Morgunblaðið - 29.07.1994, Side 34

34 FÖSTUDAGUR 29. JÚLÍ 1994
MORGUNBLAÐIÐ
Dýraglens
/-7
\pESS!DÖOÓFOGL E/Z.
\A73ÖG HUGSONAELAUS /
\y~
Grettir
Tommi og Jenni
Ferdinand
Smáfólk
Jæja þá, svo þú lítur Hvað ef einhver kemur Sendu þá hingað bakvið.
grimmdarlega út við að verja inn í garðinn að framan?
bakgarðinn.
BREF
TTL BLAÐSINS
Kringlan 1 103 Reykjavík • Sími 691100 « Símbréf 691329
Utsendingar frá
heimsmeist-
arakeppninni
EFTIR sigur Rúmena á Argentínu í heims-
meistarakeppninni trolleruðu sigurvegar-
arnir þjálfara sinn Angel Iordanescu
Frá Gunnari Ólafssyni:
VEGNA frétta um skoðana-
könnun, sjálfsagt á vegum
Ríkissjónvarpsins í dag, þar
sem gortað var af því hve
margir hefðu horft á úrslit
heimsmeistarakeppninnar í
knattspyrnu.
Hafa þessir menn hjá
Sjónvarpinu enga sómatil-
finningu? Það er fjöldi heim-
ila sem ekki greiðir afnot
af Stöð 2 og því skárri kost-
ur en enginn að horfa nauð-
ugur viljugur á (úrslit)
heimsmeistarakeppninna(r)
í svokölluðu ríkissjónvarpi.
Mannréttindabrot
Hvernig geta þessir
menn hreykt sér af svo og
svo mikilli horfun þegar
aðeins er um eina stöð að ræða sem
allir verða að greiða veruleg gjöld
af, hvort sem fólki líkar betur eða
verr. Þetta er til ævarandi skammar
og efalaust hefði stjórn vor talið
þetta til mannréttindabrota, og haft
hátt um, á þeim árum sem mest var
talað um hversu almenningur í Rúss-
landi mætti lúta boðum og bönnum.
Er ekki mál til komið að almenning-
ur á íslandi, á þessari tækniöld,
geti sjálfur valið um þó ekki væri
nema einn annan möguleika svo
menn séu ekki hálf „skikkaðir" til,
vilji þeir horfa á sjónvarp á annað
borð, að glápa úr sér augun á mis-
góðan fótbolta daginn út og daginn
inn eða annað álíka íþróttaefni eftir
dutlungum íþróttaáhugamanna
stjórnenda sjónvarpsins og borga
fullt fyrir.
Kúgun
Þeir, sem verða og eiga engra
annarra kosta völ en að hlusta á það
sem þeim er skammtað í gegn um
ríkisfjölmiðil sem Ríkissjónvarpið er,
rísa ósjálfrátt gegn slíkri kúgun og
vilja að sjálfsögðu ákveða sjálfir
hvað þeir horfa á eða horfa ekki á.
Þegar áhorfendur sjónvarpsins á
Islandi verða nánast að sætta sig
við (áróðurskenndar) ákvarðanir
stjórnar Sjónvarpsins hefði það
eflaust verið flokkað undir áróður á
árum áður (sem var auðvitað ásamt
fleiru, íþróttir og annað sem þótti
gott og blessað fyrir landslýðinn)
Að auki segir minn smekkur mér
að af efni Ríkissjónvarpsins voru
aðrir liðir, svo sem bíómyndir og
annað dægurefni, af svo lélegu tagi
á tímabili fótboltans að ekki var
túskiidings virði á að horfa. Þetta er
kúgun.
GUNNAR ÓLAFSSON,
Traðarlandi 14,
105 Reykjavík.
Ungir atvinnuleys-
ingjar búnir til
Frá Birni S. Stefánsson
ÞAÐ ER í afleysingum á sumrin að
margt ungt fólk fær starfsreynslu
sem gerir það starfhæft einnig utan
sumarleyfatímans. Á Norðurlöndum
er mikið atvinnuleysi ungs fólks. Ég
er sannfærður um að því veldur að
nokkru stutt sumarleyfi skólafólks,
kennara og nemenda. Þar mótar
fjöidinn orlofstíma sinn með tilliti til
þess að skólar eru ekki lokaðir nema
tvo mánuði og tekur orlof á sama
tíma. Þess vegna er mikið um að
starfsemi, þótt ekki sé beint háð
starfsemi skólanna, leggst niður um
hásumarið. Hér á landi er minna um
þetta, heldur dreifist orlofstíminn
meira og skörðin verða svo Jreifð
að starfseminni er haldið gangandi
árið um kring. Fyrir vikið þurfa fyr-
irtæki að ráða í skörðin á sumrin.
Það gerir ungu fólki með litla starfs-
reynslu auðveldara að afla sér henn-
ar og verða þannig gjaldgengt á
vinnumarkaði árið um kring en verð-
ur í löndum með lengra skólaár.
Áþján
Þetta er sannfæring mín, en mál-
ið þarfnast nánari athugunar. Hún
virðist í fljótu bragði geta verið fólg-
in í því að ganga úr skugga um
það, til að mynda í Noregi, hvort
ekki sé líklegt að lenging sumarleyfa
skóla þar mundi leiða til fleiri at-
vinnufæra ungs fólks og yfirleitt
betri nýtingar atvinnutækja.
Annað þykir mér líklegt að athug-
un mundi leiða í ljós, það er að hin-
ar björtu vorvikur á Norðurlöndum
norðanverðum (í Noregi í Þrænda-
lögum og norðar) reynist ódrjúgar
til náms. Þá sé skólasetan áþján án
árangurs.
BJÖRN S. STEFÁNSSON
Kleppsvegi 40, Reykjavík.