Morgunblaðið - 19.05.1995, Blaðsíða 19

MORGUNBLAÐIÐ
ERLEIMT
>
Qður maður skotinn til bana eftir óvenjulegan eltingarleik
Stal skriðdreka og
keyrði yfir tugi bíla
HÁLFFERTUGUR maður var skot-
inn til bana eftir að hafa stolið
skriðdreka úr vopnageymslu þjóð-
varðliðsins í Kaliforníu og ekið sem
óður um háskóla- og íbúðahverfi í
San Diego á miðvikudag. Atburður-
inn þótti minna einna helst á
spennumynd frá Hollywood; 20 lög-
reglubílar veittu manninum eftirför
og hann eyðilagði eða skemmdi að
minnsta kosti 40 bíla áður en skrið-
drekinn staðnæmdist á fjöifarinni
hraðbraut.
íslenski námsmaðurinn Rúnar
Gústafsson hefur undanfarin tvö
ár stundað nám við háskóla skammt
frá vopnageymslu þjóðvarðliðsins
og kom að skriðdrekanum eftir að
hann stöðvaðist. „Ég var á leiðinni
í skólann á háannatíma og ég kippti
mér ekkert upp við að lenda í um-
ferðarteppu. En ég átti alls ekki
von á að sjá skriðdreka þarna á
miðri hraðbrautinni. Ég fer þarna
um á hveijum degi og það hvarfl-
aði aldrei að mér að ég ætti eftir
að mæta skriðdreka. Ég hélt í fyrstu
að hann hefði fallið af tengivagni,
en svo reyndist ekki vera.“
Slóð eyðileggingar
Maðurinn ók skriðdrekanum,
stóru og öflugu stríðstæki af gerð-
inni M-60, á allt að 70 km hraða.
Að sögn Rúnars skildi maðurinn
eftir sig slóð eyðileggingar. „Hann
fór fyrst um íbúðahverfi og ók um
tvær hraðbrautir, líklega um 4-5
km leið. Hann braut niður síma-
staura og brunahana og eyðilagði
f|ölda bíla. Skriðdrekinn var hátt í
60 tonn og staðnæmdist ekki fyrr
en hann lenti á steyptum kanti á
milli akreina. Beltin höfðu spænt
steypuna upp.“
Fjórir lögreglumenn klifruðu upp
á skriðdrekann eftir að hann nam
staðar og þeim tókst að opna loft-
hlerann. Þegar maðurinn neitaði að
gefast upp og reyndi að ræsa skrið-
drekann að nýju skaut lögreglu-
maður hann í öxlina og bakið. Mað-
urinn lést af völdum skotsáranna á
sjúkrahúsi, að sögn Reuters.
Talið er að maðurinn hafi verið
drukkinn. Hann er nýskilinn og að
sögn nágranna hans hafði hann
verið drykkfelldur og hegðað sér
einkennilega eftir skilnaðinn.
Rúnar segir ekkert benda til þess
að maðurinn hafi reynt að aka á
fólk. „Hann bakkaði upp að húsi
en sneri við. Bílarnir sem hann
keyrði yfir voru allir kyrrstæðir."
Að sögn Rúnars var greinilegt
að maðurinn hefði fengið þjálfun í
akstri skriðdreka, því það væri all-
flókið að ræsa slíkar stríðsvélar.
Reuter
Jeltsín fékk hest
RUSSLAND og Túrkmenistan undirrituðu samstarfssamning í Moskvu í gærdag og fékk Borís
Jeltsín Rússlandsforseti hest að gjöf frá túrkmenskum starfsbróður sínum af því tilefni.
Japanski sértrúarsöfnuðurinn
Gasárásin var
undirbúin í 2 ár
Tókýó. Reuter.
JAPANSKA lögreglan telur, að
sértrúarsöfnuðurinn Æðsti sann-
leikur hafi lagt á ráðin um eitur-
gasárásina í neðanjarðarlestinni í
Tókýó fyrir tveimur árum. Var það
tilgangurinn að greiða fyrir dóms-
deginum, sem leiðtogi safnaðarins,
Shoko Asahara, hafði spáð, að
yrði árið 1997. Sjálfur neitar hann
öllum ásökunum en nokkrir fylgj-
enda hans hafa bendlað hann beint
við hryðjuverkin.
Það var hópur ungra og mennt-
aðra manna, sem vann að gerð
eiturgassins, og keyptu þeir nauð-
synlega búnað og efni í gegnum
ýmis pappírsfyrirtæki. Að þeirra
sögpi kom hugmyndin upp 1993
eftir að Asahara hafði spáð fyrir
um ragnarök í kjarnorkustyijöld,
sem enginn myndi lifa af nema
félagar í söfnuðinum.
Reynt í Matsumoto
Rannsóknastofu var komið upp
í höfuðstöðvum safnaðarins við
rætur Fuji-ijalls og ári síðar var
sarin-gasið tilbúið. Telur lögregl-
an, að gasið hafi verið reynt í
bænum Matsumoto í Mið-Japan í
júní á síðasta ári en þá létust sjö
manns og 200 urðu fyrir eituráhrif-
um. Meðal þeirra voru tveir dómar-
ar, sem höfðu til meðferðar deilu
um eignarhald á fasteign, sem
söfnuðurinn hafði keypt í annars
nafni. Á þessum tíma var talið, að
um hefði verið að ræða eiturga-
sleifar frá því í síðari heimsstyijöld.
Lokaæfingin
Söfnuðurinn var nú tilbúinn til
meiri stórvirkja og að kvöldi 19.
mars sl. söfnuðuðst 10 menn, þar
af ein kona, saman í húsi í Tokýó
þar sem Yoshihiro Inoue, yfirmað-
ur leyniþjónustu safnaðarins, gaf
sínar lokafyrirskipanir. Síðan var
það æft hvernig gasinu skyldi
sleppt út en það var í plastpokum
vöfðum innan í dagblaðapappír.
Var það gert með því að stinga
gat á pokann með beittum regn-
hlífarenda. Að því búnu fór hópur-
inn, tveir og tveir saman, um borð
í fimm lestir með það fyrir augum
að vinna mesta ofbeldisverk í Jap-
an frá því í heimsstyijöldinni.
Bandaríkin
Kristnir
boða
siðbót
Washington. Reuter.
SAMTÖK kristinna manna í
Bandaríkjunum hafa fengið
stuðning helstu áhrifamanna
Repúblikanaflokksins við sið-
bótaherferð sína.
Ralph Reed, leiðtogi samtaka
kristinna, kynnti siðbótarher-
ferðina, Samning við bandarísk-
ar fjölskyldur, á blaðamanna-
fundi í gær. Stóð Newt Gingrich,
leiðtogi Repúblikanaflokksins í
fulltrúadeildinni, við hlið hans.
Herferðin er í 10 liðum og
kveður meðal annars á um, að
bænastundir verði teknar upp
að nýju í skólum og bann verði
lagt við fóstureyðingum. Hæsti-
réttur hefur bæði úrskurðað
gegn bænastundum í skólum og
gefið fóstureyðingar fijálsar.
Einnig kveður herferðin á um,
að ríkið hætti að styrkja menn-
ingarmál, m.a. opinberar út-
varps- og sjónvarpsstöðvar og
takmarkanir verði settar við út-
gáfu klámrita.
Fjöldi þingmanna demókrata,
leiðtogar ýmissa trúfélaga og
kvenréttindakonur gagniýndu
herferðina.
FÖSTUDAGUR 19. MAÍ 1995 19
Islensk viðarsýning og skógardagar
í og við PERLUNA dagana 20. og 21. maí
Opið báða daganna frá kl. 13:00 til 18:00
Meðal efnis:
• Kynning á íslenskum viðartegundum
• Ráðgjöf Landslagsarkitekta
• Umhverfismál
• Handverk og iðnaðarframleiðsla úr íslenskum
viði, handverksfólk að störfum
• Tæki og búnaður til garð- og skógræktar
■ *
• A útisvæði, sögun á bolviði, önnur
grófvinnsla o.fl.
• Kynnisferðir um Öskjuhlíðina þar sem verða
ýmsar uppákomur, harmoníkuleikur o.fl.
Boðið verður upp á kaffihressingu á leiðinni
Fyrir börnin:
• Ævintýraferðir um Öskjuhlíðina þar sem
kynjaverur álfar og ýmsar ævintýrapersónur
verða á vappi um skóginn. Farið verður í leiki
spilað á hljóðfæri og sungið.
Kynnir sýningarinnar er Pálmi Gestsson leikari.
Hér er um einstakan viðburð að ræða
þar sem eingöngu er til sýnis handverk
og iðnaðarframleiðsla úr íslenskum viði.
SÝNING SEM ENGINN ÆTTI AÐ MISSA AF
9YKO
m
AÐGANGUR OKEYPIS
| \vs WM \
! iu
ÍSIENSKUR
LÁNOSÚNAOUR
SKDGFVSKTARFÉLAG
REYKLAVJKUR
Æ

Skógrækt meö Skeljungi
LANDBÚNAÐAR-
RÁÐIJNEYTIÐ