Morgunblaðið - 26.05.1994, Qupperneq 43

MORGUNBLAÐIÐ
FIMMTUDAGUR 26. MAÍ 1994 43
MINNINGAR
hér en hann ólst upp í stórum systk-
inahópi, auk uppeldissystkina. Gott
veganesti hlýtur Sigbjörn að hafa
fengið í föðurgarði og oft sagði
hann frá margvíslegum heilræðum
föður síns. Sigbjörn var enda fast-
heldinn á gamlar dyggðir og þreytt-
ist seint á að boða gömul gildi eins
og ráðdeild og sparsemi. Hann
sagðist snemma hafa tileinkað sér
að hvorki skyldi þiggja lán né taka.
Eftir þessu lífsmottói lifði Sigbjörn
og reyndist honum vel, því hann
var alla tíð efnalega sjálfstæður
maður og heppinn fjármálamaður.
Hann mun nokkuð snemma hafa
farið til sjós eins og títt var um
unga menn á þeim dögum og stund-
aði sjómennsku á smærri bátum öll
sín unglingsár. Þó stefndi hugur
hans til annarra starfa og þá ekki
síður til verslunar- og viðskipta-
starfa. Um tvítugsaldur lagði hann
leið sína til Reykjavíkur, mitt í
kreppunni, og hóf nám við Verslun-
arskólann. Það hlýtur að hafa verið
mikið átak fyrir ungan og efnalítinn
mann af landsbyggðinni á þeim
erfiðu tímum. Reyndi þá á ráðdeild-
arsemina og úrræðagæðin og sem
dæmi hér um var tiltæki þeirra fé-
laga Sigfúsar í Heklu og Sigbjörns,
en þeir leigðu saman, að auglýsa
tímakennslu í bókfærslu en þá voru
þeir báðir heldur stutt komnir í
námi. Sigbjöm sagðist alveg hafa
verið á nálum út af þessu tiltæki
þeirra en allt hefði blessast vel og
þá aðallega vegna Sigfúsar.
Í Verslunarskólanum hlaut Sig-
bjöm staðgóða menntun í viðskipta-
greinum, sögu, íslensku og tungu-
málum og varð honum þessi þekk-
ing happadijúg á lífsleiðinni. En
þrátt fyrir menntun sína til verslun-
ar- og viðskiptastarfa, sem hugur
hans hefur vafalaust staðið til, hög-
uðu atvikin því að starf hans varð
farmennska og starfsvettvangur
lengst af fragtskip Eimskipafélags
íslands. Sigbjöm hóf siglingar hjá
Eimskip skömmu fyrir stríð og
sigldi sleitulaust þar til hann lét af
störfum fyrir aldurs sakir, þá orðinn
sjötugur að aldri. Hafði hann þá
siglt um heimshöfín hátt í fimm
áratugi og var þegar hann lét af
störfum sá farmaður sem lengstan
hafði siglingartímann hjá Eimskip.
Ekki fór Sigbjörn mikið á milli
skipa, var lengi á gamla Brúarfossi
og sigldi á honum öll stríðsárin.
Einnig var hann lengi á Goðafossi
II, Gullfossi og að lokum á Bakka-
fossi II. Sigbirni var ekki sama með
hverjum hann silgdi og fylgdi gjarn-
an þeim skipstjórum sem hann bar
traust til. Skulu þar nefndir til þeir
Kristján Aðalsteinsson, Arngrímur
Guðjónsson og Þór Elísson meðal
margra traustra skipstjórnar-
manna. Sigbjörn hlaut heiðursmerki
Sjómannadagsráðs árið 1988.
Það hefur löngum þótt einkenna
gamla sjómenn að raupa um sjó-
mennskuævintýri sín. það var Sig-
birni þvert um geð, minntist hann
varla á siglingar sínar öll stríðsárin
sem hafa þó orðið mörgum far-
manninum frásagnarefni. Hins veg-
ar voru honum ofarlega í huga þeir
dýrðartímar sem hann upplifði í
Metrópólitan-óperunni í New York
á stríðsárunum en þangað var nær
einvörðungu siglt. Kom þar til að
Sigbirni voru hinar fögru listir ákaf-
lega ofarlega í huga og voru reynd-
ar hans höfuðáhugamál. Sérstak-
lega var þar klassísk tónlist, en
einnig klassískur ballett og bók-
menntir. Má segja að þessi áhuga-
mál hans hafí komið þeim mjög á
óvart sem aðeins þekktu Sigbjörn
sem skipsfélaga.
Dvöl í erlendum höfnum sem á
árum áður var oft löng svo skipti
vikum varð Sigbirni notadijúg til
að tileinka sér það besta sem á
boðstólum var í listum. Mikið var
siglt til New York, m.a. öll stríðsár-
in, en einnig sigldi hann mikið á
Kaupmannahöfn og Hamborg. Varð
hann hagvanur í óperuhúsum þess-
ara stórborga.
Annað áhugamál Sigbjörns
tengdist sögu og stjórnmálum, lönd-
um og þjóðum. Hann var ágætlega
vel lesinn í sögu og fylgdist með
stjórnmálaþróun af miklum áhuga.
Þar fetaði hann sínar eigin leiðir
og var sjaldnast sammála því glamri
sem meirihlutinn hafði uppi. Sig-
björn gerði víðreist á yngri árum,
var meðal þeirra alfyrstu, um og
upp úr 1960, sem tóku með sér
eigin bifreið á meginlandið. Ferðað-
ist hann vítt og breitt um alla Vest-
ur-, Mið- og Suður-Evrópu, en einn-
ig fóru þau hjón til landanna fyrir
botni Miðjarðarhafsins snemma á
7. áratugnum. Honum var Þýska-
land og þýsk menning ætíð hug-
stæð, en jafnhliða þótti honum
ákaflega mikið til allrar rómanskrar
menningar koma. Hér deildu þau
sínum áhugamálum hjónin, en Sig-
björn var kvæntur mikilli sóma-
konu, Sigrúnu Hansen, deildar-
stjóra í Landsbankanum, en hún
lést hinn 30. júlí á sl. ári. Eiginkon-
an bjó honum sérlega glæsilegt
heimili, vel búið af fágætum og
verðmætum húsgögnum og skrýtt
bestu listaverkum. Hlýtur það að
hafa verið Sigbirni mikil hvíld í
fáum og stuttum fríum á sínum
siglingarárum að njóta kyrrðar og
smekkvísi á sínu heimili.
Við félagar hans frá sjómennsku-
árunum og vinir hans síðan kveðjum
þann mæta mann Sigbjörn Þórðar-
son með söknuði. Megi minning
hans lifa.
Ólafur Örn Klemensson,
Tómas ísleifsson.
í dag verður til moldar borinn
Sigbjörg Þórðarson frá Einarsstöð-
um. Við andlát hans horfum við
sem hann þekktum á eftir miklum
drengskaparmanni; hugljúfa þeirra
er honum kynntust.
Sigbjörn var gæfumaður. Hann
átti ástríka og trausta eiginkonu,
Sigrúnu Hansen, og nú fylgir hann
henni á vit hins óþekkta eftir að-
eins nokkurra mánaða aðskilnað.
Sigbjörn var ákaflega einmana eft-
ir fráfall Sigrúnar og það var sem
lífsgleðin hefði yfírgefíð hann.
Engu að síður fylgdi hann eftir
hugðarefni sínu, áheyrn fagurrar
tónlistar, fram til hinsta dags.
Sigbjörn sigldi um heimins höf
í starfi sínu sem farmaður hjá Eim-
skipafélagi íslands og naut þess
að drekka í sig heimsmenninguna
í hverri höfn, þar sem kastað var
akkerum. Þá naut þessi fagurkeri
lista, þess að skoða söfn og sækja
tónleika.
í einni slíkri för var staldrað við
í Hamborg. Þar fór Sígbjörn á veit-
ingastað til að snæða kvöldverð og
þar sem þröng var á þingi var hon-
um vísað til borðs hjá ókunnugum
manni. Þessir tveir heiðursmenn
tóku tal saman og fór svo vel með
þeim að Sigbirni var upp frá því
ætíð boðið að dvelja á heimili þessa
manns og fjölskyldu hans er hann
hafði viðkomu í Hamborg. Og viti
menn, hinn umræddi ókunnugi
maður reyndist vera enginn annar
en borgarstjóri Hamborgar. Á
þessu menningarheimili var geymd
gestabók með áritun tónskáldsins
dáða, Jóhannesar Brahms, og má
nærri geta að í slíku umhverfí hafí
Sigbirni liðið vel.
Þessi litla frásögn er lítil dæmi-
saga um hvaða mann Sigbjörn
hafði að geyma. Undirrituð spurði
Sigbjöm, er hann sagði henni frá
þessu yfír kaffibolla í eldhúsinu,
hvort hann hefði sagt áhöfn skips-
ins frá þessari lífsfreynslu, en svo
var ekki.
Þannig var Sigbjöm, hinn hæg-
láti og hógværi heiðursmaður.
Undirrituð vill með þessum fátæk-
leg-u orðum fýrir hönd fjölskyldu
sinnar þakka Sigbirni Þórðarsyni
fyrir alla vinsemdina og þá bless-
uðu minningu um manngæsku
hans og hugulsemi, sem börnin
hennar þrjú fá í veganesti um
ókomin ár.
Anna Júlíana Sveinsdóttir.
Mig langar með örfáum orðum
að minnast Sigbjörns Þórðarsonar.
Það var söngurinn sem leiddi okkur
saman, — unun beggja af því að
hlusta á fagran söng. Bjössi var
mikill áhugamaður um sönglistina,
og færi ég á söngtónleika, var nán-
ast víst að þar yrði Bjössi. Ég hafði
gaman af vangaveltum hans um
þessa eðlu kúnst, og þá sem hana
stunda, — hann var ákaflega vel
heima í öllu því er að söngnum lýt-
ur. Hann gerði stundum lítið úr
þessum lifandi áhuga sínum, og
sagðist þá bara vera gamall sjóari.
En hann átti þá líka til að segja
sögur af því þegar hann á yngri
árum heyrði heimsfræga söngvara
syngja í stórborgum heimsins, og
þær sögur voru skemmtilegar, og
færðu mann einhvern veginn inn í
fortíð, sem ljómi stafar af. Jarmíla
Novotna var í uppáhaldi hjá Bjössa,
þessi glæsilega tékkneska söng-
kona, sem söng á Metropolitan um
miðja öldina. En áhugi Bjössa var
hreint ekki bundinn fortíðinni. Við
hittumst síðast niðrá Lækjartorgi á
sunnudaginn fyrir rúmri viku. Þá
var hann að fara að hlusta á nem-
endur Söngskólans á tónleikum.
Góðan félaga átti Bjössi í mági sín-
um Halldóri Hansen, sem er manna
fróðastur um sönglistina, og hefur
Bjössi án efa notið góðs af. Ég
votta Halldóri og öðrum ástvinum
samúð mína, og þakka Bjössa
ánægjulega samfylgd, og hlýhug í
minn garð og minna, og megi him-
insins englar allir syngja sína feg-
urstu söngva honum til unaðsauka.
Bergþóra Jónsdóttir.
Verzlunarskóli Islands
STOFNAÐUR 1905
Einsetinn skóli
Bekkjakerfi
Nemendur af öllu landinu
Samfelldur skóladagur
Bókasafn
íþróttahús
FRAMHALDSSKOLI
Verslunarpróf eftir 2 ár
Réttindi fyrir verslunarleyfi
Stúdentspróf:
Málabraut
Hagfræðibraut
Stærðfræðibraut
Verslunarmenntapróf:
Verslunarmenntabraut
jgjiiji'á$§as&!'
ÖLDUNGADEILD ámsZ6J,:npln
Áfangakerfi
Stök námskeið
Starfsmenntun
Verslunarpróf
Stúdentspróf
TÖLVUHÁSKÓLI j
Kerfisfræði 60 einingar |
Tveggja vetra nám eftir stúdentspróf
Kerfisfræðingar TVÍ J