Morgunblaðið - 24.12.1993, Page 9

MORGUNBLAÐIÐ FOSTUDAGUR 24. DESEMBER 1993
eftirsr. Solveigu Láru Guðmundsdóttur
J Ó L A
MARÍA
|n''g geymi öll þessi orð í hjarta
mér og hugleiði þau. Líf mitt
síðustu mánuðina hefur verið eins
og draumur. Hvaða líf á barnið
mitt í vændum. Á hann eftir að
verða hamingjusamur eða þarf
hann að þjást, vera einmana,
hæddur og svikinn eða á hann
eftir að hljóta mikla upphefð og
virðingu. Allt sem mér hefur verið
sagt virðist svo mótsagnakennt.
Ég man að ég sat í stofunni
heima. Það var lítil birta í herberg-
inu. Ég sat og rýndi í verkið sem
ég var að vinna. Það var ryk um
allt gólfið og veggirnir voru eitt-
hvað svo auðir og tómir. Ég man
að ég tók alveg sérstaklega eftir
því þennan dag, þó þarna væri ég
alin upp.
En ég tók eftir því, þegar ljósið
kom. Fyrst fannst mér það koma
inn um gluggann, en það kom úr
allt annarri átt. Það kom eins og
beint að ofan. Það var þá sem
hann birtist, engillinn. Ég hafði
aldrei séð engil áður og trúði því
raunar ekki að þeir væru til. En
þarna stóð hann Iifandi fyrir aug-
um mér og það var eins og ég
lamaðist, missti allan þrótt úr út-
limunum.
, Þá talaði hann til mín ofurró-
lega og sagði: „Heil vert þú, sem
nýtur náðar Guðs! Drottinn er með
þér.“ Ég man hvað greip mig
skelfilegur ótti. Ég hélt að ég
væri að deyja. Ég hélt að hann
væri að koma og sækja mig. Og
ég sem var svo ung ... ung og
ástfangin.
Þegar hann sá hvað ég varð
hrædd sagði hann: „Óttast þú
ekki, María, því að þú hefur fund-
ið náð hjá Guði. Þú munt þunguð
verða og son ala, og þú skalt láta
hann heita Jesú. Hann mun verða
mikill og kallaður sonur hins
hæsta. Drottinn Guð mun gefa
Honum hásæti Davíðs föður hans,
og hann mun ríkja yfir ætt Jakobs
að eilífu og á ríki hans mun eng-
inn endir verða.“
Ég varð svo undrandi, þegar
ég heyrði þetta, því þó að við Jós-
ep værum ástfangin og höfðum
heitið hvort öðru því að vera alltaf
saman, veit Guð að við höfðum
aldrei sofið saman. Hvernig gat
það verið að ég ætti að ala son.
Engillinn sagði þá við mig:
„Heilagur andi mun koma yfir þig
og kraftur hins hæsta mun yfir-
skyggja þig. Fyrir því mun og
barnið verða kallað heilagt, sonur
Guðs.“
2
Ég stóð full af lotningu á miðju
gólfi í stofunni heima, þegar ég
heyrði sjálfa mig hrópa: „Sjá, ég
er ambátt Drottins. Verði mér eft-
ir orðum þínum.“
Það veit Guð að ég sagði þessi
orð án þess að hugsa um það hvað
var að gerast í lífi mínu. Ég fann
bara þessa sterku tilfinningu hell-
ast yfír mig. Guð vill nota mig og
ég verð að leyfa honum það. Ég
er verkfæri í höndum hans. Nú
mun hann styrkja migtil að standa
mig í því verki sem framundan er.
Ég man að þegar þessi tilfinn-
ing helltist yfir mig, grunaði mig
ekki að þetta myndi verða svona
erfitt. Ég hélt að ég myndi verða
flutt í konungshöll og fá alla þá
þjónustu, sem konungi sæmir, sem
á að fæðast. Hvað merktu orð
engilsins um það að hann ætti að
ríkja að eilífu?
Það komu hverjir erfiðleikarnir
á fætur öðrum. Fyrst fengum við
að vita að við yrðum að fara til
Betlehem til að skrásetja okkur.
Þetta kom á versta tíma, en undan
því varð ekki vikist. Svo var það
allur þessi mannfjöldi, sem var
kominn í sömu erindagjörðum og
við. Ekkert rúm fyrir okkur í gisti-
húsinu og við urðum að fara út í
fjárhús.
Þar fæddist hann þessi litli
hnoðri, sem liggur hérna við
brjóstið mitt á meðan ég hugleiði
öll orðin, sem hafa verið töluð til
mín. Því það var ekki bara engill,
sem sagði að hann væri merki-
legri en önnur börn. Það voru hirð-
arnir, sem voru rétt að fara frá
okkur. Þeir þessir fátæku og yfir-
lætislausu menn fengu að sjá
himnana opnast. Þeir fengu að
heyra englasöng. Þeir fengu að
sjá þessa miklu birtu koma frá
himni um miðja nótt.
Og svo komu þeir og sögðu
okkur frá þessu öllu: Engill hafði
talað til þeirra og sagt: „Verið
óhræddir, því sjá ég boða yður
mikinn fögnuð, sem veitast mun
öllum lýðnum: Yður er í dag frels-
ari fæddur, sem er Kristur Drott-
inn í borg Davíðs. Og hafíð þetta
til marks: Þér munuð finna ung-
barn reifað og lagt í jötu.“ Og um
Fæðing Jesú (Lúk. 2,16). Teikning Gustave Doré
leið og engill hafði sagt þetta kom
heill englakór frá himnum og
söng: „Dýrð sé Guði í upphæðum,
og friður á jörðu með mönnum sem
hann hefur velþóknun á.“
3
Og hér sit ég og hugleiði öll
þessi orð. Hvaða merkingu hafa
þau og af hvetju er ég hér? Fjár-
hús er ekki mannabústaður hvað
þá konungshöll. Hér inni er dimmt
og kalt. Hér er megn óþefur af.
húsdýrum, fóðri og skít og við
erum svo þreytt. Hér er engin
vagga, engin hrein lök, koddi eða
sæng. Og ég hugsa með mér: Af
hveiju?
Kannski þarf Jesús að þekkja
alla erfiðleika mannanna frá því
andartaki að hann kemur í heim-
inn. Frelsari heimsins á að fæðast
eins og öll önnur mannanna börn.
Frelsari heimsins á að lifa við
sömu kjör og við öll. Þess vegna
erum við hér.
Hann er frelsari heimsins af því
að hann á að frelsa mannkynið
undan böli grimmd og svikum.
Hann fæddist vegna þess að Guði
þykir vænt um mannkynið. Guð
er að gefa okkur Jesú til að kveikja
með okkur von, kveikja með okkur
gleði til að takast á við lífið og
erfiðleika þess. Hann fæddist til
að fylgja okkur í gegnum lífíð
hvar sem við erum, hvort sem við
búum í fátækt og eymd eða í hlýj-
um húsum, þar sem alltaf ríkir
friður.
Nú sé ég að Jesús á fyrir hönd-
um sér mikilvægt hlutverk. Og ég
hugsa aftur til þess dags, þegar
engillinn kom til mín í stofuna
heima og sagði að hann ætti að
ríkja að eilífu. Já, hann á að lifa
með öllum kynslóðum allra tíma.
Hann á að ganga lífsgönguna með
mannkyninu öllu, en til þess að
svo megi verða þarf hann að þjást,
þjást til að kynnast þjáningu
mannkynsins, en hann mun sigra
... sigra sjálfan dauðann.
Ég lít á barnið við bijóstið á
mér og augu mín fyllast tárum ...
ég græt yfír þjáningu hans, en ég
græt af gleði yfir því að fá að
þjóna þeim sem mun frelsa mann-
kynið.
öllum bestu óskir um friðsœla jólahátíð
ogfarsœld á komandi ári
m
LANDSBRÉF HF.
Landsbankinn stendur meö okkur
Suöurlandsbraut 24, 108 Reykjavík, sími 91-679200, fax 91-678598
Löggilt verðbréfafyrirtæki. Aöili aö Verðbréfaþingi íslands.