Morgunblaðið - 01.10.1995, Blaðsíða 38

38 SUNNUDAGUR 1. OKTÓBER 1995
MORGUNBLAÐIÐ
Dýraglens
Ferdinand
5URE, MARCIE..ANP I
SUPPOSE YOU ALREAPY
KNOU) WHICH C0LLE6E
YOU'RE 60IN6T0!
AND IVE ENROLLEP
MY THREE KIP5
IN PRE-5CH00L/
^Zr
Heyrðu, Magga ... förum Ég gerði það fyr- Auðvitað, Magga ... og ég Og ég hef innritað börn-
og kaupum skóladót... ir mánuði, herra býst við að þú vitir nú þegar in mín þrjú í forskóla!
í hvaða menntaskóla þú ferð!
BREF
TIL BLAÐSINS
Kringlan 1103 Reykjavík • Sími 569 1100 • Símbréf 569 1329
Vetrarstarfið
í Askirkju
Frá Árna Bergi Sigurbjömssyni:
í DAG, 1. október hefst vetrarstarf
Áskirkju. Breytist þá messutíminn
frá því sem var í sumar og verða
guðsþjónustur kl. 14 hvern sunnu-
dag í vetur en bamaguðsþjónustur
alla sunnudaga kl. 11.
í guðsþjónustunni á sunnudaginn
syngur Ingibjörg Marteinsdóttir
einsöng og Kirkjukór Áskirkju, sem
í ár hefur starfað i þijátíu ár, flytur
„Þitt lof, ó, Drottinn vor“ eftir Beet-
hoven. Organisti er Kristján Sig-
tryggsson.
Barnaguðsþjónustur verða á
sunnudagsmorgnum með áþekku
sniði og undanfarin ár. Barnasálm-
ar og hreyfisöngvar eru sungnir og
bömunum kenndar bænir og vers
og þeim sagðar sögur. Einnig er
stuðst við við nýtt bamaefni, Biblíu-
myndir með texta, sem bömin eign-
ast og smám saman mynda sam-
fellda myndskreytta sögu. Auk þess
fá afmælisbörn litla gjöf.
Eins og áður gat verða almennar
guðsþjónustur í Áskirkju hvern
sunnudag kl. 14. Fyrsta sunnudag
mánaðarins hefur Safnaðarfélag
Ásprestakalls kaffisölu eftir guðs-
þjónustuna en alla aðra sunnudaga
er kirkjugestum boðið upp á kaffi
eftir messu, en þær samverustundir
stuðla að auknum kynnum.
Líkt og undanfarin ár mun safn-
aðarfélagið gefa íbúum dvalarheim-
ila og annarra íbúa stærstu bygg-
inga í sókninni kost á akstri til og
frá kirkju annan hvorn sunnudag
frá og með næsta sunnudegi.
Félagsfundir Safnaðarfélags
Ásprestakalls verða mánaðarlega í
vetur og dagskrá fjölbreytt. Fyrsti
fundurinn verður þriðjudaginn 10.
október kl. 20.30. Meðal annars
verða sýndar myndir frá sumarferð
félagsins.
Æskulýðsfélagið Ásmegin
heldur fundi á mánudagskvöldum
kl. 20. Þeim samkomum stjórna
guðfræðinemarnir Hildur M. Ein-
arsdóttir og Hans G. Alfreðsson.
Starf með tíu til tólf ára börn-
um er hvern miðvikudag kl. ,17 og
stjórna guðfræðinemarnir Guð-
munda Inga Gunnarsdóttir og Unn-
ur Ýr Kristjánsdóttir því starfi.
„Opið hús“ er í Safnaðarheimili
Áskirkju alla mánudaga, þriðjudaga
og fimmtudaga kl. 14-17. Þangað
er allir velkomnir, jafnt yngri sem
eldri, en böm og unglingar eru þar
aufúsugestir, engu síður en þeir
sem komnir eru til ára sinna. Heitt
er jafnan á könnunni og starfsfólk
kirkjunnar til viðtals og aðstoðar.
í „Opnu húsi“ á þriðjudögum er
söngvastund, en ljóða- og sögulest-
ur á fimmtudögum.
Samverustundir foreldra
ungra barna eru á miðvikudögum
kl. 13.30-15.30. Umsjón með því
starfi og „Opnu húsi“ hefur Guðrún
M. Birnir.
Biblíulestrar verða í Safnaðar-
heimili Áskirkju á fimmtudags-
kvöldum kl. 20.30 í vetur, í fyrsta
sinn 12. október. Fram að jólum
mun sóknarprestur kynna og fræða
um nokkur lítt þekkt rit Biblíunnar
en eftir jól verða Davíðssálmar lesn-
ir og skýrðir.
Aðrir þættir safnaðarstarfsins,
svo sem tónleikar kirkjukórs og
fræðslukvöld, verða auglýstir síðar.
SR. ÁRNIBERGUR
SIGURB J ÖRN S SON.
Stuðnings-
yfirlýsing
Frá Helga Seljan o.fl.:
ALÞÝÐUBANDALAGIÐ hefur um
allangt skeið átt í innbyrðis eijum
af ýmsum toga, sem vissulega hafa
staðið því fyrir þrifum.
Þessvegna var það mörgu Al-
þýðubandalagsfólki mikið gleðiefni
þegar Steingrímur J. Sigfússon,
alþi.ngismaður, lýsti því yfír á síð-
astliðnu ári, að hann myndi bjóða
sig fram til formanns bandalagsins
í því kjöri sem nú stendur fyrir
dyrum.
Það sem Alþýðubandalagið þurfti
öðru fremur var samstaða og friður
og það var almenn skoðun að þarna
væri kominn frambjóðandi, sem
hægt væri að sameinast um, átaka-
laust.
Það er hins vegar staðreynd, sem
ekki verður umflúin að strax og
fleiri frambjóðendur koma fram á
sjónarsviðið, skapast togstreita og
metingur.
Steingrímur hefur sýnt það og
sannað á stjómmálaferli sínum að
hann er stefnufastur og fylginn
sér, víðsýnn og afburða verkmaður,
sem meðal annars kom fram í störf-
um hans sem ráðherra.
Sá málaflokkur sem okkur liggur
þyngst á hjarta eru trygginga- og
hagsmunamál öryrkja. Hvergi er
niðurskurðarhnífnum beitt af meiri
óbilgirni en á þeim vettvangi. Al-
þýðubandalaginu treystum við þar
best til varnar og nýrrar sóknar.
Við styðjum Steingrím til for-
mannssetu í Alþýðubandalaginu.
HELGI SELJAN,
Reykjavík,
SIGURRÓS SIGURJÓNSDÓTTIR,
Reykjavík,
ÓLÖF RÍKARÐSDÓTTIR,
Reykjavík,
BRAGIHALLDÓRSSON,
Akureyri.
Allt efni sem birtist í Morgunblaðinu og Lesbók verður framvegis varðveitt í
upplýsingasafni þess. Morgunblaðið áskilur sér rétt til að ráðstafa efninu það-
an, hvort sem er með endurbirtingu eða á annan hátt. Þeir sem afhenda blaðinu
efni til birtingar teljast samþykkja þetta, ef ekki fylgir fyrirvari hér að lútandi.