Morgunblaðið - 01.10.1995, Blaðsíða 23

MORGUNBLAÐIÐ
móðinn með nöglum", eins og Lárus
segir. Alfreð lést aðeins þremur
mánuðum eftir að samvinnan hófst,
en Lárus hefur haldið merkinu á
lofti síðan.
Alltaf koma upp skemmtileg og
óvenjuleg verkefni. Þannig hafði
Gunnsteinn lengi séð um skósmíði
fyrir leikhús og ýmsa leikhópa.
Skömmu eftir að Lárus kom til
starfa við stofuna kom verkefni frá
Óperunni, að smíða 70 sérstök skóp-
ör vegna uppsetningar á Töfraflaut-
unni. „Stígvélin rosalegu sem hann
Helgi Björns skrýðist í Rocky Horror
eru frá okkur,“ segir Lárus með
nokkru stolti.
Lárus handleikur postulínsstyttu
af sofandi barni, glottir og segir:
„Ségjá má að sumt af því sem við
erum beðnir að gera sé óttalegt
rugl, en samt er gaman að því hvað
fólki dettur til hugar að hægt sé
að gera á skóvinnustofu. Þessi
stytta var t.d. brotin og eigandinn
kom með hana hingað til okkar og
bað um að hún yrði límd saman
aftur. Það er sama hvað fólk biður
okkur um, við reynum að bjarga
því sem við getum. Það er komið
með kertastjaka, lampa, já, eigin-
lega hvað sem er og hefur brotn-
að,“ bætir Lárus við og sýnir blaða-
manni síðan sumt af því sem fyrir
liggur að gera við á stofunni. Ekki
eru það skór í öllum tilvikum. Þarna
var t.d. prestskragi sem þarf að
gera við, fýsibelgur sem er farinn
að leka og minkaskott að losna frá
leðurborða. Lárus segist meira að
segja hafa verið beðinn um það einu
sinni að leðurklæða stigahandrið í
þriggja hæða húsi! Það fór dagurinn
í það.
Vöðlurnar ...
Lárus segist þess fullviss að Skó-
stofan sjái um vel flestar vöðlur
veiðimanna á höfuðborgarsvæðinu.
„Við vorum alltaf að bæta vöðlur á
meðan gömlu gúmmivöðlurnar voru
og hétu. Allir voru í þeim. En þegar
flestir fóru að nota vöðlur úr neopr-
eni varð alger sprenging. Bomban
kom líka í kjölfarið á því að við
kynntum starfsemi okkar á svokall-
aðri Veiðimessu sem haldin var í
Perlunni vorið 1993. Viðskiptin juk-
ust um mörg hundruð prósent og
þegar mest gengur á um hásumarið
erum við stundum alveg á haus með
110 til 120 pör af vöðlum á föstu-
degi sem þarf að laga fyrir helgina.
Þá eru ótalin pörin sem við bætum,
breytum og lögum aðra daga vik-
unnar. Þetta er alveg botnlaust á
sumrin.
Auk þess flytjum við inn sokka-
og stígvélalausar neoprane-vöðlur,
setjum á þau stígvél með nýja
svarta sólanum og seljum þannig.
I fyrra seldum við 200 pör og sett-
um nýjan botn undir 80 til viðbótar
svo ég nefni eitthvað. Auk þess stór-
jukust öll almenn skósmíðavið-
skipti, því þarna bættust fjölmargir
viðskiptavinir við þá sem fyrir
voru,“ segir Lárus og heldur áfram,
greinir frá nýlundu sem hann ætlar
að brydda upp á í beinu framhaldi
af vöðluviðskiptunum og tilkomu
neoprensins.
„Ég er að kaupa saumavél og
ætlunin er að sauma allt mögulegt
úr neopreni, hundavesti, sokka og
vettlinga sem bæði togarasjómenn,
veiðimenn og raunar allir sem eru
úti við kalsama iðju geta notað,
hulstur fyrir byssur og hnífa, buxur
fyrir gæsaskyttur og fleiri sem þurfa
að vaða elginn. Þá verður ekkert
mál að klæðskerasauma vöðlur eða
breyta þeim, setja á hné- og rasshlíf-
ar, vasa o.s.frv.
Þá verður til dæmis ekkert mál
lengur að fá góðar vöðlur á börn sem
farin eru að veiða með foreldrum
sínum. Ég hef raunar svolítið fiktað
við að sauma vöðlur, meira að segja
einu sinni á eins árs barn! Það var
nú eiginlega hugsað sem grín, en
það var gaman að sjá vöðlurnar til-
búnar;“ segir Lárus.
Svarti demanturinn
Neoprene-saumavélin er ekki
eina nýjungin sem er í farvatninu
hjá Lárusi í Skóstofunni. „Svarti
demanturinn" vegur þar einnig
þungt. Þar er á ferðinni tuttugu ára
gömul hugmynd Ólafs Jónssonar
uppfinningamanns og fólst í byijun
í því að strá sandi í gúmmisóla
undir skóm til að draga úr hálku-
áhrifum. Hugmyndin hefur verið
að þróast og geijast þar til fyrir
rúmu ári síðan, að Ölafur fékk
styrki til að setja í gang prófun á
hugmyndinni í hjólbarða, nema að
með dyggri aðstoð Helga Geirharðs-
sonar eru það nú karbítagnir, sem
ganga nærri demanti að styrkleika,
sem settar eru í gúmmíið. Tilraunin
stendur nú sem hæst og fer fram
í Svíþjóð.
Lárus og Skóstofan koma að þess-
ari tilraun, því á meðan Ólafur at-
hugar hvort þetta sé ekki sniðugt
fyrir bílaflotann kannar Lárus hvort
að þetta sé ekki sniðugt fyrir fólks-
flotann. „Blandan hefur fengið nafn-
ið „Svarti demanturinn" og Lárus
hefur verið að setja nýja sólann
bæði undir skó og vöðlur í heilt ár.
Það er verið að þróa dæmið og fylgj-
ast með reynslu manna. Hver er
reynslan?
„Reynslan er frábær,“ segir Lárus,
„fólk er miklu stöðugra í hálkunni
og veiðimenn ljúka alhliða lofsorði á
þetta. Detta sjaldnar í ána! Þetta
hefur dregið verulega úr byltum hjá
fólki og ég spái því að þetta nái
smám saman yfirhöndinni umfram
aðrar tegundir sóla. Við erum í ofaná-
lag að undirbúa samvinnu við skó-
framleiðslu á Skagaströnd, að fram-
leiða skó með sólum af þessu tagi.
Varðandi hjólbarðana, þá hefur efnið
reynst betra heldur en naglar í flest-
um tilvikum. Reyndar ekki öllum, en
í heild er svarti demanturinn sigur-
vegarinn. Þetta er í mínum huga það
sem koma skal og það er kannski
verst fyrir okkur sjálfa, þetta er svo
endingargott að það gæti sett okkur
á hausinn!" bætir Lárus við.
Aldrei dauður punktur
Þegar Lárus Gunnsteinsson er
spurður um framleiðslumagn segist
hann framleiða 70 til 120 pör af
skóm á sjúka, lamaða og fatlaða á
hveiju ári. „Það er aldrei dauður
punktur í þessu og sem betur fer
er álagið í hinum ýmsu greinum
árstíðabundið. Þannig gengur mest
á í vöðlumálunum yfir sumarmán-
uðina og aðeins fram á haustið. Þá
Qarar það út, en tekur smáfjörkipp
á meðan jólagjafatíminn stendur
yfir. Almennar skóviðgerðir eru í
gangi allt árið, en taka fjörkipp á
haustin er menn fara að huga að
skótaui sínu fyrir veturinn. Sjúkra-
skósmíðin byijar venjulega á ára-
mótum og stendur fram eftir vetri
og er að mestu lokið á vordögum.
Það er eins og fólk miði við áramót-
in er það spekúlerer í því að end-
urnýja skóna,“ segir Lárus.
Sjúkraskósmíðin tekur mikinn
tíma, því hver og einn viðskiptavinur
fær persónulega þjónustu. Lárus
tekur hús á fólki sínu og segist
þekkja orðið alla með nafni. Fyrst
er tekið gifsmót af fætinum, síðan
er plastskór mátaður. Þá eiga nauð-
synlegar upplýsingar að liggja fyrir
og smíðin getur hafist. Ef Lárus
vogar sér að fara í frí liggur sjúkra-
skósmíðin niðri, en Gunnsteinn og
nemarnir, bæði sænskir og íslenskir,
veija virkið. En vogar Lárus sér ein-
hvern tímann í frí?
Það er nú ekki mikið um það, en
ég er með veiðidellu og hún er þann-
ig í eðli sínu að þú verður að sinna
henni," segir Lárus, sem fer í lax
eins oft og hann getur. „Ég vildi
fara oftar, en það fer mikill tími,
ekki síst þar sem mín veiðimiðstöð
er við Vesturdalsá í Vopnafirði. Svo
langa leið fer maður ekki fyrir
minna en 4-5 daga veiði. Veiðiskap-
urinn sameinar fjölskylduna, því
hún fer saman í veiði og stundumn
fer „stórfjölskyldan“ saman í Vest-
urdalsána.
Ef fáeinir veiðitúrar eru undan-
skildir, þá reynist Lárus Gunnsteins-
son vera einn af fjölmörgum viðmæl-
endum Morgunblaðsins í „Við-
skipti/atvinnulíf á sunnudegi" sem
gera varla annað daginn á enda, og
oft á nóttunni, en að vinna.
SUNNUDAGUR 1. OKTÓBER 1995 23
Ný sending
Kjólar - Blússur - Pils
Kynning á þessari
vinsælu litalínu
fer fram á
eftirtöldum stöðum:
MiðviUudaginn 4/10
Iðunnar Apótek, Domus Medica, kl. I 4:00
Fimmtudaginn 5/10
Kópavogs Apótek, kl. 14:00 - 18:00
Föstudaginn 6/1 0
Breiðholts Apótek, kl. 14:00- 18:00
testo mælitæki og búnaður
mælar fyrir:
. hita
. raka
. hávaðastig
. lofthraða
. sýrustig
. brennslugas
. Gagnaskráningartœki til stöðugs
eftirlits með hita-og/ eöa rakastigi
. Vatnshœðar- og hitamœlar
Prentarar, tölvutengi og hugbúnaður
til greiningar á gögnum og uppsetn-
ningar á töflu- og grafiskuformi.
VERKFRÆÐINGAR
Stangarhyl la, 110 Reykjavik
Sími: 567-8030, Fax: 567-8015

• Greitt reikninga.
NYJUNG
«
SPARISJÓÐUR KÓPAVOGS
Digranesvegi 10
•5
SPARISJÓÐUR MÝRARSÝSLU
Borgarbraut 1‘4, Borgarnesi
Brúartorgi 1 (Hyrnan), Borgarnesi
«
SPARISJÓÐUR VÉLSTJÓRA
Borgartúni 18 Síðumúla 1
Rofabæ 39