Morgunblaðið - 04.01.1994, Blaðsíða 37

MORGUNBLAÐIÐ ÞRIÐJUDAGUR 4. JANUAR 1994
37
Aldamótabíllinn ólík-
ur nútímabifreiðinni
London. Daily Telegraph.
KOMIN er út í Bretlandi 340 síðna skýrsla um niðurstöður rann-
sóknarstofu bresku bifreiðaverksmiðjanna á því hvaða kröfur
neytendur geri til aldamótabílsins og hvernig bifreiðaframleiðend-
ur muni hugsanlega bregðast við.
Líklegt þykir að þrennt ráði ferð-
inni við hönnun og smíði aldamóta-
bílsins: Hörð samkeppni framleið-
enda og þrýstingur á að lækka fram-
leiðslukostnað; væntingar neytenda
um öryggi bifreiðar og farþega og
umhverfisþættir. Afurðin verður
mun háþróaðri, flóknari og líklega
dýrari bifreið en áður hefur þekkst.
Bifreiðin verður að lögun mun
rennilegri til að draga úr loftmót-
stöðu. Auk meðalvagns verða fram-
leiðendur að mæta eftirspurn í þeim
flokki ökuskírteinishafa sem fjölgar
mest, þ.e. konum og fullorðnum og
bjóða upp á minni bíla til aksturs í
stórborgum svo og bíla fyrir lágvax-
ið fólk.
Krafturinn höfðar lítið til
kvenna
Konur vilja fremur þægindi og
fínleika og góða aksturseiginieika
en mikinn kraft og hraða. Einnig
að auðveldara verði að setja barna-
stóla í bíla en nú er. Fullorðnir þurfa
betri lýsingu og greinilegri mæla og
tæki í mælaborði, aukna rafstýringu
og greiðari leið inn og út úr bílnum.
Byggingarefni aldamótabifreið-
arinnar verða án efa léttari til þess
að auka nýtingu eldsneytis. Á1 kem-
ur þar helst til greina þar sem það
vegur minna en stál og ryðgar ekki
en er dýrara. Plastgluggar og plast-
skermar fyrir höfuðljósum í stað
glers munu sömuleiðis spara þyngd
en hvort tveggja er þegar í notkun
í Japan.
Stuðarar lækka, verða ávalari og
húðaðir með höggdeyfandi kvoðu til
þess að draga úr hættu á meiðslum
á gangandi vegfarendum. Fjöl-
þáttavírar sem unnið geta mörg verk
samtímis munu einfalda rafkerfi og ,.
lækka framleiðslukostnað.
Virk hljóðdeyfing
Rannsóknarstofnunin segir að
hávaði innan bíls og utan geti haft
afgerandi áhrif. En aukin notkun
hljóðdeyfandi efna mun auka á
þyngd bílsins og gera hann dýrari.
Leggur stofnunin til að í staðinn
verði notuð „virk hljóðdeyfing", þ.
e. Ijölda hátalara verði komið fyrir
í bílnum til þess að framleiða hljóð
er eyða hljómmögnun vélar, boddís
og akbrautar.
Mikið hefur verið rætt um að setja
í fólksbifreiðar virkan fjöðrunar- og
höggdeyfibúnað á borð við það sem
er að finna í formúlu-1 kappaksturs-
bílum. I honum eru hvorki gormar
né höggdeyfar, heldur nema skynj-
arar hreyfingar bílsins, s.s. beygjur,
halla o.s.frv., og koma skilaboðum
til stjórnbúnaðar sem stillir ætíð á
þá legu bílsins á fjöðrunargrindinni
sem hentar aðstæðum best. Leysi-
geislar fremst á bílnum gætu numið
holur á veginum svo búnaðurinn
gæti brugðist strax við þeim.
Fulltrúar BMW-verksmiðjanna
segja að virkur fjöðrunarbúnaður af
þessu tagi myndi hækka verð bifreið-
ar um 3.000 dollara, 210 þúsund
krónur, og því litlar líkur á að
hann verði settur nema í allra
dýrustu bíltegundir. Hálf-virk
fjöðrun getur komið svo til að
sömu notum en kostar mikið
minna. Þá er stuðst við venju-
lega höggdeyfa en stífleiki
þeirra er stillanlegur á sekúndu-
broti með hjálp skynjara sem
nema hreyfingu hjóla- og yfir-
byggingar. Ókuferð í þannig
búnum bíl yrði miklu mýkri og'
bíllinn meðfærilegri en venju-
lega búnir bílar.
Fleiri tvígengisvélar
Lengra verður vart komist í
að draga úr mengunarútblæstri
bifreiða nema þá helst með
endurgerðu eldsneyti sem verð-
ur dýrara í framleiðslu en fram-
leiðir færri aukaefni við bruna.
Hreinsuð díselolía er kostur og einn-
ig er líklegt að fleiri bifreiðar verði
búnar tvígengisvélum því bæði er
smíði þeirra ódýrari og þær skila
meira afli úr minna eldsneyti.
Nýjung sem á eftir að ryðja sér
til rúms er greiningarbúnaður sem
getur varað við sliti í einstökum hlut-
um og gefið bílstjóranum til kynna
ef bifreiðin gengur illa eða þarfnast
stillingar eða viðgerðar. Ratsjá
tengd eldsneytiskerfí bifreiðarinnar
mun láta vita hvenær of stutt er á
milli bifreiða með tilliti til bremsu-
lengdar með því að minnka eldsneyt-
isgjöf og þannig hægja á bílnum.
Má því segja að of lítið verði fyrir
aldamótabílstjórann að gera undir
stýri. Af þessum sökum má spyija
hvort eitthvað verði til árið 2100 sem
líkist nútímabifreið.
Framtíðarbílar
HUGMYNDASMIÐIR Ford og BMW hafa dregið upp þessar myndir af
framtíðar- eða aldamótabílnum en líklega verða þær löngu úreltar þeg-
ar þar að kemur.
Arinu fagnað
í fangaklefa
Róm. Tlie Daily Telegraph ^
GAMLÁRSKVÖLD reyndist mafíuforingjanum Edouardo Contini ekki
sú gleðistund sem hann hafði vonast til, því ítalska lögreglan lét til
skarar skríða gegn honum þegar hann hugðist fagna nýju ári í hópi
góðra vina. „Fagnaði" Contini nýju ári í fangaklefa, samkvæmisklædd-
Edouardo Contini, sem taiinn er
höfuð Camorra-mafíunnar í Napólí,
hefur farið huldu höfði í tvö ár.
Hann lét þó freistast til að heim-
sækja vini sína í vetraraðsetur þeirra
í Dolomíta-fjöllum. Á leiðinni þangað
urðu honum á þau afdrifaríku mistök
að hringja úr bílasíma sínum en það
kom lögreglunni á sporið. Er Contini
hugðist halda í rándýran kvöldverð
á veitingastað í grenndinni, var hann
handtekinn ásamt gestgjafa sínum
Luigi Cristarelli, sem sakaður er um
að hafa hylma yfir með Contini.
Julie tngham
skólastjóri
Linda Polkowski
kennari
Linda Walker
kennari
Cheryl Hill
barnakennari
Marie Cairney
kennari
Samuel Lafeur
kennari
Victoria Cribb
kennari

&
ALLIR KENNARAR SKÓLANS
Velkominn í Enskuskólann
Við metum kunnáttu þína og í framhaldi
af því ráðleggjum við þér hvaða námskeið
hentar þér og þínum óskum best.
Hámark 10 nemendur í bekk.
Boðið er upp á ókeypis æfingatíma.
Komdu í heimsókn eða hringdu -
því fylgja engar skuldbindingar.
gj iAR MAL
■■INNRITUN STENDUR YFIR
HRINGDUISÍMA 25330 06 FADU FREKARIUPPLÝSINGAR
KENNSLA HEFST 12. JANÚAR
Almenn enska með áherslu á
talmál. 10 kunnáttustig.
Kennslutími: Á morgnana, eftir há-
degi, á kvöldin og á laugardögum.
Önnur námskelð:
Viðskiptaenska
Rituð enska
Umræðuhópar
Kráarhópar
Einkatímar
TOEFL-G MAT-GRE
undirbúningsnámskeið
íslenska fyrir útlendinga
Barnaskóli
Leikskóli fyrir 4-5 ára
Enskunám fyrir 6-12 ára börn
Stuðningskennsla fyrir unglinga 13-15 ára
VR og flest önnur stéttarfélög
taka þátt í námskostnaði sinna
félagsmanna.
25% afsláttur til atvinnulausra.
ÞU FINNUR ORUGGLEGA EITTHVAÐ VIÐ ÞITT HÆFI HJA OKKUR - VELKOMIN Í HÓPINN...
skólinn
TÚNGÖTU 5 101 REYKJAVÍK