Morgunblaðið - 29.06.1994, Blaðsíða 21

MORGUNBLAÐIÐ
MIÐVIKUDAGUR 29. JÚNÍ1994 21
FERÐALÖG
- •'. ' ...„ TtTTrT • ' *•••:,' •• ' - ■ 'ftm *fHÍT•WT- :• - ’ WWÆ
Ólafsvíkur- vaka verður 14.-17.júlí m
Frá vökunni í fyrrasumar Morgunblaðið/Alfons
ÓLAFSVÍKURVAKA verður haldin
14.-17. júli en hún var haldin í
fyrsta sinn í fyrra og tókst mjög
vel, margir burtfluttir Ólsarar komu
og rifjuðu upp gamla tíð og heils-
uðu upp á gamla vini.
Bærinn iðar af lífi þessa daga.
Þema hátíðarinnar í ár verður fisk-
veiðar og fiskvinnsla. Sjávarhátta-
sýningin verður við höfnina, listsýn-
ing í skólanum þar sem um 30 lista-
menn sýna verk sín. Útimarkaður
verður við Ólafsbraut, útimessa í
sjómannagarðinum . Þar verður líka
grillað og farið í leiki. Skemmtidag-
skrá verður í félagsheimilinu Klifi
föstudagskvöld 15. júlí og dansleik-
ur þar sem hljómsveitin Klakaband-
ið gömul hljómsveit staðarins leikur
fyrir dansi. Þá verður dansleikur á
laugardagskvöld þar sem hljóm-
sveitin Saga Class leikur. Þá má
geta þess að formlega verður vígð-
ur nýr grasvöllur og fá Víkingar
Ólafsvíkur hingað got lið að spila
við en ekki er endanlega frá því
gengið.
Sjóstangamót á fengsæl mið
Þessa sömu helgi verður haldið
árlegt sjóstangaveiðimót sem sjó-
stangaveiðifélag Snæfellsness held-
ur en hér við Breiðafjörð eru ein
fengsælustu fiskimið landsins.
Blómlegt starf sjómannakórsins
Rjúkanda hefur skilað þeim árangri
að þeir hafa gefið út geisladisk með
mjög fallegum lögum við góðar
undirtektir, en þess má geta að
Rjúkandi gerði mikla lukku á sjó-
mannadaginn á skemmtun sem
haldin var í félagsheimilinu Klifi
sem tókst á allan hátt mjög vel.
Ólafsvíkingar eru sífellt að bæta
þjónustuna við ferðamenn, eins og
sjóstangaveiði, útsýnisskiglingu,
hellaferðir, skoðunarferðir og
gönguferðir, vart þarf að nefna
snjósleðaferðir því þær hafa verið
farnar héðan í nokkur ár, rétt utan
við bæinn er mjög gott tjaldstæði.
Pakkhúsið er upplýsingastöð
Upplýsingamiðstöð ferðamála er
í „Gamla pakkhúsinu“ þar sem
hægt er að fá allar upplýsingar um
ferðaþjónustu staðarins en þær er
að sjálfsögðu hægt að fá á gisti-
heimilum bæjarins líka sem eru 2.
í Ólafsvík búa um 1200 manns.
Þeir sem til þekkja vita að á
Snæfellsnesi er stórbrotið landslag,
við ströndina, hellar, drangar,
hraun, ævagamlar fornminjar, busl
í háhyrningum við Öndverðarnes,
til fjalla, hellar með Ólafsvíkingar
bjóða ferðamenn velkomna „Sækj-
um Ólafsvík heim.“
Upplýsingar
á Landsmótinu
Á LANDSMÓTI hesta-
manna sem var sett í gær
verður starfrækt upplýs-
ingamiðstöð fyrir ferða-
menn. Þar geta mótsgestir
fengið upplýsingar, pantað
útsýnisflug, hestaleigu,
rútuferðir og margt fleira
sem sunnlenskir ferðaþjón-
ustumenn bjóða.
Aðalheiður Högnadóttir
sem veitir miðstöðinni for-
stöðu sagði að þetta væri í
fyrsta skipti sem slík þjón-
usta væri á landsmóti hesta-
manna. Mönnum á Suður-
landi hefði þótt tímabært
að standa sameiginlega að
kynningu svo menn ættu sér
athvarf og málsvara á mót-
inu. Það stendur yfir í sex
daga, frá þriðjudegi til
sunnudags. „Við erum einn-
ig með póstkortasölu og
minjagi’ipi eins og bera ber.
Básinn okkar er í stóru
markaðstjaldi miðsvæðis á
mótssvæðinu. Þar eru 15
básar með alls kyns varning
og veitingar og þar er hægt
að setjast niður og fá sér
bjór og horfa á heimsmeist-
arakeppnina," sagði Aðal-
heiður.

1 ' *v 1
31w
, ** m s . jW-SS
Ævintýrasiglingar um Breiðafjörð
með skelveiði og smökkun
Fjölbreytt fuglalíf - Lifandi leiðsögn -
Gisting við allra hæfi
Stykkishólmi, s. 93-81450.
Ferðamannavika á
Tálknafírði
í JÚLÍMÁNUÐI, nánar tiltekið 17.-24. júlí, verður
efnt til „viku ferðamannsins“ á Tálknafirði. Verður
þá mikið um dýrðir, svo sem „framtaksmarkaður" þar
sem allt milli himins og jarðar verður til sölu, m.a.
munir sem gerðir eru úr steinbítsroði o.fl. Efnt verður
til grillveislu við vestanverðan Tálknafjörð þar sent
Norðmenn ráku hvalveiðistöð um síðustu aldamót.
Þá má nefna að gönguferðir nteð leiðsögn verða
eftir fornri gönguleið frá Selárdal í Arnarfirði yfir í
Krossadal í Tálknafirði. Göngufólk mun nenia staðar
á markverðum stöðum. Veitingastaðirnir Hópið og
Essónesti hafa ýmislegt á pijónunum og ókeypis verð-
ur í sund og tækjasal og badminton í íþróttahúsinu.
í Tálknafírði eru tvö gistiheimili og við sundlaugina
er vel búið tjaldstæði. Daglegar ferðir eru á milli
Tálknafjarðar, Bíldudals og Patreksfjarðar með sérleyf-
isferðum Torfa E. Andréssonar og einnig eru ferðir i
tengslum við flóabátinn Baldur á sumrin.
-gistingog
góður matur
- ávallt
skammt undan
ÓLAFSVÍK - SNÆFELLSBÆR - SNÆFELLSNESI
Ólafsvíkurvaka
verður haldin dagana 14.—17. júlí.
Þar verður m.a.: Sjávarháttasýning, listsýning, útigrill,
útimessa, dansleikir og mikið líf og fjör.
VERIÐ VELKOMIN TIL ÓLAFSVÍKUR !
„Sækjum Ólafsvík heim“ Ólafsvíkurnefndin.