Morgunblaðið - 30.08.1995, Síða 7
MORGUNBLAÐIÐ
MIÐVIKUDAGUR 30. ÁGÚST 1995 7
Landbúnaðarráðherra boðar endur-
skoðun á viðverureglum sótthreinsi-
fulltrúa í Leifsstöð
Málið tekið upp
í samvinnu við
hagsmunaaðila
Guðmundur Bjarnason landbúnað-
arráðherra telur óhjákvæmilegt, í
ljósi síðustu atburða í Elliðaánum
og Laxeldisstöð Ríkisins í Kolla-
firði, að endurskoða ákvörðun
ráðuneytisins frá því í vor þar sem
skertur er viðverutími sótthreinsi-
fulltrúa í tollgæslunni í Leifsstöð.
Hafa all margir veiðiréttareigend-
ur og leigutakar laxveiðiáa borið
í samtölum við Morgunblaðið að
alvarlegur misbrestur hafi í kjöl-
farið orðið á því að erlendum
stangaveiðimönnum hafi verið
gert að sótthreinsa tæki sín við
komuna til landsins, eða að sýna
gjaldgengt vottorð um að það hafi
verið gert erlendis.
Jón G. Baldvinsson formaður
Landssambands stangaveiðifélaga
sagði í samtali við Morgunblaðið
að álit sitt á þessu máli væri að
illa hefði tekist til.
Stangaveiðifélög vilja leggja
sitt af mörkum
„Okkur var gert að dreifa því í
allar áttir að best væri að sótt-
hreinsun færi fram erlendis vegna
breytingana hér. Útkoman er bölv-
að klúður og vesen._ Ein stúlka á
að sjá um þetta og ef hún er ekki
við þá er hún ekki kölluð út. Við-
verutímarnir hennar eru stilltir inn
á einhverjar flugvélakomur og
stundum hrein hending hvort að
menn hitta á hana. Ef það er mat
manna að raunveruleg sýkingar-
hætta sé á ferðinni með veiðibún-
aði erlendra veiðimanna þá verður
að taka á málum af festu og ég
tel eðlilegt að yfirvald, ríkið eða
einhver stofnun á þess snærum,
sjái um framkvæmd mála. Ég
geri ráð fyrir því að þessi reglu-
breyting hafi verið gerð til að
spara peninga. Ef það er það eina
sem stendur í veginum fyrir hert-
um öryggisaðgerðum þá skal ekki
standa á Landssambandi stanga-
veiðifélaga að koma að því máli
og leggja sitt af mörkunum. Og
ég minni á, að það er ekki bara
Leifsstöð, útlendir ferðamenn sem
koma með Austtjarðarferjunni eru
æ fleiri með stangir í farangri sín-
um og renna fyrir silung víða um
land,“ sagði Jón.
Tekið upp í
ráðuneytinu
Guðmundur Bjarnason sagðist
ekki þekkja mál þetta nægilega
vel, en bréf ráðuneytisins er dag-
sett 23. mai og undirritað f.h.
ráðuneytisins af Sveinbirni Ey-
jólfssyni. „En hafi orðið þessi
brestur í framkvæmdinni sem af
er látið, þá er þetta ekki gott mál
og ég tel að það verði að taka
málið upp í ráðuneytinu í haust í
ljósi atburða sumarsins og á ég
þá við sýkinguna í Elliðaánum og
Kollafirði. Þessi reglubreyting hef-
ur sjálfsagt verið gerð í anda
sparnaðar og hagræðingar, það
er jú alltaf verið að freista þess
að draga saman seglin í ríkisút-
gjöldum. En þetta mál þarf að
skoða betur og þá í samvinnu við
framkvæmdar- og hagsmunaað-
ila,“ sagði Guðmundur Bjarnason.
Veiddi lax með
torkennileg sár
KRISTINN Baldursson veiddi í
fyrradag fjögurra punda lax í
Stóru-Laxá í Hreppum sem var
með torkennileg graftarsár.
Fiskurinn er nú í rannsókn hjá
fisksjúkdómafræðingum á Keld-
um.
Kristinn segir að laxinn hafi
ekki verið sprækur. Hann sagði
að op hefði verið við kjálka lax-
ins og blætt þar úr. Auk þess
hafi verið stórir graftarblettir á
honum og hann verið ljótur að
sjá.
Atta laxar veiddust í Stóru-
Laxá í fyrradag en Kristinn sagði
að aðeins þessi fiskur hefði verið
með þessum sárum. Hann sagði
að sér hefði ekki dottið í hug að
snæða þennan fisk.
A
Guðmundur Oskar
hættir í Neskirkju
GUÐMUNDUR Óskar
Ólafsson sóknarprest-
ur í Neskirkju lætur
af störfum um mán-
aðamótin. Guðmundur
Óskar er kominn á
eftirlaunaaldur en
hyggst breyta til og
hefja störf sem prest-
ur á Elliheimilinu
Grund.
Guðmundur Óskar
hefur verið sóknar-
prestur í Neskirkju í
20 ár og opinber
starfsmaður í 40 ár,
þar af sem kennari í
GUÐMUNDUR
Óskar Ólafsson.
mörg ár. Hann sagði
að nýja starfið legðist
vel í sig en þar verður
hann í hlutastarfi.
Hann sagði að helgi-
hald hefði verið á
Grund í marga áratugi
og messað hvern ein-
asta sunnudag. „Ég
kem til með að verða
þar heimilisprestur og
messa um það bil einu
sinni í mánuði. Ég verð
þarna líka á morgnana
og spjalla v'ið gamla
fólkið,“ sagði Guð-
mundur.
FRÉTTIR
Læknaráð Landspítala og Borgarspítala vara við niðurskurði
Vilja nefnd sem raði
í forgangsröð
LÆKNARÁÐ Landspítala og
Borgarspítala ítreka í sameigin-
legri yfirlýsingu sem þau hafa
sent frá sér að „frekari niður-
skurður á sjúkrahúsunum í.
Reykjavík mun ekki skila árangri.
Álag á starfsfólk mun einfaldlega
aukast sem aftur mun leiða til
verri þjónustu. Með markvissri
forgangsröðun verður því að leita
leiða til að nýta betur það fjár-
magn sem veitt er til heilbrigðis-
mála,“ segir í yfirlýsingunni.
Læknaráðin vilja að sett verði
á stofn óháð nefnd á vegum Al-
þingis sem geri tillögur um for-
gangsröðun í heilbrigðismálum,
með það að markmiði að „ná þjóð-
arsátt í þessum málaflokki.“
Læknaráðin hafa þegar sent
heilbrigðis- og tryggingamála-
nefnd Alþingis erindi þess efnis
og telja að í slíkri nefnd eiga að
sitja stjórnmálamenn, siðfræðing-
ar, læknar og aðrir heilbrigðis-
starfsmenn.
„Markmið slíkrar nefndar væri
að færa umræðuna um forgangs-
röðun inn á brautir sem leiða til
skynsamlegrar og sanngjarnrnar
niðurstöðu," segir í yfirlýsingunni.
Offjárfesting utan
Reykjavíkur
„Vegna aðhaldaðgerðar á
sjúkrahúsunum í Reykjavík hefur
endurnýjun tækjakosts setið á
hakanum, fyrirhugaðar bygginga-
framkvæmdir hafa verið stöðvaðar
og þrengt hefur verið að starfs-
fólki. Fjárveitingum hefur þó verið
misskipt og í grein sem birtist í
Morgunblaðinu 7. júlí sl. bendir
landlæknir á að fjárfest hafi verið
verulega umfram þarfir í sjúkra-
húsum, hjúkrunarheimilum og
heilsugæslustöðvum utan Reykja-
víkur, en samtímis hafi skort fjár-
magn til nauðsynlegrar bráðaþjón-
ustu.
Ofíjárfestingin utan Reykjavík-
ur heldur áfram þrátt fyrir að til
séu skýrslur unnar af heilbrigðis-
°g tryggingamálaráðuneytinu,
sem staðfesta ábendingar land-
læknis. Svo virðist sem heildar-
stefnu skorti og á meðan virðast
geðþóttaákvarðanir oft ráða fjár-
veitingum," segja læknaráðin og
ítreka að frekari niðurskurður á
rekstrarfjármagni Landspítalans
og Borgarspítalans, sem virðist
yfirvofandi, muni leiða til verri
þjónustu sem bitni á bráðveikum
sjúklingum og sjúklingum með
ýmsa langvinna sjúkdóma.
r úr S
„_J5
potti
Úr Safnkortspottinum komu eftirtaldir vinningar:
Ferð fyrir tvo tii Dyflinnar með Samvinnuferðum-Landsýn að verömæti 60.000 kr.
Áslaug Bára Loftsdóttir, Tjamargötu 9, 245 Sandgerði
* Veiðiútbúnaður frá Útilífi að verðmæti 20.000 kr.
Guðrún Amarsdóttir, Háaleitisbraut 119, 108 Reykjavík
Gunnar H. Þórarinsson, Stuðlaseli 46, 109 Reykjavík
Panasonic RX DS15 ferðakassettutæki frá Japis að verðmæti 20.000 kr.
Hreinn Þorvaldsson, Skagfirðingabraut 49, 550 Sauðárkrókur
Sölvi Páll Jónsson, Réttarholtsvegi 67, 108 Reykjavík
Geisladiskur með Sniglabandinu að verðmæti 1.790 kr.
Angantýr Einarsson, Gerði, 650 Laugar
Brynja Þorvaldsdóttir, Fagrahvammi 6, 220 Hafnarfjörður
Eyjólfur Egilsson, Hverahlíð 13, 810 Hveragerði
Friðjón Valdór Friðmarsson, Tungu 2, 750 Fáskrúðsfjörður
Guðmundur Kjartan Jónasson, Þórólfsgötu 17a, 310 Borgames
Haukur Svarfdal Jónsson, Álfaskeiði 90, 220 Hafnarfjörður
Ólafur Amgrímsson, Stórutjamarskóla húsi 4, 641 Húsavík
Snorri J. Benediktsson, Stekkjartröð 10, 700 Egilsstaðir
Viðai' Arason, Hjallagötu 4, 245 Sandgerði
Viðskipti vinningshafa áttu sér stað á eftirtöldum afgreiðslustöðum:
Bensínafgreiðslunum- Ártúnshöfða, Geirsgötu, Skógarseli, Stóragerði, Stórahjalla, Lækjargötu Hafnarfirði, Hveragerði,
Leiruvegi á Akureyri, Nesjum og Olíuafgreiðslunni á Egilsstöðum.
Einnig Aðalstöðinni Keflavík, Ábæ, Hyrnunni Borgamesi og Þórshöfn.
Til hamingju með vinninginn
I
SAFNK0RT ESS0 - enginn kostnaður, aðeins ávinningur!