Morgunblaðið - 21.02.1995, Blaðsíða 8

8 ÞRIÐJUDAGUR 21. FEBRÚAR 1995
MORGUNBLAÐIÐ
FRÉTTIR
Skoöanakönnun D V um fylgi flokkanna:
Búðarræningi hótaði að
skera afgreiðslustúlku
VERSLUNIN Áskjör við Ásgarð
í Bústaðahverfi var rænd um
klukkan 10 á sunnudagskvöld.
Maður með andlitið hulið, annað
hvort með hettu eða treflum, kom
inn í verslunina í þann mund sem
ísabella María Markan, 19 ára
afgreiðslustúlka, var að gera upp
peningakassa. Hann skipaði henni
að láta af hendi peninga og hljóp
síðan á brott með ránsfenginn,
u.þ.b. 14 þúsund krónur.
ísabella segist hafa verið búin
að gera allt klárt fyrir lokun í
búðinni, m.a. slökkva ljós - allt
nema læsa - því hún hafði hleypt
þremur þrettán, fjórtán ára göml-
um strákum, sem hún þekkti, inn
eftir að hún var í raun búin að
loka.
Hótaði að skera hana
Morgunblaðið/Júlíus
ÍSABELLA Marla Markan, 19 ára, var að gera upp
kassann í Áskjöri þegar búðin var rænd.
HNÍFURINN sem ræninginn henti
frá sér á hlaupunum.
„Ég er að ' fara að afgreiða
strákana og er með uppgjörið í
höndunum þegar strákurinn kem-
ur hlaupandi inn. Hann kemur
beint að kassanum og heimtar
peningana. Ég hef það fyrir reglu
að taka alltaf úr kassanum til að
hafa ekki mikið í honum. Vegna
þess hvað þetta var lítið þá heimt-
ar hann að ég opni kassann. Ég
segi við hann að það sé ekki neitt
í honum og þá er það sem hann
otar hnífnum að mér og segir að
hann muni skera mig ef ég opni
ekki. Þá opna ég kassann til að
fullvissa hann um að það sé ekk-
ert þar og þá hleypur hann út
aftur með uppgjörið sem ég hafði
haft í höndunum.
Ég hringdi heim til mín strax
og lét vita en ég á heima hérna
beint fyrir neðan búðina. Ég var
í það miklu stresskasti að ég
mundi ekki einu sinni símanúmer-
ið hjá lögreglunni. Foreldrar mínir
hringdu þangað og komu strax.
Lögreglan var svo komin stuttu
seinna," segir ísabella.
Hélt fyrst að þetta væri grín
Hún segir að strákarnir, sem
voru inni í búðinni hafí orðið mjög
hræddir. „Um leið og þeir sáu að
það var einhver alvara í þessu þá
urðu þeir hræddir. Ég hélt nefni-
lega að þetta væri bara grín í
fyrstu. Hann var það lítill að ég
hélt jafnvel að hann væri með litlu
strákunum. En um leið og þeir
áttuðu sig á því hvað var að ger-
ast þá hlupu þeir út og hann stuttu
á eftir. Hann elti þann sem var
síðastur í röðinni einhvem spöl en
hljóp svo í aðra átt. Þeir hlupu
strax heim til mín. Þeir þekkja
mig það vel að þeir ætluðu að láta
vita heima.“
ísabella segist ekki_ hafa séð
hnífinn almennilega. „Ég hélt nú
alltaf að þetta
væri raspur eða
eitthvað svoleiðis,
þetta var svo
rosalega langt.
Ég sá þetta aldrei
nógu vel, hann
beindi þessu upp
að mér og hélt því
svo niður með síð-
unni.“
Verður ekki ein
á vakt aftur
Aðspurð hvort
hún hefði verið
skelkuð sagðist
ísabella hafa verið lengi að átta
sig á þessu og hefði aðallega ver-
ið skelfd eftir á. Hún segist ekki
ætla að hætta að vinna í búðinni
en það sé búið að ákveða að hún
verði ekki ein á vakt aftur.
Vegfarandi sá manninn henda
einhveiju frá sér eftir að hann
kom út úr versluninni og lét lög-
reglu vita um það. Þar fannst
hnífur sá sem sést á meðfylgjandi
mynd. Ef einhver saknar svona
hnífs er hann beðinn um að gefa
sig fram við Rannsóknarlögreglu
ríkisins.
Breytingar á bifreiðasköttum
Ríkið á ekki að
stýra bílaeign
þjóðarinnar
FRIÐRIK Sophus-
son fjármálaráð-
herra segir að
leggja eigi aukna áherslu
á að skattleggja notkun
bifreiða fremur en bif-
reiðakaupin sjálf. Hann
segir að ríkið eigi ekki
stýra því hvernig bílum
fólk vill vera á. Hann tel-
ur brýnt að verði þunga-
skattkerfíð aflagt og
olíugjald tekið upp verði
gerðar breytingar til að
jafna stöðu díselbifreiða
og bensínbifreiða. Friðrik
segir að bílamarkaðurinn
hérlendis sé enn að jafna
sig eftir tollabreytingar
sem gerðar voru árið
1986.
Hallgrímur Gunnars-
son formaður Bílgreina-
sambandsins sagði í samtali við
Morgunblaðið fyrir nokkru að það
háði bílgreininni að stjómvöld
breyttu leikreglunum sem fyrir-
tækin eiga að starfa eftir of oft.
Hann sagði að mishá gjöld væru
á bílum eftir vélarstærð sem
leiddi oft til þess að fólk keypti
minni bíla en það hefði þörf fyrir.
Fjármálaráðherra segir að bif-
reiðin gegni mikilvægu hlutverki
hérlendis og það sýnis sig best í
því að fáar þjóðir í heiminum eigi
jafn marga bíla á hvem íbúa og
íslendingar. „Samdrátt í bílainn-
flutningi síðustu ár má fyrst og
fermst rekja til bágs efnahags-
ástands en ekki þess að bifreiðin
sé orðin að munaðarvöru. Fleiri
fjölskyldur hafa látið einn bíl
nægja á heimili og keypt minni
og sparneytnari bíla en áður. Auk
þess má benda á að eftir tolla-
lækkanir á bifreiðum árið 1986
jókst bílasala verulega og auðvit-
að var markaðurinn mettur um
nokkurt skeið eftir það. Hins veg-
ar er ljóst að þegar þessar bifreið-
ar fara úr umferð sem er á næstu
ámm, verður aftur aukning í bif-
reiðasölu," segir Friðrik.
I'jármálaráðherra segir að rík-
ið eigi ekki stýra því hvernig bíl-
um fólk vill vera á. „Það á ekki
að refsa stórum fjöl- ----------
skyldum með því að
skattleggja stórar bif-
reiðir sérstaklega. Það
á að leggja aukna
áherslu á að skatt-
leggja notkun bifreiða fremur en
bifreiðakaupin sjálf. Það er meg-
ininntakið í þeirri vinnu sem fram
hefur farið á mínum vegum til
að skoða hvernig æskilegast sé
að skattleggja bifreiðar og bif-
reiðanotkun. Ég tel rétt að nú
þegar betur horfir í efnahagslíf-
inu og stöðugleiki ríkir eigi að
Friðrik Sophusson
►Friðrik Sophusson fjármála-
ráðherra er fæddur 18. októ-
ber 1943 í Reykjavík. Hann
varð stúdent frá Menntaskól-
anum í Reykjavík 1963 og lauk
lögfræðiprófi frá Háskóla ís-
lands 1972. Friðrik starfaði
sem kennari og siðan sem
framkvæmdastjóri Stjórnunar-
félagsins 1972-1978, en þá var
hann kjörinn á þing fyrir Sjálf-
stæðisflokkinn. Hann var
framkvæmdasljóri Hraðfrysti-
hússins í Hnífsdal í sumar-
afleysinpim 1978-1986. Frið-
rik var iðnaðarráðherra 1987-
1988 og hefur verið fjármála-
ráðherra frá 1991. Kona Frið-
riks er Sigríður Dúna Krist-
mundsdóttir, lektor í mann-
fræði. Með henni á hann eina
dóttur og stjúpson, auk þess
sem hann á fimm önnur börn.
Bíllinn er
ekki munaðar-
vara
taka þessi mál til endurskoðunar
og draga úr neyslustýringu. Va-
rast ber þó að fara í breytingar
að óyfírveguðu máli því við höfum
ekkert við fleiri kollsteypur að
gera í bílamálum eins og með
tollalækkununum árið 1986 sem
aðilar vinnumarkaðarins lögðu
til.“
Friðrik segir það rétt sem fram
-------- kom hjá Hallgrími
Gunnarssyni að veru-
legar sveiflur hafi átt
sér stað í skattlagningu
á bifreiðum. Markaður-
inn sé enn að jafna sig
tollabreytingarnar árið
„Það hefur auðvitað ýtt
óstöðugleikann hjá bíl-
eftir
1986.
undir
greininni og skapað óvissu. Um
mitt ár 1993 voru gerðar breyt-
ingar til einföldunar á vörugjald-
skerfí bifreiða en þá var flokkun-
um fækkað úr sjö í fjóra sem var
án efa til góða,“ segir Friðrik.
Borgin styrkir fram-
leiðslu á pappakössum
BORGARRAÐ hefur samþykkt til-
lögu atvinnumálanefndar um að
veita fyrirtækinu Samhentir sf.,
mánaðarlegan styrk í sex mánuði
til greiðslu á húsaleigu í Faxaskála.
Fyrirtækið hyggst framleiða pappa-
kassa í yfírstærðum til nota í sjávar-
útvegi.
í tillögu atvinnumálanefndar
kemur fram að húsaleigan er áætluð
100 þús. krónur á mánuði eða 600
þús. fyrir tímabilið í heild. í erindi
forsvarsmanna fyrirtækisins til Afl-
vaka Reykjavíkur hf., segir að rekst-
ur sé enn ekki hafinn en verið sé
að kanna framleiðsluaðferðir og verð
vörunnar. Stuðst sé við sýnishorn
frá Kanada og kemur fram að fram-
leiðendur hráefnis í Kanada hafi trú
á efnisvalinu.
Þá hafi yfirmenn byrgðamála hjá
Sölumiðstöð Hraðfrystihúsanna og
íslenskum sjávarafurðum verið
hlynntir framtakinu svo fremi sem
um rétta vöru yrði að ræða, rétt
gæði og samkeppnishæft verð.