Morgunblaðið - 05.01.1995, Page 44

44 FIMMTUDAGUR 5. JANÚAR 1995
MORGUNBLAÐIÐ
Vampíran leysir
frá skjóðunni
STÓRMYNDIN Viðtal við vampíru
er nýársmynd Sambíóanna, en jafn-
framt er myndin sýnd í Keflavík og
á Akureyri. Með aðalhlutverk í
myndinni fara Tom Cruise, Brad Pitt,
Stephen Rea, Antonio Banderas,
Kirsten Dunst og Christian Slater.
Viðtal við vampíru er byggt á sam-
nefndri skáldsögu eftir bandarísku
skáldkonuna Anne Rice. Fjallar
myndin um tilvist hins ódauðlega
Lestats (Tom Cruise) sem í aldanna
rás nærist á blóði fórnarlamba sinna
og veitir þeim með því eilíft líf. Seint
á átjándu öldinni kemur til sögunnar
plantekrueigandinn Louis de Pointe
du Lac (Brad Pitt), harmi sleginn
dauðlegur maður sem misst hefur
bæði konu sína og nýfædda dóttur,
og líkt og fleiri lendir hann í klónum
á Lestat. Tvö hundruð
árum síðar, eða seint á
þessari öld, ákveður
hann svo að segja ungum
blaðamanni (Christian
Slater) sögu sína, sögu
um gimdir vampíru, ástríður, þrár,
sorgir, hrylling og algleymi.
Viðtal við vampíru er kvikmynda-
gerð fyrsta hluta sagnabálks Anne
Rice sem kallast Vampíruannálamir,
en Viðtal við vampíru kom fyrst út
árið 1976. Kvikmyndun sögunnar á
sér áralangan aðdraganda því marg-
ir höfðu hug á að koma henni á
hvíta tjaldið, en málið komst hins
vegar aldrei á það stig að það gæti
orðið að veruleika fyrr en athafna-
maðurinn David Geffen keypti kvik-
myndaréttinn.
Geffen hefur um tveggja áratuga
skeið framleitt kvikmyndir og leik-
húsverk auk þess sem hann hefur
stundað hljómplötuútgáfu. Meðal
mynda sem hann hefur framleitt em
Risky Business, Beetlejuice, Little
Shop of Horrors og M. Butterfly, og
meðal leikhúsverkanna eru Cats,
Little Shop of Horrors, M. Butterfly
og Miss Saigon. Nýlega var svo
kunngert að Geffen, Steven Spiel-
berg og Jeffrey Katzenberg hefðu
sett á laggimar nýtt fyrirtæki sem
meðal annars mun framleiða kvik-
myndir, sjónvarpsefni og tónlist.
Geffen fékk írska leikstjórann Neil
Jordan til að taka að sér leikstjóm
Viðtals við vampíru, en hann hafði
á nýjan leik vakið athygli á sér þeg-
ar hann leikstýrði The Crying Game
eftir að hafa gert myndirnar High
Spirits og We’re No Angels sem
báðar kolféllu.
Anne Rice varð síður en svo hrifín
þegar hún frétti að Tom Cruise hefði
verið valinn til að fara með aðalhlut-
verkið í myndinni og lét hún þá skoð-
un sína óspart í Ijós í fjölmiðlum að
hún teldi hann óhæfan í hlutverk
Lestat. Þegar hún svo sá kvikmynd-
ina fullgerða á myndbandi um miðjan
september síðastliðinn gerði hún sér
grein fyrir að hún hafði svo sannar-
lega haft rangt fyrir sér.
I yfirlýsingu sem hún sendi frá
sér og birt var í fjölmörgum víðlesn-
um tímaritum lofar hún
myndina og alla sem að
henni stóðu í hástert, og
segir hún Tom Cruise hafa
tekist með miklum ágætum
að vekja til lífsins alla þá
eiginleika sem hún hafi gætt sögu-
persónu sína. Hún segir tímann sem
kvikmyndatakan tók hafa verið sér
einstaklega sársaukafullan og erfið-
an, en þegar tillit sé tekið til efni-
viðarins hafí svo kannski einmitt átt
að vera. Vafalaust hafí þetta einnig
verið erfiður og sársaukafullur tími
fyrir aðra sem að gerð myndarinnar
komu og óskaði hún þess heitast að
hægt hefði verið að koma í veg fyrir
það. Þá vonaði hún að enginn hafi
orðið sár eða móðgaður, lítilsvirtur
eða gerður vandræðalegur.
í blaðaviðtali er haft eftir Rice að
allt þetta hafi kennt henni þá lexíu
að vera ekki of fljót að draga ályktan-
ir og vera ekki með neikvæðar yfír-
lýsingar á opinberum vettvangi.
„Þegar ég vildi ekki að Tom léki í
myndinni vakti sú yfírlýsing mikla
athygli, en hins vegar hafa sinna-
skipti mín ekki vakið jafn mikla at-
hygli. Það þykir mér mjög miður því
Tom er að öllu leyti sá sem ég hefði
óskað mér í hlutverkið. Hann er stór-
kostlegur sem Lestat og myndin er
hin ágætasta. Ég gæti því ekki verið
hamingjusamari," segir hún.
Haft hefur verið eftir Tom Cruige
að hann hafi orðið furðu lostinn
vegna gagntýni Anne Rice og honum
hafí liðið verulega illa í fyrstu. Þetta
hafí orðið til þess að hann hafí litið
yfír fjórtán ára leikferil sinn með
gagnrýnu hugarfari og það hafí orð-
ið til þess að hann endurheimti sjálfs-
traustið og gert honum kleift að tak-
ast á við hlutverk Lestats sem er
ólíkt öllu öðru sem hann hefur tekið
sér fyrir hendur. Hann lét því gagn-
rýnina ekki buga sig heldur sökkti
hann sér ótrauður í hlutverkið og
reyndi hvað hann gat að ná tökum
á því á sannfærandi hátt.
„Hver sem ímynd mín kann að
hafa verið þá var kominn tími til að
takast á við eitthvað nýtt. Leikurinn
breytist með hverri nýrri kvikmynd
og ég 'sjálfur tek breytingum. Við-
fangsefnin eru vissulega breytileg
og sem leikari var ég gagntekinn af
þeirri hugsun að takast á við eitt-
hvað alveg nýtt og óvenjulegt.
Ég hef áður heyrt gagnrýnisradd-
ir en það var þegar Oliver Stone
valdi mig til að leika í Bom On the
Fourth of July og einnig þegar mér
var falið að leika á móti Dustin Hoff-
man í Rain Man. Ég varð því að
segja við sjálfan mig að ég skyldi
leika þessa persónu hvað sem á
dyndi. Mér fannst ég hafa eitthvað
fram að færa í gerð myndarinnar
og því ákvað ég að láta ekki þetta
tækifæri ganga mér úr greipum,"
segir Cruise sem ásamt Brad Pitt
hefur þegar verið orðaður við Ósk-
arsverðlaun vegna frammistöðunnar
í Viðtali við vampíru.
Viðtal við vampíru hefur víðast
hvar hlotið lofsamlega dóma gagn-
rýnenda í Bandaríkjunum og þar
hefur myndin verið meðal þeirra
mest sóttu síðustu vikurnar. Mynd-
arinnar hafði verið beðið með mikilli
eftirvæntingu og fyrstu sýning-
arhelgina skilaði hún 36,4 milljónum
dollara í aðgangseyri, en áður höfðu
aðeins fjórar kvikmyndir hlotið meiri
aðsókn frumsýningarhelgina. Nokk-
uð hefur dregið úr aðsókninni síðan
en engu að síður er reiknað með að
myndin skili vel á annað hundrað
milljónum í kassann í Bandaríkjunum
einum.
Cruise stór-
kostlegur
sem Lestat
LOUIS de Pointe du Lac í miklum ham við að eyðileggja leik-
hús vampíranna í kvikmyndinni Viðtal við vampíru.
LESTAT (Tom Cruise) hefur í aldanna rás varðveitt ódauðleika
sinn með því að nærast á blóði fórnarlamba sinna.
BLAÐAMAÐURINN (Christian Slater) hlýðir á frásögn Louis
(Brad Pitt) um allt sem á daga hans hefur drifið sem vampíra.
NBffé dagar hefjast á föstudag
Lokað í dag, , 10-50%
fimmtudag. NEffB verðlækkun.
UUMVEGI30 SÍMI624225
Okkar frábæra útsala er hafin.
Fataefni - fatnaður - gardínuefni
- kappar og margt fleira.
Hólagarði, Lóuhólum 2-6, sími 72010