Morgunblaðið - 29.06.1994, Blaðsíða 1
64 SÍÐUR B/C/D
144. TBL. 82. ÁRG.
MIÐVIKUDAGUR 29. JÚNÍ 1994 PRENTSMIÐJA MORGUNBLAÐSINS
Fyrsti leiðtogafundur Kóreuríkjanna í Pyongyang 25. júlí
Sammála um
samningaleið
Baráttan
gegn mafíunni
hafin
RÚSSNESKA fjármálaráðu-
neytið hefur lagt til að lagður
verður á sérstakur skattur til
að fjármagna baráttuna gegn
skipulagðri glæpastarfsemi.
Borís Jeltsín Rússlandsforseti
hefur gefið út tilskipun sem
eykur svigrúm lögregluyfir-
valda til muna í baráttunni gegn
mafíunni en forsetinn sagði
glæpi vera farna að ógna sjálfu
ríkinu. Tók tilskipunin gildi á
mánudag og eru nú umfangs-
miklar lögregluaðgerðir hafn-
ar. A myndinni má sjá rússn-
eska sérsveitarmenn á æfingu í
Moskvu í gær.
Panmunjom. Reuter.
STJÓRNVÖLD í Suður- og Norður-
Kóreu ákváðu í gær að halda fyrsta
leiðtogafund ríkjanna 25. júlí nk. í
Pyongyang, höfuðborg Norður-
Kóreu. Auk samkomulagsins undir-
rituðu samningamenn ríkjanna
áskorun þar sem hvatt var til, að
allt yrði gert til að „bæta viðmótið
og draga úr spennu“ milli þeirra fyr-
ir fundinn.
„Báðir forsetarnir hafa tekið þá
sögulegu ákvörðun að draga úr
spennu á Kóreuskaga en ástandið
þar hefur verið undantekning frá
þeirri reglu, sem nú ríkir í samskipt-
um ríkja, að leysa málin með samn-
ingum en ekki átökum,“ sagði Lee
Hong-koo, aðalsamningamaður Suð-
ur-Kóreu, en samningamenn ríkj-
anna munu hittast aftur á föstudag
til að ganga nánar frá undirbúningi
fundarins.
Þótt Suður-Kóreumenn séu mjög
ánægðir með þennan árangur ætla
þeir ekki að gefa neitt eftir hvað
varðar kröfuna um fullkomið eftirlit
með kjarnorkuiðnaði Norður-Kóreu-
manna. Vilja þeir ekki búa við grun-
semdir um að þeir séu að vinna að
smíði kjarnorkusprengju.
Samningaviðræðumar um fund
þeirra forsetanna, Kim Il-sungs, for-
seta N-Kóreu, og Kim Young-sams,
forseta S-Kóreu, voru mjög erfiðar
en þá gekk loks saman þegar Suður-
Kóreumenn féllu frá kröfu um, að
samtímis yrði ákveðin stund og stað-
ur annars fundar í Suður-Kóreu.
Þess í stað verður gengið frá því á
fundinum í Pyongyang.
Samningaviðræðunum í landa-
mærabænum Panmunjom var sjón-
varpað beint heim til beggja forset-
anna og gátu þeir þannig tekið þátt
í þeim og gefið fulltrúum sínum fyr-
irmæli eftir því sem viðræðunum
vatt fram.
Carter flutti fundarboðið
Tillögur um fund leiðtoga Kóreu-
ríkjanna hafa komið fram oft áður
en að þessu sinni voru það Suður-
Kóreumenn, sem áttu frumkvæðið,
og Jimmy Carter, fyrrverandi Banda-
ríkjaforseti, kom boðunum áleiðis til
Norður-Kóreustjómar. Síðan hafa
Norður-Kóreumenn að eigin sögn
frestað kjarnorkuáætlunum sínum og
hafa verið ákveðnar viðræður milli
þeirra og Bandaríkjamanna. Suður-
Kóreumenn hafa raunar nokkrar
áhyggjur af því, að samskipti N-
Kóreu og Bandaríkjanna hafí batnað
svo mjög, að stjómin í Pyongyang
sleppi hugsanlega við að segja alla
söguna um kjamorkuáætlanir sínar.
Reuter.
Rættum
arftaka
Delors
London, Brussel. Reuter.
JOHN Major, forsætisráðherra
Bretlands, fundar í dag með
Antonio Martino, utanríkisráð-
herra Ítalíu, og á morgun með
utanríkisráðherra Þýskalands,
Klaus Kinkel, um hver verði
eftirmaður Jacques Delors, for-
seta framkvæmdastjórnar Evr-
ópusambandsins.
Peter Sutherland, fram-
kvæmdastjóri GATT, sem oft
hefur verið nefndur sem hugs-
anleg málamiðlun, sagðist í
gær ekki hafa neina ástæðu
til að ætla að hann kæmi til
greina í embættið. Hann sagði
aðspurður að enginn hefði rætt
við hann um þennan möguleika
og að hann teldi engar líkur á
að írska ríkisstjórnin myndi
bjóða hann fram.
Reuter
Fyrstur með fimm mörk
OLEG Salenko (nr. 9) braut blað
í sögu úrslitakeppni heims-
meistaramótsins í knattspyrnu
í gær, er hann varð fyrstur til
að gera fimm mörk í einum og
sama leiknum. Salenko afrekaði
það er Rússland sigraði Kamer-
ún 6:1, en þrátt fyrir stóran sig-
ur er óljóst hvort Rússar komist
í 16-liða úrslit keppninnar.
Gamla kempan Roger Milla kom
einnig við sögu í gærkvöldi.
Hann gerði eina mark Kamerún
og varð þar með elstur til að
skora í úrslitakeppni HM frá
upphafi, 42 ára.
■ HM í knattspyrnu/Bl og B2
Dularfullur skipsskaði veldur olíumengun við S-Afríku
Óttast um tugþúsundir
sjaldgæfra mörgæsa
Höfðaborg. Reuter.
BJÖRGUNARSVEITIR í Höfðaborg í Suður-Áfríku bjuggu sig í gær
undir að bregðast við mikilli olíumengun eftir dularfullan skipsskaða úti
af vesturströnd landsins, þar sem kínverskt olíuskip fórst með 36 manna
áhöfn fyrir rúmri viku, að því er talið er. Mikið af olíu er að koma upp
á yfirborðið nærri Dassen-eyju, þar sem eru helstu varpstöðvar Jackass-
mörgæsarinnar, sem er í útrýmingarhættu, og óttast menn að allt að 20
þúsund mörgæsir verði olíulekanum að bráð.
Braki úr skipinu, sem var 131
þúsund tonn að stærð og skráð í
Panama, tók að skola á land á
mánudag. Renndi það stoðum undir
ótta manna um að skipið hefði far-
ist nokkrum klukkustundum eftir
að það lét úr höfn í Saldanha Bay,
sem er um 100 km norðan við
Höfðaborg, 20. júní, en síðast
heyrðist frá skipinu síðla þann dag.
Skipið lenti strax í aftaka veðri, og
mun hafa sokkið ijórum klukku-
stundum eftir að það lét úr höfn.
Samkvæmt upplýsingum heimildar-
manna í björgunarsveitum sjóhers-
ins var sent neyðarkall frá skipinu
til útgerðarmanna þess í Peking,
en þar voru engar ráðstafanir gerð-
ar.
Bruce Dyer, talsmaður suður-
afrískra samtaka um verndun sjó-
fugla, sagði í gær að um sjö þúsund
mörgæsir útataðar i olíu væru nú
í björgunarstöð samtakanna í
Höfðaborg, og búist væri við að tvö
þúsund myndu bætast við í dag og
á morgun. Sagði Dyer að reikna
mætti með að allt að 20 þúsund
mörgæsir yrðu meðhöndlaðar
vegna olíuslyssins.
Rcuter