Morgunblaðið - 21.02.1995, Blaðsíða 11

MORGUNBLAÐIÐ
ÞRIÐJUDAGUR 21. FEBRÚAR 1995 11
FRÉTTIR
Formaður Alþýðubandalagsins segir flokkinn ganga til kosninga með skýra vinstri stefnu
Kosið verður um
vinstri eða hægri
ríkisstjórn
Morgunblaðið/Þorkell
ÓLAFUR Ragnar Grímsson, Bryndís Hlöðversdóttir og Ögmundur Jónasson kynntu kosningastefnu-
skrá Alþýðubandalagsins og óháðra fyrir fjölmiðlum að loknu stefnuþingi G-listans um helgina.
„í ÞESSUM kosningum verður kos-
ið um hvort hægri veturinn heldur
áfram á íslandi eða hvort hér verð-
ur innleitt vinstra vor,“ sagði Ólafur
Ragnar Grímsson, formaður Ai-
þýðubandalagsins, á stefnuþingi
Alþýðubandalagsins og óháðra um
helgina. Flokkurinn heitir því í
kosningastefnu sinni að taka aftur
ýmsar þær aðgerðir sem núverandi
ríkisstjórn hefur hrundið í fram-
kvæmd, einkum á sviði mennta-,
heilbrigðis- og skattamála.
Ólafur Ragnar sagði að Alþýðu-
bandalagið gengi til þessara kosn-
inga með skýra vinstri stefnu.
Flokkurinn vildi bjóða kjósendum.
upp á skýran valkost fyrir þá sem
vildu að snúið yrði frá þeirri stjórn-
arstefnu sem núverandi ríkisstjórn-
arflokkar hefði fylgt á kjörtímabil-
inu. Þess vegna gengi Alþýðu-
bandalagið til kosninga undir slag-
orðinu „vinstri kjölfesta - vinstri
lífskjör - vinstra vor“. Aðspurður
neitaði Ólafur Ragnar að flokkurinn
væri með þessari áherslu að færa
sig lengra til vinstri.
„Við munum í ríkisstjórn afnema
þau gjöld á nemendur, sjúklinga og
aldraða sem núverandi ríkisstjórn
hefur innleitt. Sjúklingaskattarnir
og nemendaskattarriir verða lagðir
niður með valdatöku Alþýðubanda-
lagsins í stjórnarráðinu á íslandi í
apríl,“ sagði Ólafur Ragnar á
stefnuþinginu.
í atvinnumálum leggur Alþýðu-
bandalagið áherslu á útflutnings-
leiðina, sem flokkurinn kynnti á
síðasta ári. Flokkurinn telur að at-
vinnuuppbygging íslendinga eigi að
byggjast á útflutningi á nýja mark-
aði í Asíu og Ameríku þar sem
hagvöxtur sé hvað mestur í heimin-
um í dag. Ólafur Ragnar sagði að
flokkar sem einblíni á Evrópumark:
að fylgdu stefnu gamals tíma. í
ályktunum stefnuþingsins segir að
G-listinn telji að innganga í Evrópu-
sambandið þjóni ekki hagsmunum
íslendinga.
Sköttum létt af lágtekjufólki
í launamálum leggur flokkurinn
til að stefnt verði að 10-15 þúsund
króna hækkun lægstu launa og að
grundvöllur verði lagður að einfald-
ara og gegnsærra launakerfi fyrir
allar stéttir. Gripið verði til mark-
vissra aðgerða til að rétta hlut
kvenna. Þá er lögð áhersla á að
tryggt verði með nýjum lögum
bætt starfsöryggi fískvinnslufólks
og annars launafólks.
Bryndís Hlöðversdóttir, lögfræð-
ingur ASÍ og frambjóðandi Alþýðu-
bandalagsins, sagði að flokkurinn
vildi að sett yrðu lög sem skylduðu
atvinnurekendur til að gefa starfs-
manni upp ástæðu uppsagnar. Hún
sagði að auðveldara væri fyrir at-
vinnurekendur að segja starfsfólki
upp störfum hér á landi en víða í
nágrannalöndum okkar.
I skattamálum vill Alþýðubanda-
lagið að skattleysismörk verði
hækkuð í áföngum, tvísköttun líf-
eyrisgreiðslna verði afnumin, sett
verði ný jöfnunarákvæði um vaxta-
bætur, húsaleigubætur og barna-
bætur og lagður verði á hátekju-
skattur og fjármagnsskattur.
Ögmundur Jónasson, formaður
BSRB og frambjóðandi G-listans í
Reykjavík, sagði að núverandi ríkis-
stjórnin hefði á kjörtímabilinu fært
um 7 milljarða skattbyrði frá at-
vinnufyrirtækjunum og hátekju-
fólki til þeirra sem hefðu litlar tekj-
ur eða meðal tekjur. Þessa fjármuni
vildi Alþýðubandalagið færa til
baka til þeirra sem hefðu minni
tekjur.
Tveir milljarðar til
menntamála
Alþýðubandalagið vill sömuleiðis
skila til baka þeim tveimur milljörð-
um, sem flokkurinn segir að ríkis-
stjórnin hafi flutt frá menntakerf-
inu á kjörtímabilinu. Lögum um
grunnskóla _frá árinu 1991 verði
framfylgt. Ólafur Ragnar sagði á
fundinum að ísland verði álíka mikl-
um fjármunum til menntamála í dag
og Tyrkland og Portúgal og væri í
einu af neðstu sætunum meðal að-
ildarþjóða OECD hvað varðar fram-
lög til menntamála.
„Þjóð sem heldur áfram að með-
höndla menntakerfið á grundvelli
þeirrar hægristefnu sem hér hefur
ríkt á undanförnum árum mun tapa
og tapa í hinni hörðu samkeppni
veraldarinnar um lífskjörin," sagði
Ólafur Ragnar.
Fjárlög til tveggja ára
’ Alþýðubandalagið vill að tekið
verði á vanda þeirra sem eiga í
greiðsluerfiðleikum vegna hús-
næðisskulda þannig að greiðslu-
byrðin verði innan við 20% af heild-
artekjum.
G-listinn leggur áherslu á ein-
faldara og ódýrara stjórnkerfi.
Verkaskipting ráðuneyta verði end-
urskoðuð og þeim fækkað á kjör-
tímabilinu. Fjárlög verði gerð til
tveggja ára og gerð verði sérstök
samgöngufjárlög þar sem fjárveit-
ingar til vegamál, flugmála og hafn-
armála verði felldar saman í eina
heild.
í kafla um sjávarútvegsmál seg-
ir: „Tryggja verður að arðurinn af
sameiginlegri auðlind þjóðarinnar
renni til íbúa byggðanna og lands-
manna allra, en ekki til fáeinna
útgerðaraðila.“ Breytingar á fisk-
veiðistjórn verði að miða að því að
tryggja vistvænar veiðar, rétt
smærri fiskiskipa til veiða á grunn-
slóð og að byggðarlögin njóti þeirr-
ar hagkvæmni sem felist í nálægð
við fiskimið.
Andlát
BJÖRN JÓNSSON
BJÖRN Jónsson, lækn-
ir, (Bjössi Bomm), lést
í Kanada sunnudaginn
19. febrúar, 74 ára að
aldri.
Hann var fæddur á
Sauðárkróki 21. maí
1920, einn af 10 börn-
um Jóns Þ. Bjömsson-
ar, skólastjóra og Geir-
laugar Jóhannesdótt-
ur, fyrri konu hans.
Vegna veikinda
móður sinnar var hon-
um komið í fóstur hjá
Álfheiði og Kristjáni
Blöndal á Sauðárkróki
og ólst hann upp hjá
þeim.
Björn lauk stúdentsprófi frá MA
og læknisprófi frá Háskóla íslands.
1948 hélt Björn til framhaldsnáms
í Kanada og bjó þar síðan. Lengst
af starfaði hann sem yfirlæknir við
sjúkrahúsið í Swan River, Man-
itoba.
Hann kvæntist Iris Muriel Reid
og eignuðust þau 4
börn: Jón, Randver
Fitzgerald, Atla Brian
og Álfheiði Sheilu,
sem öll eru uppkomin
og búa í Kanada.
Björn átti dóttur,
Geirlaugu, áður en
hann fór utan.
Hin síðari ár sinnti
Björn að mestu stjarn-
fræði- og goðfræði-
rannsóknum og gaf
nýlega út bók um þau
efni „Star Myths of
the Vikings". Einnig
ritaði hann æviminn-
ingar sínar: Glampar
á götu og Þurrt og
blautt að vestan. í þeirri fyrri lýsir
hann á sinn íjörlega hátt uppvaxt-
arárum og uppátækjum í Kanada
en í þeirri síðari námsárum og lækn-
isstörfum hér heima, lífi sínu og
starfi í Kanada, baráttunni við
Bakkus, svo og mörgum samferða-
mönnum þar vestra.
Björn Jónsson
Umferðarátak á SV-landi
LÖGREGLAN á Suðvesturlandi
verður með sameiginlegt umferðar-
átak í dag og næstu daga. Tilgangur-
inn er að ná til sem flestra öku-
manna og huga að ástandi ökutækja
þeirra.
Ætlunin er að virkja allan þann
mannskap, sem embættin hafa yfir
að ráða, til þessa verkefnis eftir því
sem kostur er. Auk þess að kanna
ástand ökutækja og -manna, er ætl-
unin að reyna að vekja athygli þeirra
á nauðsyn þess að draga þurfi úr
tíðni umferðarslys hér á landi. Til
þess að svo megi verða þarf að fá
sem flesta vegfarendur til að leggja
sitt af mörkum til bættrar umferðar-
menningar.
SIEMENS
D
DC
NY ÞVOTTAVEL A NYJU VERÐI!
• 11 kerfisinnstillingar fyrir suðuþvott,
mislitan þvott, straufrítt og ull
• Vinduhraði 500 - 800 sn./mín.
• Tekur mest 4,5 kg
• Sparnaðarhnappur (1/2)
• Hagkvæmnihnappur (e)
• Skolstöðvunarhnappur
• Sérstakt ullarkerfi
• l'slenskir leiðarvísar
Og verðið er ótrúlega gott.
Siemens þvottavél á aðeins
kr. 59.430 stgr.
SMITH & NORLAND
NÓATÚNI 4 • SÍMI 628300
Viljir þú endingu og gæói-
Akranes:
Rafþjónusta Sigurdórs
Borgarnes:
Glitnir
Borgarfjörður:
Rafstofan Hvítárskála
Hellissandur:
Blómsturvellir
Grundarfjörður:
Guðni Hallgrímsson
Stykkishólmur.
Skipavík
Búðardalur:
Ásubúð
ísafjörður:
Póllinn
Hvammstangi:
. Skjanni
Sauðárkrókur:
Rafsjá
Siglufjörður:
Torgið
Akureyri:
Ljósgjafinn
Húsavík:
öryggi
Þórshöfn:
Norðurraf