Morgunblaðið - 18.10.1995, Blaðsíða 40

40 MIÐVIKUDAGUR 18. OKTÓBER 1995
MORGUNBLAÐIÐ
BREF
TIL BLAÐSINS
Kringlan 1103 Reykjavík • Sími 5691100 • Símbréf 569 1329
Friðarátak
kvenna
Grettir
Tommi og Jenni
Sigga Páls sló háan tón
um leið og ég fór fyrir
hornið.
Frá Guðbirni Jónssyni:
AF STAÐ er farið verkefnið „Átak
kvenna fyrir friði“, sem er í formi
bréfs til aðalritara Sameinuðu þjóð-
anna, þar sem konur heimsins
hvetja til friðar í heiminum. Átak
þetta á sér uppruna hjá fáeinum
konum á íslandi, sem, eins og segir
í bréfinu til Sameinuðu þjóðanna:
„Við konur heimsins höfum með
vaxandi hryllingi horft á óteljandi
sorgarsögur og harmleiki í hvetju
landinu á fætur öðru, afleiðingar
vitfirrta stríða."
Síðar í þessu bréfi segir einnig:
„Sá tími er kominn að við, sem
erum hinn helmingur mannkyns,
viljum ekki lengur umbera stríð og
ógæfusamar afleiðingar þeirra. Við
getum ekki lengur þagað þunnu
hljóði. Stríð hafa aldrei og munu
aldrei leysa vanda eða ósætti. Of-
beldi fæðir af sér ofbeldi. Það hefði
átt að lærast fyrir löngu.
Við konur heimsins sendum ákall
frá dýpstu hjartarótum til Samein-
uðu þjóðanna um, að þær boði leið-
toga allra þjóða til tímamótafundar,
sem hafa það að markmiði að finna
á einlægan og fordómalausan hátt
leiðir til að skapa varanlegan frið
á jörðu.“
Átak þetta er ekki ósvipað bréfa-
sendingum Amnesty International,
þar sem stefnt er að því að senda
sem fiest bréf á einn stað, til vernd-
ar mannréttindum.
Þetta friðarátak er þrýstingur frá
konum heimsins á varanlegan frið.
Bréf þetta hefur þegar dreifst um
flestar heimsálfur, þó aðeins séu
fáeinar vikur síðan það fór af stað.
Frá mörgum stöðum í heiminum
berast upphafskonum hvatningar-
og þakkarbréf, frá konum sem hafa
fengið friðarbréfið, frá vinkonum,
ættingjum eða samstarfsfólki. Það
er næsta ótrúlegt hve hratt þetta
dreifist.' Ætla mætti að þetta væri
að verða keppnismál milli landa,
um hve hátt hlutfall kvenna í hverju
landi taki þátt í áskoruninni.
Konur á íslandi
Þegar átak kvenna er á ferðinni,
hafa konur á Islandi ætíð sýnt að
þær eru með á nótunum og oftast
verið hvað fjölmennastar, þegar slík
átök hafa verið mæld á heimsmæli-
kvarða, sem hlutfall af fólksfjölda.
Er þar hægt að minnast kvenna-
dagsins, þó fleiri viðburði mætti
nefna.
Það kæmi mér ekki á óvart, þó
konur á íslandi tækju virkan þátt
í þessu verkefni, því samtakamáttur
kvenna virðist offeast vera fremri
okkar karlanna. Einkum á það við
þegar á ferðinni eru verkefni er
heyra til velferðar kvenna, barna
og gamalmenna. Fyrir slíkum verk-
efnum dofnar oft heyrn og áhugi
okkar karlanna.
Ein af þeim þrautum sem leysa
þarf við svona verkefni er dreifing
bréfsins til kvenna, sem víðast um
landið. Þetta er nokkuð kostnaðar-
samt, ef það ætti að gerast með
póstsendingum, en upphafskonur
þessa verkefnis hafa ekki leitað
fjárstuðnings til slíks kostnaðar.
Mikilvægt er því að fá sem fíestar
konur til að taka þátt í þessu átaki,
fjölfalda bréfið og dreifa því til sem
flestra kvenna í kringum sig. Slíkt
tryggir hraða og ódýra dreifingu,
ásamt því að auka samkennd
kvenna fyrir verkefninu.
Áskorun til karla
Flestir eigum við karlar mæður,
eiginkonur, systur, frænkur eða
vinkonur, sem við ættum að hvetja
til þess að vera með. Við ættum
að vera stoltir yfjr því að það skuli
vera konur á íslandi sem hafa
hrundið af stað þessu merka átaki,
sem þegar er farið að vekja at-
hygli um allan heim. Það gæti yljað
okkur pínulítið um hjartaræturnar
síðar, ef við gætum sagt með stolti,
að við hefðum hvatt konurnar okk-
ar til dáða í þessu verkefni. Það er
ekkert sem mælir á móti því að við
öflum okkur fáeinna eintaka af
þessu bréfi og dreifum því á meðal
þeirra kvenna sem við þekkjum.
Er ekki samvinna kynjanna besta
leiðin til varanlegrar hamingju? Ég
vil því skora á ykkur að leggja
hönd á plóginn. Konur okkar eiga
það skilið, svo lengi hafa þær þurft
að umbera vitleysuna í okkur, sem
nánast er að kollkeyra efnahags-
kerfi heimsbyggðarinnar. Minn-
umst þess að við erum fæddir af
konum, og að við getum illa án
þeirra verið. Styðjum þetta átak
kvennanna.
Hvar fæst eintak af bréfinu?
Friðarbréfið mun liggja frammi
í Heilsuhúsinu í Kringlunni og við
Skólavörðustíg í Reykjavík.
Á Akureyri mun bréfið liggja
frammi í Akureyrarapóteki.
Ef aðilar á öðrum stöðum á land-
inu hefðu áhuga og aðstæður til
þess að láta bréfið liggja frammi
fyrir þátttakendur, er þeim vinsam-
legast bent á að hafa samband í
síma 4627287.
Friðarbréfið er ritað á ensku, en
með íslenskri þýðingu á baksíðu.
Hægt mun vera að fá bréfið á öðr-
um tungumálum og er þeim sem
þess æskja, sem og þeim sem vilja
fá sent eintak, eða æskja frekari
upplýsinga, bent á að hafa samband
við íramangreint símanúmer.
Eg vænti þess einlæglega að sem
flestar konur taki þátt í þessu
merka verkefni og komi enn einu
sinni íslandi á spjöld sögunnar fyr-
ir merka atburði í heimssögunni.
Áfram konur, fylkið liði til friðar.
Er friðar við leitum, við fínnum hann helst,
hjá fjölskyldu, ættingjum, vinum.
Nú minnumst þess bróðir, sem i myrkrinu
kvelst,
og þess sem var myrtur af einhveijum „hin-
um“.
Við bindumst nú böndum, til bata það telst,
biðjum saman og þjáningar linum.
GUÐBJÖRN JÓNSSON,
Hjarðarhaga 26, Reykjavík.
Allt efni sem birtist í Morgunblaðinu og Lesbók verður framvegis varðveitt í
upplýsingasafni þess. Morgunblaðið áskilur sér rétt til að ráðstafa efninu það-
an, hvort sem er með endurbirtingu eða á annan hátt. Þeir sem afhenda blaðinu
efni til birtingar teljast samþykkja þetta, ef ekki fylgir fyrirvari hér að lútandi.