifað hann sjálfir.
Mál þetta vakti heimsathygli á sínum tíma og skiptust
menn mjög í tvö horn um hvort þarna væri á ferðinni
stórkostlegt gabb þeirra félaga eða raunveruleg sam-
skipti geimvera við jarðarbúa.
Grunaðir
RANNSÓKNARLÖGREGLUMAÐURINN Frank Watters, sem leikinn er af James
Garner, yfirheyrir skógarhöggsmennina þegar hann er að rannsaka hvarfið á Tra-
vis Walton, en hann grunar þá um að hafa komið félaga sínum fyrir kattarnef.
Tortrygginn
FRANK Watters ræðir við Travis Walton þegar hann kemur fram eftir að hafa
verið saknað í fimm daga, en Watters telur sögu Waltons um brottnám af geimver-
um vera blekkingarvef.
*
Ifimm daga eftir hvarf
Travisar Waltons voru
skógarhöggsmennimir
grunaðir um að hafa myrt
félaga sinn, eða allt þar til
hann kom skyndilega fram
á sjónarsviðið á nýjan leik.
Travis var þá mjög ruglaður
í ríminu og átti hann erfitt
með að gera grein fyrir því
hvað hafði hent hann þann
tíma sem hans var saknað.
Minningar hans um að hafa
verið numinn á brott og
verið um borð í geimskipi
vöktu hins vegar heimsat-
hygli og beindist kastljósið
þegar í stað að smábænum
Snowflake í Arizona þar
sem skógarhöggsmennimir
áttu heima. Fljótlega vora
þeir ásakaðir um að spinna
mikinn blekkingarvef varð-
andi hvarf Travisar, en hins
vegar gat enginn með góðu
móti útilokað að þeir væra
að segja sannleikann.
Spumingin var einfaldlega
sú hvort saga þeirra af at-
burðinum væri svo lygileg
að ekki geti verið um annað
en sannleikann að ræða.
Allar aðstæður í tengsl-
um við hvarfíð á Travis
Walton voru með þeim hætti
að yfírvöld töldu þær með
ólíkindum, en þau tóku það
hins vegar ekki með í reikn-
inginn að skógarhöggs-
mennimir gætu hafa komið
fram með einhveija þá skýr-
ingu á hvarfínu sem væri
sennilegri, þ.e. ef ásetning-
ur þeirra væri ekki einfald-
lega sá að segja sannleik-
ann. Einn var þó sá sem
vildi leggja trúnað á frásögn
þeirra félaga, en það var
lögreglumaðurinn Blake
Davis (Noble Willingham),
sem engu að síður lagði
mikið á sig við að taka góða
og gilda frásögn skógar-
höggsmannanna af hinum
ótrúlega atburði. Hann vissi
auðvitað ekkert um það sem
raunverulega gerðist, en
hann þekkti þá sem hlut
áttu að máli frá fornu fari
og hann treysti þeim full-
komlega. Engu að síður var
málið þannig vaxið að Davis
varð að kalla eftir aðstoð
utanaðkomandi rannsókn-
arlögreglumanns, Frank
Watters, sem leikinn er af
hinum gamalkunna James
Garner.
Watters er öllu vanur og
stærir sig af því að vita
samstundis hvort glæpur
hafi verið framinn, og hann
fullyrðir að hann hafi öðlast
það víðtæka reynslu að
hann viti samstundis hvort
verið sé að beita blekking-
um. Hann er þekktur fyrir
að hafa leyst öll mál sem
hann hefur fengist við og
þegar hann er kallaður til
að rannsaka hvarf Travisar
Waltons kemst hann sam-
stundis að þeirri niðurstöðu
að félagar hans séu að ljúga.
Hann getur með engu móti
trúað hinni ótrúlegu frásögn
þeirra og hann er staðráðinn
í því að fara hvergi fyrr en
hann hefur fundið lausnina
á þeim glæp sem hann er
sannfærður um að hafi ver-
ið framinn.
Leikstjóri Fire in the Sky
er Robert Liberman, sem
meðal annars leikstýrði
myndinni Table for Five
með Jon Voight í aðalhlut-
verki. Hann hefur jafnframt
kvikmyndaleikstjóm unnið
mikið fyrir sjónvarp og unn-
ið til margvíslegra verð-
launa á þeim vettvangi, en
meðal þátta sem hann hefur
gert eru Gabriel’s Fire sem
sýndir hafa verið í sjónvarpi
hér á landi.
hvemig maður reynir að
forðast ákveðna hluti í lífí
sínu, þeir virðast alltaf leita
á mann aftur og aftur. Ég
kaus að horfast í augu við
það sem hafði gerst og er
því hættur að vera í felum.
Ég varð fyrir einstakri
reynslu, en það hefur á eng-
an hátt haft áhrif á trú mína
eða skyldur né breytt eðli
mínu. Ég er ennþá eins og
hver annar og held áfram
að lifa lífínu með fjölskyldu
minni.“
Efninu kunnugur
Handritshöfundur og
meðframleiðandi Fire in the
Sky er Tracy Tormé, sem
meðal annars skrifaði hand-
ritið að Spellbinder og sjón-
varpsþáttunum Intruders
sem fjalla um dularfull fyr-
irbrigði. Hann hefur kynnt
sér ítarlega ýmislegt varð-
andi fljúgandi furðuhluti og
geimverar og hefur hann
framleitt sjónvarpsefni um
þau málefni. Tormé telur
Fire in the Sky vera stúdíu
í því hvernig einstakur at-
burður getur gjörbreytt lífi
manns um ókomna framtíð
einungis vegna þess að við-
komandi er svo óheppinn að
vera á röngum stað á röngum
tíma. Þá sé myndin einnig
um vináttu og tryggðarrof
en einnig fyrirgefningu.
Tormé heyrði fyrst um
mál Waltons í útvarpi á
skóiaárum sínum. Tíu áram
síðar fór hann til Snowflake
til að rannsaka málið og þar
ræddi hann við Travis Wal-
ton og aðra þá sem á sínum
tíma vora viðriðnir hina dul-
arfullu atburði. „Flestir
mannanna höfðu ekki hist í
tíu ár, en ég ræddi við þá
einslega og stóðust svör
þeirra við spurningum mín-
um í hvívetna. Allir töldu
þeir sig vera að segja sannn-
leikann, en ég tel að þeir
hafi hver og einn orðið fyrir
áfalli vegna þess sem gerðist
umrætt kvöld. Þetta var þeim
hreinasta martröð."
Samkvæmt íjóðmála-
könnun Gallups í Bandaríkj-
unum heldur einn af hveijum
sjö íbúum landsins, eða 14%
þjóðarinnar, því fram að
hann hafí sjálfur séð fljúg-
andi furðuhlut og helmingur
íbúanna er ekki í vafa um
að einhvern tíma muni þeir
komast í snertingu við geim-
verur. Tormé telur að af
hveijum 100 tilkynningum
um fljúgandi furðuhluti séu
aðeins 3-4 sem ekki er hægt
að útskýra með skírskotun
til hefðbundinna vísinda.
Hann telur að undanfarna
hálfa öld hafí verið um fjölda
slíkra tilvika að ræða og sé
þarna sú ráðgáta 20. aldar-
innar sem sé hvað mest mis-
skilin.
FÁ VITNI eru að helstu ráðgátum og kraftaverkum
sem mannkynssagan greinir frá og þeir sem hafa
neyðst til að greina frá fordæmislausri lífsreynslu
hafa gjarnan orðið að þola bæði háðsglósur og fyrirlitn-
ingu samferðamanna sinna. Árið 1975 kom skógar-
höggsmaður frá Arizona fram og sagði frá furðulegri
atburðarás sem hann sagði hafa hent sig og nú, tæp-
lega átján árum síðar, eru enn mjög skiptar skoðanir
um atburðinn.
H.
[vað varðar frásagnir af
samskiptum manna við fljúg-
andi furðuhluti og verur utan
úr geimnum er þessi tiltekni
atburður sá sem einna ná-
kvæmast er skrásettur, auk
þess sem hann hefur verið
staðfestur af hópi vitna sem
í engu hafa hvikað frá frá-
sögn sinni.
Lífsreynsla sú sem Travis
Walton varð fyrir leiddi til
efasemda hans um eðli lífsins
þegar hann ásamt félögum
sínum stóð frammi fyrir
rengingum þeirra sem ekki
gátu tekið frásögn þeirra
góða og gilda. Travis sem
kemur fram í smáhlutverki í
myndinni Fire in the Sky,
segir að í fyrstu hafí hann
verið ævareiður þegar fólk
vildi ekki trúa frásögn hans,
en hann telur það ekki síst
hafa stafað af því að mikið
hafí verið um falsanir og lyg-
ar á þessu sviði um líkt leyti
og hann varð fyrir reynslu
sinni. „Ég er orðinn heim-
spekilegar sinnaður gagn-
vart tortryggni fólks og tel
hana ekki vera óeðlileg við-
brögð. Þetta var ótrúlegur
hlutur sem átti sér stað og
það sem ergir mig er þegar
fólk neitar að kanna stað-
reyndir eða jafnvel líta á
málið yfirleitt."
Travis segist árum saman
hafa reynt hvað hann gat til
að flýja frá hinni óþægilegu
reynslu sinni en hann hafí
hins vegar aldrei getað
umflúið hana. „Það er sama
Skiptar
skoðanir