Morgunblaðið - 22.12.1994, Blaðsíða 17

MORGUNBLAÐIÐ
FIMMTUDAGUR 22. DESEMBER 1994 17
____________FRÉTTIR; ÉVRÓPA_________________________
Hvert stefna
Frakkar í Evrópu?
París. Tlie Daily Telegraph.
FLEST bendir nú til að Edouard
Balladur eða Jacques Chirac taki við
embætti Frakklandsforseta er
Fran?ois Mitterrand lætur af emb-
ætti á fyrri hluta næsta árs. Báðir
tilheyra þeir flokki nýgaullista, RPR.
Breskir hægrimenn vonast til að
eignast þá bandamann í baráttunni
innan ESB gegn sambandsríkishug-
myndinni, en ekki er víst að sú verði
raunin..
Það er þó ljóst að mikil breyting
mun eiga sér stað á Evrópustefnu
Frakka. í forsetahöllinni Elysée ótt-
ast margir embættismenn að
Frakkar muni glutra niður hinni
sterku stöðu sinni við forsetaskipt-
in. „Þetta er spurning um virkni
(élan), um muninn á staðnaðri og
kraftmikilli framtíðarsýn," sagði
einn þeirra. í breska utanríkisráðu-
neytinu telja margir að nýtt tímabil
gaullisma sé að hefjast þar sem
þjóðríkið verði sett í öndvegi.
Nánara samstarf við Breta
Að ölium líkindum mun samstarf
Frakka og Breta verða nánara í
framtíðinni. Þegar Berlínarmúrinn
féll breyttist hið evrópska valdajafn-
vægi og Frakkar eru nú farnir að
gefa í skyn að Bretland eigi ásamt
Þýskalandi og Frakklandi að verða
forysturíki í Evrópu. Samstarf ríkj-
anna í Bosníu hefur einnig reynst
mikilvægt. Það að sjá Bretann Mich-
ael Rose í frönsku sjónvarpi stjórna
frönskum hersveitum og talandi eitt-
hvað sem líkist frönsku hefur gert
meira til að bæta samskipti þjóðanna
heldur en allar þær ræður sem Dou-
glas Hurd, utanríkisráðherra Bret-
VERÐUR Evrópuljóminn jafn skær í París næstu árin? Hér
má sjá bogann í Défense-hverfinu í sérstæðri lýsingu.
Utanríkisráðherra á EES-fundi
lands, hefur haldið Frökkum til dýrð-
ar.
Franskir stjórnmálamenn eru líka,
rétt eins og breskir starfsbræður
þeirra, búnir að uppgötva að hægt
er að næla sér í atkvæði með því
að ráðast á „Brussel". Einn þeirra
sem lengst hefur náð í þeirri list er
innanríkisráðherrann Charles
Pasqua, Korsíkubúinn sem vonast
eftir forsætisráðherraembættinu nái
Balladur kjöri.
Breskir íhaldsmenn vonast hins
vegar til að Chirac nái kjöri þó að
vissulega megi færa rök fyrir því að
hann sé vinstrisinnaðri en Mitterr-
and. Fái gaullismi hans að ráða ferð-
inni myndu Frakkar beijast enn harð-
ar fyrir hagsmunum bænda sinna og
váeru líklegri til að virða samkeppnis-
reglur ESB að vettugi. Menn mega
ekki gleyma að það var RPR sem
barðist harðast gegn GATT-sam-
komulaginu á sínum tíma.
Nýjar Evrópustofnanir
Og þó að gaullistar segist nú
vera andvígir sambandsríkishug-
myndum eru lausnir þær sem þeir
leggja til ekki í samræmi við hug-
myndir Breta. Uppi eru hugmyndir
um að leggja það til á ríkjaráðstefn-
unni 1996 að knésetja fram-
kvæmdastjórnina með tveimur nýj-
um stofnunum: Efri deild í Evrópu-
þinginu og fastanefnd ráðherra-
ráðsins í Brussel. Frakkar halda líka
fast í þá hugsjón sína að mynda
evrópskt risaveldi, sem væntanlega
þýðir sameiginleg utanríkisstefna,
sameiginleg peningastefna, sameig-
inlegur gjaldmiðill o.s.frv.
; Kröfur í tolla-
málum ítrekaðar
JÓN Baldvin Hannibalsson utan-
ríkisráðherra tók' upp í ræðu sinni
á ráðherrafundi Evrópska efnahags-
svæðisins í Brussel á þriðjudag tví-
hliða viðræður einstakra EFTA-
| ríkja við Evrópusambandið um tolla-
| mál, sem framundan eru. Ráðherr-
ann ítrekaði kröfur íslands og Nor-
' egs um að ekki yrðu teknir upp
nýir tollmúrar gagnvart þessum
ríkjum er Svíþjóð, Finnland og Aust-
urríki ganga í ESB.
í ræðunni visaði utanríkisráðherra
til sameiginlegrar yfirlýsingar EFTA
og ESB, sem fylgir EES-samningn-
um og íjallar um tengsl samningsins
við aðra gildandi samninga, sem
| EES-ríkin eiga aðild að. í yfirlýsing-
í unni kemur fram að samningurinn
skuli ekki hafa áhrif á réttindi sam-
W kvæmt öðrum samningum, þar til
að minnsta kosti samsvarandi rétt-
indi hafi náðst með samningnum.
Utanríkisráðherra sagði að andi
þessarar yfirlýsingar virtist benda til
sömu áttar og yfirlýsing EFTA-ráð-
herra frá í síðustu viku, um að við-
halda skyldi núverandi fríverzlun
milli ríkjanna, sem nú eru í EFTA.
Tímasetning ekki ákveðin
„Það er ekki búið að tímasetja
samningaviðræðurnar, en á fund-
inum kom fram almennur vilji til að
semja um þessi mál,“ sagði utanríkis-
ráðherra í samtali við Morgunblaðið.
Hann sagði að gert væri ráð fyrir
að viðræður færu fram fyrir áramót,
og EFTA-ríkin hefðu farið fram á
bráðabirgðasamkomulag frá áramót-
um, tækist ekki að semja um varan-
lega lausn fyrir þann tíma.
■ EES-samningurinn/31
...það er
gott að
tala...
...um jólin
Sanyo CLT 980
Þráðlaus sími
Verð: 29.406 kr. staðgreitt.
Nýjar reglur um greiðslumat
Aukið öryggi fyrir öllu
íbúðarkaup kalla á vel ígrundaða ákvörðun og mikilvægt er að vanda
þar til allra verka. Með tilkomu greiðslumats hafa einstaklingar átt
auðveldara með að átta sig á væntanlegri greiðslubyrði. Nú hefur
Húsnæðisstofnuri endurnýjað reglur sínar um greiðslumat og miða
þær að því að gera íbúðarkaup öruggari en áður.
Helstu breytingar eru þessar:
■ Miðað er við að greiðslubyrði allra lána fyrstu 3 árin eftir
íbúðarkaup, byggingu eða endurbætur, verði ekki hærri en
18% af heildarlaunum.
■ Meira tillit er tekið til sveiflukenndra launa en áður. Áhersla
er lögð á heildarlaun umsækjanda samkvæmt skattskýrslu í
stað mánaðarlauna síðustu þrjá mánuði.
■ Lánafyrirgreiðsla, s.s. skammtímalán banka til kaupanda,
verður að vera formlega staðfest sem ákvörðun.
■ Sala lausafjármuna, t.d. bíls, og aðstoð skyldmenna verður
að hafa farið fram áður en Húsnæðisstofnun samþykkir
kaup á veðskuldabréfi.
Leitið til viðskiptabanka ykkar eða annarra fjármálastofnana eftir
frekari upplýsingum varðandi hinar nýju reglur um greiðslumat.
dSlI HÚSNÆÐISSTOFNUN RÍKISINS
HÚSBRÉFAOEILD • SUÐURLANDSBRAUT 24
OPIÐ KL. 8-16 VIRKA DAGA
108 REYKJAVlK • SlMI 6? 6? 00