Morgunblaðið - 29.06.1994, Blaðsíða 11

MORGUNBLAÐIÐ
AKUREYRI
LANDIÐ
MIÐVIKUDAGUR 29. JÚNÍ 1994 11
Morgunblaðið/Rúnar Þðr
Ægir á þurru
VARÐSKIPIÐ Ægir hefur ekki
getað gegnt hlutverki sínu á
miðunum umhverfis ísland sein-
ustu daga af eðlilegum ástæð-
um, þar sem skipið er í slipp
hjá Slippstöðinni Odda á Akur-
eyri. Guðmundur Tulinius, for-
stjóri Odda, segir að skipið
verði öxuldregið, skrokkurinn
málaður og það yfirfarið á ann-
an hátt. Um hefbundið og nauð-
synlegt viðhald sé að ræða.
Morgunblaðið/Rúnar Þór
ENN er unnið við byggingu kapellunnar en margt bendir til
að framkvæmdir stöðvist innan tíðar vegna fjárskorts.
Ný kapella og líkhús við kirkjugarðinn
Vigsla tefst vegna
fjárskorts
FRAMKVÆMDIR við nýja kapellu
og líkhús við kirkjugarðinn á Akur-
eyri stöðvast brátt sökum fjár-
skorts, en um 12-15 milljónir króna
skortir til að ljúka þeim, eða um
24%-27,2% af heildarbyggingar-
kostnaði með innréttingum. Búið
er að mála bygginguna að innan
og byijað að mála að utanverðu,
en allt innbú vantar auk þess sem
eftir er að greiða hönnunarkostnað
og hefja lóðaframkvæmdir.
Séra Birgir Snæbjörnsson, Akur-
eyrarprófastur, segir að stefnt hafi
verið að vígslu byggingarinnar á
vordögum, en sökum fjárskorts
muni hún dragast um óákveðinn
tíma, jafnvel um ár, nema að nýtt
fjármagn fáist. Þetta sé afar baga-
legt, þar sem núverandi líkhús við
Fjórðungsjúkrahúsið sé of lítið og
aðstaðan þar algerlega óviðunandi.
Að sögn Benedikts Ólafssonar,
formanns kirkjugarðsstjórnar, er
heildarkostnaður við kapelluna og
líkhúsið um 55 milljónir króna en
lokið sé framkvæmdum fyrir um
40 milljónir króna. Hann segir
kirkjugarðinn njóta lántrausts en
eftir að framkvæmdir hófust hafi
tekjuliðir horfið og auknar álögur
verið lagðar á kirkjugarða sam-
kvæmt lögum. Auk þess hafi verið
reiknað með fjárframlagi úr kirkju-
garðasjóði en það aðeins verið brot
af því sem menn vonuðust eftir
miðað við framlög kirkjugarða Ak-
ureyrar til sjóðsins. Menn hafi því
ekki séð fram á að geta greitt slík
lán, hefði þeirrar leiðar verið leitað.
Norræn ráðstefna í Skál-
holti um Nýja testamentið
Selfossi - Norræn ráðstefna um
Nýja testamentið og gríska menntun
var nýlega haldin í Skálholti. Þátt-
takendur voru flestir kennarar við
háskóla eða doktorar í guðfræði eða
nemendur í doktorsnámi bæði eldri
og yngri, alls 58 þar af fimm íslend-
ingar.
Á ráðstefnunni var safnað saman
fræðimönnum við ellefu háskóla
Norðurlanda sem rannsaka hvernig
grísk menntun höfunda rita Nýja
testamenntisins mótar framsetningu
þeirra á kristinni trú. Ráðstefnan er
haldin flórða hvert ár og nú í fimmta
sinn. Fyrsta ráðstefnan var haldin
fyrir 20 árum í Danmörku og hefur
verið haldin á öllum hinna Norður-
landanna en er nú í fyrsta sinn á
íslandi. í undirbúningsnefnd eru sex
fulltrúar Norðurlandanna og hófst
undirbúningur fyrir tveimur árum.
Undirbúninginn á íslandi önnuðust
Kristján Búason dósent og Jón Svein-
björnsson prófessor.
„Þetta er merkileg ráðstefna, hún
gefur eldri sem yngri mönnum á
þessu sviði tækifæri til að hittast og
kynnast og þeir fá viðbrögð við því
sem þeir eru að gera.,“ sagði Krist-
ján Búason. Hann sagði einnig að
ráðstefna af þessari stærð gæfi
mönnum betra færi á því að kynna
sín hugðarefni en stórar ráðstefnur
gerðu. Hann sagði að lögð hefði ver-
ið áhersla á að fá yngri menn með
á ráðstefnuna.
Meðal þekktra fræðimanna á ráð-
stefnunni má nefna prófessor Lars
Hartman í Uppsölum, forstöðumann
rannsóknardeildar sænsku kirkjunn-
ar, prófessor Birger Olsson í Lundi,
prófessor Ragnar Livestad í Osló,
prófessor Mogens Muller í Kaup-
mannahöfn og professor Lars Aej-
meleus í Helsingfors. Bækur þessara
manna eru notaðar við kennslu á
Norðurlöndunum. Þá má nefna Turid
Karlsen Seim professor og deildar-
forseta guðfræðideildarinnar í Osló
og Sigfred Pedersen lektor í Árósum
sem var frumkvöðull þessara nor-
rænu ráðstefna. Einnig má nefna
prófessor David Hellholm í Osló sem
ásamt Birger Olsson voru meðal
brautryðjenda í notkun nýrrar mál-
vísindalegrar aðferðar við textaskýr-
ingu.
Meðal dagskráratriða á ráðstefn-
unni var guðsþjónusta í Þingvalla-
kirkju þar sem nýkjörinn vígslubisk-
up, séra Sigurður Sigurðarson þjónar
ásamt prófessor Mogens Muller.
Leikskólaböm á
lýðveldisafmæli
Slglufirði - Börn og leikskóla-
kennarar á Leikskálum, leik-
skóla Siglufjarðar, héldu upp á
50 ára afmæli lýðveldisins með
pomp og prakt. Börnin höfðu
lagt að baki mikið starf í tilefni
af hátíðinni, m.a. æft ýmis ætt-
jarðarlög. Þau hönnuðu og út-
bjuggu ýmis verkefni, s.s. likan
af Islandi og af Siglufirði, sem
voru síðan til sýnis fyrir gesti
hátíðarinnar. Hátíðin fór fram í
blíðskaparveðri á lóð leikskólans
sem skreytt hafði verið blöðrum
og fánum. Boðið var upp á
grillaðar pylsur og þeir sem vildu
fengu að spreyta sig á hestbaki.
Ýmislegt fleira var til gamans
gert auk söngs og sýningar á
verkum barnanna. Að sögn Sig-
ríðar Hólmsteinsdóttur leik-
skólastjóra tókst hátíðin vel og
voru börn og fullorðnir ákaflega
ánægðir með þennan dag.
Samgöngutækjasafn Islands opnað á ný
Ekki bara gamlir bílar
Egilsstöðum - Aðrar áherslur eru
á sýningu Samgöngutækjasafnsins
en voru á sýningu þess í fyrra. Nú
eru sýndir um 20 bílar ýmiss konar,
flugvél og sviffluga og fleira sem
tengist flugi. Að auki taka sýningar-
gestir eftir því að margir bílanna eru
frá stíðsárum; „gemsar og víbonar",
en slík tæki voru i notkun hér á landi
til skamms tíma.
Oðruvísi sýning
Samgöngutækjasafn íslands hóf
starfsemi á Egilsstöðum á síðasta
ári. Þá var sett upp sýning í íþrótta-
húsi bæjarins, sem stóð yfir í 5 vik-
ur. Að sögn Benedikts Vilhjálmsson-
ar, eins forsvarsmanna sýningarinn-
ar, komu um 2.000 gestir á þá sýn-
ingu, og þóttu það góðar viðtökur.
Nú verður sýningin opin í 9 vikur
og vonast er til að allt að 5.000 gest-
ir líti þar við. Ekki er um sömu sýn-
ingu að ræða, því skipt var um gripi
og sýningin í heild hefur annað yfir-
bragð. Aður voru sýndar flottar
drossíur, en nú ber meira á gömlum
hertrukkum og munum tengdum
flugi.
Nýuppgerður „gemsi“
Sýndur er GMC-tnikkur sem var
gerður upp í vetur og er hann nán-
ast að ö'.lu leyti í útliti eins og þeir
trukkar sem amerískir hermenn
fluttu inn til landsins á sínum tíma.
Einu breytingarnar sem gerðar hafa
verið á bílnum eru þær að sett voru
aukaljós til að uppfylla skilyrði Bif-
reiðaskoðunar. Að auki eru fleiri
herbílar á svæðinu, bæði „gemsar
og víbonar". Þessir bílar skildu eftir
sig mörg spor í samgöngusögu þjóð-
arinnar, því þeim var seinna breytt
í vörubíla, slökkvibíla, fólksflutn-
ingabíla og landbúnaðartæki, allt
eftir því hvað hentaði hveijum. Þeir
þóttu mjög sterkir og traustir fyrir
það vegakerfi sem hér var.
Um loftin fljúga flugvélar
Sýningargestir taka eftir því að
yfir þeim hanga sviffluga, flugvél
og drekinn, líkan af landvætti Aust-
urlands, enda sýningin helguð flug-
minjum að nokkru leyti. Sýndar eru
ýmsar söguheimildir um flug, ljós-
myndir og meðal annai's einn flug-
mótor.
Bílalest um bæinn
Við opnun sýningarinnar fóru
nokkrir bílar í hringferð um bæinn
til að vekja athygli á sýningunni.
Segir Benedikt fyrirhugaðar ýmsar
uppákomur í sumar til að breyta til
og eins að skipta um sýningargripi.
Meðal annars koma á safnið síðar í
sumar mjög gamlir vörubílar. Mark-
mið safnsins er að sýna öll tæki, tól
og annað sem tengist samgöngusögu
landsins, hvaða nafni sem það nefn-
ist. Bílar á öllum aldri verða sýndir,
vélsleðar, mótorhjól og fjórhjól, sem
ekki eiga stóran kafla í sögunni, auk
flugvéla og síðar verður skipum gerð
skil.
Onnur sýning
Skotfélag Austurlands hefur sett
upp sýningu á sama stað og sýnir
gömul skotvopn og tengda muni.
Sýning Samgöngutækjasafns íslands
og Skotfélagsins er staðsett í íþrótta-
húsi Egilsstaða og er opin alla daga
kl. 13-18.
t
!