Morgunblaðið - 24.03.1995, Blaðsíða 6
6 FÖSTUDAGUR 24. MARZ 1995
MORGUNBLAÐIÐ
FRÉTTIR
Bruggverk-
smiðja og
hasspartí
upprætt
LÖGREGLAN í Hafnarfirði
gerði í fyrrakvöld upptæk
tæki til áfengisframleiðslu og
stöðvaði á sama stað sam-
kvæmi þar sem var verið að
reykja hass.
Engin framleiðsla var í
gangi í bruggverksmiðjunni,
sem var í húsi í útjaðri
Hafnarfjarðar. Eimingartæk-
in voru í minni kantinum en
þrjár tunnur voru á staðnum,
tvær 200 lítra og ein 100 lítra.
í húsnæðinu voru 7 menn
um tvítugt við hassneyslu. Þar
fannst einnig smávegis hass
og þrjár hasspípur.
Mennirnir voru yfirheyrðir
í fyrrinótt og síðan sleppt. í
yfirheyrslunum kom fram að
bruggtækin hefðu síðast verið
notuð til áfengisframleiðslu
fyrir u.þ.b. hálfum mánuði.
Einn mannanna hefur áður
komið við sögu svipaðra mála
en hann var tekinn fyrir
landasölu fyrir tæpum tveim-
ur árum, samkvæmt upplýs-
ingum frá rannsóknardeild
lögreglunnar i Hafnarfirði.
Keyrðu inn
í sjoppu
LÖGREGLUNNI í Reykjavík
var á þriðja tímanum í fyrri-
nótt gert viðvart um grun-
samlegar ferðir bifreiðar á
Breiðholtsbraut. Þegar lög-
reglan ætlaði að ná tali af
ökumanni reyndi hann ýmsar
kúnstir til að stinga af, árang-
urslausar þó.
Tveir menn um tvítugt, sem
í bílnum voru, virtust vera í
annarlegu ástandi. í bílnum
voru plastpokar með lukkup-
áskaeggjum, eldspýtustokk-
um, á fimmta tug einnota
kveikjara, tæplega 100 pakk-
ar af smávindlum og sígarett-
um ásamt ýmsu öðru smá-
legu.
Eftir nokkrar viðræður við-
urkenndu mennimir að hafa
ekið bifreiðinni í gegnum hurð
á sölutumi við Smiðjuveg í
Kópavogi og látið greipar
sópa. Vamingurinn í plast-
pokunum kom heim og saman
við það sem saknað var úr
sjoppunni.
Mennimir vora fluttir á
lögreglustöð og fengu að gista
fangageymslur það sem eftir
var nætur.
Smygl fannst
um borð í
Hofsjökli
LÖGREGLAN á ísafírði lagði
hald á um 30 lítra af smygl-
uðu áfengi um borð í Hof-
sjökli seint í fyrrakvöld þegar
hann kom til hafnar á Flat-
eyri.
Samkvæmt upplýsingum
frá rannsóknardeild lögregl-
unnar á ísafírði var búið að
tollskoða skipið þegar skyndi-
skoðun var gerð og fannst þá
áfengið.
Málið telst vera upplýst en
maður í landi gekkst við því
að hafa ætlað að kaupa áfeng-
ið af einum skipverja Hofsjö-
kuls.
Morgunblaðið/Ámi Sæberg
EIRÍKUR Jónsson formaður KÍ, Þorsteinri Geirsson formaður SNR og Þórir Einarsson ríkissátta-
semjari ræðast við á göngum Karphússins síðdegis í gær.
Aukin harka færist í verkfall kennara
Kennslu fatlaðra
bama verður hætt
VERKFALLSSTJÓRN kennarafé-
laganna hefur afturkallað allar
heimildir sem veittar hafa verið til
vinnu félagsmanna í verkfalli frá og
með nk. mánudegi. í yfirlýsingu frá
verkfallsstjórn segir að neyðar-
ástand sé að skapast bæði í grunn-
og framhaldsskólum og því sé ekki
rétt að heimila kennurum að afstýra
ófremdarástandi í einstökum tilvik-
um.
í yfírlýsingu frá verkfallsstjórn
segir: „Verði ekki samið næstu daga
er augljóst að ekki verður hægt að
ljúka skólaárinu og mun því skapast
öngþveiti í skólamálum í haust.
Verkfallsstjóm telur því ekki rétt
að heimila vinnu kennara í verkfalli
til að afstýra ófremdarástandi í ein-
stökum tilvikum þegar Ijóst er að
neyðarástandið er orðið almennt.
Kennarar sem undanfarnar vikur
hafa unnið á undanþágu hafa mátt
búa við launakjör sem eru einhliða
ákveðin af fjármálaráðuneytinu.
Formenn kennararfélaganna lögðu
fram kröfu þann 11. mars um að
laun kennara á undanþágu yrðu þau
sömu og þau voru fyrir verkfall.
Þessari kröfu hefur enn ekki verið
svarað, þrátt fyrir ítrekuð tilmæli
um slíkt. Verkfallsstjórn telur sér
ekki fært að taka þátt í að standa
að ákvörðunum sem gera félags-
mönnum „skylt að vinna á smánar-
launum i verkfallinu."
Kemur sér illa
Ásta B. Þorsteinsdóttir, formaður
Þroskahjálpar, sagðist harma þessa
ákvörðun verkfallsstjórnar. Hún
sagði að sú lausn sem fundist hefði
á vanda þeirra fötluðu nemenda sem
kennt hefur verið í verkfallinu hefði
verið farsæl. „Þessi kennsla hefur
komið sér geysilega vel fyrir þá nem-
endur sem hennar hafa notið.
Ákvörðun verkfallsstjórnar á eftir
að koma illa við marga,“ sagði Ásta.
Tæplega 30 kennarar hafa kennt
í verkfallinu.
RKÍ vildi heildar-
samning við ríkið
Rekstur
sjúkraflutn-
inga erfiður
úti á landi
SIGRÚN Ámadóttir, fram-
kvæmdastjóri Rauða krossins,
segir það hafa verið ákvörðun
aðalfundar samtakanna í haust að
ganga til viðræðna við heilbrigðis-
ráðuneytið með það að markmiði
að leita eftir heildarsamningi um
sjúkraflutninga á landinu öllu.
Segir Sigrún hagræðingar- og
stjórnunarsjónarmið hafa ráðið
þeirri ákvörðun því rekstur sjúkra-
flutninga gangi erfíðlega hjá
mörgum minni deildum samtak-
anna úti á landi.
Viðræður hafa staðið yfir við
nefnd ráðuneytisins frá því í haust,
að sögn Sigrúnar, og fór ráðherra
fram á að Rauði krossinn gerði
grein fyrir því hvernig samtökin
gætu sinnt sjúkraflutningum með
tiltekna fjárhæð í huga.
Stefnt að 50
milljóna sparnaði
Að sögn Daggar Pálsdóttur,
lögfræðings í heilbrigðisráðuneyt-
inu, ber ríkið um 260 milljóna
kostnað nettó af sjúkraflutningum
á landinu og ætlunin að spara um
50 milljónir á ári.
„Við kynntum okkar niðurstöð-
ur um hvað þetta myndi kosta,
lögðum fram drög að samningi og
vonumst eftir svari sem fyrst,“
segir Sigrún en gögnin vora lögð
fram á mánudag. „Yfir 90%
sjúkrabíla á landinu eru í okkar
eigu og reksturinn hefur verið
mjög erfiður hjá minni deildum,“
segir hún. Er um að ræða 60
sjúkrabíla að hennar sögn.
Flugfreyjum var boðin almenn launahækkun o g kjarabót með hagræðingu
Flugfreyjur leggja
áherslu á að þeim vérði
gert kieift að hætta
störfum fyrr en nú er,
Yfírmenn Flugleiða ætla
að ganga í störf flug-
freyja, en þær efast um
að þeim sé það heimilt.
Vilja hætta
að fijúga við
63 ára aldur
SAMNINGAR flugfreyja hafa ver-
ið lausir frá 1. mars 1993. „Fyrsta
árið fór í að ræða sparnaðaráætl-
anir Flugleiða, en í janúar 1994
lögðum við fram tillögur að breytt-
um kjarasamningum," sagði Erla
Hatlemark, formaður Flugfreyju-
félags íslands, í samtali við Morg-
unblaðið. „Frá þeim tíma hafa ver-
ið reglulegir fundir, en við vísuðum
málinu til ríkissáttasemjara í októ-
ber. Síðasti fundur fyrir boðað
verkfall var 23. febrúar, en svo
hittust samninganefndirnar að
nýju sl. miðvikudag. Á þessu langa
tímabili höfum við átt -------
gagnlegar viðræður, en Flugfreyjur
en" hefíir ekkert verið neita að tilboð
sett á blað. KavSa#
Erla sagði að það hafl borÍSt
hefði komið sér veralega
á óvart að lesa þá fullyrðingu Flug-
leiðamanna að flugfreyjur hefðu
hafnað tilboði félagsins um kaup-
hækkanir til jafns við það sem
samið hefði verið um á almennum
markaði. „Það var ekkert formlegt
tilboð lagt fram á samningafundin-
um,“ sagði hún. „Samninganefnd
Flugleiða var með samkomulag
ASÍ/VSÍ í höndunum og við höfum
áður sagt að við höfum ekkert út
á það að setja. Við höfum hins
vegar viljað fá sérkröfur okkar
ræddar, sem fyrst og fremst snú-
ast um að flugfreyjur geti látið
fyrr af störfum. Við höfum nefnt
63 eða 65 ára aldur sem viðmiðun
og bent á, að ef flugfreyja með
áratugareynslu að baki lætur af
starfi, þá er ráðin ný flugfreyja í
staðinn. Hún er eðlilega í lægra
launaþrepi og við viljum ræða þann
möguleika að mismunurinn á laun-
unum komi eldri flugfreyjunni til
--------- góða, svo hún geti brúað
bilið þar til lífeyrissjóðs-
greiðslur taka við.“
Einar Sigurðsson,
blaðafulltrúi Flugleiða,
sagði að fyrirtækið hefði
vissulega lagt fram tilboð á samn-
ingafundi með flugfreyjum. Það
hefði falið í sér sömu hækkanir
og á almennum vinnumarkaði, auk
yfirlýsingar um að gengið yrði til
viðræðna um hagræðingu, sem
kæmi fyrirtækinu og flugfreyjum
til góða. Sem dæmi um slíka samn-
inga nefndi Einar, að flugfreyjur
hefðu árið 1989 tekið að sér sölu
á vamingi um borð í vélum félags-
ins og fengju í staðinn ágóðahlut
sem næmi að meðaltali 4-7% af
heildarlaunum þeirra. Þá hefði fal-
ist í tilboðinu að Flugleiðir sam-
þykktu að tryggja flugfreyjum
starf á jörðu niðri, vilji þær láta
af flugfreyjustarfi við 63 ára ald-
ur. Slíka starfstryggingu hafi eng-
inn annar hópur innan fyrirtækis-
ins.
Erla Hatlemark sagði að þrátt
fyrir að það væri erfitt fyrir 63
ára flugfreyju að halda áfram að
sinna sínu starfi að fullu, ________
þá væri enn erfiðara að
þurfa að þjálfa sig upp
í að gegna nýju starfi á
þeim aldri. __________
Flugfreyjur telja að
það sé hæpið að fjöldi yfirmanna
hjá Flugleiðum sinni öryggisþjón-
ustu í flugvélum, verði af verk-
falli. „Þrátt fyrir að það sé viður-
kennt að yfirmenn geti gengið í
störf undirmanna í verkfalli, þá
viljum við láta meta hvort allir
þeir yfírmenn, sem nú ætla að
gegna störfum um borð í flugvél-
Flugleiðir
bjóða starfs-
tryggingu
um, falla undir þá skilgreiningu.
Reglan er sú, að einn starfmaður
sinnir hveijum 50 farþegum, svo
það þarf marga yfirmenn til að
veita þessa öryggisþjónustu. Þá
þurfa þeir einnig að hlíta sömu
reglum og flugfreyjur um hvíldar-
tíma.“
Flugfreyjufélagið er innan vé-
banda ASI og hefur verið rætt um
að leita til alþjóðlegra sambanda,
sem ASÍ á aðild að, um stuðnings-
aðgerðir við flugfreyjur, til dæmis
vegna þjónustu við vélar Flugleiða,
ef talið er að fyrirtækið fari offari
í að láta yfirmenn ganga í störf
undirmanna.
Ástráður Haraldsson, lögfræð-
ingur ASÍ, sagði að loknum fundi
með flugfreyjum í gær að hann
myndi fara yfir fordæmi um störf
yfirmanna í verkfalli undirmanna.
„Upphaflega er reglan hugsuð
þannig, að undirmenn séu aðstoð-
armenn yfirmannsins og njóti
þeirra ekki við megi hann ganga
í störf þeirra. Hvað deilu Flugleiða
og flugfreyja varðar, þá rekum við
okkur fljótt á þann vanda, hvort
meta eigi mann, sem er hærra
settur innan félagsins en flugfreyj-
---------ur, en starfar á allt öðru
sviði, sem yfirmann
þeirra. Við eram því
meðal annars að fara
yfir skipurit félagsins, en
við trúum því auðvitað
ekki fyrirfram að Flugleiðir ætli
að ganga langt í þessum efnum.
Ef það gerist þá kemur það okkur
ekki á óvart og við verðum búin
að gera alþjóðlegum samtökum,
sem ASI á aðild að, grein fyrir að
flugfreyjur gætu þurft að stuðningi
þeirra að halda.“