Morgunblaðið - 19.05.1995, Blaðsíða 4

4 FQSTUDAGUR 19. MAÍ 1995
MORGUNBLAÐIÐ
FRÉTTIR
Heilbrigðisráðherra segir að sjúkrahúsin verði að semja við hjúkrunarfræðinga
Geta greitt staðar-
uppbót í 10 mánuði
Sjúkrahúsin á Akranesi og Akureyri
fá enga aukaíj árveitingu
SJÚKRAHÚSIN á landsbyggðinni
fá aukafjárveitingu til að borga
staðaruppbætur f 10 mánuði á
þessu ári. Sjúkrahúsin á Akranesi
og Akureyri fá þó enga aukafjár-
veitíngu vegna þess að þau fóru
ekki að tilmælum heilbrigðisráðu-
neytisins að segja sérkjarasamning-
um við hjúkrunarfræðinga upp.
„í bréfí mínu til framkvæmda-
stjóra sjúkrahúsanna gef ég þeim
svigrúm til að semja Við hjúkrunar-
fræðinga. Þeir hafa samið um þessi
sérkjör hingað til. Ég geri mér grein
fyrir að fjárlagaramminn er þröng-
ur og veit að sum sjúkrahús eru
það illa stödd að þetta verður erfítt
fyrir þau. Ég tel þó að skerðingin
sem þau verða fyrir sé ekki það
mikil að þau eigi ekki að ráða við
það innan ársins," sagði Ingibjörg
Pálmadóttir heilbrigðisráðherra.'
Þarf að skoða aðra
starfsmenn einnig
„Ég tel að þegar sérkjarasamn-
ingum vegna staðaruppbótar er
sagt upp sé óeðlilegt að taka eina
stétt fyrir heldur verði að skoða
þessi mál hjá öllum starfsmönnum.
Það er ljóst að sjúkrahús sem greið-
ir staðaruppbætur greiðir yfírleitt
öllum stéttum einhvetja staðarupp-
bót. í bréfínu bendi ég fram-
kvæmdastjórunum á að skoða þessi
mál í heildina."
Ingibjörg sagði að fjárveiting til
sjúkrahúsanna til að greiða staðar-
uppbætur yrði minni á næsta ári.
Hún sagði að heilbrigðisráðuneytið
stefndi áfram að því að sjúkrahúsin
samræmdu staðaruppbætur. Hún
sagðist ætlast til þess að sjúkrahús-
in notuðu tímann fram til áramóta
til að ganga frá þessum samning-
um.
Akureyri og Akranes fá ekkert
Allt frá því að kjarasamningur
við hjúkrunarfræðinga var gerður
á síðasta ári hefur staðið til að sam-
ræma greiðslur á staðaruppbót til
hjúkrunarfræðinga. Upphaflega
var rætt um að staðaruppbætur
yrði samræmdar og lækkaðar um
síðustu áramót. Þar sem ekki
vannst tími til að koma því í fram-
kvæmd þá fengu sjúkrahúsin fjár-
yeitingu fram til 1. júní. Sú auka-
fjárveiting sem núna er ákveðin
þýðir að sjúkrahúsin fá fjárveitingu
til að greiða staðaruppbót í 10
mánuði á þessu ári. Sjúkrahúsin á
Akranesi og Akureyri fá þó enga
aukatjárveitingu nú vegna þess að
þau fóru ekki að tilmælum heil-
brigðisráðuneytisns að segja samn-
ingum um staðaruppbót upp. Auk-
afjárveitingin til þeirra er því aðeins
fyrir 6 fyrstu mánuði ársins.
Sigurður Ólafsson, fram-
kvæmdastjóri Sjúkrahúss Akra-
ness, sagði að þetta setti sjúkrahús-
ið í mikinn vanda. Hann sagði að
það þyrfti að fá rúmlega 4-5 millj-
ónir til að greiða staðaruppbætur
síðari hluta ársins. Á ársgrundvelli
væru þetta 9-10 milljónir. Hann
sagðist ekki sjá fram á að Sjúkra-
hús Akraness gæti leyst þennan
fjárhagsvanda hjálparlaust.
Aftur sagt upp á Akranesi?
„Þetta eru það stórar upphæðir
að við ráðum ekki við þetta. Það
er hins vegar rétt hjá heilbrigðisráð-
herra að sjúkrahússtjórnirnar gerðu
þessa samninga og þeir eru á þeirra
ábyrgð. Það hefur reynst erfítt að
ná þessu af. Ég held hins vegar að
það sé óhjákvæmilegt að segja þess-
um samningum upp,“ sagði Sigurð-
ur.
Sjúkrahús Akraness sagði upp
samningi um staðaruppbót á síðasta
vetri. Hjúkrunarfræðingar hótuðu
að ganga út og á endanum dró
sjúkrahússtjórnin uppsögnina á
samningnum til baka. Þegar til-
mæli komu frá ráðuneytinu um að
öll sjúkrahúsin segðu upp staðar-
uppbót neitaði stjórn Sjúkrahúss
Akraness að verða við þeim tilmæl-
um.
Þroskaþjálfar
óánægðir með ný-
gerðan kiarasamning
A
Ihuga úr-
sögnúr
SFR
MEGN óánægja er meðal félags-
manna í Félagi þroskaþjálfa með
nýgerðan kjarasamning Starfs-
mannafélags ríkisstofnana (SFR)
og ríkisins og er nú til skoðunar
að félagið segi sig úr SFR og stofni
sjálfstætt stéttarfélag þroskaþjálfa.
Forystumenn Félags þroska-
þjálfa boðuðu til blaðamannafundar
í gær á 30 ára afmælisdegi félags-
ins en þeir telja að eftir samninga
SFR og ríkisins séu laun fyrir
umönnunar- og þjálfunarstörf með
fötluðum gjörsamlega óviðunandi.
Störf þroskaþjálfa séu svo lágt
metin til launa að þau haldi launum
annarra niðri. Þroskaþjálfar nái
ekki viðunandi árangri í kjaramál-
um með því að vera einungis fagfé-
lag innan SFR, sem innihaldi svo
níarga og ólíka starfshópa, þar sem
launakjör þroskaþjálfa séu borin
saman við laun annarra starfshópa
sem séu á engan hátt sambærilegir
varðandi nám eða eðli starfa.
Forystumenn félagsins segjast
finna mikinn þrýsting frá félags-
mönnum að stíga skrefið til fulls
og ganga úr SFR. Var skipuð nefnd
til að kanna leiðir til stofnunar sjálf-
stæðs stéttarfélags á seinasta aðal-
fundi félagsins, sem á að skila nið-
urstöðum í nóvember.
Gagnrýna reglugerð um
starfsemi leikskóla
Þroskaþjálfar gagnrýna einnig
nýsetta reglugerð um starfsemi
leikskóla þar sem ekkert sé getið
um hlutverk þroskaþjálfa, þó þar
sé íjallað um þjálfun barna sem
þurfa sérstaka aðstoð. Benda þeTr
á að eins árs framhaldsnám leik-
skólakennara um fatlanir sé engan
veginn sambærilegt við sérnám
þroskaþjálfa, sem hafi að baki
þriggja ára sérnám á þessu sviði.
Morgunblaðið/Sverrir
KRISTIN A. Olafsdóttir, formaður framkvæmdanefndar sögn og menningarhátíðar í gamla Vestur-
bænum, Guðrún Sigríður Haraldsdóttir, aðalhönnuður sýningarinnar „Gamii Vesturbærinn“ í Ráðhús-
inu, og þau Einar Örn Stefánsson og Inga Jóna Þórðardóttir, sem sæti eiga í framkvæmdanefnd-
inni. Þau standa við líkan af gamla Vesturbænum sem verður á sýningunni í Ráðhúsinu.
Á MORGUN verður formlega
opnuð sögu og menningarhátíð
í gamla Vesturbænum, sem
standa mun yfir til 28. maí, en
samnefnari hátíðarinnar verður
sýningin „Gamli Vesturbærinn,
mannlif og saga“, sem opnuð
verður í Ráðhúsi Reylyavíkur í
dag kl. 16.30. Á sýningunni, sem
verður opin til 11. júní, verða til
sýnis yfirlitskort og skipulags-
uppdrættir, margvísleg skjöl,
líkön, ljósmyndir og texti, sem
eiga saman að auðvelda gestum
sýningarinnar að gera sér mynd
af þróunarsögu gamla Vestur-
bæjarins.
Á Vesturbæjarhátíðinni verða
auk margskonar sýninga ýmsir
menningarviðburðir sem íbúa-
samtök, fyrirtæki og stofnanir
auk einstaklinga standa að. Með-
al þess eru tónlistarviðburðir á
Vesturgötu 7 og í Hafnarhús-
portinu, upplestur og djass í
Hlaðvarpanum og sýning í Héð-
inshúsinu á leikverkum, sem
samin voru sérstaklega í tilefni
af hátíðinni.
Sögn- og
menningar-
hátíð í gamla
Vesturbænum
Gönguferðir verða skipulagð-
ar flesta daga hátíðarinnar og
margvíslegar útihátíðir setja
svip sinn á hátíðardagana, en
hitann og þungann af þeim bera
Landakotsskóli og Vesturbæjar-
skóli ásamt íbúasamtökunum,
BYKO og Nóatúni.
Aðdragandann að Vesturbæj-
arhátíðinni má rekja til sam-
hljóða samþykktar tillögu þeirra
Kristínar Á. Ólafsdóttur og Guð-
rúnar Jónsdóttur í borgarstjórn
í fyrravor um tilraunaverkefni
af þessu tagi. Að afloknutn kosn-
ingum skipaði svo borgarstjórn
þriggja manna framkvæmda-
nefnd til að hafa yfirumsjón með
undirbúningi og framkvæmd. í
nefndinni eiga sæti þau Inga
Jóna Þórðardóttir, Einar Orn
Stefánsson og Kristín Á. Ólafs-
dóttir, sem er formaður fram-
kvæmdanefndarinnar, en fram-
kvæmdastjóri Vesturbæjarhátíð-
arinnar er Tryggvi Þórhallsson.
Vesturbæjarhátíðin verður
opnuð formlega við Stýri-
mannaskólann kl. 14.30 á morg-
un, og verður skrúðganga að
opnuninni lokinni. Auk sýning-
arinnar í Ráðhúsi Reykjavíkur
verða aðrar sýningar haldnar i
í tengslum við Vesturbæjarhá-
tíðina, en þær eru „Gijótaþorp
frá ýmsum tímum“, sem er sýn-
ing hjá Sögufélaginu, Fischer-
sundi 3, „Húsin í gamla Vestur-
bænum“, sem er myndverkasýn-
ing í Fischersundi 1, „Skólastarf
í gamla Vesturbænum", sem er
sýning í Stýrimannaskólanum,
„Sögudagar" á EIli- og hjúkrun-
arheimilinu Grund, og sjóminja-
sýningin „ísland og hafið“ í
Hafnarhúsinu.
Breiðskífu
Bjarkar
frestað
ÚTGÁFU á væntanlegri breið-
skífu Bjarkar Guðmundsdóttur,
Post, hefur verið frestað fram
til 15. júní, vegna frágangs á
umsiagi. Að sögn Nicky Fyson
hjá One Little Indian, útgáfu
Bjarkar, ytra var útgáfunni
frestað vegna þess að hönnuður
umslagsins var ekki ánægður
með litprentunina.
Platan verður gefín út í fjór-
um útgáfum, sem svokallað
„digipack", sem er að mestu úr
pappa, með bæklingi og vegg-
mynd, í burðarpoka, á bleikum
vínyl og venjulegri geisladisks-
útgáfu, auk snælduútgáfu.
Að sögn Fyson nálgast fyrir-
frampantanir á Post hálfa millj-
ón eintaka; pantanir í Bretlandi
eru 150.000 eintök, sem er vel
yfir gullsölu, en annars staðar
í Evrópu ríflega 300.000 eintök.
Engin stúlka í 58 ár
Tilviljun
líklegasta
skýringin
LÆKNAVÍSINDIN geta ekki
skýrt hvers vegna aðeins fæðast
sveinbörn eða meybörn í ein-
stökum fjölskyldum svo áratug-
um skiptir samkvæmt upplýs-
ingum frá Reyni Tómasi Geirs-
syni prófessor í fæðinga- og
kvensjúkdómum. Morgunblaðið
hefur skýrt frá því að aðeins
hafí fæðst sveinbörn í fjölskyldu
nokkurri í 58 ár.
Reynir Tómas sagði að líta
verði svo á að um tilviljun sé
að ræða. „Ekkert er vitað um
tilhneigingu til að eiga stráka
frekar en stelpur. Aðeins er vit-
að að eftir meðgöngueitrun er
aigengara að fæðist stelpur en
strákar. Konurnar virðast missa
frekar karlfóstur og fyrir því
geta verið ákveðnar erfðafræði-
legar og ónæmisfræðilegar or-
sakir. Það er það eina sem vitað
er um. En svona skipting er
ekki þekkt í náttúrunni nema
fyrir tilviljun.“
Uppgjöri
vegna bak-
vakta lokið
UPPGJÖRI til tíu starfsmanna
Sjúkrahúss Vestmannaeyja, í
samræmi við dóm Hæstaréttar
frá því í fyrra, vegna vangold-
inna greiðslna fyrir bakvaktir,
lauk í síðustu viku.
Samkvæmt dómnum áttu
starfsmennirnir rétt á greiðslum
fyrir bakvaktir frá 1. janúar
1986 til loka nóvember 1993,
og að sögn Sólveigar Adólfs-
dóttur, formanns stjómar
sjúkrahússins, námu greiðslurn-
ar með dráttarvöxtum um 60
millj. kr.
Sólveig sagði í samtali við
Morgunblaðið að samkvæmt
fjáraukalögum frá því í desem-
ber hefði verið gert uPP v;ð
meinatækna og röntgentækna,
en í síðustu viku hefði lokið
uppgjöri við hjúkrunarfræðinga.
Staðfesti hún að hæstu greiðsl-
urnar til einstaklings væru á
bilinu 12-14 milljónir króna að
meðtöldum dráttarvöxtum.