Morgunblaðið - 29.06.1994, Blaðsíða 12

12 MIÐVIKUDAGUR 29. JÚNÍ 1994
MORGUNBLAÐIÐ
LANDIÐ
Morgunblaðið/Alfons
Toppur á jökulinn
Ólafsvík - Snæfellsjökull nýtur
mikilla vinsælda ferðamanna um
þessar mundir. Samgöngur þangað
eru orðnar góðar, og ekki tiltöku-
mál að fara á toppinn og njóta stór-
fenglegs útsýnis. Þessi ungu börn
bjuggu til sinn eigin topp á jökul-
inn og virðast ánægð með árangur-
inn.
Reynt að treysta rekstur Þor-
geirs og Ellerts og Krossvíkur
Akranesi - Nýkjörinn bæjarstjórn
Akraness kom til fyrsta fundar
þriðjudaginn 13. júni sl. og á þeim
fundi kynntu fulltrúar Sjálfstæðis-
flokks og Alþýðubandalags mál-
efnasamning nýs meirihluta.
Á fundinum var Guðbjartur
Hannesson, oddviti Alþýðubanda-
lags, kjörinn forseti bæjarstjórnar
til eins árs og Gunnar Sigurðsson,
oddviti sjálfstæðismanna, formaður
bæjarráðs. Gísli Gíslason var endur-
kjörinn bæjarstjóri til loka kjörtíma-
bilsins. Flokkarnir hafa hvor um sig
þijá bæjarfulltrúa. Helstu málefni
sem hinn nýi meirihluti mun vinna
að eru í atvinnu- og orkumálum,
en þessir málaflokkar voru mest í
umræðunni í kosningabaráttunni. í
atvinnumálum er lögð áhersla á að
allt verði gert til að halda starfsemi
Þorgeirs _& Ellerts hf. gangandi í
bænum. í þeim tilgangi verður skip-
uð nefnd flokkanna sem vinni með
bæjarfulltrúum um lausn málsins.
í málefnum Krossvíkur hf. er sömu-
leiðis lögð áhersla á áframhaldandi
rekstur útgerðar og fiskvinnslu og
skipaður starfshópur til að vinna
að því verkefni ásamt bæjarfulltrú-
um. í báðum þessum fyrirtækjum
er síðan reiknað með að hlutur
Akranesbæjar verði seldur þegar
atvinna og fjárhagur þeirra verði
tryggður. Í orkumálum er lögð
áhersla á lækkun orkuverðs og skip-
aður starfshópur til að leita leiða
til að slíkt geti orðið.
Af öðrum málaflokkum má
nefna, að stefnt er að endurskoðun
bæjarmálasamþykktar. Nefndum
verður fækkað og færð saman verk-
efni með það að markmiði að gera
alla stjórnun markvissari. í skóla-
málum verður unnið að stefnumót-
un í málefnum grunnskóla og
byggður verði leikskóli í eldri bæn-
um á kjörtímabilinu. Lokið verði
e-hluta Grundaskóla og unnið að
lokafrágangi skólalóða. Þá verður
hafínn undirbúningur við að gera
grunnskóla einsetna.
Fyrsta gestastofan á friðlýstu landsvæði
Gestastofa Si g-
ríðar í Brattholti
opnuð við Gullfoss
Laugarvatni - Ný gestastofa
kennd við Sigríði Tómasdóttur í
Brattholti var opnuð með formleg-
um hætti ofan við Gullfoss 19.
júní sl. í gestastofnunni er sett upp
sýning „Náttúrutúlkun" sem skýrir
á skemmtilegan og fallegan hátt
hina stórbrotnu náttúru í kringum
Gullfoss og þau umbrot sem áttu
sér stað við mótun hennar.
Gestastofan er kennd við bar-
áttukonuna Sigríði Tómasdóttur í
Brattholti. Sigríður barðist í fjölda
ára fyrir því að íslendingar eignuð-
ust aftur fossinn eftir að hann
komst í hendur erlendra aðila sem
vildu virkja hann í þágu iðnaðar-
uppbyggingar.
f umsjón Landverndar
Gestastofan sem er sú fyrsta
sinnar tegundar á friðlýstu land-
svæði á íslandi er teiknuð af
Tryggva Tryggvasyni arkitekt en
uppsetningu og hönnun vegg-
spjalda var í höndum auglýsinga-
stofunnar A-plús, en Ebba Salvör
Diðriksdóttir og Árni Tryggvason
sáu um þá vinnu. Umsjón með
verkinu af hálfu Landverndar hafði
Sigrún Helgadóttir líffræðingur.
Sigrún er einnig höfundur náttúru-
túlkunarinanr sem þama er sett
upp.
Markmiðið með náttúratúlkun
sagði Sigríður vera að auka virð-
ingu fólks fyrir umhverfi sínu. Hún
á að tengja fólk umhverfinu, koma
til fólksins og vera grípandi og
umfram allt höfða til tilfinninga
þess.
Hvergi getið í skólabókum
Umhverfisráðherra, Ossur
Skarphéðinsson, opnaði gestastof-
una með formlegum hætti og
minntist hinnar ötulu baráttukonu
Sigríðar í Brattholti sem þrátt fyr-
ir sitt stórvirki við að ná Gullfossi
úr höndum útlendinga, væri hvergi
getið í skólabókum Islandssögunn-
ar, frekar en annarrar þögullar
baráttu íslenskra kvenna gegnum
aldirnar.
Gullfoss ásamt landsvæði um-
hverfis fossinn hefur verið friðlýst-
ur síðan árið 1979, landið næst
fossinum er gefið íslenska ríkinu
1974 og 1976. Árið 1945 var foss-
inn sjálfur seldur ríkinu.
Morgunblaðið/AH
Við vígslu útsýnisskífunnar á Gammabrekku komu saman þrjár prestsdætur ásamt núverandi
og fyrrverandi sóknarpresti. F.v. sr. Stefán Lárusson sóknarprestur í Odda 1964-1991, Guð-
rún Svava Stefánsdóttir, Jakobína Erlendsdóttir Þórðarsonar er þjónaði í Odda 1918-1946,
Tinna Sigurðardóttir og sr. Sigurður Jónsson núverandi sóknarprestur.
Utsýnisskífa reist á Gammabrekku
Hellu - í tengslum við hátíða-
höld Rangárvallahrepps 18.
júní sl. vegna 50 ára afmælis
Lýðveldisins íslands var vígð
útsýnisskífa á Gammabrekku
hjá Odda á Rangárvöllum.
Gammabrekka, sem er 41
metra hár hóll, er kunn af
kvæði séra Matthíasar Joc-
humssonar, „Á Gamma-
brekku“, en séra Matthías var
sóknarprestur í Odda 1880-
1886.
Útsýnisskífan er reist að til-
hlutan Oddafélagsins en
Rangárvallahreppur og hér-
aðsnefnd Rangæinga stóðu
straum af kostnaði við gerð
hennar og uppsetningu að
mestu leyti. Skífuna hannaði
Jakob Hálfdánarson tækni-
fræðingur, en þess er vænst
að skífan verði gestum Odda-
staðar til fróðieiks og ánægju
og mun auka hróður hins forna
frægðarseturs í framtíðinni.
Að lokinni stuttri athöfn og
nokkrum ávörpum sem flutt
voru við þetta tækifæri var
hátíðarmessa í Oddakirkju.
Morgunblaðið/Jóhannes
Næstu jarðgöng í Reyðarfirði?
Morgunblaðið/Björn Blöndal
NÝJA hreyflinum komið fyrir í rússnesku vélinni í flugskýli
Flugleiða á Keflavíkurflugvelli.
í viðgerð eftir fjög-
urra mánaða bið
Reyðarfirði - Framtakssamir
aðilar hafa reist jarðgangna-
munna í Reyðarfirði sem á
stendur „Næstu göng“. Munninn
var verkefni nemenda í 8. bekk
grunnskóla Reyðarfjarðar í svo-
kallaðri Umhverfisviku sem var
í lok síðasta skólaárs.
Nemendur völdu sér það
verkefni að kanna áhrif jarð-
gangna á umhverfið og smíðuðu
jarðgangnamunna í fullri stærð.
Þeir nutu til þess aðstoðar kenn-
ara sem síðastliðið haust kom
frá Noregi þar sem hann kynnti
sér jarðgangnagerð að sögn
skólastjóra grunnskólans
Nemendur komust að þeirri
niðurstöðu að jarðgöng milli
Reyðarfjarðar og Fáskrúðs-
fjarðar væru styst, hagkvæmust
og auðveidust í framkvæmd,
vegna fárra jarðlaga, af þeim
valkostum sem fyrir lægju um
jarðgöng á Austurlandi.
A
Ihuga að
fá stærri
Baldur
Stykkishólmi - Ferjan Baldur hér
á Breiðafirði hefur haft mikil
umsvif það sem af er árinu og
kannski ekki síður að vetrinum.
Þótt flesta daga sumars séu tvær
ferðir dag virðist alltaf vera not
fyrir fleiri.
Guðmundur Lárusson, fram-
kvæmdastjóri Baldurs, sagði við
fréttaritara að jafnvel svo væri
komið málum að byijað væri að
íhuga hvort ekki þurfti fyrr en
seinna að endurnýja skipið, þ.e. fá
stærra skip sem tæki fleiri bifreið-
ar. Þessi feija tekur um 20 og er
það oft ekki nóg og sumir verða
þá að bíða flutnings.
Eftir því sem árin líða eykst
ferðamannastraumur hér um
Breiðafjörð og fólk sem á leið til
Vestfjarða notar sér í ríkum mæli
að stytta sér leið með því að fara
með Baldri.
Keflavík - Viðgerð stendur nú yfir
í flugskýli Flugleiða á rússnesku
Boeing 727-100 ’ flugvélinni sem
varð að nauðlenda á Keflavíkurflug-
velli eftir flugtak í febrúar í vetur.
Engir farþegar voru um borð í vél-
inni, sem er innréttuð að hætti
auðkýfinga. Hún var á leið frá
Bandaríkjunum til Tartarstan með
viðkomu á Keflavíkurflugvelli.
Áhöfnin afþakkaði að vélin yrði
afísuð áður en hún hóf sig til flugs
að nýju með þeim afleiðingum að
ísing sogaðist inn í hreyfla vélarinn-
ar við flugtak og mátti litlu muna
að illa færi. Skipta þarf um einn
hreyfil af þrem og gera verulegar
lagfæringar á hinum tveimur. Að
sögn Valdimars Sæmundssonar,
deildarstjóra sölu- og skipulags-
deildar tæknisviðs Flugleiða, er
áætlað að verkið taki um vikutíma.