Morgunblaðið - 03.11.1993, Side 17

MORGUNBLAÐIÐ MIÐVIKUDAGUR 3. NÓVEMBER 1993
17
ýmsum ástæðum og ber þar mest
á börnum er þurfa háls-, nef- og
eyrnaaðgerða við og einnig koma
þangað mörg börn vegna höfuðá-
verka. Því væri eðlilegt að opnuð
væri lítil eining þar til að sinna
þessum verkefnum og er langt síð-
i an sú þörf blasti við. Líklegt er
að einhveijum þyki lítil barnadeild,
u.þ.b. 10 rúm, óhagkvæm rekstr-
areining, en svo þarf ekki að vera,
því um mjög sérhæfða þjónustu
yrði að ræða. Reynsla frá barna-
I deild FSA á Akureyri sýnir að þar
hefur verið unnið mjög markvisst
og þarft starf, en sú deild hefur
10 rúm. Börn eiga ennfremur rétt
á því að barnalæknar og barna-
hjúkrunarfræðingar séu starfandi
við slysadeild Borgarspítalans, þar
sem þúsundir barna koma árlega.
ítrekað er, að skoða þarf frek-
ari verkaskiptingu bamadeild-
anna. Með fullri virðingu fyrir því
starfi sem unnið er á öðrum
sjúkrahúsum, er hér fullyrt að
Bamaspítali Hringsins á Landspít-
ala getur sinnt öllum bráðavöktum
á höfuðborgarsvæðinu ásamt
meirihluta þeirrar sérhæfðu þjón-
ustu sem nú er sinnt á barnadeild-
inni á Landakoti. Svo væri hægt
með frekari hagræðingu er tæki
mið af breyttum þörfum skjólstæð-
inga spítalans sem raktar hafa
. verið hér að framan.
' Það væri skref aftur á bak ef
peningar væru settir í að byggja
upp stóra sérhæfða deild fyrir
börn á Borgarspítala og bygging
Barnaspítala tefðist. Því skulum
við ekki láta slíkt gerast, heldur
vinna að stefnu í heilbrigðismálum
barna og unglinga sem stuðlar að
einni sterkri sjúkrastofnun.
Við þurfum stefnu í heilbrígðis-
málum barna og unglinga nú þeg-
ar.
Höfundur er hjúkrunarkennari og
hjúkrunarframkvæmdastjóri.
> _____________________________________
hefur því valdið sjávarútveginum
og þar með þjóðinni óbætanlegum
skaða. Með áframhaldandi núll-
I stefnu stefnum við Islendingar á
sömu braut og Færeyingar. Það
er því gríðarlega mikilvægt að
stjórnvöld snúi blaðinu við og gefi
framleiðslunni meira svigrúm en
neyslunni. Það verður ekki gert á
annan hátt en að sjávarútvegurinn
verði rekinn á heilbrigðum grund-
velli og honum leyft að byggja upp
eiginfjárstöðu sína. Öll aukin
skattlagning á sjávarútveg er því
ekki umræðunnar verð. Sjávarút-
vegurinn er stóriðja okkar íslend-
inga og því er mikilvægt að þjóð
sem lifir af fiski láti sér annt um
sjávarútveg og sýni það í verki.
Höfundur starfar /yá
Samstarfsnefnd atvinnugrcina í
sjávarútvegi (SAS).
h
HÓTEL
LEIFUR EIRÍKSSON
Skólavörðustíg 45
Reykjavík
sími 620800
Fax 620804
Hagkvæm gisting
í hjarta borgarinnar-
Einst.herb.
kr. 2.800
Tveggja m. herb.
kr. 3.950
Þriggja m. herb.
kr. 4.950
Morgunverður innifalinn
Sængurlega:
Hvíld eða vinna
eftir Höllu
Halldórsdóttur
Miklar umræður eru alltaf úti í
þjóðfélaginu um reynsluna af því
að eignast barn, um fæðinguna og
sængurleguna. Einkum hefur verið
mikil umræða undanfarið vegna
aukins fæðingafjölda og aukins
álags á fæðingarstofnunum sér-
staklega hér í Reykjavík. Sængur-
legan er mikilvægur tími fyrir ný-
orðna foreldra sem eru að kynnast
sínu barni, læra að umgangast það
og annast. Mikilvægt er að aðstand-
endur sængurkvenna geri sér ljóst
að fæðingin og að liggja á sæng
er vinna. Hvíldin er þess vegna
mikilvæg á þessum tíma fýrir hina
nýorðnu móður. Vitað er að tengsla-
myndun foreldra og barns, sérstak-
lega móður og barns, er viðkvæm
fyrir truflunum. Einnig getur þreytt
móðir minna sinnt sínu barni. Stór
þáttur í þessu ferli er bijóstagjöfin
að henni þarf að hlúa einkum fyrstu
dagana eftir fæðingu.
Sængurlega
Á síðustu árum hafa miklar
breytingar orðið á sængurlegu. Hér
áður fyrr lágu konur að mestu rúm-
fastar í 7-10 daga eða jafnvel leng-
ur. Var þetta oft eina hvíld móður-
innar og mikil áhersla lögð á leg-
una. Reynslan sýndi hins vegar að
þessi mikla lega varð oft til þess
að konur voru slappari og fengu
frekar fylgikvilla eins og t.d. blóð-
tappa.
Ljósmæður sáu á þeim tíma að
mestu um börnin fyrir mæðurnar
og reglur varðandi bjóstagjöf og
umönnun barns voru stífari. í dag
er hlutverk ljósmóðurinnar meira í
þá átt að fræða. Sjá um og vera
leiðbeinandi og styðjandi til að
sængurkonur geti að mestu sinnt
sínu barni sjálfar og séu vel undir-
búnar þegar komið' er að heimferð.
Sömu störf eru þó hjá sængurkon-
um í dag og áður var en á styttri
tíma, vinnan er aðallega fólgin í
umönnun barns og bijóstagjafa-
tímar eru fleiri en áður eða eftir
þörfum bamsins sem getur jafnvel
verið á 2ja tíma fresti. Sængurkon-
ur sjá að mestu um sín börn sjálfar
með aðstoð ljósmóður því sængur-
konan þarf að öðlast öryggi og
sjálfstraust með barnið og þar með
betri andlega og líkamlega líðan
hjá sjálfri sér þegar komið er að
heimferð. Vinna sængurkonunnar
hefur því aukist þó sængurlegan
hafi styst. Einnig verður að hafa í
huga andlega líðan hjá sængurkon-
um. Mikilvægt er að þær sjálfar og
aðstandendur þeirra geri sér grein
fyrir þeim breytingum sem verða
eftir fæðingu og eru eðlilegar og
veiti þeim stuðning. íjóðfélagsmyn-
strið hefur breyst mikið á örfáum
árum. Ömmurnar vinna úti og
stuðningur fagfólks er æ mikilvæg-
ari.
Halla Halldórsdóttir
Töluverður áhugi er orðinn á því
hjá sængurkonum sem eiga full-
burða og heilbrigð börn að fara
fyrr heim. Til er samningur milli
Ljósmæðrafélags íslands og Trygg-
ingarstofnun ríkisins sem kveður á
um að konur er fara heim innan
24 klst. geta fengið þjónustu frá
ljósmóður.
Samvera móður og barns
Mikið hefur verið lagt upp úr því
að móðir og barn séu sem mest
saman jafnt að nóttu sem degi.
Mikilvægt er að sængurkonur og
ljósmæður vinni saman og óskir
sængurkonunnar og fagleg ráðgjöf
ljósmóðurinnar fari saman t.d. varð-
andi það hvort barnið sé hjá móður
eða á barnastofu yfir nóttina, en
rannsóknir sýna að barn er jafnvel
rólegra hjá móður en í birtu og
„hávaða“ á barnastofu. Ekkert er
þó algilt í þessum efnum.
Heimsóknartímar
Eins og áður er minnst á er
sængurlegan vinna. Þurfa allir að
taka höndum saman, aðstandendur
sem starfsfólk á sængurkvenna-
deildum og gera þennan tíma sem
léttastan og ánægjulegastan fýrir
sængurkonur. Hægt er að gera það
á margan hátt s.s. að konan fái að
hvílast á þeim hvíldartímum sem
settir eru og að heimsóknartímar
séu virtir. Oft eru allt of margir S
heimsókn í einu. Það getur verið
mjög þreytandi og erfitt fyrir konur
að fá 5-7 heimsóknargesti til sín
á einni klukkustund, engin kona
getur notið þess. Æskilegast er að
fólk skiptist á að koma í heimsókn
og ættu nánustu ættingjar að
ganga fyrir fyrstu dagana.
Einnig má benda á að konum eru
færðar hinar ýmsu gjafir á sæng-
ina, en blómagjafír hafa verið mikl-
ar og væri nær að konan fengi eitt-
hvað af blómum heim til sín til að
njóta þeirra þar, því engin sængur-
kona hefur ánægju af t.d. fimm
blómavöndum á sínu litla náttborði
(hægt er að fá gjafakort í blóma-
búðum).
Sængurlegan er bæði hvíld og
vinna. Hvíld verður líka að nást til
að hægt sé að sinna þeirri vinnu
sem fram fer í sængurlegunni, sem
er yfirleitt 5 dagar. Taki allir tillit
til þess þá er nokkuð tryggt að hin
nýorðna móðir getur notið sængur-
legunnar.
Höfundur er hjúkrunarfræðingur
og (jósmóðir og starfar sem
hjúkrunardeildarstjóri á deild 22B
Landspítala.
IÐNAÐAR- OG VIÐSKIPTARÁÐUNEYTI
Yaxtalækkun:
Hagsmunir almennings og fyrirtækja
Upplýsingafundur viðskiptaráðuneytisins
miðvikudaginn 3. nóvember kl. 20.30 í Átthagasal Hótels Sögu
Ríkisstjórnin hefur kynnt samræmdar aðgerðir til lækkunar vaxta. Með
þeim hyggst ríkisstjórnin brjóta blað í vaxtaþróuninni. Eðlilegt er að almenn-
ingur og forsvarsmenn fyrirtækja leiti svara við eftirfarandi spurningum:
Munu vextir af húsbréfum lækka?
Munu fjárfestingar í atvinnulífi aukast?
Hvað lækkar skuldabyrði heimilanna mikið?
Hver verða áhrif vaxtalækkana á afkomu fyrirtækja?
Á fundinum verða aðgerðir ríkisstjórnarinnar í vaxtamálum útskýrðar og
síðan munu sitja fyrir svörum aðilar frá bönkum og sjóðum, úr atvinnulífi
og húsnæðiskerfinu.
Inngang flytur viðskiptaráðherra, Sighvatur Björgvinsson.
Auk þess munu eftirtaldir sitja fyrir svörum fundargesta:
Benedikt Davíðsson, forseti Alþýðusambands fslands,
Einar Oddur Kristjánsson, framkvæmdastjóri,
Finnur Sveinbjörnsson, formaður nefndar um vaxtamyndun á lánsfjármarkaði,
Grétar J. Guðmundsson, forstöðumaður hjá Húsnæðisstofnun ríkisins,
Pétur Blöndal, stærðfræðingur,
Sigurður B. Stefánsson, framkvæmdastjóri Verðbréfamarkaðar íslandsbanka,
Brynjólfur Helgason, aðstoðarbankastjóri Landsbanka íslands og
Yngvi Örn Kristinsson, forstöðumaður hjá Seðlabanka íslands.
Fundarstjóri verður Baldur Óskarsson, framkvæmdastjóri Sambands
íslenskra bankamanna.
Fundurinn er öllum opinn