Morgunblaðið - 14.07.1995, Blaðsíða 14

14 FÖSTUDAGUR 14. JÚLÍ 1995
MORGUNBLAÐIÐ

VIÐSKIPTI
Farþegum flölgaði í millilanda- og mnan-
landsflugi á síðasta ári
Fjölgmiin ímilli-
landaflugi 12%
FARÞEGUM í millilandaflug-i fjölg-
aði um 12% árið 1994 miðað við
árið þar á undan og hefur farþegum
verið að fjölga jafnt og þétt á und-
anförnum árum. Aukningin í fyrra
er þó umtalsvert meiri en árin þar
á undan, en farþegum hefur fjölgað
um 3% að meðaltali undanfarin 5
ár.
Farþegum í innanlandsflugi
fjölgaði um 7% á síðasta ári ef
miðað er við árið þar á undan og
vekur fjölgun farþega um ísafjarð-
arflugvöll mesta athygli, en þeim
fjölgaði um rúm 17% á milli ára.
Fjölgun farþega í innanlandsflugi
undanfarin 5 ár hefur hins vegar
aðeins verið um 1%, en farþega-
fjöldinn hefur sveiflast nokkuð á
milli ára. Þetta kemur fram í frétta-
tilkynningu frá Flugmálastjórn.
Enn meiri aukning hjá
Flugleiðum
Að sögn Einars Sigurðssonar,
blaðafulltrúa Flugleiða, hefur fyrir-
tækið ekki farið varhluta af þess-
ari aukningu. „Aukningin hjá okk-
ur er hins vegar mun meiri heldur
en þama kemur fram því farþegum
á leiðum án viðkomu á íslandi hef-
ur einnig fjölgað mjög mikið og
má þar nefna sem dæmi Hamborg-
Kaupmannahöfn og svo Atlants-
hafsflugið. Við áætlum að um þriðj-
ungur af okkar farþegum hafi ekki
viðkomu á íslandi en þetta eru ein-
mitt þeir farþegar sem tryggja að
við getum haldið uppi þeirri tíðni
á flugi til og frá íslandi sem við
höfum í dag.“
Einar segir félagið hafa flutt
rúmlega 800 þúsund farþega í
millilandaflugi árið 1994 og hafi
það verið um 23% aukning á milli
ára.
Að sögn Einars var aukningin í
innanlandsflugi hins vegar heldur
minni eða 3,3%.
Aukið frjálsræði skilar sér
Að sögn Ómars Benediktssonar,
stjómarformanns íslandsflugs,
hefur orðið aukning í öllu flugi hjá
félaginu. Hann segir þó að leigu-
flug félagsins hafi aukist einna
mest en einnig hafi orðið talsverð
aukning í Grænlandsfluginu sem
og innanlandsfluginu. „Það er mjög
ánægjulegt að sjá að bíllinn skuli
ekki lengur vera að vinna á og
fólk skuli álíta flugið valkost á ný.“
Ómar segir þróunina í innan-
landsflugi næstu árin skipta fyrir-
tækið miklu máli. „Flugmálastjórn
hefur lýst því yfir að flugvellinum
á Flateyri verði lokað þegar Vest-
fjarðagöngin verða að fullu komin
í gagnið. Það verður því fróðlegt
að sjá hvort við munum fá flug-
leyfi á ísafjörð strax í framhaldinu
eða hvort við þurfum að bíða eftir
því að reglur um aukið fijálsræði
í innanlandsflugi verði að fullu
komnar til framkvæmda, en það
gerist árið 1997.“
Morgunblaðið/Sverrir.
STARFSMANNAHÚS Hitaveitunnar að Nesjavöllum,
Nýtt starfsmannahús Hitaveit-
unnar að Nesjavöllum
NÝTT starfsmannahús Hita-
veitu Reykjavíkur að Nesjavöll-
um verður vígt við hátíðlega
athöfn á morgun. Það mun hýsa
fasta starfsmenn fyrirtækisins
á Nesjavöllum sem eru fjórtán
talsins og vinna á tvískiptum
vöktum.
Starfsmannahúsið stendur
nokkuð fyrir norðan sjálfa
virkjunina. Það er steinsteypt,
tveggja hæða, og 1220 fermetr-
ar að gólffleti. Húsanes hf. í
Keflavík annaðist byggingu
hússins og arkitekt er Jósef
Reynis. Framkvæmdir við það
hófust í maí í fyrra og verður
því nú skilað fullbúnu.
Heildarkostnaður við bygg-
inguna nemur 160 miiljónum
án virðisaukaskatts að sögn
Gunnars Sverrissonar, yfir-
verkfræðings Hitaveitunnar.
Hann segir að upphafleg áætl-
un, í árslok 1993, hafi hljóðað
upp á 153 milljónir og mismun-
inn megi að mestu leyti skýra
með verðbreytingum sem hafi
orðið á tímabilinu.
í húsinu eru tuttugu eins
manns herbergi. Þar er einnig
tómstunda- og Iíkamsræktarað-
staða, eldhús, matsalur, og bíla-
geymsla. Gunnar segir að
áhersla hafi verið lögð á að
vanda vel til verksins og gera
húsið sem vistlegast.
„ Starfsmennirnir búa flestir
í Reykjavík en vinna að Nesja-
völlum á vöktum, viku í senn.
Nesjavallavegur er oft ófær
stóran hluta úr vetrinum og þá
þarf að fara um Hellisheiði.
Nesjavellir eru því oft einangr-
aðir og því er sjálfsagt að búa
þeim starfsmönnum Hitaveit-
unnar sem vinna þar vistleg
dvalarkynni."
Íslensk-ameríska og
Frigg hf. í harðri
samkeppni
Málið í at-
hugun hjá
Procter &
Gamble
ÓLJÓST er hver viðbrögð ís-
lensk-ameríska verslunarfé-
lagsins hf. verða við niðurstöð-
um könnunar Iðntæknistofnun-
ar á þvottaefnum fyrir Frigg
hf. og auglýsingaherferð þeirri
sem fylgt hefur í kjölfarið. Eins
og fram hefur komið í Morgun-
blaðinu gerði Iðntæknistofnun
samanburðarkönnum á hreinsi-
hæfni Maraþon Extra þvotta-
efnis í samanburði við Ariel
Ultra og Ariel Future og leiddi
sú könnun í ljós að um „fylli-
lega sambærileg" þvottaefni
væri að ræða.
Pétur Jónsson markaðsstjóri
hjá íslensk-ameríska, sem flyt-
ur inn Ariel þvottaefnin, segir
að málið sé enn í athugun hjá
þeim. „Við erum að verða okk-
ur út um upplýsingar um þetta
mál þannig að það er ósköp
Iítið sem ég get sagt um þetta
á þessari stundu annað en það
að Procter & Gamble eru að
vinna í málinu og vænta má
yfirlýsingar frá okkur. Það er
mjög óvenjulegt að sjá auglýs-
ingar þar sem ráðist er á
ákveðna vörutegund, eins og
þama er verið að gera.“
Pétur vildi ekkert gefa upp
um hvort fyrirtækið myndi
hætta birtingu auglýsinga þar
sem vísað er í niðurstöður er-
lendrar könnunar þess efnis að
Ariel þvottaefni hreinsi betur
en önnur leiðandi þvottaefni.
Seðlabanki spáir 1,4%
verðbólgu á árinu
Seðlabankastjóri segir enga þörf
vera á gengisfellingu
VERÐBÓLGA hérlendis verður aðeins 1,4% í ár og því lægri en í
helstu viðskiptalöndum að því er fram kemur í verðbólguspá Seðla-
banka íslands. Þá stefnir í að raungengi krónunnar í ár verði með
því lægsta síðan Seðlabankinn hóf mælingar 1963. Formaður banka-
stjómar Seðlabankans telur ekkert mæla með gengisfellingu og seg-
ir gengisóróa einungis stuðla að hærri vaxtabyrði atvinnuveganna.
Vepöbólgan og verðbólguspá
Breytingar á vísitölu neysluverðs jan. til júlí 1995 og spá til janúar 1996
p 4,0%|
3,5
3,1".
1,7”/.
JAN. FEB. MAR. APR. Wff JÚN. JÚL. ÁGÚ. SEP. OKT. NÓV. DES. JAN.’96
1995
-0.7%'
ERM-aðild
Svía dregst
á langinn
Briissel. Reuter.
SVÍAR eru farnir að tala í alvöru
um möguleika á þátttöku í mynt-
bandalagi Evrópu, ERM, en sér-
fræðingar telja að þess verði langt
að bíða að Svíar stígi slíkt skref.
Ýmsir sérfræðingar útiloka
ERM-aðild í ár og efast um að
af henni geti orðið árið 1996.
Göran Persson fjármálaráð-
herra lýsti því óvænt yfir í síðasta
mánuði að hann útilokaði ekki
möguleika á því að viðræður um
aðild að myntbandalaginu gætu
hafizt á þessu ári.“
Svíar reyna að draga úr miklum
halla á ríkisfjárlögum og sérfræð-
ingar eru sammála um að Svíar
verði að ávinna sér traust á fjár-
málamörkuðum áður en þeir geti
gerzt aðilar að ERM-kerfinu.
Vísitala neysluverðs mældist
172,8 stig í byrjun júlí og hækkaði
um 0,3% frá fyrra ári. Að sögn
Birgis ísleifs Gunnarssonar, for-
manns bankastjómar Seðlabank-
ans, er þetta nánast sama vísitala
og í spá bankans frá því í apríl en
þá var vísitölugildinu 172,9 spáð í
júlí. Sú spá, sem þar var gerð um
lága verðbólgu um þessar mundir,
hafí því ræst og reyndar gott betur
þar sem verðbólguhraðinn, mældur
með þriggja mánaða hækkunum á
ársgrundvelli, hafí verið lægri en
spáð var, eða 2,4% nú í júlí í stað
2,7%, sem spáð var í apríl. Seðla-
bankinn hefur nú endurmetið spá
sína til loka ársins og birtist hún í
meðfylgjandi línuriti.
Raungengi lækkar
Sömu verðbólgu er spáð og áður
eða 1,4% á árinu þrátt fyrir að for-
sendur um hækkun innflutnings-
verðs í erlendri mynt hafí verið
hækkaðar úr 1,8% í 2,5 á árinu.
Gert er ráð fyrir að verðbólguhrað-
inn verði mestur í september eða
2‘/2%. Þá er því spáð að verðlag
hækki um l‘/2% á milli áranna 1994
og 1995.
Birgir segir að allt stefni því í að
á næstu mánuðum verði verðbólgan
minni á íslandi en í helstu viðskipta-
löndum. Miðað við stöðugt gengi
feli það í sér að raungengi krónunn-
ar, mælt með hlutfallslegu verð-
lagi, muni lækka lítillega. A þennan
mælikvarða sé raungengið nú í júlí
0,2% hærra en það var í desember
sl. en 0,2% lægra en í janúar. í
október yrði það hins vegar komið
niður á sama stig og í desember
síðastliðnum.
Samkvæmt Seðlabankanum
verður raungengið í ár, miðað við
stöðugt gengi, nánast hið sama og
á síðasta ári, sem er lægra raun-
gengi en nokkru sinni síðan 1971.
á mælikvarða launa hækkar raun-
gengið í ár um 2'/2% frá fyrra ári
vegna launahækkana í kjarasamn-
ingum. Það verður þó einnig við
sögulegt lágmark á þennan mæli-
kvarða því ef árið 1994 er undan-
skilið hefur raungengið aldrei verið
lægra á ársgrundvelli svo langt sem
mælingar ná eða frá árinu 1963.
Engin þörf á gengisfellingu
Innan atvinnulífsins hafa að und-
anförnu heyrst raddir um að þörf
væri á gengisfellingu krónunnar í
náinni framtíð. Birgir ísleifur segir
að Seðlabankinn telji enga þörf á
gengisfellingu. „Menn verða að átta
sig á því að við búum nú við fijálst
flæði fjármagns og allur gengisórói
gæti þýtt að vextir hækkuðu og
vaxtabyrði atvinnuvega yrði hærri
en ella.“
r
\
\
r
\
r
i
i
í
I
i
i
f.
1
I
i
i
i
I
I
i
I
í
i
1