Morgunblaðið - 07.06.1995, Qupperneq 29

MORGUNBLAÐIÐ
LISTIR
MIÐVIKUDAGUR 7. JÚNÍ 1995 29
Sjóminjasýning í Hafnarhúsinu við Tryggvagötu
FRÁ Sjóminjasýningunni
Island og hafið
í SÝNINGARSALNUM í Hafnar-
húsinu var opnuð 24. maí síðast-
liðinn sýning á munum og mynd-
um frá sjósókn íslendinga fyrr
og nú. Þór Magnússon þjóðminja-
vörður flutti ávarp við opnunina
og Hannes Valdimarsson hafnar-
stjóri opnaði sýninguna. Ræddu
þeir báðir þann möguleika að
komið yrði upp fastri sýningu
við höfnina um sögu útgerðar í
Reykjavík.
Flestir munir á sýningunni Is-
Iand og hafið voru áður í sjó-
minjasal í kjallara Þjóðminja-
safnsins, en hann hefur nú verið
tekinn undir aðra starfsemi.
Meðal stórra sýningargripa sem
njóta sín vel í hinum rúmgóða
sýningarsal í Hafnarhúsinu er
sexæringur, smíðaður í Engey
1912.
Þá lét Reykjavíkurhöfn stækka
ljósmynd eftir Magnús Olafsson
af fisksölutorgi við höfnina árið
1919 og er myndin 21 fm að
stærð. Hún myndar viðeigand i
baksvið fyrir muni og minjar frá
fyrri tíð.
Saga siglingar og sjósóknar
Á sýningunni eru meðal annars
þessi efnisatriði: Landafundir í
vestri, skreiðarsala á miðöldum, á
opnum bátum í þúsund ár, sjó-
mannslif, verbúðir og skinnklæði,
hákarlaveiðar og veiðarfæri,
skútuöld, lífið er saltfiskur, vélar
í bátana, hvalveiðar, síldin kemur,
baráttan um fiskimiðin, landhelg-
isgæsla, togarabylting, kaupskip-
aútgerð, Reykjavíkurhöfn o.fl.
Sjávarútvegsráðuneytið, Haf-
rannsóknastofnunin, Rannsókna-
stofnun fiskiðnaðarins og Stýri-
mannaskólinn kynna starfsemi
sína.
Björn G. Björnsson og Jón Al-
ansson safnvörður hönnuðu sýn-
inguna, sem er sett upp af Sjó-
minjasafni Islands. Sýningin
verður opin kl. 13-17 alla daga
til áramóta. Aðgangseyrir er 100
kr. fyrir fullorðna.
Einleiks-
svítur í
Hafnar-
borg
GUNNAR Kvaran sellóleikari
heldur einleikstónleika í
Hafnarborg, menningar- og
listastofnun Hafnarfjarðar,
fimmtudag-
inn 8. júní kl.
20.30. Þar
mun hann
leika þrjár
einleikssvít-
ur eftir J.S.
Bach.
Tónleik-
arnir eru
haldnir í
samvinnu við
myndlistarsýningu sem nú
stendur yfir í Hafnarborg og
ber heitið „Andinn", stefnu-
mót listar og trúar.
Þokkafullur og
tandurhreinn söngur
TONLIST
llafnarborg
KÓRTÓNLEIKAR
Barnakór Hafnarfjarðarkirkju.
Kór Hafnarfjarðarkirkju. Stjórn-
endur: Brynhildur Auðbjargardótt-
ir og Helgi Bragason. Píanóleikari:
Ingunn Hildur Hauksdóttir.
Fimmtudaginn 1. júní, 1995.
IÐKUN tónlistar f kirkjum og þá
sérstaklega kórstarf hefur tekið
miklum stakkaskiptum sl. áratug, frá
því að kórinn sá aðeins um sálma-
söng við messur til þess að fengist
er við flutning stærri tónverka og
jafnvel haldnir sérstakir tónleikar,
bæði með trúarlegum og veraldleg-
um tónverkum. Seinni árin sérstak-
lega hafa barnakórar verið stofnaðir
við ýmsar kirkjur, en slíkir sönghóp-
ar voru áður fyrr að mestu starfandi
við einstaka bamaskóla.
Þenslan í iðkun tónlistar helst í
hendur við vaxandi hóp vel mennt-
aðra tónlistarmanna, er síðan hasla
sér völl á ýmsum sviðum tónlistariðk-
unar. Þessi mikla þensla í iðkun tón-
listar þrýstir á að reist verði tónlist-
arhús, svo þeim þúsundum manna,
sem iðka tónlist og sækja tónleika,
verði búin aðstaða til jafns við aðra
menningarþætti samfélagsins, án
þess þó að þrengt að þeim, sem þeg-
ar eru vel húsaðir.
Kirkjukór Hafnarfjarðarkirkju, und-
ir stjóm Helga Bragasonar, hóf tón-
leikana og söng fjóra söngva eftir
frændur vora á Norðurlöndunum.
Hljómur kórsins er mjög fallegur og
hefur Helgi iagt grunn að góðum söng-
hópi, sem mikils má vænta af í fram-
tíðinni. Sérstaka athygli vakti Vaaren
eftir Grieg, sem var einstaklega fallega
sungið. I efnisskrá var prentuð þýðing
Þorsteins Gylfasonar á þessu fallega
ljóði eftir Vinje og þó kórinn flytti
verkið með norskum texta er undirrit-
aður viss um að þýðing Þorsteins, sem
er einstaklega fallega gerð, fellur full-
komlega að söngverki Griegs, sem
kórstjómendur og einsöngvarar ættu
að taka til athugunar.
Barnakór Hafnarfjarðarkirkju,
undir stjórn Brynhildar Auðbjargar-
dóttur, söng nokkur lög og voru ís-
lensku lögin sérlega vel sungin,
Kvæðið um fuglana eftir Atla Heimi
Sveinsson og Smalastúlkan og
Smaladrengurinn eftir Skúla Hall-
dórsson. Þrír negrasálmar voru held-
ur bragðdaufir og vantaði þar nokk-
uð á hrynskerpu þá, sem lífgar þessi
einföldu en söngsönnu og tjáningar-
ríku lög.
Kór Hafnarfjarðarkirkju söng síð-
an nokkur íslensk lög, þrjú eftir Frið-
rik Bjarnason, Hafnarfjörð, í Hlíðar-
endakoti og Abba-labba-lá, þá eitt
eftir Pál Isólfsson, Blítt er undir
björkunum, og Gamla vísu um vorið,
ágætt lag eftir Gunnstein Ólafsson.
Þrátt fyrir að þessi lög séu ekki viða-
mikil söngverk þarf að syngja þau
af þokka og tandurhreint og það
gerði kórinn svo sannarlega . Að síð-
ustu söng kórinn fimm íslensk þjóð-
lög, raddsett af Róbert A. Ottóssyni
(Forðum tíð einn brjótur brands),
Árna Harðarsyni (Tíminn líður og
Feigur Fallandason) og Hjálmari H.
Ragnarssyni (Stóðum tvö í túni og
Grafskrift Sæmundar Klemensson-
ar), allt skemmtilegar raddsetningar,
þótt raddsetningin á Stóðum tvö í
túni sé'annars undarlega þverstæð
við viðkvæmni ljóðsins.
Bamakórinn tók síðan við og flutti
nokkur af vel þekktum viðfangsefn-
um barnakóra og söng þau öll mjög
vel, sérstaklega In Monte Oliveti,
eftir Padre Martini, vin og velgjörða-
mann Mozarts, Á föstudaginn langa
eftir Guðrúnu Böðvardóttur og Ó,
undur lífs eftir Jakob Hallgrímsson,
Samhljómur sönghópa verður falleg-
astur í lögum þar sem lögð er áhersla
á liðandi tónferli. Þetta kom greinileg
fram í Krummavísu, íslensjtu þjóð-
lagi, sem var allt of hratt sungið, svo
að börnin náðu ekki að láta tónana
hljóma. Tvö síðustu lögin, Til þín
Drottinn og Heyr himnasmiður, bæði
eftir Þorkel Sigurbjörnsson, voru
mjög fallega sungin en i því síðara
skiptust kórarnir á að syngja þessa
söngperlu eftir Þorkel. I heild voru
þetta góðir tónleikar, þar sem fallega
var sungið og verður fróðlegt að
fylgjast með starfi þessara sönghópa
í framtíðinni.
Jón Ásgeirsson