Morgunblaðið - 15.10.1995, Blaðsíða 24

24 SUNNUDAGUR 15. OKTÓBER 1995
MORGUNBLAÐIÐ
Morgunblaðið/Steingrímur
VERKEFNIÐ VARÐ
AÐ VERULEIKA
FYRIR RÚMU ári opnaði
Kristinn Már Gunnarsson
í borginni Trier fyrstu
verslunina í Þýskalandi er
selur fatnað frá danska fyrirtækinu
Vero Moda. Hefur verslunin gengið
mjög vel og segist Kristinn stefná
að því að opna fleiri verslanir í
Þýskalandi þegar fram líða stundir.
Kristinn Már segir hugmyndina
að verslunarrekstri hafa kviknað
með námi en eftir að hafa lokið
þýskunámi í Göttingen hóf hann
nám í rekstrarhagfræði við háskól-
ann í Trier. Samhliða námi starfaði
hann m.a. að ýmsum verkefnum
hjá Islensku auglýsingastofunni og
tók sér árs leyfi frá námi til að
gegna stöðu markaðsstjóra hjá
Gallup. „Ég fékk mjög margar hug-
myndir á þessum tíma og þá ekki
síst í gegnum allar þær upplýsingar
um markaðinn sem ég fékk hjá
Gallup í Evrópu. í Þýskalandi starf-
aði ég einnig að hinum og þessum
smáverkefnum á viðskiptasviðinu
og komst í gegnum þau í samband
við margt fólk.“ Meðal annars
komst hann í kynni við borgarstjóra
Trier, Norbert Neuhaus, er hann
var valinn í hóp háskólanema er fór
til Króatíu að gera úttekt á ferða-
mannamálum þar. I gegnum Neu-
haus komst hann í tengsl við vikur-
kaupendur og hefur reglulega farið
með slíka hópa til íslands í við-
skiptaerindum. \
Kannaði evrópska smásölu
„Hugmyndin að fataverslun kom
upp í tengslum við lokaverkefni er
ég vann í fyrrihlutanámi rekstrar-
hagfræðinnar. Verkefnið fjallaði
um smásölu í Evrópu og tók ég þar
fyrir strauma og stefnur síðustu ára
í tískufatnaði. Lokakafli verkefnis-
ins fjallaði svo um Trier og upp-
byggingu markaðarins þar.“
Kristinn Már segir að við vinnslu
verkefnisins hafi hann séð að ýmsir
möguleikar væru ónýttir í borginni
og stór göt í framboði fyrir ákveðna
markhópa. Hann hafi því ákveðið
að kanna þetta mál nánar. „Þeim
hópum sem best var sinnt var þeim
er vildu mjög dýrar og vandaðar
vörur og þeim er vildu mjög ódýrar
tilboðsvörur. Fólk á aldrinum
VIDSKIFn AIVINNULÍF
Á SUNNUDEGI
►Kristinn Már Gunnarsson opnaði í fyrra fyrstu
Vero Moda-verslunina í Þýskalandi í borginni Trier.
Steingrímur Sigurgeirsson ræddi við Kristin Má sem
segir verslunarreksturinn hafa byrjað sem verkefni
í rekstrarhagfræði.
15-35 ára sem vildi klæða sig vel
fékk hins vegar ekki það sem það
vildi. Á þessu eru líklega margar
skýringar. I raun var ekki eftir-
spurn eftir þessum vörum en þróun-
in í öðrum ríkjum sýndi þó að slík
eftirspurn ætti að vera til staðar.
Auðvitað var ég ekki sá eini sem
hafði tekið eftir þessi og ýmis fýrir-
tæki, má þar kannski helst nefna
Hennes & Mauritz, voru farin að
nýta sér þetta gat á markaðnum.
H&M opnaði ellefu stórar verslanir
í Þýskalandi á þess.um tíma og allar
slógu þær í gegn. Þá má nefna að
þýski markaðurinn er um margt
ólíkur markaðinum í nágrannaríkj-
unum. Hann er ekki eins nýjunga-
gjarn og fyrirtæki eru lengi að festa
sig í sessi. Menn eru því að taka
mikla áhættu með því að kanna
hvort hljómgrunnur sé fyrir nýjung-
ar. Fáir höfðu lagt út í þá áhættu
á þeim árum sem ég var að kanna
þetta enda bættist við efnahags-
samdráttur í þijú ár á undan.“
Það var þó ekki fyrr en á loka-
stigi undirbúningsins sem að Vero
Moda kom inn í dæmið hjá Kristni
Má. Hann segist hafa verið í við-
ræðum við nokkur fyrirtæki er
framleiddu tískufatnað en niður-
staðan að lokum verið sú að honum
leist best á Vero Moda. „Þeir voru
að gera bestu hlutina á þessum tíma
og þekktu greinilega sitt fag út og
inn. Vero Moda var líka komið með
verslanir í öllum nágrannaríkjunum
en ekki í Þýskalandi."
Ekki hægt án meðeigenda
Fram að þessu segir hann að
verslunarrekstur af þessu tagi hafi
einungis verið draumur á blaði og
í tölvunni hjá sér en hann hafi
ákveðið að láta reyna á hugmyndina
í raunveruleikanum. „Ég varð að
finna fjárfesta og tókst að finna
nokkra menn heima á Islandi sem
tóku mjög vel í þessa hugmynd og
voru reiðubúnir að koma inn í dæm-
ið sem meðeigendur. Þá studdi fjöl-
skylda mín dyggilega við bakið á
mér. Án þessa fólks hefði þetta
ekki gengið svona hratt fyrir sig
en það var kominn skriður á málið
strax upp úr áramótunum 1994.
Ég skilaði prófessornum mínum
verkefninu í janúar og búðin opnaði
1. júní. Þetta gerðist mjög hratt
eftir að hugmyndin hafði verið
mótuð. Ég undirritaði samning við
Vero Moda og fann heppilegt hús-
næði í miðborg Trier. Úpphaflega
stóð til að opna búðina í maí en
leigjendurnir sem voru fyrir voru
lengi að koma sér út og ég fékk
húsnæðið ekki afhent fyrr en 18.
maí. Þá kom vinnuhópur frá Dan-
mörku og reif allt út úr húsnæðinu
og má segja að húsnæðið hafi ein-
ungis verið fokhelt að því loknu.
Danirnii; lögðu nótt við nýtan dag
hvað vinnu varðar en einungis átta
dagar voru til stefnu. Þegar þrír
dagar voru til opnunarinnar, sem
búið var að auglýsa rækilega, stóð
ég í búðinni og var gráti næst þeg-
ar ég sá hvað mikið var enn óklár-
að. Ég var sannfærður um að þetta
myndi aldrei hafast í tæka tíð.
Danski verkstjórinn settist þá niður
með mér, rétti mér einn Tuborg og
sagði mér að slappa af. Það tryði
því aldrei neinn að þeir lykju verk-
um sínum á réttum tíma. Það stóð
hins vegar heima að þeir kláruðu
verkið klukkan fimm aðfaranótt
opnunardagsins en búðin var opnuð
klukkan níu um morguninn."
Kristinn Már segir þetta hafa
vakið mikla athygli verslunareig-
enda í nágrenninu og enginn hafi
trúað því að þetta væri hægt. Versl-
unin er í mjög góðu húsnæði við
göngugötu í miðborg Trier en þar
var lengi vel rekinn leiktækjasalur
er var þyrnir í augum jafnt borg-
arbúa sem verslunareigenda í ná-
grenninu. Danskur arkitekt hannaði
innréttingar verslunarinnar og var
stefnan sú að láta hinn gamla, upp-
runalega stíl hússins ráða miklu.
Öllum síðari tíma breytingum á
húsnæðinu var því hent út. Hafa
borgaryfirvöld jafnt sem sú borgar-
stofnun sem fer með málefni vernd-
aðra húsa lýst yfir ánægju sinni
með breytingarnar.
Tveimur vikum fyrir opnunina hóf
Kristinn Már auglýsingaherferð í
útvarpi og blöðum og fyrstu þijá
dagana eftir opnun gengu stúlkur í
blómakjólum um miðborgina og
gáfu yegfarendum blóm og bækl-
inga. I versluninni var svo boðið upp
á íslenskt sælgæti frá Nóa-Síríusi.
Vakti þetta mikla athygli á búðinni.
Borgarstjórinn flutti ræðu
„Opnunin heppnaðist hreinlega
frábærlega og við fengum send
blóm og skreytingar frá ótrúlegustu
aðilum. Við vorum raunar mest
hissa á því. Það koma þarna útlend-
ingar og opna verslun og þeim er
vel tekið undir eins. Borgarstjóri
Trier hélt ræðu við opnunina og
óskaði mér til hamingju með að
vera nú orðinn skattgreiðandi í
borginni en ekki námsmaður."
A heildina litið segir Kristinn
Már að sér hafi verið mjög vel tek-
ið. Hann finni ekki fyrir neinum
fordómum eða mismunun fyrir þá
sök að hann sé útlendingur. Slíkt
sé ekki til. „Ég hef strax frá upp-
hafí reynt að hafa samskipti við
aðra verslunareigendur í borginni
og það hefur borgað sig. Maður
verður að vita hvað er að gerast í
kringum mann ef maður ætlar að
standa í þessu. Ég er því meðal
annars í félagi verslunareigenda
sem fundar mánaðarlega og hef
reynt að gera mig sýnilegan þar.
Ég viðurkenni það fúslega að ég
hef mikið að læra af þessu reynslu-
mikla fólki því ég kom auðvitað inn
í þennan rekstur sem_. algjör ný-
græðingur.“
Lísa Kristjánsdóttir hefur starfað
við hlið Kristins í versluninni frá
upphafí og hefur hún séð um að
ákveða vörulínuna auk þess að
starfa sem verslunarstjóri. „Þetta
hefði aldrei getað tekist svona vel
án hennar. Hún er mjög næm á
fatnað og að auki fæddur verslunar-
stjóri. Lísa á líka auðveldara með
að setja sig inn í tískuna í gegnum
þýskar vinkonur sínar. Hún tekur
því allar ákvarðanir í þeim efnum
og hefur það reynst vel.“
Úreltar auglýsingareglur
Aðspurður um hvernig það sé að
reka verslun í Þýskalandi segir